يوميات شاب ملتزم

[secret girl]

السلام عليكم ورحمه الله وبركاته
اللهم صلى على سيدنا محمد وعلى آله وصحبه وسلم
تحيه طيبه للجميع وبعد

فأنا قررت انى ان شاء الله انقل لكم حلقات مسلسل جميل جدا

حكاياته من الواقع اللى احنا عايشينه

وبجد ممكن يكون اى حد مننا بطل فى القصه ديه

مش هطول عليكم اوى
بس دى مقدمةالمسلسل
لو عجبتكم هابدأ إن شاء الله احط الحلقات
فى انتظار تفاعلكم


مقدمة

يوميات شاب ملتزم

ابتلينا فى عصرنا هذا بالمسلسلات فتجد انه قل ان يكون بيت لايتابع فيه احد افراده مسلسلا بأنتظام ويرون أنه للتسلية أما أصحاب الفكر الراقى فيقولون أنه إفاده وتغزيه للعقل وغير ذلك مما تعرفونه

فكرت ان يكون لنا نحن مسلسلا خاصا بنا لكنه مكلل بآيات القران الكريم ، ومزين بأحاديث رسول الله صلى الله عليه وسلم ، وحلى بأبيات شعر وكلام للسلف وفوائد من هنا وهناك

ملخص المسلسل للدعاية:
قصة حياة شاب ملتزم فهو مثالى الى ابعد مانتخيل لكنه فى ذات الامر واقعى جدا سيمر بما نمر عليه جميعا من فتن ومشاكل سيحب ويكره ويغضب ويفرح وسنرى كيف سيعالجها فهو شاب كالشباب وسنرى ماذا يفعل فى مشاكل الشباب
وما أدراك ما مشاكل الشباب

القصة ليست خيالية بل هى واقعية جدا قد تجد او تجدى تشابها كبيرا بينها وبينك فى كثير من أجزائها

سنصنع معا حياة هذا الفتى الرائع الملتزم حقا ونجعله لنا قدوة حية

[[ اللــيـــث ]]

فكرة جميلة جدا جدا

وباذن الله تكون مفيدة

شكرااااااااااااااااااااااااا على الموضوع الجميل

ننتظر القصة

اخوك

ســــامـــر

[أفق]

فكرة رائعة بس نبي أحداث بوليسية وقتل وقتيل >>> إذا ما فيه إزعاج

[zimaxo]

السلام عليكم ورحمة الله

مـا شــــــــــــــــــــــــاء الله ، تبارك الله.

امضِ أختاه ، لا فض الله فاكِ و حفظ الله أناملكِ .

ونحن في إنتظار المسلسل ^^ .

ومستعدون للمساعدة بأي شئ و في أي وقت .

بارك الله فيكِ و في والديكِ وحفظكِ من كل سوء .

[rosy_rose]

شكرا يا اختي على طرح الفكرة المميزة... ان شاء الله ربنا يوفقنا ويوفقك على تنفيذ الفكرة...

[دروبي]

وعليكم السلام ورحمه الله وبركاتهــ...&&
فكــرهــ جيده ومفيده ورائعهــ....
ومثل ماقال الاخــ....&&
اذا تبين مساعدهــ لا تترددين الطلب منا...^^...
||"":://،،||~~دروبي ||"":://،،||~~

[أميرة البحر]

جزاك الله خير
على موضوعك المفيد
بانتظارها

[زهرة الخيال]

فكرة والله رااااااااااااائعة
جزيتِ خيراً أختي الغالية
بانتظار اليوميات

[هلوله]

مششكورهـ عـ الفكــرهـ الحلووهـ ^^

وآتمنى آنك تسسوين مقارنآات بين الملتزم و الغير ملتزم

ودّي

[yoyo cute]

مشكوورة اختي على الفكرة المبدعة ونحن في انتظار المسلسل

yoyo cute

[سُلوان]

جزاك الله خيرا وان شاء الله مستنية اليوميات ربنا يوفقك حبيبتى

[secret girl]

الأخ samer_zx
شكرا علي مرورك ويا رب تعجبكم القصة

الأخ أفق
شكرا علي مرورك
ولكن القصة أحداث واقعية وليست بوليسية

الأخzimaxo
شكرا علي مرورك
وشكرا علي الدعاء الجميل وشكرا علي تقديم المساعدة

الأختrosy_rose
شكرا علي مرورك
وربنا يوفقنا جميعا إن شاء الله

الأخ دروبي
شكرا علي مرورك
شكرا علي تقديم المساعدة

الأخت أميرة البحر
شكرا علي مرورك
وجزانا الله خيرا وإياك

الأخت زهرة الخيال
شكرا علي مرورك
وجزانا الله خيرا وإياك

الأخت هلوله
شكرا علي مرورك

الأخت yoyo cute
شكرا علي مرورك

الأختrahma tarek
شكرا علي مرورك
وجزانا الله خيرا وإياك

[secret girl]

