بسم الله الرحمن الرحيم
في يوم كنت أنا وصحباتي اتجمعنا في بيت وحدة مننا وقلنا خلينا نقول الكويس
والوحش في كل وحدة فينا ،، لما كان دوري يتكلموا عني على طول وحدة قالت
"أكتر حاجة بتغيظني في فلانة -أنا- إنها أنتيمتها -صديقتها المقربة جدا- مش مصرية" !!!

أنا سكت استغراب من الكلمة لإني أول مرة أسمعها!
فسألتها "وهو لازم إني لما أكون مصرية تكون أنتيمتي وكل أصحابي مصريين؟؟"
قالت "ده الطبيعي"!!

واستمر النقاش بينا وانتهى إلى لا شيء ..

التحيز والعنصرية لأبناء البلد موجود عند ناس كتير الغريب إنه موجود ليه؟؟!!
على فرض إن الوحيدة اللي ارتحتلها أو حسيت شخصيتها قريبة مني مش من بلدي
هل المفروض بردو أقول لا دي من بلد تانية يبقى لازم ما أكلمهاش؟؟؟

وبعدين نقول وحدة عربية ووطن عربي ومعرفش إيه واحنا أصلا مش بنطبق الكلام ده في أبسط
تفاصيل حياتنا

تفتكروا احنا ليه بقينا عنصريين كده وكل واحد ياتبقى من بلدي ياتبقى عدوي؟؟