"<<جوله في دوله>>"

[Qatari_Vip]

مساء الخير...

شحالكم ؟؟ ان شاء الله بخير :smug2:

يالله شدو الحيل وجاوبوا على اسألتي عشان اتعرف عليكم...:smile2:

نبدأ:

1. اي البلدان سافرت ؟
2.شنو احلى دوله زرتها وليش عجبتك؟
3. كيف كان تعامل الشعب معاك؟
4. ايش المناطق اللي عجبتك فيها؟
5.ايش المواقف اللي مريت فيها هناك ؟
6. ايش الايجابيات والسلبيات في هذي الدوله؟
7. هل ودك انك تزورها مره ثانيه وليش؟

واتمنى اشوف تفاعلكم :cool3:

[[Trend]]

مشكور اخوي Qatari_Vip

و باجر بكتب الرد كامل(مشغول الحين يالس اذاكر تطبيقات)

[Qatari_Vip]

مشكور اخوي Qatari_Vip

و باجر بكتب الرد كامل(مشغول الحين يالس اذاكر تطبيقات)

خذ راحتكــ:cool3:

[بطوط]

مساء الخير...

مسا النور ،، حبيبي قطريـنووو

<<لازم أول واحد يرد :cool3:

1. اي البلدان سافرت ؟

السعودية + الامارات+الكويت+البحرين+مصر+سوريا+برطانيا+فرنسا+أل مانيا+سويسرا .
(ألمانيا+سويسرا) وأنا صغير كان عمري 4 سنوات

2.شنو احلى دوله زرتها وليش عجبتك؟

لندن+فرنسا+الامارات
عشان وناسة الاماكن حلوة ونكون جماعة تصير مغامرات ووناسة

3. كيف كان تعامل الشعب معاك؟

السعودية : ماقد صادفت شخص وسولفت معاه ull8ay:
الامارات:والله شعب طيب
الكويت :شعب كوول والله
البحرين:شعبهم بعد تمام
عموما الدول العربيه كلهم زينين
خاصة مصر عجيبين :cool3:
لندن: امم مغرورين شوي بس في الامريكين وجذي اللي مقيمين واللي جاين سياحة تعرفت عليهم كانو فلا كوول
فرنسا : شعب مغررور ولاجيت تكلمهم انجليزي مايعطونك وجه :S ماحبيت الشعب
المانيا وسويسرا ماذكر

4. ايش المناطق اللي عجبتك فيها؟

دبي&لندن&باريس مناطق بالكويت بس ماعرف الاسامي

5.ايش المواقف اللي مريت فيها هناك ؟

اممم بالكويت اول يوم رحنا سوق شرق نتعشى ونتمشى ودخلنا السوبر ماركت ماسك السله وحطيتها بالارض قدام المرأه وهي عجوز وقالت لي هاو هاو ماتشوف قلت من اولها جذي بس بالاخير طلعوا كوووول
دبي مواقف واجـــــــــد ’’
مره كنا انا وأخوي العود في السيارة وطبعآ مودي سيارته معاه رنج ورايحين برج مـان وهو معلي الصوت على غنية دار التميمي حمـد وصفينا باركينج وكان اللي جنبنا بعد يصف باركينج وهو اماراتي وعرف انه من أهل قطر قال انتوا من اهل قطر قلنا اكيد قال ياحي الله هل الدوحة وجذي وتعرف على أخوي وصار ربع وطلع انه أمه من أهل قطر
لندن
وانا صغير كنت بلندن العب مع ولدخوي ابوي بالهايد بارك وفي بنت صغيرة قدامنا عراقية قطينا عليها رمل وراحت تصيح عند أمها وجات الأم قالت حق الشغاله بنتكم مانريد نشوفها عند بنتنا انا صحت ليش تقول لي بنت عشان شعري طويـل والخدامة عصبت عليها مصرية لسانها طويل
على بالها الهايد بارك مال أبوها :S
وامم تعبت

6. ايش الايجابيات والسلبيات في هذي الدوله؟

الحمامات بدول الأجنبيه ،، قذره ومافيها مكان للغسيل
مب مهتمين بالنظافه
الأكل يعني ننبه عليهم عن الخنزير وبعد يغلطون :S

7. هل ودك انك تزورها مره ثانيه وليش؟

اي اصلا كل سنه احنا بالامارات.

