موشي موشي

وعليــــــــــــكم السلام ورحمة الله وبركاته..

صراحة دخت..اليوم شيء تااااااااااني..صراحة اسفة بس ما فيا احاول اكتب بالفصحى رح اكتب اللي يجي على بالي..

الساعة تعدى 3 راسي مصدع..مادري احمد ربي على اني فتحت الكمبيوتر هذا اليوم واني دخلت المنتدى او اندم..ربي ربي اسالك العون..

ماني قادرة أنام..ولو نمت مادري رح أصحى أو لا.......

وانا اقرأ الموضوع ومشغلة أنشودة "غربــــــــــــــاء" من ساعتين واسمعه.. وتعرف السبب أخوي براق..^^"
صراحة انا ادخل في دي الموضوع وانا لسه ما استوعبت الاول وراسي مرة مرة مـــــــررررة ملخبط..ومادري ايش اسوي..><"

هذه الانشودة غيرت الكثير من حياتي..تفكيري..الله يدخل الجنة اللي كتبها واللي نشدها واللي حطها في جهازنا..لاني مو انا اللي نزلتو><..

-----------

الاناشيـــــد عالم ثاني..

وقبل ما اقول رأيي عنها..أحب أقول اللي اعرفه واللي سمعته عن هذه القناة..

أنا ما أعرف هذه القناة وصار لي مرة او مرتين او كثيييرا سمعته من صحبتي..<<هذه وحدة تموت بالاناشيد..
كانت دايما تقول لي قناة شدا روعة انتي عندك نت ادخلي على موقعها والخ..
بس صراحة احنا ما عندنا بالتلفزيون او انو انا ما شفته لاني ما افتح التلفزيون كثير..^^"

لكـــــــــــــن!! بعد هذه اللحظة سيتم العثور عليها ومتابعتها..XD

أنا ما أشك في صحة الكلام اللي انت كاتبه بس كلام صحبتي وكلام بعض الإخوة في الموضوع..
يعني لازم يكون لي رأي شخصي..^^"

وكمان بخصوص الموضوع شـــوي شديد ><"
هوا الكلام صح بس يعني لازم أول شي نتواصل مع القناة ووننصحهم..ما يصير نمسحهم بقلم واحد..
وصراحة مافي قناة 100% في نظري أبدا أبدا أبـــــــــــــــدا!! حتى المجد..
يعني من الكلام انا فاهمة انو القناة صار لهم اشياء مفيدة..وحتى لو لهم مئااات الاخطاء..

وكمان لو نظرنا من جهة..انه احد فتح شدا على انه يفتح روتانا خير له بس طبعا أفضل له بـ100 مرة انه بدل الاثنين يفتح مجد للقرآن الكريم^^"

وطبعا شي مرفوض جدا ان يقوم القناة ببث اشياء مخالفة للعقيدة..صح يمكن معاصي الانسان يتوب..يتصلح..لكن العقيدة..هذا اللي بقي عند العرب ما ضيعوه..ولو ضيعوه ماظن رح يبقى فيهم خير..

..اللهم لا ثبتنا على طريقك المستقيم..

----------

نرجع للاناشيد..

انا كنت اسمع اغاني..اول ما تركته صرت ابحث عن الاناشيد..يعني مدري بس هذا انسان..انسان..انسان..

يعني بحثت عن البديل وتحت يدي القرآن!

ما انكر..ومحا انكر..بس اقول الله يهديني..

بس بعد مدة..صار عادي..القرآن قرة عيني..والاناشيد للعظة والعبرة..واحيــــــــــانا..^^"

وطبعا اللي بالايقاع مرة ما خليته مسح على طول..بس اللي بقي بالمؤثرات..

وزي ما قال احد الاعضاء الاناشيد زي الشعر..لو كان كووولووو حرام كان الشعر حرام..

في حاجات مرة أثر علي من الأناشيد..وفي أناشيد لو سمعته قلت أعوذ بالله ايش هادا!!

يعني فييي وفييي..

الله يعينا في التفريق بين الصحيح والخطأ لأن هذا الزمان فتن فتن وربي من يمينك وشمالك وفوق راسك.. صحبتي تقول لي..انتي مطوعة..يــــــــع..>< مع انو انا ما اقول لنفسي اني مطوعة.. وماني مطوعة..
بس ان شاء الله اصير في يوم من الايام..^^"

<<لا تقل كيف هادي تصير صحبتك..الناس يتغيروا وإن شاءا لله تتغير..

المهم ما نطلع من الموضوع الاساسي<<وقد طلعنا منه..

صراحة انا شفت كثير من فوائد الاناشيد ولهذا ماقدر انفيها..وشفت من اضرارها..الله المستعان..

