اول شي السلام عليكم ورحمة الله وبركاته

ثاني شي اهلين وسهلين فيكم بموضوعي المتواضع واتمنى الاقي مشاركات فيه

انا حابة اتكلم اليوم عن بعض طالبات المرحلة الثانوية وعن كلامهم مع الشباب

طبعا انا جديدة على المدرسة وعلى الثانوي
هذيك المرة قاعدين نتكلم في المدرسة انا وزميلاتي بالفصل قامت وحدة منهم قالتلي يا فلانة كم واحد تعرفي ومع مين منهم تخرجي ؟؟ قلت لها كيف يعني كم واحد اعرف ((على نياتي مني فاهمة شي)) وانا اخرج مع اهلي يعني مع مين ابا اخرج
صارو البنات يضحكو علي قامت وحدة قالتلي يا نونوووو قلتلها خييير ايشش فيه ليش تضحكو قامت الثانية ردت علي قالتلي يا هبلة يعني كم واحد تعرفي شبااااب شباب ومين اللي تفضليه بينهم انا سطلت هنا قلتلها ما اعرف الا 3 اخواني وولد عمي كلهم شباب ماااتو من الضحك البنات قالتلي وحدة يعني ما تخرجي مع واحد تعرفتي عليه في السوق او المسن او النت وحبيتيه؟
قلت لها لالالا طبعا مستحيييل انتو تسووا كذا؟؟
قالتلي طبعا يااااايي على حموودي حبيبي والثانية تقول خلودي والثالثة عموري والرابعة بطيخ ومدري ايش انا صرت قاعدة زي الاطرش في الزفة على قولتهم ماني عارفة اتكلم لسا مصدووومة
قلتلهم يعني شي عادي عندكم ما تخافو اهاليكم يعرفو امهاتكم يدرو انكم تخرجو مع شباب
قالتلي وحدة عااادي انا ماما عارفة انا هنا كانو احد عطاني بوكس على راسي
قالتلي وحدة ياااااااي نونوووو قلتلها اكون نونو ولسا بالبيضة ولا اكون مثلكم
رجعت على البيت شويا وابكي قالتلي ماما اشبك لمن قالت هالكلمة كانها ضغطت زر التفجير
انفجرت بالبكا وقلت لها اللي صار انا ماني متعودة على هالشي فما بالكم اشوفو قدامي واسمع ايش سوو مع الشباب واسمع عن عمايل الشباب
تخيلووو اقلهم مستحييل يتزوجك يا غبية
قالتلي انا عارفة بس ايش اسوي تعلقت فيه وماني قادرة اسيبو يسوي اللي يباه
قالتلي ماما حتشوفي كثييييير من هالاشكال بالثانوي انتي كبرتي على المتوسط ورحتي ثنوي حتشوفي اشياء كثيييرة بس لا تحاولي انك تنجري معاهم

وهذي قصتي مع اول اسبوعين دراسة ((تحطييييييم من اللي شفتو بالمدرسة حاسة نفسي ابا اترك المدرسة من ورا هالبنات ))
ابغا حلول لهالمشكة وكيف اقدر اقنع البنات واغير وجهة نظرهم
واسفة على الاطالة
ت