مرت وايد أحداث ع القصه ...منها مفرحه ..ومنها لا ...ومنها الغريبه اللي ما نفهم ليش استوت لحد الآن ااحم احم
من جي خلنا نكمل ....القصه عسب نحط النقاط ع الحروف ..^^
دشت سارة حجرتها ...يلست ع شبريتها ....نزلت راسها ...
ساره فخاطرها: الحين شو اسوي انا ... - نزلت دموعها - ...
في الصالة...
بوعبدالله: شو بلاها ساره ليش ما يت تتغدى ...!!
أم عبدالله: والله ما اعرف ...يمكن ضاااايجه ...
بوعبدالله: يالله الله المستعان ...ان شااء الله خيـــر....
وكملوا غدا ...مني دشت عليهم ...أمل ...وهي مسويه حشررره من الخاااطر تقول عرس ...^^...شوي وترقص
مناديل ..
أمل: السلااااااااااام عليكم ...(خلفيه مصريه) .,.إزيييييووكو ...يا كوتو موتو ....انتوا ....اشحااالج ماااياا عساج بخير ..
أخباااارك ...بيكهام ....(تقصد ابوها) ...
ام عبدالله تضحك ع بنتها ...الهبله ...: الحمد لله بنتي انتي اشحالج ..
بوعبدالله: لا لا انا فيوجو ...اوسم ...
أمل: بخــير يا الوالده...خخخخ ابوويا فيوجو لا بيكهام أحلى بووويا ...خلاص خلاااص سبيت...^^
يايه تبغي تكمل رمستها جافت الأكلــ ...
أمل: ياااااااااااااا الله .....الأكله اللي انا احبها ...^^ اليوم بااكل لين ما سرتي تنقع ...^^....
أمل يلست ..وبدت تآكل ...فجأه استوعبت إنه ساره محد : تعالوا إلا وين ساره ؟
ام عبدالله: صعدت دارها ما تبغي تاكل ما اعرف شو بلاها شكلها ظااايجه ...
أمل كملت أكلها ولا يعني كبرت الموضوع .....
في جامعة زايد ...
سلامه ياالسه وحدها طفررررانه ...: افففف مليت انا تراااني ...
نوف يااالسه تشرح حق مضاوي مسأله في الماث ...
نوف: جووفي جوووفي ...يوم يكون جي الجرااف ..جي تسوينه ...
مضاوي: اممم انزين انا ما فهمت نقطه الهووول هااي كيف يعني ..!!
نوف: الموضوع سهل أهل ...شي ... - وتبغي تشرح حق مضاوي إلا سلامه تنفجــر من الخاطر ..
سلامه: افففففففففففف بسكم خلاااااااااااااااااااص والله مليت ...خلونا نغير ..
مضاوي: بسم الله ....انتي شو فيج ..؟؟؟جي فجأه ...تصااارخين شو حضرتج مستلبسه ..!!
نوف: والله تروووووووعت حدي مااالت عليج انزين ...
سلامه: منكم ...والله حدييييييي مليت ...والامتحان يعني اللي يجووفكم يقووول باجر ..ولا جنه عقب اسبوع
مضاوي: ابغي انجح ...^^ ....ابغي اييب A عيب ولا حرام ها ها ...!!
سلامه: خلاص انا آسفه ..كملوا ..
نوف: شو بلاج حبيبي ارمسي ظهري اللي فخاطرج ...
سلامه: ملاااااااااااااااااااااانه حدي والله ...شو فيني بعد ...!!
مضاوي: انزين يالله خل نظهر ...
سلامه مني نقزت من الوناااسه: الللللللله مضااااوي حياتي بتظهرنا ...يالله خل نسير ...والله اي مكان ...اهم شي
ارتاح ...اظهر واستااانس ...خخخ
مضاوي: اوكيك يالله ...نشن ...
ومشت مضااوي وياها شلتها ...وظهروا من الجامعه ...