وودي اروح الكويت بعد وفرنسا
واتمنى اروح اليابان :cool3:
وشكرآ على الموضوع الحلووووووووووووووووووووووووووووووو

[DaNgEr GiRl]

1. اي البلدان سافرت ؟
شقيقتنا السعودية ( العمرة )

2.شنو احلى دوله زرتها وليش عجبتك؟
طبعاً السعودية لأني لين الحين ما طفت العالم لووووول

3. كيف كان تعامل الشعب معاك؟
شعب طيبين و كانوا أوكي ويانا و ما عليهم كلام

4. ايش المناطق اللي عجبتك فيها؟
المدينة

5.ايش المواقف اللي مريت فيها هناك ؟
أذكر أول ما شفت الكعبة قعدت أصيح لأني من زمان ما شفت الكعبة

6. ايش الايجابيات والسلبيات في هذي الدوله؟
لا توجد سلبيات

7. هل ودك انك تزورها مره ثانيه وليش؟
أكيد ، لأن خاطري أطوف الكعبة

[رياني]

السلام عليكم ورحمة الله وبركاته

1. اي البلدان سافرت ؟

السعودية والبحرين ومصر

2.شنو احلى دوله زرتها وليش عجبتك؟

مصر : عشان وناسه والأماكن الحلوه كثيره وفوق هذا لي أهل في مصر

3. كيف كان تعامل الشعب معاك؟

والله شعب طيب وعجيبين :cool3:

4. ايش المناطق اللي عجبتك فيها؟

القاهرة،الإسكندرية،الجيزة،الكورنيش،قصر قارون (المذكور في القرآن)

ومدينة الملاهي (دريم بارك) وأماكن غيرها كثيييييييره

5.ايش المواقف اللي مريت فيها هناك ؟

ما أذكر شي حاليا لكن إذا تذكرت أي موقف برد أكتب مره ثانية

6. ايش الايجابيات والسلبيات في هذي الدوله؟

المواصلات فيها شوية صعوبه خاصة إذا أركب قطاعي:hissyfit3:

7. هل ودك انك تزورها مره ثانيه وليش؟

:yes3::yes2::yes3:

شكرا على الموضوع الحلووووووووووووووووووو

[Ms . ALFREDO]

أنا رحت
الإمارات السعوديه والبحرين والأردن وبريطانيا
الصراحه كل مكان عجبني وفي أماكن كانت وايد حلوه
بس مأذكر أساميها ههههههههههههههه
وأحلى منطقه عجبتني في بريطانيا Black pool
ويسلموووووووووو على الموضوع الحلو

[keko]

1. اي البلدان سافرت ؟

ولا بلد ^^....السعودية وبس...


يا حظي جاوبت على كل الاسئله باربع كلمات...والله اني خطيره......خخخخخخخخخخخخخخخخخخخخخ

يعطيك العافيه اخوي...

[كليـ شموخ]

ممم نايسـ الموضوعـ .... ممممـ برد على الاسئلهـ بوقتـ ثانيـ <<< بزيـ












كليـ شموخـ ـ

[Qatari_Vip]

بطوطي حبيبي مشكور على الرد والله يعطيكــ الف عافيه

:cool3:

[[Trend]]

هلا قطري سامحني نسيت الموضوع بس بحاول باجر اكتب(لانه عندي امتحانات

[Qatari_Vip]

danger girl
مشكوره على الرد واتمنى انك تصيرين ابن بطوطه في المستقبل

:cool3:

[Qatari_Vip]

هلا والله بولد بلادي رياني
انا بعد رياني مثلكـ:smug2:

ومشكور الشيخ على الرد:cool21:

[Qatari_Vip]

أنا رحت
الإمارات السعوديه والبحرين والأردن وبريطانيا
الصراحه كل مكان عجبني وفي أماكن كانت وايد حلوه
بس مأذكر أساميها ههههههههههههههه
وأحلى منطقه عجبتني في بريطانيا Black pool
ويسلموووووووووو على الموضوع الحلو

هلا والله بالشيخه الغاليه..:smug2:
حياكـ الله ومشكوره على الرد:cool3:

[Qatari_Vip]

1. اي البلدان سافرت ؟

ولا بلد ^^....السعودية وبس...


