السلام عليكم ورحمة الله وبركاته
هطلت الامطار ظننا انها امطار خير وبركة زلم نعلم انها كانت كذلك
يوم الاربعاء كنا في مدينة رسول الله صلى الله عليه وسلم وفي الصباح تقريبا الساعة الثامنة اتصلت بي
صديقتي(ليان) تقول لي يافلانة ماشفتي المطر في جدة كيف مطر قوييييي ياريتك كنتي معانا حتى تشوفيه
بس يلا انتي في المدينة واكيد في مطر عندكم قلت لها اكيد المطر يجنن في المدينة ينزل ويوقف ماتعرفي متى ينزل بس حلو قالت لي طيب يلا اشوفك على خير رصيدي بدا يخلص والوالدة تبغاني قلت لها كلمتنا المعتادة انا وليان كووود باي يعني قود باي بس بطريقتنا
ليان ما كانت تعرف انو يمكن اخر مرة تناديها امها فيها
بعد ماقرينا الاخبار عن جدة يوم الخميس في الجرايد انا قلقت على ليان لان بيتهم قريب من حي قويزة المنكوب
دقيت على جوال امها ماترد على بيتها ماترد دقيت على جوالها ما حد يرد
حاولت اتصل اكثر من مرة ولكن مافي جواب
لمن رجعنا على جدة
يوم السبت دق تليفون البيت رد اخويا ولا يقولي تعالي في وحدة تبغاكي اسمها ليان
جريت عند التلفون
وقلت ليان وينك ماتردي قلقتيني عليكي
ليان تقدري تجيني عالمستشفى ال........
قلت لها طيب لبست العباية وراخ اخوي يوصلني انا وبنت خالي
في المستشفى قالت لي ليان باللي صار وقالت لي انو كل عيلتها راحوا في السيل اللي جا على جدة وهيا الوحيدة اللي قدرت تطلع
ليان جالسة عندنا بالبيت لحد ما تحجز طيارة توديها على عرعر عند عمها
وهيا اللي قالت لي اكتب الموضوع وتتمنى انكم تدعولها بالصبر والشفاء
طبعا هيا رجلها ويدها مكسورين
ليان الله يشفيكي ويصبرك ويبدلك اهل خيرا من اهلك
واسفة عالاطالة
المفضلات