يوميات شاب ملتزم

[عثمان بالقاسم]

جزاك الله خيرا .

وأخيرا عادت القصة بعد طول انتظار.

لا إله إلا الله ، أكملي بارك الله فيك.

[أم مودة]

جزاك الله كل خير
فعلا يوميات جميلة وتعبر عن الواقع بالفعل
ماشاء الله
مشوقة جداً
وياريت تكمليها
مع السلامة

[سُلوان]

اده اده من ورايا كده تنزليها ماشى ياسكرت
لولولييي الحمد لله انك هتكمليها
اه وجعت قلبى الحلقة الاخيرة دى اوى
فعلا فى ناس كده ربنا طابع على قلبهم تلاقيه بيحارب الدين واى حاجة تقربله
بجد زعلت اوى لان فى ناس كتير جدا زى معاذ
ربنا يبارك فيك ياعسل كملى كملى احنا وراكى

[بَلْسَم،،]

الحمد لله عادت الحلقات..

جزيتِ الخيرات سيكرت..^^
بالانتظار بإذن الله..
تابعي..

[لحن العذاب]

جزاك الله خيرا والله يبارك فيك

واخيرااا عادت اليوميات

so happy

كنت فقدت الامل بعودتهاا

متابعين معك انا والوالده واختي

بانتظار التكمله

واصلي بارك الله فيك

[secret girl]

عثمان بالقاسم
جزانا الله خيرا وإياك
وسأكمل إن شاء الله
طالما لا يوجد أي أعطال
شكرا لمرورك

جهاد النفس
جزانا الله خيرا وإياك
وسلمك الله من كل سوء
سعدت بمرورك

rahma tarek
أهلا وسهلا
أنا أقدر برده أنزلها من وراكي
و فعلا في كتير ب يواجه المشاكل
مع أسرته في الأمور الدينية
وربنا يهدي الجميع
سعدت بمرورك


secret_88
جزانا الله خيرا وإياك
وسأتابع إن شاء الله
سعدت بمرورك

لحن العذاب
جزانا الله خيرا وإياك
وبارك الله فينا وفيك
وطبعا
Iam so happy as you are so happy
وأتمني لكم قراءة ممتعة
سعدت بمرورك

[secret girl]

يا ترى أنتَ منهم ؟؟؟؟

أعتدل معاذ فى جلسته بعد أن طلب عبد الرحمن

منه أن يعيد عليه صفات الذين هم عبيد للنار

ثم قال :
طيب قبل ما نعيدهم عايزك تقيس كل
صفة على نفسك موجودة فيك ولا لأ
ماشى

عبد الرحمن :
ماشى .. أتفضل قول بأى

معاذ :
أول صفة " فَتَنْتُمْ أَنْفُسَكُمْ "
ومعلش خلى أول صفة دى معانا للآخر عشان محتاجة شغل جامد

عبد الرحمن :
أنتَ هتكروتنى من أولها ما هو يا تدينى البيعة على بعضها
يا اقوم امشى أحسن

معاذ :
بيعة إيه يا بنى أحنا فى وكالة البلح
ركزززز معايا

عبد الرحمن :
يا عم معاك بس أمشى بالترتيب

معاذ :
معلش خلينا ننقذ ما يمكن إنقاذه دلوقتى
ندخل على الصفة التانية والتالتة
" وَتَرَبَّصْتُمْ وَارْتَبْتُمْ "
ودول بأى لازم يتشرحوا مع بعض

عبد الرحمن :
أيوة كروتلى الأولنية وهتدينى الباقى بالجملة
قول .... قول أمرى لله

معاذ - مبتسما - :
عارف يعنى إيه واحد متربص مرتاب ؟؟
يعنى كل واحد بيشك فى وعود الله ورسوله صلى الله عليه وسلم
معندوش يقين فى ربنا

عبد الرحمن :
الحمد لله مين يقدر يشك فى ربنا
أهو إن شاء الله دى مش فيّه

معاذ :
أحنا قلنا إيه .... بلاش سربعة أصبر كدا
وخد مثال وبعد كدا أحكم

عبد الرحمن :
ماشى ... خليك كدا مقفلها فى وشى على طول
قول .. أما نشوف أخرتها

معاذ :
يعنى مثلا تقول للبنت بلاش مكياج وبلاش اللبس الضيق
تقولك حسن المظهر لازم فى أى شغل

تقول لها أو تقول لأى حد بيشتغل شغله حرام أو فيها شبهه
سيب الشغل دا وربنا هيرزقك شغل أحسن منه .
يقول لك
لأ .. ألاقى شغلانة غيرها الأول وبعد كدا أسيبها