في جامعة الأمريكيه في دبي ....
هادي كان توه ظااهر من القاعة المحاضرات ...وهو تعبااان من الخااطر يبغي ياكل ...
هادي: اففففف جي استاااذ مليق انا ما جفت ....ابغي آكل ....خل اتصل بها بدر مالت عليه ...مخلص كل شي ..
وظهر تلفون من جيبه ...واتصل ببدر ...
هادي: انت ويييييينك ..
بدر: هلا هلا وعليكم السلام ...
هادي: انت وييييييين اقووولك......
بدر: ...انا منه في السكن ليش !! ...تعال انا ما قلت لك انه اليومه ما عندي دوام ...
هادي: انا شو اسوي فيك انت ...قوووولي شو اسوي ...مليق تعرف ...يالله يعني بدااوم الروحي اليومه ...
انا قلت اليوم بااايخ ...المهم سير سير ارقد ...
بدر وبكل برود: اوكيك لا توصي ...باي ^^...
هادي سكر وشوي بيصيح ....: ليش يارب كل ها ...ليش ....(استوى مسلسل سووري حشه)
هادي يلس مكان ...ويلس يتعبث باللابتوبه لين وقت المحاضرة الثانيه عقب ساعه ونص ...
هادي: يالله خل ابحر في عالم النت ...خخخخخ
وبطل مواقع وجي حشره ...والماسن ماله ...
منه روضه كانت يالسه ..هي و ربيعتها ...اوركيد ....تناظر هااادي وهو يسوي حركاااته الهبله ...
روضه : آآآآخ يا هاااادي يا معذبني ويااااك ....
اوركيد: انتي يا بينيت ...ما بتفهمي من أول مرييييه ...شو بكي ....يعني لاااازم الزلمي يأووولك إنو مابدووو إيااااكي
...ها ها ....
روضه: انتي ما تفهمين المشاعر اللي بدااخلي له ...ولا هو حتى لو هو بس يحس فيني، ماراح يصدق اشكثر انا أحبه
اوركيد: هيه هيه أووولي أووولي من هزا الكلام ...وبعدين اندمي ....عألك براسك تعرفي خلاصك ... - وكملت تاكل
زيتونها -
روضه تتنهد من رمسة أوركيد ...
روضه في خاطرها: ما اعرف شو اقول ...ذلني ها الولد ...محد شراتي ركض وراااه ...وع كل شي سواه لي ...إستل
..قلبي ما يبغي سواه ....غبيه غبيه غبيه انا ...><
منه هادي نقز من مكاااااانه ....وصرخ صرخه ...صج صج تخوف ...
اروكيد: ...مجنوووووووووون ....واللهي مجنووووووووون ...
روضه فطست من الضحك عليه ....وانتبه هادي إنه شي حد يالس يضحك عليه ^^
هادي صد صوب اللي يضحكون ..و يوم جاف روضه ...ع طول ف خاطره: افففففففففف هاي هني ...خل اقوم احسن ..
ونش ع طول وما سوا سالفه حق حد ...
روضه لاحظت هاذا الشي ...وربيعتها بعد صدت صوب وجافتها بنظره يعني يالله حبيه بعد انزين ..!!!
حميد في سيارته : آآآخ يا نوره يعني انتي مني تداومين ...لو اروم بس اي عندج ...
رد راسه ع الكرسي ....وتنهد بقوه: متى راح نرد شرات قبل ...متى بحس انج لي ..ووللأبد ...مره ثانيه ...
آخ ...انا انسان قمه في الغباء كيف فرطت فيج ...>< كيف ..><...!!!
دشت أمل حجرتها ...جافت ساره راقده ع شبريتها ....
أمل: انتي الدبه ...ليش ما تغديتي ....مستوي شي ؟
ساره كانت صج من تعبها رقدت وما حست بولاشي من حولها ...
أمل عقب يوم جافتها من جريب عرفت انها ناااايمه ....
جان تبتسم ....وترقد ع شبريتها ....