بسم الله الرحمن الرحيم



يلا يا جماعة كلاكيت أول مرة
هنبدأ التصوير
ملحوظة : ألحق العرض الأول ولا تبقى للأعادة



بعون الله نبدأ
على بوابة الألتزام



فى احدى شوارع الأسكندرية تقف عمارة شامخة
وفى إحدى طوابق هذه العمارة تسكن أسرة مصرية بسيطه تتكون من خمسة افراد
اب : موظف عادى فى احدى الشركات
ام : ربة منزل
اخت : عائشة
واخ: بطلنا الهمام ( عبد الرحمن)
واخت صغرى: فاطمة

الساعة الثامنة صباحا

ام عبد الرحمن: قوم ياابنى تعبتنى معاك اول يوم فى الكلية ومش هتروح
عبد الرحمن: حاضر ياماما قايم اهه ربع ساعه بس
ام عبد الرحمن: خلاص براحتك انا زهقت منك تروح ماتروحش انت حر

بعد نصف ساعة

عبد الرحمن: صباح الخير ياست الكل
ام عبد الرحمن : اهو هو ده الى واخدينه منك روح الكلية بقى مش من اولها كده
عبد الرحمن: حاضر اعتبرينى روحت خلاص

بعد ساعة من اللكاعه نزل من البيت
أنتظر الاتوبيس طويلا وفى النهاية أتى الاتوبيس لكن بعد ان قضى وقتا ممتعا من الافأفة( اف اف)
ركب صاحبنا الاتوبيس وماأكثر الزحام وطبعا لم يسلم من واحده صاحية متأخر ومتعصبه وهى رايحه الشغل
وواحد مراته واخده منه مصروف البيت ومنكده عليه على الصبح
ومتخدش فى بالك طبعا اللى قاعدين على الكراسى فكلهم طالعين رحلة لا ينزلون إلا فى نهاية الخط



المهم انتهت معركة الاتوبيس بالفوز المبين ووصل للكلية
حينما رأى سور الجامعة عادت به الذاكرة الى الوراء شهورا ياااااااااااااااااااااه خلصنا خلاص من الثانوية العامة وتعبها اخيرا دخلنا الكلية أهى هيه دى الحرية ولا بلاش
أخيرا هنعشها صح




خطى اولى خطواته داخل الجامعة وعلى البوابة....



الحارس: اين الكارنيه؟
عبد الرحمن: انا لسه سنة اولى
الحارس: طيب وياريت تبقى تعمله ماتنمش عليه
دخل عبد الرحمن وهو بيقول: هو ماله الأخ فى حد مزعله؟



ظل يبحث طويلا عن جدول المحاضرات ليدونه فوجده اخيرا ودونه
فهو لا يعرف حد فى الكلية فالشلة الكريمه بتاعته غالبهم لم ينجحوا الجزء الاخر التحقوا بمعاهد خاصة
وصل الى المدرج وجلس
الساعة الأن 12: 30 دقيقة
بدأ الدكتور فى الترحيب بهم وخلاف ذلك مما يتحدث فيه الدكاتره اول يوم



وفجأة إرتفع آذان الظهر
لم يهتز لاخينا عبد الرحمن طرف(فهو بعد لم يلتزم)
حدثه احد الاخوة بجواره يبدو عليه الالتزام
الن تصلى يااخى؟ضحك):
طيب والمحاضرة؟
هنستأذن ونرجع على طول
امممممممم اصلى مش متوضئ
تعال ننزل ونتوضئ من مسجد الكلية
معلش اتفضل انت عشان ماضيعش المحاضرة
آل يعنى الولا هيقطع نفسه مذاكرة من أول يوم


براحتك بس عايز اقلك حاجه النجاح يبدأ من المسجد ربنا يهديك

وقال صاحبنا فى نفسه:
هو فيه ايه؟ ليه كل ده؟ ماعلينا
انتهت المحاضرة وعاد عبد الرحمن للبيت




الام : اهلا ياعبد الرحمن اخبار الكلية ايه؟
عبد الرحمن : كويسه بتسلم عليكى
الام: مالك فى حاجه ؟
عبد الرحمن : لا عادى هاتيلى اكل يأكل ):
اتغدى صاحبنا ودخل لينام تقلب على السرير بعض الوقت يشعر انه مخنوق أهو هتقول إيه فاضى بأه لايعرف لماذا هذا الشعور الح على نفسه بالنوم لعله يستيقظ وقد ذهب عنه الذى يجده فى صدره
استيقظ بعد ساعات ولم يذهب مابه
مبدهاش أقوم احسن أفتح النت
قضى الليل كله امام النت وقبل الفجر بساعة
نام............... ولتشتكى يافجر من عبد الرحمن
فى الصباح حان وقت الكلية وحانت ايضا معركة الاستيقاظ بعد نهاية العراك استيقظ وهو متأفف ولا يطيق أن يحدثه أحد
ذهب للكلية ودخل المدرج ولم يلتفت حوله لانه بعد لم يستيقظ من النوم