عبد الرحمن :
طب ما هوَ طبعا معاه حق
على كلامك دا البلد كلها هتسيب أشغالها

معاذ :
أنتَ عارف يا عبد الرحمن دا عامل زىّ إيه ؟؟
زى إللى بيقلب الآية
ربنا بيقول " وَمَن يَتَّقِ اللَّهَ يَجْعَل لَّهُ مَخْرَجاً " الطلاق2

لأ هوَ بأى بيقول له أجعل لى مخرج الأول وأنا أتقيك
ربنا بيشترط التقوى عشان ينجيه وهوَ بيشترط على ربنا
أدينى الأول وبعد كدا أعمل
معندوش ثقة فى وعود الله ورسوله

طب خد منّى الحديث دا كدا على موضوع الوعود دا

قال رسول الله صلى الله عليه وسلم
" ثلاثة أقسم عليها
ما نقص مال من صدقة
وما ظلم عبد ظلامة فصبر عليها إلا زاده الله بها عزة
وما فتح عبدٌ على نفسه باب مسألة إلا فتح الله عليه باب فقر "

الرسول هنا بيحلف لكن المشكلة إننا مبنصدقش
لازم نشوف قدامنا الأول عشان نصدق

وخد القصة دى دليل على إللى أنا بقوله

عبد الرحمن :
هااااااااات

معاذ :

" كان فى واحد اسمه عثمان النهدى كان بياخد من بيت مال
المسلمين 15 دينار كل يوم -مرتب يعنى- المهم أنه كان
كل يوم وهو راجع البيت يتصدق بخمسة دنانير
ويخلى العشرة معاه ...
وأول ما يرّوح البيت يحط العشرة الباقين تحت المخدة ...
وينام
فكان أول ما يقوم الصبح يلاقيهم 15 زى ما همّا
وفى يوم قال لابن أخوه : يا ابن أخى لِمَا لا تصنع
مثل ما أصنع فتتصدق ببعض مالك وتجده فى الصباح كما هو
ولا ينقص

فقال له :
إن ضمنت لى ألا ينقص فعلت !!!
يعنى أضمن لى الأول وأنا أعمل زيك

شوف بأى الراجل دا قاله إيه

قال : يا بُنىّ إنى لا أشترطُ على ربى "

فهمت بأى هيَّ دى ... أحنا مترددين ...
بنرتاب فى وعود الله

عبد الرحمن :
بس هىَّ فين المخدة المُباركة دى إللى نحط
تحتها الفلوس 10 تبقى 15 إيه يا معاذ ما تقول
حاجة تتعقل ...

معاذ :
أنا مش بقول لك الكلام دا عشان تتريق عليه
أسأل أى واحد تصدق بمال ، المال رجعله أضعاف أضعاف ولا لأ
دا الرسول أقسم ...
مش بقولك أحنا مش بنصدق وعود ربنا

لو كنا واثقين فى وعود الله
كنا سبنا الأغانى والأفلام
مكناش نقطع فى الصلاة أو نأخرها
مكناش نضيع وقت

هاااااااا أنتَ من إللى أرتابوا ولا إيه

سكت عبد الرحمن بعض الوقت

ثم قال
: أنتَ مستنى منى إجابة ولا إيه ؟؟
خش على الصفة التانية شكل العملية خربانة من الأول

يتبع
.
.
.

[أم مودة]

أخيراً
جزاك الله خير
تعرفى أنا أعدت عليها جلسة واحدة على الجهاز
خلصتها كلها
ويا رب نستفيد من العبر اللى فيها
مع السلامة

[secret girl]

أخيراً
جزاك الله خير

جزانا الله خيرا وإياك

تعرفى أنا أعدت عليها جلسة واحدة على الجهاز
خلصتها كلها

شكلك قعدت فترة طويلة علي الجهاز

ويا رب نستفيد من العبر اللى فيها

يا رب
أميييييين

مع السلامة

سلمك الله من كل سوء

سعدت بمرورك

[سُلوان]

حلوة ماشاء الله الحلقة دى ومستنين الباقى
بس هى ليه قصيورة كده
بس على العموم جزاك الله خيرا على اكمالها

[secret girl]

معاذ :
طيب هسيبك تحاسب نفسك
ركزززززز معايااااااا بأى فى
الصفة إللى بعد كدا

" وَغَرَّتْكُمْ الأَمَانِيُّ "

