السلام عليكم ورحمة الله وبركاته
يمكن كثير منكم سمع بالمسج المقلب الي يقول :
( لو خيروني بين موتي وفرقاك بختار فرقاك تحسب الموت لعبة )
انا يوم الخميس طرى علي هذا المسج وكتبت هالابيات اتمنى تعجبكم .
لو خيروني بين موتي وفرقــاك بختـار موتي يمكن إني الاقيك
دام الأرض مافيها اثر لخطــاك أكيـد تحت الثرى يسكن معاليك
و أكيد انك واحد و وما معـــاك غير العمل والدعاء يونس لياليك
وأنا هنا يوم تطري علي طرواك ما غيردموع العين تنزل وثرتيك
يوم اذكر إني أنا كنت دنيــــاك كنت اصغر عيالك واكبر أمانيك
كنت البسمة إلي تزين شفــاك وكنت نور العين وضحكتي ليك
و الحين تواسيني بعد فرقــــاك مسبحتي الخضرا وسجادتي ذيك
هذي هي اخــــــــــــر هدايــاك اخــــر إلي أخذته من أيــــاديك
واحتفظت ببعض من بقايـــاك مســـك وعودة كانت حواليــك
يمكن تصبرني لين إني القــاك وتصبر القلــــب إلي يحتريــــك
لأنه مو مصدق انه ماعاد يراك ولاعاد يسمع همسك ولا يناديك
يبا وش هي حياتي بليــــــــــاك غير الم وحزن و قلـــوب تبكيك
يبا ماعاد اقدر ودي بلقيــــــــاك ودي ابــرد قلبي واطمــن عليك
وان كنت مستحيل ترجع لدنياك أبحفر انـــا قبري يمكن الاقــيك
.................................................. .................................................. .................................................. ..............
المفضلات