و الشاهد أخي الحبيب عثمان مراعاة أحوال المخاطبين بالنصيحة الحسنة

حبيبى فى الله كودو اتفق تماما معك فيما قلته
بس عاوزين نفرق بين الجاهل اللى ما يعرفش وبين اللى عارف وبيستهبل انا اسف فى اللفظ

الجاهل فعلا لابد وان نقابله بكل ود وصدر رحب اما اللى بيستهبل وداخل عاوز مراء بالباطل وداخل يرمى شبهات وماكلفش خاطره حتى يفتح كتاب ويقرا ويفهم القواعد والاسس وبعدين ييجى يتكلم

زى لو اتكلمنا عن الفيزياء النوويه ولا عن التفاعلات الكيميائيه فى داخل الخلايا
اعتقد لو اتحط موضوع بهذاالشكل لن يجرو على الدخول الا من عنده علم او من يتطلع لمعرفة واكتساب معلومات تفيده فى جسمه او واحد جاهل باعلم وداخل يتسائل ويفهم

اشمعنى بقى الدين الا من كل هب ودب عامل فيه كانه مهندس فيزيا نوويه او بروفسير فى علم الجينات

حاجه غريبه يبقى واحد داخل مش عارف الحديث الضعيف مش كيس الاندومى وتلاقيه عمال يجادل بالباطل

الرفق واللين مطلوبان ولكن فى وقتهم فالحكمه هى قول ما ينبغى فى الوقت الذى ينبغى على الوجه الذى ينبغى

بالتالى احيانا تكون الشده رادع لكل متفيهق فى الدين بغير علم وزى ما بيقولوا اضرب المربوط يخاف السايب
لو مشينا بمبدا الرفق على طول الخط هتزيد حده المتفيهقون لانك بكده بتديهم ضوء اخضر يهبلوا ويعبطوا دون ضوابط وقيود

احنا لو عملنا كده فى الطب ولا الهندسه وسبنا الناسي تتكلم فيهم من غير علم المهندسين والدكاتره هيغضبوا ويحتجوا مابالكم بدين ربنا اهو اولى واحق بالشده فى جنبه من غيره

واخيرا جزاك اللله خيرا كودو وتقبل مرورى