تعالوا نتعلم اللغة اليـــابانية! مهو كلمات ..لا دروس مــع (( سهم الإبداع ))

[سهم الإبداع]

::

السلام عليكم و رحمة الله و بركاته!
こんにちはみんなさん！


كونبانوا لكل الحاضرين



بتعلم شي بدل متابعة المسلسلات و الدراما

وقررت نتعلم ياباني وانا اضحك مع انشغالي الشديد بأعمالي المسوفة و تجاهل شغلي
إذن, فلنتعلم النيهونقو!



أول شي بتحتاجه عشان تتعلم ياباني هو القدره على استعراض و كتابة الحروف اليابانيه على جهازك
إذا كنت تقدر تكتب و تشوف اللغه اليابانيه في هذي الصفحه
معناتها انت مستعد لتعلم اللغه اليابانية
أما إذا كانت تطلع لك مربعات و طلاسم, إتبع هذا الدليل اللطيف
و بتصير عندك اللغه اليابانيه بإذن الله
الدليل اللطيف

الحين جرب تحول اللغه إلى اليابانيه, و اكتب اي شي في اي مكان, هل تطلع معاك الحروف اليابانية؟
إذا طلعت لك حروف انقليزيه مع ان اللغه الي اخترتها ياباني, اضغط على مربع اللغه و اختر:
show the language bar
و من هناك روح على الزر الي فيه حرف A كبير و اختار Hiragana
من المفترض ان تطلع معاك الحروف بهذا الشكل

こんにちは、　私は　レン　です！
س: طيب شلون بتكون الدروس؟ ترا احنا ما نحب سالفة الواجبات
ج: أول شي بتكون الطريقه في التعلم بالتسلية بنحاول نخلي الدروس ممتعه عشان تتذكرون الأشياء بسهوله لما تحتاجونها
والي عنده اقتراحات يتفضل

س: طيب وش ينتعلم
ج: الحروف اليابانيه و بعض المتفرقات

س: متى نبدا دروس القواعد اللغوية اليابانية؟
ج: إذا حضرت حفل حق قاكت في طوكيو دوم

س: ناوي تحضر حفل في طوكيو دوم
ج: ناقص درجة

في البداية خلوني اوضح لكم طريقة الكتابه اليابانية
الي بتخليكم تستوعبون 90% من اللغه في خمس دقايق
اي لغه في العالم فيها شي اسمه مدود (الي هي الحروف الف و واو و ياء في العربيه)
وحروف اسمها صوامت (الي هي بقية الحروف الي مو مدود <- حلفي )
اللغه العربية عندنا كلمة "أطخم" فيها مد واحد و اربع صوامت
أ = مد
ط خ م = صوامت <- ما فيها شي تقدر تمده لو كنت بتمطط الكلمة
لكن الفرق بين العربي و الياباني ان بالياباني كل حرف في اللغه لازم لازم يلصق فيه مد
يعني كل حرف مصادق له مد ما ينقشع عنه لو ايش
المدود اليابانيه هي: A I U E O
يعني A حرف, و I حرف, و U حرف و E حرف <- خلاص فهمنا
و كل مد من هالمدود يلصق في حرف صامت (مثل الميم و الراء و التاء)
يعني بتقول حرف الميم بالياباني, يصير ما او مي او موو او مو
بتقول حرف الجيم بالياباني ما تقدر تقول ارجاتو يعني شكراً
لازم تلصق المدود في مكانها الصحيح عشان تصير أ ري جا تو

يا رب فهمتوا لأن صوتي راح و انا اهذر الي ما فهم يقول لي عشان انقصه درجتين
طيب استوعبتوا الحين فكرة اللفظ الياباني؟

طيب في مخك اكتب كلمة: اوياسمي (تصبح على خير) , شلون بتطلع؟
احتمال تنكتبoyasome , أو تنكتب oyasumi , او تنكتب uyasome ؟
بنتعلم الكتابه الصحيحه لهالكلمة بعدين, لكن لاحظوا ان كل حرف معاه صديقه المد.
طيب لو كنتي كتبتيها oyasmi ؟
هذي غلط لاحظوا حرف الـ s ما وراه صديقه الصدوق,
عشان كذا يشعر بالوحده
<- خلص
علينا فهمنا الطريقه, بس نبي نتعلم الحروف و نطلع

الي فهم هالنقطه
بيصير فهم طريقة كتابه 90% من اللغه اليابانية
يعني انت الحين تعرف 90% من الكتابه اليابانيه!
كذاا بكلللل بساطه

.
.

كلنا نعرف ان ありがとう تعني شكراً
لكن احياناً نلقاها مكتوبه アリガトウ و نكتشف ان الشخصية في الدراما تقراها بنفس الطريقه "اريجاتوو"
مع انها مكتوبه بشكل مختلف

هذا لأن اليابانيين اخترعوا طريقتين لكتابة كل حرف
الشكل الإنسيابي و إسمه هيراغانا و يستعملونه لكتابة كل شيء
و الطريقة الثانية اسمها كاتاكاناو يستعملونها لكتابة الكلمات الأجنبية الي مو تبع اللغه اليابانيه *__* او الأصوات (تبين في المانغا لما يكتبون اصوات ورا الشخصية المرتاعه , زي دوكي دوكي, تيروتيرو, موكي موكي)

