وعليكم السلام ورحمة الله وبركاته
شكراً لك أخوي جاري التحميل على الموضوع..
وهو موضوع جميل للنقاش ومعرفة وجهات النظر
في البدايه الصراحه انصدمت من انك تحب الأنيمي
لأني تووقعت انه إلي كاتب الموضوع..كاره شي اسمه أنيمي
المهم
يعني ماادري شقولك اول ماعرفت الأنيمي وكأني الحمدالله والشكر ماشايفه خير.. كأنه عشت طفولتي وانا محكوره بدون ماأشوف الرسوم
كان شي يدييد وودي استكشفه أكثر وأكثرفصرت مدمنه..يعني ماأقعد 24 ساعه أشوف انيمي ولكن تفكيري فيه ولكن النظريه تغيرت الأن ولله الحمد
واتقوقع أنه اي حد يبدأ يشتكشف عالم الأنيمي..يدمن عليه في بادئ الأمر..ومهما طالت المده يأتي اليوم إلي يشوف فيه هالشي عاادي
وتنحصر متابعته فقط للأنيمي إلي حبه..وإذا انتهى يبدأ بإختيار الأنيمي الثاني وهكذا..ولكن كل شي يكون بالمعقول..مب في اليوم الواحد يشوف 10 حلقات من 10 انيمي مختلف..
وحلو عيالنا يدورن عن الأنيمي..ولا عن شي ثاني لاسمح الله
وطبعاً مب كل الأنيمي يناسب للأطفال
وشي جميل من الكبار تنبيه الصغار انه هذه أشياء ليست حقيقيه لأنه عقولهم صغيره ويصدقون أي شي
بالنسبه للإستفاده من الانيمي..بتكلم عن نفسي وانت احكم>>وهذا شي ينطبق على الدراما بعد
كوني تخرجت من مدرسه حكوميه..ومعروف سابقاً أنه أغلب المدارس الحكوميه ماتهتم بإنجليزي..فهي ماده واحده ضمن 8 مواد عربيه وأحياناً أكثر
فكان مستواي الإنجليزي يعتمد على تعاملي مع الخدم لا غير ويعني انه مب ذاك الزود
الأنيمي والدراما(إلي ترجمتهم إنجليزيه) ساعدوني وايد و وايد في حياتي الجامعيه الي أغلبها انجليزي
وأيضاً تعاملي مع الناس إلي ماعندهم ماعرفه باللغه العربيه..وفي الكتابه والقرايه بعد
بدأت بالأنيمي الإنجليزي وكان همي فقط مشاهدة الأنيمي وكانت نسبة الفهم 70 %
ومع مرور وقت أقل من سنه أصبح 95 % ولله الحمد..فهذا أهم شي خذته من الأنيمي والدراما
شي ثاني..بدأت بتعلم بعض مفردات جديده من لغه جديده..وهذا شي جميل..وماأصدق احفظ كلمتين..أروح عند الأهل واذلهم بها واتخقق عليهم اني اعرف وهم لا:cool3:
وأيضاً انت ليس من متابعي الدراما ولكن في بعض منها مفيد وايد
شي ثالث الأنيمي يعتبر ماده ترفيهيه..فحلو الواحد يرفه عن نفسه ويتسلى
مب حاكر نفسه ومايرفه عنها
والحين تلقى واحد بالثلاثين هه يلحس الاربعين ويقول شفت الانيمي ذاك والله انه خطير اما الانمي الفلاني فهذا شي ثاني .. وواحد ثاني يسولفلك عن آخر انتاجات الأنمي شوي لا يطق فيه عرق من الحماس ..
هههههههه حلوه هاي يلحس الأربعين..اسميه تشبيه بليغ
و مب عيب هالكلام ياخوي..ماأدري جان تعرفون جورجي..ولكن منذ سنوات عرضوها على التلفزيون..فتفاجئت انه انه في أحد من خوالي يشوفها وخالتي أيضاً وهم كبار وتحتهم عيال ويتذكرون الأحداث..ويوم شافوني متعجبه قالوا لاتخافين نحن شايفينها ونحن صغار ومافيه شي ترى نعيدها ونحن كبار :smug2:
ونحن بعد نفس الشي..احين لو نشوف حد من يهالو العايله يشوفون بومبو وإلا ليدي وإلا أخي العزيز وغيرهم من الرسوم إلي نشوفها..نيلس وياهم ونشوف و نقول والله أياام تحيد فلان الحلقه إلي بيستوي فيها جييه..وتحيدون يوم كنا اني من المدرسه وعلى طول نشوف ليدي
وجييه من هالكلام
ولو تفكر فيها صحيح..يعني مافيها شي لو يشوفون ويتسلون ويرجعون ايام الخوالي..فهم بشر ومب نحن والصغار نتسلى وهم لا..جيه في ناس تلعب بالألعاب الألكترونيه ولا تتعجب من هالشي..وفي ناس تلحس الأربعين على قولتك وتلعب كوره..وهذا من وجهة نظري شي طبيعي
وفي النهايه..السموحه منك اخوي طولت في الكلام
ويعطيك العافية
المفضلات