ومرت الساعات ....
موزه ...ويا شووق في الحوي وياهم عزيزه وصقر وسعود ....
موزه: جوفوا جوفوا ...سعيد ....في فريقي انزين ...
شوق: خلاص عيل صقووري حياتي في فريقي ...
عزيزه: وانا الحكم ....
موزه: يالله بدينا يا حكمنا الغالي ..
عزيزه : هيه يالله ... - وفرت الكوره بالعاااالي -
شوق: اربع اربع صقووور فديتك ييب الكوووره ....لي ...
موزه وهي تربع : هيه انتي اللي لازم تربعين مب هو ...
شوق: عادي انا وهو واحد ...خخخخخخ
موزه: يا الجذوووب ...
وعزيزه تضحك ع موزه وهي ربع ...شكلها مره يفطس ضحك...
مني دخل سلمان من الباب الرئيسي ...
موزه: هاااااااا سلمون باااس ...
سلمان كاان محمل من الخاطر كتب ع شنطته ...ع شمطة اللاب توب ...
سلمان: شو شو ..ما اروم لا لا لا لا ...
وجي يت الكورة ...صوب سلمان ...جان تتطيح ..كل أغراااضه ...وهو بعد طاح ...
سلمان: الله يسااامحج مويز ....شو سويتي ...!!..احينه ع ريااال ع طووول أطيح ...خخخخ
موزه نقعت ضحك...شوق ...واااقفه وفطست ضحك ...وعزيزه تجوووفهم وتجوف سلمان اللي صدق شكله يضحك ..
صقر: ابيييييييييه ...عمي ثلمان ...تااااح ...
سعيد: يا لبي ليش ... - وربع صوب عمه - تعال تعال بشيلك ...
سلمان: لا لا دخليييلك اخاف اثقل عليك ...
سعيد: يا ريال ...
موزه خلاااص مني ما رامت تتحمل ....من الخاطر يلست ع ريولها ...وفطست ضحك ...
وجي الجو العجيب كان .....والكل كان مستانس ...وبو ذياب ظهر من حجرته يجوفهم ...
رفع ايديه ..: ربي لا يفرقكم ...والله يجمعنا كلنا في فسيح جناته يا رب ...ولا يحرمني من إني أجوف إبتسامتكم ..
هاي ...
سلمان يمع أغراضه ...من على الأرض منه دش ذياب وهو محتشر ...
ذياب: وييييييينها هاااي وييييييينها هي وسواد وييها ..؟؟!!!
عزيزه عرفت انه يدور عليها ...
ويوم دش الحوي ..جافها ..وجاف سلمان والبنات ...
ذياب: انتي حو تعالي منه ...مالت عليج ...
عزيزه وهي منزله راسها: ان شاااء الله ...
سلمان فخاطره: الله يعينج يا حرمة ها الوحش ها ...والله احترما لج انا ساااكت ...
ذياب: انتي ويا ها الويه ليش كندورتي هب مكاااويه ...ها ...انا ما قلت لج اني اباها اليوم ...ابغي اظهـــر ...
عزيزه: وين بتسيـــر ..!!!
منه ذياب يودها جي بقوه من فكها .: وانتي منو عسب تسأليني ...ها ....بظهر ..ان شااء الله اروح جهنم انتي مالج
اي خص فيني تسمعيييييييييين !!!!!
صقور واقف ينمب سعيد ...وهو زعلان حده ...شويه وبيصيح ...
ذياب: يالله سيري إكويلي إياها حرمة ع الفااااضي ...
ودزها بقوه ودش صوب البيت الرئيسي ....
الكل كان ساكت ..ومنزل راسه ...
شوق: ماااالت جي انسان حقير انا كا جفت ..!!
سلمان عصب ع شوق: عييييييييب لا تقولين جي عن اخوج العود مهما يكون ويصيـــر يبقى اخوج العود ...ادعي له
بدال لا تسبينه ...واحترميه ...