س: طيب فيه شي مخيف و معقد يكتبونه وسط الكلام اسمه كانجي, وش هدفه في الحياه؟
ج: الكانجي يستعملونه عشان يختصرون الكلمات الطويله المتكرره. يعني تخيل بدل ما تكتب:
"السلام عليكم و رحمة الله و بركاته اما بعد عزيزي العميل لقد صدرت فاتورتك بمبلغ كذا"
يصير تحط مربع داخله علامة ريال و يصير كل الناس الي يتكلمون عربي يجيهم هالمربع ووراه المبلغ المطلوب. و يفهمون ان ذا المربع اختصار للجمله الطويله اعلاه
(يعني تخيل الكانجي هو زر الرد في المنتدى الي إذا ضغطته تطلع كلمة "مشكوووووووور" او زر "السلام عليكم و رحمة الله و بركاته" كذا من غير ما تكتبه كلها كل مره بتقولها )

عموماً الكانجي شيء يحتاج وقت للتعلم و مو كل اليابانيين المواطنين يعرفون كل الكانجيات, لذلك ما يحتاج نتعلمه الحين, إذا حفظنا مع بعض الحروف و متى نستعملها, و حسينا ان كتابة الكلمه بدت تصير طويله و مكرره, نتعلم كانجي إن شاء الله <- بس الله الله في تذاكر الحفل

أول درس (حقيقي) لليوم <-　
هو أول حرف يتعلمونه طلاب الروضه في اليابان هو اهم و اظرف مد في الحياه:
حرف الـ A - أ - あ

شوفوا شكله الياباني, كأنه مسمار أعوج مغروز في زيتونه

خل نشوفه من قريب عشان نعرف نرسمه

あ

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 655x519 .

وين نستعمل هذا الحرف؟
بما انها من المدود, إذن نقدر نستعملها منفصله لأننا نحتاجها في اشياء زي:
あぁ-！！
<- احد تذكر شي كان ناسيه!
"آه! تذكرت! احتفال الألعاب الناريه سيبدا بعد عشر دقائق!"
يللا كل واحده يمسك دفتره و يكرر الحرف اربع مرات

والي يحط صورة كتابتها هنا لها درجة <<< ينقال له تشويق

زين بلا اضطهاد كيف نكتبه بالطريقه الثانيه الي موجودة بصفحة المانجا
الكاتاكانا طريقته اسهل من الهيراغانا, و يميل للخطوط الحاده و السريعه
ア
アァァ~！！<- الصراخ <<< صرخة الزيتونه لما غرزوا فيها المسمار
جربوا امسكوا ورقه و قلم و ارسموا الحرف عدة مرات بالطريقتين عشان تتذكرونه *_*

<<< لو فكرتوا في الموضوع, الحرفين كأنهم مكتوبين مره بخط النسخ الواضح و مره بخط الرقعة السريع المتداخل

الحرف الثاني لهذا اليوم اسهل جداً من الـ あ
و هو ايضاً مد من المدود
تعرفوا على صديقنا الجديد:
حرف الـ إ - I - い
لا تطالعون فيه واجد تراه خجول و يستحي لأن اخوه التوأم ( ري り ) غالباً يكون محبوب اكثر منه

مع ذلك هو الحرف الرئيسي في تكوين كلمه كلنا نعرفها هي あい

طريقة كتابته بالكاتاكانا سهله جداً و تحسون انها i انقليزي بس ساحت النقطه شوي
イ
ما اسهله لدرجة اني كله اتلخبط بينه و بين ア حق الـ أ
<- لا تضحكون الشكل على الجهاز مختلف لكن جربوا رسموهم جنب بعض بسرعه و شوفوا شلون يتشابهون بخط اليد!

س: طيب شلون نستفيد من الحرف إذا كان كاتاكانا؟

ج:ناقص درجه ... اكتبوا فيه كلمات انقليزيه *_* مثل الأذن بالأنقليزي تقرأ Ear لكن بالياباني يقرونا Eaa عشان حرف الراء صعب عليهم خصوصاً لو كان في نهاية الكلمة. لذلك تطلع الكلمة بشكل イア!

*طبعاً هم عندهم لفظ ياباني حق كلمة أذن, هالمثال للتوضيح فقط. إلا إذا احد فيكم فكر يفتح عيادة أذان في اليابان و ما يعرف شلون يقول أذن, بيصير اسم عيادته "イア　specialist

: نعالج جميع انواع الآذان و نوفر قطع غيار اصلية "

حاولوا يكون عندكم دفتر او ورقه او سبوره او جدار ترسمون عليه الحروف, لانك لو كتبتها بيدك بتتذكرها اسرع من لو تعلمتها بصرياً

لعبة اليوم:
هاتوا لي صورة من برنامج او دراما او مجلة فيها احد الحرفين الي تعلمناهم اليوم (هيراغانا او كاتاكانا, الي تقدرون تلقونه بسهوله )
<- حان وقت الحوسه مع برامج نيوز يخيخيخ
الله الله بالحوسه

+

صوروا لنا دفاتركم الحلوه و خطوطكم الاحلى

//

قبل ما ننتهي باقي شئ واحد بقولة لكم ..
الي فاضي ووده يتعلم اكثر من الحرفين باليوم !
واللي يبي يتعلم بنفسه ولوحده
هذا موقع حلو جدا ومفيد

دوزو

و هنا وصلة لتحميل اصوات الحروف للي يبي يسمع كيف تنطق
(الحجم نتفه )

http://www.mediafire.com/?zkjtuwdz4n1


ختاما ارجوا ان اكون ابدعت في طرح موضوعي

شكرا

لكم ولمتابعتكم

اخوكم

سهم الإبداع