كثير من اللي اعرفهم تركوا الاغاني واتجهوا للاناشيد واصلا بعد مدة..النفس يستيقظ..شوي شوي يحتاج لمدة..للصبر..للتشجيع..يعني اذا ترك الاغاني هذا بنظري خطوة عظيمة..حتى لو كثر من الاناشيد لانه بعدها بنفس الطريقة رح يقلل من الاناشيد..

------------

ولو جينا لموضوع المنشدين..

رفقا يا اصحاب بالمنشدين..كلهم يحملون نفس..هوى..نحن نسميهم أناس..^^"

لو هم مسلمين انتهى الامر..نحبهم في الله..نحقد منهم افعالهم الخاطئة ونحب أفعالهم الجميلة..

من مدة سمعت عبارة وأعمل عليه.. لو شفت من انسان شي ما اعجبك قل.."أني أحبك لكن كرهت فعلك.."

كل انسان يقول بانه مسلم لا تستطيع ان تكرهه..هذا اللي انا تعلمته..لو مخطئة قولوا!

-----------

وكمان القارئ مشاري بن راشد العفاسي الله يجزيه الخير..حتى لو هو اخذ نقد من كثير ناس بالنسبة لي هو فكر وفكر وفكر لكي ينصح الناس وحاول وعمل جاهدا.. ولقي طريقته الخاصة لو اخطأ رح يواجه ربه يوم القيامة.. نحن ما علينا..غير الدعاء له..

وكمان تعرفوا طارق سويدان؟!

هذا الرجل كان منجد يعجبني..يعني ما تلاقي له محاضرة او شي الا وانا اسمعه..كان يعجبني..
طريقة تفكيره وكدا.. الحين مو مرة.. عشان له أخطاء كثيـــرة.. وانتقادات كثيــــرة.. لكن انا ما عليا.. اخد اللي يناسبني واترك اللي غلط..

واجبنا تجاه هؤلاء..فقط الدعاء لهم بالهداية..ومو انهم يتعذبون في نار جهنم ><"

-----------

وفي شي لازم اعلق عليه حتى لو خارج الموضوع..وهو

ايش معنى لو المنتدى منتدى انمي!؟!؟!؟!؟

يعني اللي يشاهدوا الاني ناس مو لازم نصحهم؟..

او انهم اناس رايحين فيها خلاص يعني؟..

بالعكس المنتديات الاسلامية ما لها داعي ان نروح ونشترك بمواضيع كدا فيها..
واحسن أخـــــوي براق بوضعه هذا الموضوع هنا..

حتى لو موضوع خلاف او شي..حتى اللي هنا مسلمين..لهم دين لازم يتمسكوا بها..قد يكون بعضهم منشغلين بالدنيا كثير..لكن كلهم تحت كلمة "الإسلام" ويجب نصحهم وهذا دَين عليك..ما دمت تعيش..ورح تسأل عنه يوم القيامة..

ما تعرف باي كلمة رح تنفع احد..

------------

وبعد كل هذا..جاري البحث عن الحقيقة دايما..في عمري حياتي كله في اي شي كان ما تبعت قول احد..ومحا اتبعه..انا اسوي اللي انا مقتنعة فيه واترك اللي انا مقتنعة بتركه..هذا هوا الطريق اللي انا سلكته..ورح اسلكه حتى لو خطأ..الين ما احد يقنعني بانه خطأ..^^"

القرآن متوفر في كل بيت..وكتب السنة في كل مكان..النت تحت يدك..والعلماء والمفتين سهل التواصل معهم..

وهذا دينك..وفي النهاية انت مسؤول عن نفسك..تروح تبحث وتتبع اللي تشوفوا احسن لآخرتك..هذا نصيحتي لكم..

وانطلاقا من هذه النقطة..أنا سوف أبحث عن الحقيقة..وإذا توصلت إلأى شي إن شاء الله أخبركم..وأفيدكم..

--------

الله يجزيك الخير أخوي براق الثنايا على الموضوع الجميل والرائع والمتعوب ويجعله في ميزان حسناتك يوم القيامة يوم لا..الله يوفقك في دنياك وآخرتك وإختباراتك..^^"

الله يثبت يا رب ويكثر من أمثالك..

إن شاء الله الدعاء سيظل دائم..^-^

وإذا اخطأت في شي..او اني كنت قاسية في كلامي..او صدر مني شي غير مناسب فانا اسفة..اتمنى التصحيح..والدعاء لي بالهداية..^^

ومـــــــرة آسفة على الرد الطويــــــــ"كأنه مو رد موضوع><"ـــــــــل..والله قعدت عليه اكثر من ساعة ><"

الله يعين القارئين..^^"

وسلامــــــــــــــــــــــــو,,,