خد بالك لازم تلفه / خدي بالك لازم تلفيه

[werdany_1407]

السلام عليكم ورحمة الله وبركاته

حياكم الله وبياكم وجعل الجنة مثواكم

موضوع النهاردة صغير أوي

عبارة عن كلمتين ورد غطاهم

طبعاً كلنا عارفين ان في الوضوء والغسل لازم المياه توصل لكل جزء لازم يتغسل

سواء الجسم كله في الغسل أو الأعضاء المخصوصة بتاعت الوضوء

وطبعاً منها اليدين

أكيد أغلب النساء إن لم يكن كلهن يلبسن الحلي

ومنها طبعاً الخاتم

وفي رجالة برده بيلبسوا خواتم فضة

طب ساعة الوضوء حد بيتأكد ان المياه وصلت تحت الخاتم

لازم ناخد بالنا من النقطة دي جدا جدا جدا

لأن لو مش لفينا الخاتم عشان المياه تدخل تحته يبقى كده الوضوء أو الغسل لم يصح

وبكده الصلاة برده لم تصح

دي نقطة في منتهى الأهمية لازم ناخد بالنا منها ونخلي كل اللي نعرفهم ياخدوا بالهم منها

فلازم ناخد بالنا أعزكم الله من اننا نلف الخاتم عشان المياه توصل للجلد تحته

حتى لو كان الخاتم ضيق

في رعاية الله ،،،

قال ابن سيرين لعبيدة : " عندنا من شعر النبي (صلى الله عليه وسلم) أصبناه من أنس "

فقال عبيدة : " لأن تكون عندي شعرة منه أحب إلي من الدنيا وما فيها "

قال أبو جحيفة : " خرج علينا رسول الله (صلى الله عليه وسلم) بالهاجرة ، فأتي بوضوء فتوضأ ، فجعل الناس يأخذون من فضل وضوءه فيتمسحون به ... "