{... حمله نظفو اجهزتكم من الفيروسات‎ .

[سمو ..]

سبحآآن الله وبحمده سبحآآن الله العظيمـ

حياكـ الله في هذي الحملة نبغى منك حمااااس وتحطين يدك بيدي وننظف أجهزتنا ..

.

اختي..
خليني اليوم أتكلم بكلام ملؤه الحب .. كلام من قلبيـ ......

لعله يصل إلى قلبكِـ ..

حبيبتي تدرين فيه فيروسات منتشره في أجهزتنا ..
حتى لو انتي مركبه كاسبر سكاي .. ولا نورتن انتي فايروس .. نود ..
ما تنفع هذي كللللها ..
الفيروس اللي بقول لك عليه ما تحاربه هذي البرامج .. وهو منتشر بشكل فظيييع ..
ويخرب أشياء أكثر من هارديسك وبيانات ..

يدخل كل انواع الاجهزة وكل الانظمة ..
يدخل بدون ما تحسين .. لانه يدخل بالتدريج .. خطوة خطوة ..

الموضوع مهم يا حبيبتي .. ابغاك تنتبهين معي علشان تعرفين من وين يجيك هالفايروس ؟.. وتسدين الثغرة اللي عندك ..

وتتخلصين منه من البدايه ..

بداية دخوله تختلف من شخص لشخص .. بس هو يدخل بزلة منك ..
.
.
أوضح لك أكثر ..
.
.
يعني ممكن تتصفحين موقع فيه صور خليعه وتنظرين لها .. وتستنكرين المناظر ..

بس بكره لما تدخلين تكون عادي شوي وممكن تحفظين وحده منهم على جهازك ..<< الآن دخل الفيروس ..
أو يمكن من مقطع فيه موسيقى أو شيء من أغنيه .. أو مسرحية ساقطة ..

يعني بعد الصورة بتحفظين صوررر .. وبعدها بتحفظين أغاني .. وبعدها مقاطع فيديو .. وهكذا خطوات الشيطان ..
والفيروس ينتشر طبعا هو ما يعمل على جهازك ولا يخربه ..
لكن هو ينتقل مباشرة إلى قلبك ويلهيك عن الذكر ..
يبعدك عن ربك .. عن القرآن ..
يخليك تأخرين الصلاة ..

تهملين أوامر أمك ..
ما تنتبهين لدراستك ..
ويغضب عليك ربك ..

تخيلي بس في موقع من المواقع حطيتي صورتك الشخصية أو توقيعك صورة بنت فاتنه ..
انتي ما صورتيها ولا الصورة صورتك انتي الحقيقية ..

لكن كتبتي شيء وطلعت هالصورة وشافها شاب مسلم .. وفتحت له باب شيطان .. ووقف لحظة يناظر ويتأمل ..
سيئات تكتب عليه وعليك ..

بعد هالصورة هو راح وفتح صفحات ثانية يدور صور على شاكلة هالصورة ويشوف وش الأحلى ؟..
يمكن يحفظها في جهازه وينزلها في موقع ثاني ..
وكل صورة يشوفها تنكتب سيئات عليه وعليك .. وتخيلي كم من أمة محمد بيطالع هالصورة ..
يمكن تجره إلى مزلق من مزالق الشيطان يمكن يقع في كبيره من الكبائر ..
ويجي يوم القيامه يقول ياربي انا كنت في حالي بس البنات يحطون صور تثيرني .. يا ربي فلانه هي السبب ..

يقول الله تعالى : " ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون"
يعني غير ذنوبك بتحملين ذنوب غيرك .. وبغير علم يعني انتي ما تدرين ولا تحسين .. يالله ترحمنا بس ..

حبيبتي ..

ستوب .. فكري ..

حبيبتي .. لا تتهاونين ..
قليل الشر يجلب من الشر الكثير ..
وقليل الخير يجلب من الخير أكثر ..

تخيلي لو بدلتي صورتك الشخصية أو توقيعك بعبارة لا إله إلا الله .. أو استغفر الله .. أو دعاء أو حديث ..
كل واحد قرأها كتب لك حسنة والحسنة بعشر أمثالها [ والله يضاعف لمن يشاء ] ..

تخيلي لو نزلتي رابط أغنية .. كم واحد بيسمعها ؟؟..
كم ذنب راح تحملين ؟؟..
كم ظلمه بتعلو وجهك ؟؟.. الذنوب لها ظلمه في الوجه والله ..