شوق ردت وعطافتها تقودها: ...انت شو تقول كيف احترم واحد هو مب محترم نفسه ...ولا يحترم كونه هو الأخ البكــر
حقنا وانسان متزوج ...هذا ما يحترم ...!!!
وربعت دشت البيت ...وسارت صوب حجرتها ...
سلمان ساكت وفخاطره: ما اروم اسكتج يا الرضيعه ...كلامج صحيح ...يالله ...اهديه يا رب ...
وحاول جي يغير الجو ...: يالله صقور ييب لي الكوره خل ألعب وياكم .^^
سعيد: هيه هيه ...سلمااانو بيلعب وااايااااناااا
سلمان: انت تعال تعال .... - وربع ورااه وربع سعيد بعيد عنه - ...بيووودك يعني بيوودك وين بتسير عني ...
في بوظبي مول ...
مضاوي: الله جووفوا ها القميص عجيب لا ...
نوف: هيه عجيب خذيه ع حسااابيه حبيبتي ...^^
مضاوي: لا لا ما اروم نوف تعلمت قامت تعزم ^^
سلامه: يالله انزييين خلونا نظهر مليت ...
مضاوي: انتي شو بلاج ..كنتي ملانه ظهرنااااج احينه وانتي برا هم بعد ملااانه ...شو ها ..!!
سلامه: لا لا فديتج ما اقصد بس مليت من هذا المحل احسه كريه ..
قالت جي ووراها كان مسؤول المحـــل ...
مضاوي تغير لون ويهها لأنه تعرف مسؤول المحل ...وجي سوت حركه يعني يا ويلنا ..
سلامه: شو فيج ...انا اقول الصراحه - وصدت صوب وين ما مضاوي تناظر - انزيييييييييييييييين ...!!
مسؤول المحل: ...احم احم ....اوكيه ثانكس يعني ..اعرف انه المحل بسيط ...وع قدي ...بس يعني ..>< ...جرحتيني
بكلامج ...
سلامه: يعلك المرض بعد انا شو لي فيك...
مسؤول المحل خلاص شوي وبينتحر :احم احم ...آسف ...
وصد الصوب الثاني ومشى صوب الكاشير ...
منه نوف ضربت سلامه: انتي يا غبيه ما تعرفين تجاملين ..!!..
سلامه: لا انا اعطي كاش في الويه ..^^
مضاوي: لا مستانسه بعد يعني ...
سلامه يعني حسن انها غلطت بس ما طاعت تروي هذا الشي حق ربيعاتها ...
مضاوي: يالله حصل خــير نحن صار لازم نرد البيت لأنه بيأذن المغرب جريب ...^^ يالله توكلنا ...
نوف: يالله
سلامه: اوكيك ..^^
وظهروا من المحل ...وسارا صوب بيوتهم ...ووصل مضاوي ربيعاتها ثمن هي سارت صوب البيت ...
نوره كانت توها ظاهره من عملها ...خخخخ ...
نورة: آآآخ والله اني تعباانه خاطريه اسير ارقد لين باجر ...
وصعدت سيارتها ...وتحركت صوب البيت ...طول الدرب ...كانت شي سيارة تلاحقها ...وهي ما انتبهت في نص الدرب..
نورة: يا ربي ليش هذا وراااي ..><....شو سالفته ...يمكن معجب ...^^
وكملت صوب البيت ما سوت حق الموضوع سالفه ...
امل نشت من رقادها ...وسارت توضأت عسب الصلاه ...ساره نشت ع حشرت أمل ...وصلت هي بعد ...
عقب الصلاه ...
أمل: ...ساااروه ما قلت لج ...شو آخر أخبار ربيعيتي في المنتدى ...
ساره: ما ابغي اعرف ...><...
أمل: لا لا ...ساااره الفضوووليه ...تغيرت ....تركت فضووولها لا لا مستحيـــل ....انتي شو بلاج .!!