يا حظي جاوبت على كل الاسئله باربع كلمات...والله اني خطيره......خخخخخخخخخخخخخخخخخخخخخ

يعطيك العافيه اخوي...

مشكوره على الرد وان شاء الله تزورين العالم في المستقبل

:smug2:

[Qatari_Vip]

كلي شموخ خذي راحتك الشيخه ومشكوره على المرور
حياكـ الله

:cool21:

[Qatari_Vip]

هلا قطري سامحني نسيت الموضوع بس بحاول باجر اكتب(لانه عندي امتحانات

لا والله افا عليكـ خذ راحتكـ الشيخ والله يوفقك في الامتحانات

:cool21:

[Neji]

السلام عليكم ورحمة الله وبركاته

أول مشاركة لي معك ، أرجو أن تقبلني كأخ وصديق لك كما بطوط ^^

1. اي البلدان سافرت ؟
2.شنو احلى دوله زرتها وليش عجبتك؟

جنوب شرق آسيا فقط

3. كيف كان تعامل الشعب معاك؟

ماقصروا أبد

5.ايش المواقف اللي مريت فيها هناك ؟

أذكر مرة شكوا فيني وحسبوني مجرم خطير ، وبغوا يسلموني للشرطة وأنا ما سويت شيء ، بس الحمد لله انتهى الموقف على خير ^^

6. ايش الايجابيات والسلبيات في هذي الدوله؟

هممم ، ايجابياتها كثيرة وبعد سلبياتها لكن من أكبر السلبيات الضرائب الكثيرة ، مدري كيف يتحملونها ><

7. هل ودك انك تزورها مره ثانيه وليش؟

طبعا ^^ ، المناظر وأشياء كثيرة رائعة

شكرا لك على الموضوع وفي أمان الله ...

[Qatari_Vip]

السلام عليكم ورحمة الله وبركاته

أول مشاركة لي معك ، أرجو أن تقبلني كأخ وصديق لك كما بطوط ^^

[/color]

جنوب شرق آسيا فقط

[/color]

ماقصروا أبد

أذكر مرة شكوا فيني وحسبوني مجرم خطير ، وبغوا يسلموني للشرطة وأنا ما سويت شيء ، بس الحمد لله انتهى الموقف على خير ^^

هممم ، ايجابياتها كثيرة وبعد سلبياتها لكن من أكبر السلبيات الضرائب الكثيرة ، مدري كيف يتحملونها ><

طبعا ^^ ، المناظر وأشياء كثيرة رائعة

شكرا لك على الموضوع وفي أمان الله ...

أووه ولد خالي محبوب لهدرجه ياروحي عليه

أكيد اعتبرك أخوي وصديق وكل شي
اممم المفروض توضح أكثر اب دولة
وليش مسكوك :oo7dt:
وتسلم على المشاركة أخوي

[Neji]

طيب ، آسفين ...

هي ماليزيا ...
والحادثة الطريفة هذي بدأت لما أخذت مفتاح السيارة من عند السواق عشان أحط الأغراض بالسيارة اللي كانت بموقف بأحد الأسواق ...
لا حظني صاحب الموقف ، وقفني وكلمني شويتين ، ما فهمت عليه ، فقلت له (بالإنجليزي) فشك فيني وحسبني كنت بأسرق ، فكلم مساعده وحبسوني بالمكتب ، بعدها حاولت أبرئ نفسي بأني سائح وووو ، لكن بدون فائدة >< وكانوا وقتها بيتصلون بالشرطة
المهم انتهت المشكلة بحضور معارفي اللي كانوا معاي وفهموهم كل شيء
شرحولي بعدها انه في لص مواقف سيارات يفتحها وينبشها وما قبضوا عليه ، عشان شذي شكوا فيني ^^

آسفين على المبالغة ...
سلام ...