ودى بأى مأساة المسلمين النهارده
الحسن البصرى قال إيه

قال:
" ليس الإيمانُ بالتمنى ولا بالتحلى ولكن ما وقرَ
فى القلبِ وصدقه العمل ، وإنَّ قوماً خرجوا من الدنيا
ولا حسنة لهم وغرتهم الأمانىّ وقالوا نحسن الظن بالله
وكذبوا لو أحسنوا الظن لأحسنوا العمل "

عبد الرحمن :
طب إزاى يعنى الواحد تغره الأمانى دى

معاذ :
زىّ إللى بنسمعه كل يوم

-يا عم دا ربنا غفور رحيم
- دى رحمة ربنا واسعة
- الدين يسر
- يسروا ولا تعسروا
- وكل ابن آدم خطّاء

كل دى أمانىّ

عبد الرحمن :
بس ياعم معاذ ربنا غفور رحيم فعلا
والدين بردو يسر
أنتَ هتعقدها ليه بس

معاذ :
ما هىَ المشكلة أن الكلام دا صح ،
لو أحنا مؤمنين بيه بجد كنا عملنا بيه
لكن أحنا بنقوله عشان نركن جنبه ونام

عبد الرحمن :
الحمد لله أنا مبسبش صلاة دلوقتى

معاذ :
مااااشى بس أنتَ بتشوفها دايما من جانب واحد ليه ؟؟
ما تقيسها على الجانب التانى لذنوبك ومعاصيك
هتلاقى نفسك محتاج كتير عشان تعوض

عبد الرحمن :
يا عم أنتَ محسيسنى أنى بعمل معاصى
متعملتش قبل كدا ..
فيه إيه يا عم أحنا بنعمل إيه يعنى ؟؟

معاذ - مبتسما - :
يعنى أنتَ مش عارف أنتَ بتعمل إيه
أصل دى فى حد ذاتها مصيبه
إن أنتَ ممكن تكون بتعمل ذنوب وأنتَ مش حاسس
أو بتعملها وفاكر أنك بيها بطيع ربنا

عبد الرحمن :
أنا مقدرش أقولك أنى مبعملش معاصى
بعمل آه لكن مش للدرجة يعنى ..
أنتَ مكبرها أوى

معاذ :
عارف يا عبد الرحمن أول سبب يخليك تعمل الذنب
أنك تستحقر الذنب وتفتكره صغير

يعنى أنت مش عارف المرأة إللى دخلت النار فى قطة
لا أطعمتها ولا تركتها

وواحد تانى دخل الجنة فى ********* سقاه من البير

وبعدين يا عبد الرحمن ما هو ربنا ممكن يشوف
من العبد استهتاره بالذنوب فيحاسبه بأى بالعدل

ويا سلام علينا وقتها هندخل النار من غير عزومه
لأنك لو قضيت عمرك كله فى عبادة وصلاة وصوم
متكفيش لشكر نعمة العين بس

فما بالك بالنعم التانية

عبد الرحمن :
بس بردو أنا مُصِر أن رحمة ربنا واسعة

معاذ :
لسه بردو بتاخد الموضوع من جنب واحد
ما تكمل الآية

قال الله عز وجل

" وَاكْتُبْ لَنَا فِي هَـذِهِ الدُّنْيَا حَسَنَةً وَفِي
الآخِرَةِ إِنَّا هُدْنَـا إِلَيْكَ
قَالَ عَذَابِي أُصِيبُ بِهِ مَنْ أَشَاء وَرَحْمَتِي وَسِعَتْ كُلَّ شَيْءٍ
فَسَأَكْتُبُهَا لِلَّذِينَ يَتَّقُونَ وَيُؤْتُونَ الزَّكَـاةَ وَالَّذِينَ هُم بِآيَاتِنَا يُؤْمِنُونَ "
الأعراف156

رحمته وسعت كل شئ
لكن هيكتبها للذين يتقون

طيب أنتَ من المتقين عشان يكتبهالك

هاااااااا أنتَ من إللى غرتهم الأمانىّ ولا إيه

عبد الرحمن :
بقول لك إيه ما هىَ العملية خربانة خربانة
أنا هقرف نفسى ليه ما كنت كويس من غير وجع
الدماغ بتاعك دا ....
ما الواحد لو مصلاش داخل النار
ولو صلى مش ضامن يدخل الجنة
طب هوجع دماغى ليه بأى

معاذ :
لأ خلى بالك أنا مش قصدى أنى أيأسك
ما أنا ممكن أقولك أنك هتدخل الجنة وعشمك أوى
بسيطة والأحاديث فى المواضيع دى كتيييير

لكن أنا بفتحلك أبواب الرحمة لكن بفتحه صح
مبضحكش عليك بكلمتين يغروك وفى الآخر
تلاقى
آية " وَبَدَا لَهُم مِّنَ اللَّهِ مَا لَمْ يَكُونُوا يَحْتَسِبُونَ " الزمر47