ساره:ما فيني شي الواحد يعني ما يتضااايج ...
أمل: اوكيه اوكيه اعصااابج لا تقومين بس وتطقيني ..
ساره: والله أمل ما فيني خليني بروحي شوي ...
أمل: انزين ارمسي ...ع الفاضي يعني انتي عندج خت ...
ساره: ماافيني ...خلاااص قلت لج ...خليني روحي ..
أمل خذت رد إختها بحساااسيه ...وزعلت منها ليش جي ردت ...عليها : هذه يزاتي لأني احاول اساعدج اوني ...
اوكي
وظهرت من الحجره وهي زعلانه حدها ....
ساره...دموعها نزلن ما رامت تتحمل أكثر عن جي :...وين اسير عسب ارتااااح ..في كل مكان شي مشاااكل ...
يا رب ارحمني برحمتك ...
نزلت أمل وهي معصبه وتتحرطم ....عبدالله كان توه راد من المسيد ....ويااي يربع ...
عبدالله: أموووله حياتي انتي بطلي التيفي ...بجوف الشوط الثاني من مبارة العين والوحده ...يالله عبال ما انا اسير
المطبخ اييب لي شي آكله يالله بسرعه ...
أمل وهي حدها طفرانه: انزين انزين ......
وسارت صوب التي في ...وبطلته ...حق اخووها ....
عبدالله وهو يربع: ثااانكس يا أحلى خت بالعالم ..
ويلس يطالع المباراه ...وهو من خاطره مندمج ...وياها ...
عبدالله : يالله علي يالله .....عدي عدي .....غوااار....عاااشو عاااشو ....
ومنه غوااار يااااااااب جوول ...جان عبدالله يصاااارخ من قمت راسه خخخخ :
جووووووووووووووووووووووووووووووووووووووووووووووووو ووووووووووووووووووووووول ...فدييييييييييييت غوار انا ....
فديييييييييييييييييييييييييييييييييييييته .....عااشو تعادلنا ...تعادلنا ...والفوووز لنا ان شاااء الله الفوز لنا ...^^
منه أمل خااافت من الخاطر : انت ليش جي تصااارخ داش حرب الأخ ...!!>< خوفتني ..زغت من الخاطر والله
عبدالله: هذا هو جمال الكوووره هذا ....هذا هو ....غش ما غش ...عجيييييييييييب يا غوار عجيب ...
أمل: ..انزين خلاص فهمـــنا ...
نورة مني دخلت البيت ..: منو منو ياااب الجووول منو ...
عبدالله : غواار يا نووورا غوااار .... - وشوي ودموووعه تنزل ...^^ ...
نورة : يالله يالله شبااب شدوا حيلكم ...يالله نبغي الفوووز ...
لكن عقب دقيقه ...يابت الوحده جول الفوز احم احم خخخخخ><
عبدالله: شووووووووها اللعب ....شوووووها ....غش ...كله لعبهم غش والحكم وياااهم ...
أمل: هيه هاااذااا انتوا يا الشبااب لي ياب فريقكم جول لا المباااره صحيحه ...بس لو خسر فريقكم ..جذب وما عرف
شنو ...بس بس ....المباره كانت حلوه ومنصفه ...^^
عبدالله: أمل ....لا تزيدين في الرمسه ...فريقنا كان الأفضل ...بس الحكم كان وياهم ....
أمل: جوف ...انا اسمي اني ادش في حوار كروي مع ولد ...الانتحار البطـــيئ ...
عبدالله: اقول خل اسير ادرس ابرك ...
أمل: هيه انا اقول جي بعد ....
نوره: انتي شو فيج اليوم ...ليش جي مودج بايخ ...
أمل: ماااشي ختج هاي اللي اسمها ساااره ..مالت اكلمها اقول لها شو بلاج تقول لي خليني الروحي ...هذه يزاتي
لأني ابغي اوني اخفف عنها ...