نبهه اخ بجواره بقوله : السلام عليكم يااخى انا محمد وانت؟
انا : عبد الرحمن
محمد: ماشاء الله اسمك جميل جدا ماتتصورش انا بحب اسم عبد الرحمن أد إيه معناه حلو اوى من الرحمة واحنا محتاجين للرحمة جدا فى أيامنا الوردى دى ضحك):
عبد الرحمن: بدى عليه علامات التعجب ولا جواب!!!
محمد : انت مضايق عشان انا بكلمك ولاحاجه
عبد الرحمن : لا انا مضايق لوحدى
محمد: طيب ممكن نبقى اصحاب وتفضفضلى ؟
عبد الرحمن: ممكن نبقى اصحاب!!!
محمد : طيب ممكن تأخد منى الشريط ده عربون صداقة
عبد الرحمن: أخده منه ولم ينظر حتى فى اسم الشريط" شكرا"
وحان وقت صلاة الظهر
محمد: يالا يابطل ننزل نصلى اكيد لما تصلى هتبقى تمام
عبد الرحمن: هبى تمام ازاى يعنى؟
محمد : لأن الله عز وجل قال ( ألا بذكر الله تطمئن القلوب ) والصلاة من الذكر يبقى قلبك هينشرح لما تصلى مش انت بتصدق ربنا
عبد الرحمن: ايوه ونعم بالله بالله
نزل صحبنا معاه وهو طبعا مبلم مش فاهم إيه الحكاية
لماذا يريد هذا الشاب أن يصاحبنى هو يعرفنى منين وعايز ياترى منى إيه
ونزلا الى المسجد
وعند دخولهم للمسجد
وقعت عينه على شئ غرييييييييييييييييييييب جدا
أتفجع أول ما شافه


ياترى ما هو؟؟؟؟؟؟؟؟؟؟؟؟؟



ياترى ماذا سيحدث لعبد الرحمن
وإيه الشىء الغريب ده
إنتظرونا فى الحلقة القادمة


ادينى وفيت بوعدى
ممكن بقى
تدعولي

[ران..]

جزاك الله خيــــــــــــــــر وجعله الله في موازين حسناتك..

[عثمان بالقاسم]

جزاك الله خيرا على الموضوع.

ذكرتيني بأيام الجامعة ، وخصوصا قصة الأطوبيس كان يتأخر كثيرا ناهيك عن الإزدحام بين الطلبة والطالبات والإختلاط الحاصل فيه والسرقة وغير ذلك من منكرات ، لذلك قررت في السنة الثالثة شراء دراجة هوائية فكنت أصل إلى الكلية وأنا أتصبب عرقا .

أكملي بارك الله فيك، إستمعت بقراءة الموضوع فقد ذكرني بأيام قد خلت .

[secret girl]

أختي ران..
شكرا علي مرورك
وجزانا الله وإياك خيرااا

الأخ عثمان بالقاسم
شكرا علي مرورك
والحمد لله إنك استمتعت بالموضوع

[secret girl]

ايه يا جماعه فين الايجابيه
فين اللى بتفرجوا
اللى يتفرج يقول تعليق
والا حقطع البث عليكو ا
وانتو حرين بقى

[أبو رويم]

جزيت خيرا أختى على الموضوع وننتظر منك المزيد

[[ اللــيـــث ]]

أولا مشكور على الموضوع الله يجزاك خير

طبعا الحلقة الأولى جميله جدا

من الدروس المستفادة

أن من نام عن صلاة الفجر ليس في يومه بركه

فعن أبو ذر رضي الله عنه قال : قال رسول الله صلى الله عليه وسلم : ((من صلى الصبح فهو في ذمة

الله))رواه مسلم .


نعم إنها ذمة الله ليست ذمة ملك من ملوك الدنيا إنها ذمة ملك الملوك ورب الأرباب وخالق الأرض

والسماوات ومن فيها

ومن وصف نفسه فقال (( والأرض قبضته يوم القيامة والسماوات مطويات بيمينه سبحانه وتعالى عما

يشركون))الزمر


ذمة الله التي تحيط بالمؤمن بالحماية له في نفسه وولده ودينه وسائر أمره

فيحس بالطمأنينه في كنف الله وعهده وامانه في الدنيا والاخرة


وبإنتظار الحلقة القادمة بفارغ الصبر

اخوك بالله

ســـامـــر

[سُلوان]

السلام عليكم
الحلقة الاولى جامدة بجد ربنا يعينك
بتعكس فعلا اللى بيحصل فى الجامعة
انا لسة مجربتش لانى لسه رايحة اولى جامعة ادعيلى
لا لا ماتقطعيش البث والا اشتكيتك