تخيلي لو نزلتي رابط فيه محاضرة .. أو صوت قارئ يقرأ القرآن ..
سمعها الناس في المشرق والمغرب ..
وكتب لك بكل حرف حسنة والحسنة بعشر أمثالها [والله يضاعف لمن يشاء] .. الله أكبر ..

تخيلي كنتي سبب هداية انسان لاهي ..
جاء عنه صلى الله عليه وسلم والله ( لأن يهدي الله بك رجلا واحدا خير لك من حمر النعم ) ..
خير لك من قصور الدنيا .. خير لك من صفقات أسهم .. خير لك من أطقم ألماس .. أجر وثواب من عند الله ..
وتذكري [الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ] ..

هذي اللي بتبقى لكـ .. بتنفعك لو ضاقت عليك الدنيا ورفعتي يديك لربك ..
قالت الملائكة : يا رب هذا عبد صالح ..
عملك يشفع لكـ ..

بتنفعك في ظلمة قبرك وتجعله روضه من رياض الجنة .. ما تدرين يمكن أهل القبور أسعد من أهل القصور .. بسبب

أعمالهم الصالحة ..
هذي اللي بتنفعك يوم المحشر يوم تنزل الشمس عند راسك .. هذي اللي بتنفعك يوم تعبرين الصراط بتنور
لك دربك ..
هذي اللي بتعيشك اسعد عيشه في ظل عرش الرحمن .. حياة خالده ..
ما تخسرين لو ادخرتي في الباقية ..

ويمكن تخسرين لو ادخرتي في الفانية .. مثل ما طاح اقتصاد العالم وكلنا نشوف ..
وين هالمليارات والمشاريع اللي توقفت ..

حبيبتي ..
حتى لو انتي بنت لا تتعودين تطالعين صور بنات باللبس العاري .. ترا كثرة المساس تميت الاحساس..
اليوم ملابسك ساتره الله يحفظك .. بكره بتلبسين الكت والشفاف والقصير وبعدها الصدر والظهر .. بسم الله عليك ..

حبيبتي ..

تذكري قول الرسول صلى الله عليه وسلم ( .... ونساء كاسيات ****************** مميلات مائلات رؤوسهن كأسنمة البخت الما ئله لا يدخلن الجنه ولا يجدن ريحها وان ريحها لتوجد من مسيرة كذا وكذا ) حديث صحيح

لا تسوين شيء تندمين عليه .. فكري قبل ..

انتي بنت ..

والبنت سمعتها مثل الزجاج لامع وحلو .. لكن بسرعة ينخدش ..

وهذا واقع المجتمع ..
بيقولون عنك "فلانه هذيك المفصخه .. أعوذ بالله " ..
وانتي تناظرين نفسك متستره لأنك كل يوم تشوفين صور *************** .. ما تحسين ..
ويا حسافة الجيل اللي بتربين ..

حبيبتي ..
خليك عاقلة ..
التطور والكشخة مو بكشف اللحوم ..
لو فكرتي .. كان الانسان البدائي يكتفي بلبس شيء يستر عورته بس ..
ولما تطور الانسان وتقدم .. صار يستر أغلب جسمه ويلبس قبعة على رأسه .. وهذا دليل تقدم ..
شوفي الاوروبيات لما يحضرن مناسبة رسمية تحداك تلقين وحده مطلعة صدرها ولا ولا بطنها ..
بالعكس تلبس أستر شيء عندها ..
وانا اذا رسّمنا .. لبسنا الله المستعان بس ..

يا حبيبتي .. التوبه شيء حلوو ولذيذ ..
لها لذه .. جربي يوم قومي الليل وتوضئي وطفي النور وصلي في الظلام ..

واخلصي في الصلاة .. ما احد يشوفك ..!!
لكن قلبكـ مؤمن يقول: ربي يشوفني ..
تدعين ربك بهمس اللي جنبك ما يسمعك .. لكن ربك من فوق السما يسمعك ..

صدقيني بتحسين بلذة إيمانك ..
لذة يحسدونك عليها أهل الطرب وأهل السهرات .. لذة ما ذاقوها ولا كان تركوا كل اللي معهم وجاو يزاحمونك ..
وهذي لذة العمل الصالح بتورث في نفسك سعاااااادة تبقى ليوم الدين بإذن الله ..