أوعى تتغر عشان دى من صفات عباد النار

عبد الرحمن :
طب يا سيدى مش هتغر خلصنى بأى

معاذ :
أخلصّك من إيه هو أنا ماسك النار فى إيدى
خلص نفسك بنفسك

عبد الرحمن :
هتستظرف خش على الصفة إللى وراها
بدأ عبد الرحمن يصيبه ملل من الحديث مع معاذ


ألأن كلامه شديد بعض الشئ ؟؟؟

أم لأن التزامه لم يكتمل بعد ؟؟؟؟

لماذا ذاك الأمر هيّن فى عينه وكبير فى عين معاذ ؟؟؟؟

مَن الصواب ومَن الخطأ ؟؟؟؟؟


وفى وسط الأفكار العارمة داخل رأس عبد الرحمن

أراد معاذ أن يكمل حديثه مع عبد الرحمن


لكن ....... فجأة

ياترى ايه اللي هيحصل


تابعونا في

ي
و
م
ي
ا
ت


م
ل
ت
ز
م

[أم مودة]

جزاك الله خير
كنت منتظراها من زمان
كملى وإحنا معاكى

[وليد موري]

يسلموا على الموضوع الرائع

وجزاك الله خير الثواب

وجزاك الدرين

وجعل ما نقلتى لنا فى موازين حسناتك يوم القيامه

ولا يحرمك الاجر والمثوبه

[عثمان بالقاسم]

جزاك الله خيرا .
أكملي بارك الله فيك.

[سُلوان]

جزاك الله خيرا وبارك فيك
كملى كملى احنا وراكى
ياترى ايه اللى حصل

[secret girl]

جهاد النفس
جزانا الله خيرا وإياك أختي جهاد
سعدت بمرورك

وليد موري
تسلم أخ وليد
جزانا الله خير الثواب وإياك
وشكرا لهذا الدعاء الجميل
ولك مثله إن شاء الله
شكرا لمرورك

عثمان بالقاسم
جزانا الله خيرا وإياك
شكرا لمرورك

rahma tarek
جزانا الله خيرا وإياك أختي رحمة
سعدت بمرورك

[M!ss memee]

مشكووره اختي على الموضوع الراائع,,

قي انتظار جديدك.,.

[secret girl]

M!ss memee
شكرا أختي علي المرور
ويسعدني أن تكون أول مشاركة لك هنا
سعدت بمرورك

[secret girl]

بدأ عبد الرحمن يصيبه ملل من الحديث مع معاذ

ألأن كلامه شديد بعض الشئ ؟؟؟
أم لأن التزامه لم يكتمل بعد ؟؟؟؟

لماذا ذاك الأمر هيّن فى عينه وكبير فى عين معاذ ؟؟؟؟
مَن الصواب ومَن الخطأ ؟؟؟؟؟

وفى وسط الأفكار العارمة داخل رأس عبد الرحمن
أراد معاذ أن يكمل حديثه مع عبد الرحمن

لكن ....... فجأة

جاء أحد الأخوة خلف معاذ يخبط على كتفه

قائلا :
شيخ معاذ فى واحدة واقفة على باب المسجد عيزاك ضرورى

معاذ :
وااااااااااحدة عايزاااااااااااااااانى
أناااااااا ؟؟؟؟؟؟؟؟

الأخ :
أه أنتَ ......... أمال أنا

عبد الرحمن :
إيه يا معاذ أنتَ مصاحب بنات من ورايا ولا إيه؟؟؟

معاذ :
بنات إيه أنتَ كمان دا أنا بصاحب
الصبيان بالعافية تقول لى بنات

عبد الرحمن :
أمال ميييين دى إللى عيزاك ؟؟؟

معاذ :
أدينى رايح أهو أشوف ميين
خرج معاذ وطبعا من ورائه عبد الرحمن ليرى من تلك الفتاه

وحين وصل كلاهما إلى باب المسجد

رأى عبد الرحمن
فتاه
تقفُ على استحياء بعيدا عن باب المسجد بقليل
وكان يبدو عليها القلق

وما أن رآها معاذ حتى أسرع إليها تاركا عبد الرحمن
واقفا على باب المسجد

وما ان اقترب منها حتى
قال :
سارة ..... إيه إللى جايبك هنا ؟؟
أنتى معندكيش محضرات النهاردة !!!!
فى حاجة حصلت !!!!!!

