مشكوووووووووووووووووووور على الموضوع الرائع ..
و كلامك كله درر ..
من قبل فترة عندنا في البحرين كان في مباراة بين فريق النجمة و المحرق ..
و يوم النجمة سجلت الهدف الثاني الجماهير المحرقية نزلت للملعب و بعضهم بغوا يعتدون على الحكم ..
و في كرة السلة كان في مباراة بين الاهلي و المنامة ..
صار الملعب حلبة مصارعة ..
الضرب قام بين مشجعين الفريقين ..
السنة الماضية في المرحلة الاعدادية ..
كان كل اسبوع تقريباً لازم تقوم هوشة بين بنات المحرق و بنات المنامة ..
و النتيجة = بنات يغمى عليهم و اصابات و عداوات ..
و لا يفوتك في المدرسة الاعدادية نفسها من مدة قامت هوشة بين البنات بسبب واحد مشارك في برنامج غنائي ..
و لدرجة انه حتى اعرف وحدة قالت لي انه طافت عند المدرسة و سمعت صوت صراخ لبرا ..
و بنات اغمى عليهم من هالسالفة ..
بس الحمد لله الحين في الثانوي الامن مستتب و الاحوال مستقرة ..
و احنا من جم شهر كانت الانتخابات للمجلس النيابي ..
قامت الناس ما تركز على الكفاءة ..
اهم شي ان فلان من جماعتنا او نفس طائفتنا ..
و بعد كل المشاكل الي صارت و الي استدعت تدخل الشرطة و الشغب ..
و بعد ما وصل للبعض يحرقون الخيام الانتخابية للمنافسين ..
و النتيجة = مجلس ضعيف و برلمان غير معترف به من قبل الشعب ..
و هذه الدورة الثانية له و الناس بعد مو راضية تفهم انه المهم الكفاءة ..
تخيل الدورة الماضية هدوا كل مشاكل الشعب البطالة و المخدرات و قلة الرواتب و ارتفاع الاسعار ..
و سووا ضجة على حفلة نانسي عجرم ..
هذه نتيجة التعصب ..
مشاكل الشعب صارت كلها في الزبالة و ما بقى إلا نانسي عجرم ..
و انا من النوع الي ما عندي تعصب ..
و عندي قناعة انه الشي الي اقتنع فيه ممكن غيري ما يقتنع فيه ..
و العكس صحيح ..
الاختلاف في الرأي لا يفسد للود قضية ..
اكثر من مرة يكون فيه اختلافات بيني و بين صديقاتي سواء على اشياء تافهة او جادة ..
مثل اي الاحسن ديث نوت او كونان ..
صج اختلاف ما له داعي و صج احيانأً أعصب لكن بعدين اقول خلاص لي رأيي و لج رايج ..
مو شرط انا اقول انه كونان الاحسن يعني لازم الكل يقول هو الاحسن ..
و لا نطول في الخلاف ..
و نرجع سمن على عسل أصلاً ما نتهاوش حق نرجع سمن على عسل ..
احنا على طول مهما اختلفنا نظل حبايب ..
هذا ابسط مثال على انه لازم يكون فيه اختلاف ..
و المفروض ان الاختلاف شي طبيعي و صحي ..
و المفروض انه محد يكون متعصب و يراعي رأي غيره ..
و مثل ما قلت هذا مرض و بينخر بلادنا العربية ..
و بيتركنا على شفا حفرة من السقوط في الهاوية ..
و بعدين بنقول لاحفادنا " كان يا مكان كان يوجد وطن عربي يضم 22 دولة عربية "
تحياتي :
قلب الدنيا
المفضلات