لكن لذة المعصية بتورث في قلبك ضيق .. وهم .. وكدر .. ولو كنتي تملكين كنوز الدنيا .. ويقسى قلبك ..

حبيبتي ..
قريتي كلامي ؟؟ ..
والله من
وان شاء الله يوصل للـ

حبيبتي ..
يلا نبدا الحين .. الحين ..

\

لا تقولين بعدين ..
الشيطان بيخذلك ..
وانتي ما تدرين متى تجي بعدين هذي ؟..
استعجلي بالخير .. ولا تترددين ..

افتحي اللايبرري .. افتحي الصور .. شوفي شيء يغضب ربك احذفيه بدون تردد ..
افتحي مقاطع الصوت .. أغنية بصوت *** تحبينها ؟؟.. صح ؟..

معليش لا تخلينها احذفيها ..

حبيبتي ..
لا تترددين الجنة حفت بالمكاره والنار حفت بالشهوات ..
تشوفينها حلوه .. بس تراها طريق للنار .. بسم الله عليك ..
[ إن الله غافر الذنب وقابل التوب شديد العقاب ]
تذكري عقاب شدييييييد .. بسم الله عليك ..

حبيبتي ..
خواتك في المنتدى بيبدلون لك ملفاتك كلها .. بشيء حلو بس ما يغضب ربي ..
حملي اللي يعجبك ..
وإذا كان عندك شيء بتشاركينا لا تبخلين .. واحتسبي الأجر ..

لا تقولين ما أقدر ..
خليك قويه .. وادعي ربي يثبتك ..
عودي نفسك ..
[ ان الله لا يغير ما بقوم حتى يغيروا ما بأنفسهم ]

خلصنا الكمبيوتر ؟؟..
طيب ما انتهينا ..
جوالك يا حبي ..
خلينا نقضي على الشر من أصوله ..

ولا تنسين الآيبود حقك ..

حبيبتي ..
الحين بتحسين براحة .. صدقيني ..
تحسين انك مسوية شيء صح ..

الله يثبتك قلبي .. لا تترددين في طلب أي ملفات ..
كلنا عندك ..

والسلام عليكم ..

الموضوع هذا حلالكم .. انقلوه اسرقوه .. بدون اسم اللي تبون ..
اسأل الله يرزقنا الإخلاص في أعمالنا ..
لست بأتقاكم .. لكني حبيت أقدم شيء أذكر به قلوب غافلة .. وكلنا أهل غفلة الله يرحمنا ..

[renia]

جزاااااااااك الله خير ياقلبوووووو

والله كلامك صح مليون بالمية

ولا اقدر اضيف اي شي من عندي والحمد لله انا ما ادخل عاليوتوب كثير

وكمان الصور اللي تقرف تجي حتى لو ادور على اناشيد

وبارك الله فيك وكثر من امثاااااالك

ــــــــــوسلاااااااااااامـــــــــــــــ

[namisan]

يسلوووواختي موضوع تشكرين علية بألف شكر
الله يعطيك العافية(ويثبت قلبك على دينة
ويهدينا وجميع المسلمين يارب العالمن
لاحول ولا قوة الاب لله
الله يسلمك اختي
وييسر جميع امورك
وفرج لك همومك
ويأجرك على الموضوع الجميل
~
^تـــحــ ـياتــي لك^

[سمو ..]

renia

ويآآآكـ يآآحبيبتي ...

namisan

الله يسلمكـ حبيبتي ...

جزآآكـ الله خير ع الدعوآآت ...

ويآآكـ ...

[rowaa]

السلام عليكم ورحمة الله وبركاتة
امابعد
مشكوووووورة اختي على الموضوع المفيد والقيم والرائع
وبارك الله فيكِ وسدد خطاكِ والى درب الجنة هداكِ
انا لدي موقع إسلامي مثل (you tube) وهو موقع (مشاهد) واتمنى انتستفيدو منه

[سمو ..]

السلام عليكم ورحمة الله وبركاتة
امابعد
مشكوووووورة اختي على الموضوع المفيد والقيم والرائع
وبارك الله فيكِ وسدد خطاكِ والى درب الجنة هداكِ
انا لدي موقع إسلامي مثل (you tube) وهو موقع (مشاهد) واتمنى انتستفيدو منه

العفو ...

آميــــن ...