- كم مرة قلتلك متنساش تاخد موبايلك معاك
حرام عليكم والله إللى بتعملوه فيّه ده

معاذ :
فيه إيه قلقتينى حصل حااااااااااجة ؟؟؟

- أنا خلاص تعبت وفاض ما بيّه هلقيها منك ولا من أبوك
بالله عليك يا معاذ شفلك حل بأى معااااه
أنا بجد مش قادرة أستحمل
أكثر من كدا

معاذ :
فيه إيه بس فهمينى ... إيه إللى حصل ؟؟؟

- أبوك بيقرا فتحتك فى البيت

معاذ :
كام مرة قلتلك متقوليش قراية الفاتحة دى مسمهاش قراية فاتحة
أسمها خطوووووووووبة
أىّ حاجة تانية غير قراية فاتحة
قلتلك كذا مرة دى بدعة

- بدعة ولا سُنة بأى دى مش مشكلتى دلوقتى
بقولك أبوك عايز يجوزك بنت عمك شرين
وراسه وألف سيف أنه يجوزهالك

وباعت لعمى وقاعد معاه دلوقتى فى البيت وقروا الفاتحة
دا غير أنه بعتنى عشان أقولك تحود على خالد ابن خالتك
تلبسلك بدلة حلوة كدا من عنده وبعد كدا تيجى البيت
تشوف عروستك وتقعد معاها

تقول لى بدعة وسنة شوفلنا المصيبة إللى احنا فيها الأول

معاذ :
أنتى هتهزرى معايا ولا إيه شرين مين دى إللى
هيجوزهالى .......
على آخر صبرى أتجوز واحدة متبرجة ببنطلون
و
أستغفر الله هتخلونا نغتاب البنت من غير سبب
طب هىَ صحيح رأيها إيه ؟؟؟

- رأيها ؟؟؟؟!!!! ما أنتَ لسة قايلها واحدة ببنطلون
بالله عليك هتوافق تاخد واحد بذقن وبنطلون قصير

دى البنت ياعينى قاعدة تعيط وكأنهم حكموا عليها بالأعدام
ياعينى جاتلها هستيريا أسمها
مش عيزااااااااااااااااه

معاذ :
لما هىَ بتعيط أنا أعمل إيه !!!؟؟
أستغفر الله العظيم
ما هو أكيد فى ذنب أنا بعمله متبتش منه
عشان دا كله يحصلى

- طيب توب بأى مع نفسك وأدعيلى ربنا يرزقنى
بعريس كدا زيك عشان أسيب بيتنا دا وارتاح

معاذ :
تسيبينى لمين بس !!!!!!!
لبابا إللى لو عليه
يطردنى من البيت النهاردة قبل بكره

- على ما أعتقد أنه طردك خلاص أنا سمعتهم وأنا نازلة
بيحددوا معاد كتب الكتاب
وبعدين متخفش مش هسيب البيت قبل أنتَ متتجوز
ووصلك لبيتك بنفسى

معاذ :
أنتى ما صدقتى ولا إيه !!!!!! شمتانة فيّه
دا العذوبية أرحم
طب وبعدييييين هنعمل إيه

- قصدك هتعمل إيه ...... أنا ملياش دعوة
أبوك خصوصا ملياش معاه كلام وأنتَ عارف كدا كويس

معاذ :
أمى وحشتنى أوى يا سارة بجد وحشتنى
ربنا يرحمها بأى
ويجمعنا معاها فى الجنة

وما أن ذكر معاذ أمام أخته سيرة أمه حتى بدأت تترقرق من عيناها
الدموع وأدارت رأسها عنه لتخفى وجهها

وعندها وجدت عبد الرحمن ينظر إليها
بعينيه التى لم ترتفع عنها
منذ أن اتجه إليها معاذ ...

وعندما شعرت به يحملق فى وجهها
داعبها الخجل فأزاحت ببصرها عنه

وعادت لتقول :
معاذ أنا لازم أمشى وشوف بأى أنتَ هتعمل إيه ؟؟؟

معاذ :
طيب روحى أنتى وأنا هتصرف ربنا يستر !!!!

أنهى معاذ كلااااااامه مع أخته ساره وعاد إلى عبد الرحمن
يااااااترى ما تعليق عبد الرحمن على أخت معاذ ؟؟؟
وياااااترى معاذ هيتصرف إزااااااى مع أبوه ؟؟؟؟
ياااااترى إيه إللى هيحصل ؟؟؟؟

تابعونا
مع


يوميااااااااااااات ملتزم

[salsabile]

أول مرة أقرأ الموضوع النهاردة ...... بس مبسوطة جدا و عجبتني المقدمة و لسه لازم اكمل للآخر