السلام عليكم
بانتظارتك أخي شمس الإسلام وأسأل الله أن يوفقك بامتحانك القادم>>>> ما قرأته في توقيعك
الحمد لله عدنا بفضله وقبل التعقيب بالنسبة للامتحان الحمد لله لكن رسبت يعني كالعادة تركت كم ورقة فاضية .. لكن الله يعيننا ونعوض في الميد تيرم الثاني
قرأت القصة مرة ثانية وتأثرت من فعل هذا الرجل والله اخواني مقصرين مع امهاتنا وهم سبب وجودنا في الحياة ( بعد الله )
اخواني اسألوا انفسكم سؤال واحد : لو كنتوا مكانه هل ستفعلون مثله ؟؟
اتركونا من الاجابة المثالية التي نضحك بها على انفسنا اننا راح نسوي مثله واكثر بعد .
صدقوني الوضع غير سهل والحمد لله امهاتنا بخير وعافية ونحرص للاسف الشديد على اغضابهن وتزعيلهن على ادنى شئ .
ليه يا اخواني ما نعرف : سمي يمه ... من عيوني يمه ... آمري يمه ...
ولا جيت طالع اخوي الغالي ليه ما تكلف على نفسك شوي تروح لامك وتقول لها يمه توصين شئ تبين شئ اجيبه ؟
ليه اخواني نستخسر اننا نطبع قبلة على جبين امهاتنا ... ليش ؟ مو عيب ولا غلط ترى ..
ليه تسمع البعض يقول عن امه ( العجوز ) عندما يذكرها امام اصحابه وما ادري ايش يخسر لو قال عنها الغالية ..
ليش تستخسر على نفسك اخوي توقف يوم عند محل ورد وتنزل تشتري لامك باقة ورد وترفق معها بطاقة تكتب فيها ( كلمتين حلوين ) لامك ..
ليه ما توقف يوم عند محل عطور وتشتري لوالدتك عطر ولا دهن عود وتدخل البيت تسلم عليها وتحب راسها وتقول لها : يمه جبت لك هدية لكن تأكدي انه اغلى هدية ما تسوى غلاتك في قلبي . ( جربها وشوف كيف والدتك تفرح والله فرحتها ورضاها عنك تسوى الدنيا وما فيها ) واسأل مجرب ^^
ليش اخواني حتى اسماء امهاتنا في جوالاتنا مصيبة !!! ما ادري وش ينقص منك لو كتبت اسمها ( الغلا كله ) ( الغالية ) ( نور عيني )
مجموعة من الأسئلة اتمنى من كل انسان يجاوب عليها بنفسه ويفكر فيها يعني من يرى بر هذا الاخ بوالدته ويرى تقصيرنا والله يرثى لحاالنا الله يغفر لنا تقصيرنا ..
شكرا اختي على موضوعك وبارك الله فيكي على المواضيع المميزة دائما .
وآسف على الاطالة .... وعلى الكلام العامي الكثير لكن للاسف ما اعرف اعبر الا بالعامية
المفضلات