رحلة عجيييبة أدخلو و شوفو الأحداث الطررررر

[ساساكي]

السلام عليكم يا أعضاء منتدانا الحبيب

اليوم العصر الله يسلمكم كنت رايحة كارفور>>> اللي فالعين
أنا و اخواني و عيال أخوي علاوي و حمودي سايرين ويانا>>أشطن ولد فالعايلة علاوي
على أساس أنا و خواتي بنتسوق و البقية تحت في عالم فتون
و يوم لعبو و كلو و خلصو
قال حمودي يبى يسير الحمام
راحت أختي توديه و بغتني أسير وياها
أنا الذكية شليت علاوي معانا>>و يا ليتني ما شليته
وصلنا حمامات النساء و عداله مباشرة حمام الرجال
دخلنا و خلص حمودي من اللي كان يبى يسويه
و علاوي تأخر و عقب طلع و قال: عموه مب حلو الحمام مال الحريم
وبدون لا أشوفه سار حمام الرجال>>ما انتبهت له ما شاء الله عليه حركاته معروفة انها خفيفة
و توهقت أنا و أختي
و تمينا واقفات عند باب حمام الرجال>>والله اللي يشوفنا ما أدري شوه بيحط في باله
وشوي و أنا بصيح و ريولي مش قادرة أوقف عليهن
يدخل واحد و يطلع واحد
و أنا و أختي >>>لله يا محسنين
بعدين الحمدلله خطف واحد هوه و ربيعه
جان اقوله: لو سمحت أخوي
قال لي: نعم أختي
قلت له: أخوي الصغور فالحمام
و ممكن تشوفه ما نقدر ندخل>>من الخوف قلت الصغور بدال الصغير
جان الله يجازيه خير يفتش كل الحمامات و طبعا طلع و قال لي ما حصلته أختي
عاد أنا هنيه وقف قلبي و ما قدرت أتحرك من مكاني
شوي أشوف الشباب ملتمين على الولد اللي كان يدور علاوي
تميت زايغة و أختي تهديني
و يانا الفرج>>الولد يركض صوبنا و يقولي حصلنا أخوج
و يوم سرت له لقيته لا عالبال و لا عالخاطر >> الحياة سعيدة
جان يلتمون الشباب عليه و يضحكون كيف انه يلعب و بريء مش داري شو مستوي
و أنا متقفطة في مكاني و مش عارفة شوه أسوي>> الحمدلله اني متغشية
آخر شي شكرتهم و صوتي فيه نبرة من الصياح>>و الله ضحكت على عمري يوم تذكرت

هذا أكثر موقف أخاف فيه لهالحد
لأنه كان مثل الأمانة علاوي عندي
فخفت واااااااايد

شو رايكم بالرحلة العجيييييييبة >>>إلا طرررررر

[woookazo]

خخخخخخخخخخخخخخخخخخخخخخخخخخ

اختي شنو هالرحلة هذي ، بصراحة الله يعييينك


والله ضحكت على القصة لو كنت مكانك جان دخلت حمام الرجال ودورته !!


طبعا عقب ما يقولي الولد انه ضاايع


الله يخليلكم علاوي الشيطان وعاقبوه عشان يتادب وما يعيدها مرة ثانية


دمت سالمة شكرا على الموضوع

[ساساكي]

شكرا حبيبتي woookazo
و الله ما قدرت أدخل لانه كان فيه رياييل
و الصراحة لو دخلت بيكون شكلي >>> هع هع هع
عالعموم شكرا عالمرور و الرد

[بطوط]

ههههههههههههههههههههههههههههههه

:err2: COOL علاووووي :cool3: ببوقـه وبخليه معاي بالشلــه

:embarrassed3: انا أشطن وأناصغير
تذكرت وأنا صغير ضعت بماركس سبنسر لنـدن كان كبير أكثر من 3 طوابـق كان عمري 5 سنوات كنت مع أمي وأخواني وكنت ابي اروح صوب الكوافـي (الجوكليت) وهم راحو صوب ثاني بعدين ضااع بطوط وتم يصيح :hmmm3: وتميت ادوور وأدور لين ماشافوني 2سعوديات قالو شفيك ليش تصيح قلت ابي اأأأأأأأأأأأأمي قالو شنو أسم أمك وشنو لابسه قلت فلانه بنت فلان لابسه تنوره سوده وعبايه وبعدين نادو عليها وجات امي :hmmm3: وقبل مايشوفني في عجوز اعتقد من جنسية فلسطينيه كانت تبي تاخذني معاها تخطفني :oo7dt: :hissyfit3: الحمدلله السعوديات انقذوني:hissyfit3:

:cool3: خخخخخ طولت عليج

وشكرآآآ على القـصه الحلوه وأن شاءالله دوم علاوي يسوي فيج مقالب عشان تقولين لنـا :tongue3:

[ساساكي]

خخخخخخخخخخخ
موقفك واااايد يضحك شكلك دبدوب>>رايح صوب الحلويات
بسني خلاص آخر مرة لا عشان اخبركم ولا شي>>شرير بطوط
بس ياويلك لو شليته ترى أخوه حمود ما يستغنى عنه
و ما شاء الله ترة حمودي فالدرب و يصير مدرب عالشطانة على ايد علاوي
هع هع هع هع

ثانكس أخوي بطوط عالمرور و القصة

[DaNgEr GiRl]

هههههههههههههههه

مشكلة هاليهال

عاد أنا لما أطلع أي مكان لازم يفرون هالصغارية عندي و يقولون لي روحي لعبيهم لأن أنا الوحيدة اللي أعطيهم سالفة

من صوب وحدة تقول لي خالو أبي ألعب هذي و واحد يقول عمو أبي فراخ و وحدة تسحب شيلتي و عبايتي و وحدة تصيح

مرات أفرهم كلهم في قفص و أروح أشتري لي بدل لما يخلصون أطلعهم

قبل كنت حنونة عليهم لين ما انولد ولد إختي هالصغير و جلب الدنيا معاه استويت عصبية

بس حلووووووووووووة قصتج أنتي و علاوي الشيطان

طلعي العين الحمرة عليه

<<<<<<<< شريرة

مشكوووووووووووووورة على القصة المضحكة

و السموحة على الإطالة

[المتحري الذكي]

لو كان هذا علاوي معاي وسوى هذ المقلب جان
ذبحته وخلتيه يندم انه يى معاي

[ساساكي]

احليلج نفس حالتي
بس شفتي كيف كل اليهال جيه>>الا علاوي شيطان زيادة عن اللزوم
و الله يعينج على ما بلاج>> نفسي

وشكرا عالمرور اختي DaNgEr GiRl

[ساساكي]

لا حرام ما يهون عليه أذبحه >> جنه صدق الحين هع هع هع
و ان شاء الله ما يكون حد عندكم فالعايلة نفس علاوي شيطان
والله و طلعت شرير >> هع هع هع

شكرا اخي المتحري الذكي عالمرور

[ران]

لله عجييييييييييييب سوالكم مغامرات :yes2:

[ساساكي]

إلا مغامرات و أرهابات بعد>>>هع هع هع

تسلمين اختي ران عالمرور

[جنى الورد]

الحمد لله ما ني مكانك
يمكن لو مكانك كان علاااااااوي جاء على صياااااااااااااحي
ترااااااني في الخوف بآخذ المركز الأول
والله يحفظه لكم يااااااااااارب
وانتبهي له خلااااص
أختك/ جنووو

[بطوط]

خخخخخخخخخخخ
موقفك واااايد يضحك شكلك دبدوب>>رايح صوب الحلويات
بسني خلاص آخر مرة لا عشان اخبركم ولا شي>>شرير بطوط
بس ياويلك لو شليته ترى أخوه حمود ما يستغنى عنه
و ما شاء الله ترة حمودي فالدرب و يصير مدرب عالشطانة على ايد علاوي
هع هع هع هع

ثانكس أخوي بطوط عالمرور و القصة

:rolleyes5cz:شفتي صورتي وانا صغير حاطهـا

هههههههه لا غصب بتقولين :cool3: فلا علااوي:cool3:

[kaka show time]

الحمد لله إنكم لقيتوووووووووه

يااااااااااااااااه لو صار لي ذا الموقف إيش كان راح يصير فيني

الحمدلله ما صار و إن شاء الله ما يصير