نوره : انزين خليها الروحي ...يوم تبغي ترمسج بتي لج ...يعني مب لازم هاييج الساعه ...البنت مضايجه ...تعالي
بسألج عبيــر يت ..؟؟
أمل: لا لا ...بعدها ما يت ...شكلها بتتأخر اليوم ...
نوره: اهااا ...اوكيك انتي لا تزعلين ...انا بسير اغير ثيابي ...اوكيك ..
أمل: اوكي ...سيري ... - منه صعد نوره صوب حجرتهم - ...وانا خل ايلس كاالي غير ربيعتي ...
وبطلت الماسن مالها...وكانت ربيعتها العضو حاطه أويه ...أمل: اففف حتى هي محد ...خل اجوف المنتدى ...
ويلست جي تلعب في المنتدى ترد من الملل ...ع كل شي ..خخخخخ
نوره وهي تمر من صوب حجرت ساره وامل ...سمعت صوت صياح ...
نوره فخاطرها: شو فيها ساره ليش تبكي ..!!
دقت الباب ...ودشت ...
نوره: سااره حبيبي انتي شو فيج ليش تبجين ..؟؟...
ساره وهي تسمع دموعها: ماا فيني شي ...
نوره يلست حذالها وردت شعرها ع ورا : كيف ما بلاج شي وانتي يالسه تصيحين ..جي ...استغفر الله اللي يقول
ريلج توفى ..^^
ساره ابتسمت: ما فيني شي بس شوي ظااايجه ...
نوره: شووفيج ظااايجه حد مزعلنج ...حد قالج شي في المدرسه ولا البيت ..؟؟
ساره: لا لا ....بس رسبت في امتحان العلوم ...فشوي زعلانه لني ذاكرت له من الخاطر ...
نوره: اهاا ...لا يا حبيبتي لا تزعلين الدنيا ما تسوى ..أهم شي انج سويتي اللي عليج ...صح ! خلاص وكل شي ع
رب العالمين ...
ساره: ونعم بالله ....
نوره: يالله اامسي دموعج ما ابغي اجوووفهن مره ثانيه ...^^ انزين ...
ساره تمسح دموعها : ان شااء الله ختيه ...
نوره : فديت سااروتي اانا .. - ونشت - يالله انا بسير ابدل توني راده ..مصدعه من الخاطر ...^^
ساره: الله يعطيج العافيه...
نوره: الله يعافيج ..فديتج ...
وظهرت من الحجرة سارت صوب حجرتهم ....اول ما دشت جافت عبير توها ياااايه بعد !!
نوره: هلا السلام عليكم ...
عبيــر :اهلين وعليكم السلام ...
نوره: اشحااالج شو الدوام اليوم ..؟؟!!
عبير: آآآخ كان طويل تعبت ...من الخاطر ...
نوره: الله يعينكم والله يالله هانت ما بقى شي ...
عبيــر: سنه ان شااء الله وتأخرج ...^^
نوره: آمين يا رب ...^^ ان شااء الله ...
ومرت الأيام .......نوره لاحظت إنه نفس السياااره كانت كل يوم تلحقها ...كل يوم لين ما توصل البيت ...وماكان في اي
خبر من حميد ...لا اتصال ولا مسج ولا شي ....
ساره ...كانت تحاول قد ما تروم انها ما تداااوم ...كل يوم كانت تظهر بحجه ...عسب بس انها تغيب وما تداوم ...
أما هااادي كانت يتريا بس يوم الخميس عسب يوصل ...بدر ...ولو يروم يجوف عبير ...بس طوال هذه الفتره ما جافها
..كان معصب من الخاطر ...لأنه ما يروم يسير بيتهم ...بأي حق يعني ...!!
آخر اسبوع ع المدااارس ...^^....
امل كان عندهم يوم مفتوح ...فسارت مدرسة ختها ساره ..ويا ربيعاتها ...
يوم جي سلمت ع المسات وربيعاتها .....
يت لها منى ....: السلام علكيم اشحااالج أمل ...عساج بخير
أمل فخاطرها: هاي شو تبغي ...مني ...مالت ...
أمل بلا نفس : الحمد لله...
منى: وينها اختج ليش ما داومت اليوم ...!!
أمل: تعبااانه ...وليش تسألين عنها ...
منى: أمل ابغيج في موضوع ...منه راح تعرفين شو فيها ختج ...
مني أمل انصدمت ..فخاطرها: هاااي السووسه كيف تعرف انه ختيه بلاااها شي .!!!
منى: يالله - ورمست ربيعاتها - شويه بس باخذكم منها ...
أمل مشت ويا منى ...:يالله خخلصيني قولي لي شو بلاها ختيه ...وشو اللي تعرفينه ...
منى: ...اختج ساااره ..طلبت مني قبل فتره بيزات ...يا أمل .,..وما اعرف حق شو الله يستر عليها ....وانا عطيتها لأنه
كان عندي ....وانا ما ابغيهم حلااال عليها ...بس في سياره كل يوم تي عند باب المدرسه ..وفيها طبعا شاااب ...دومن
يسأل ...عن ختج يا أمل ..
أمل مني انرفع ضغطتها وبكل عصبيه: انتي شو تقووولين هذه هب رمسه تنقال ...
منى: وانا مااعرف لو هي طلعت وياااه ولا لأ ...بس البنات يرمسن ...عنها ...وهي مستويه حديث المدرسه ..من جي
هي مستحيه ع وييها ما تبغي تدااازم عن الفضاااايح ...
أمل وهي خلاص بتضرب منى: انتي يا ويه النحس شو تقولين ...ختيه اشرف عن جي ...وانا اعرفها زين..
مستحيييييييل جي تسوي ...
منى : ياما تحت السواهي دواهي ...انا قلت لج وانتي حره ....وانا ياما نصحتها وقلت لها لا تسلكين ها الدرب ...مهما
كنت محتاجه وجي ...بس ما ردت عليه ...
أمل: قلت لج لا ترمسين جي عن ختيه ...انا ما ارضى ..
منى: ولا حد يرضى هب بس انتي ...
أمل خلت منة وسارت صوب الإدااارة اتصلت بعبدالله انه ييها ...ويا عبدالله ع طول ...
عبدالله طول الدرب يبغي يعرف شو فيها أمل ....وهي معصبه من الخااااااطر وما ترمس ...عن ولا شي ...
أول ما دشت البيت ....صعدت عند ساره ...
أمل: سااااااره ...سااااااااره ...وينج ...
ساره ظهرت من ( كرمتـــوا ) الحمام ...
ساره: هلا ...
أمل: ...شو سالفتج انتي ويا منى ...!! ها ...
ساره اول ما طرت أمل اسم منى ...قلبها دق دق قوي ....تروووعت من الخاطر ...
ساره: ...م ..منى ....منى شو سالفتها ...ما اعرف ..انا شو دخلني فيها اصلا ...
أمل وهي حدها معصبه : ردي علي ...لا تجذبييييييين ردي ....والله بظربج ....
ساره دموعها تنزل: ما اعرف ...ما اعرف ...
أمل: ...وانا اقووول ليش ما تداومين ...وكل يوم حاكره نفسج في حجرتج ....بسبب سواد ويهج ...مالت عليج ...ما
تستحين ...انتي كيف جي ...كيف خنتي ثقت أهلج فيييج ...
ساره وهي تصييييييييح من الخاطر : انتي شو يالسه تقولين ....شو هاااي الرمسه .... - وهي تصيح - ..
أمل شدت شعر ساره : انتي بترمسين ولا لأ....
منه عبير دشت ع صريخهم ...: امل شو يالسه تسويييين ...
وفجتهن ...كملت : انتي غبيه ليش تضربين ختج ...
أمل: هاااي هب ختيه ...انا ما اتشرف يكون عندي خت شرات هاي ..!!.....قولي لها خل ترمس ..وياج ..يمكن بتكون
عندها الجرأه وياج ...انها ترمس عن سواد ويهها ...
وظهرت من الحجره وسكرت الباب ...بقوه ...
ساره حظنتج عبير بالقو ...ويلست تبكي ..وعبير تحاول تهدي فيها ...: خلااااص خلاااص فديتج ...قووولي لي ...شو
فيج ...ارمسي لا تخشين عني ...
ساره: والله ...والله انا ما يخصني ...هيه اللي كله تبغيني اسوي ها الشي ...هي انا ما يخصني ...
عبير: منو ..منو هي ....
ساره ...يلست تصيح ....
عبير: قوولي لي ...شو السااالفه ...يا ساااره ....محد يحبج صدقيني اكثر عنا ...نحن خواتج ...ومحد بيساعدج غيرنا
نحن ...نحن أهلج وناااسج ...
ساره تمسح دموعها : ....منى ...تعرفين منى ...؟؟
عبيــر:....منى ...هاي البنت اللي محد يحبها في مدرستكم ؟؟!!
ساره: هيه ...هي ...
عبير: شو فيها شو سوت !!
ساره: ...قبل فتره ..طلبت منها بيزات ....عسب ...كنت محتايه بيزات ...عقب ما كان عندي عسب اردهم لها ...
وسكتت ...
عبــير : انزين ...وبعدين شو صار ...
ساره: قلت لها خل تصبر عليه لأنه ما عندي ...قالت لي ..انزين في البدااايه عقب ...عطتني رقم ...قالت لي لو ما
رمست راعي الرقم ما راح تسامحني وانها راح ترمس عني وتخبر البنات اني خذت من عندها بيزات حق أشياء مب
زينه ...وبتظهر لي سمعة مب زينه ....انا هييج اللحظه كنت خااايفه وزااايغه وفي نفس الوقت مستحيل ارمس اي حد
...
ويلست تصييييييييييح من الخااااااااطر .... وكملت : ما عرفت شو اسوي ...والله ما اعرف ....كنت ظااايعه ....
عبيـــر:فديتج ...- حضنتها - ...يعني انتي ما رمستي راع الرقم ..!!
ساره: لا ...ولا فكرت حتى اني ارمس ......بس ما عرفت شو اسوي ...وكنت اسير المدرسه كل البنات يرمسون عني
....وهي كل يوم كانت تضغط علي كل يوم ...
عبير : ومن جي ما صرت تداومين يوميا ....وتتغيبين واااايد ....
ساره هزت راسها إنه هيه ...
عبير حضنت ساره : فدييييييييييييييتج ختي ....المظلووومه انا ....وليش ما ييتي رمستي وياااي ولا ويا نوره ولا حتى
ويا أمل ....ما احيد انج تخبين علينا اي شي ....ليش ما قلتي لنا ...
ساره : والله ما كنت اعرف شو اسوي ....كنت شرات ما قلت لج اني ضايعه....
عبير: خلااص انزين ....لا تصيحين ...ولا تتضايجين ....خلاااص الموضوع وصلني ...انا...بحاول احله بس اباج تساعديني
انتي بعد اوكيه ...
ساره: اوكيه
عبير: من اليوم وساااير لا تخبين عني ولا شي ....ارمسي وياي انا ولا ويا نورة ولا ويا أمل ..
ساره: ان شا الله وانا آسفه ...
عبير: اكيد امل تعرف عن الموضوع ...
ساره:هيه اكييييييييد ...
عبير:لا تزعلين منها ..هي تحبج اكيييييد من جي جذه سوت ...
ساره: بس انا ابغي اعرف منو قال لها ..؟؟
عبير: والله علمي علمج ... نشت عبير - خلاص انتي لا تبجين ...
ساره ابتسمت بويه عبير اللي ظهرت تدور ع أمل ...
أمل كانت واقفه في حوي بيتهم وهي زعلانه حدها ...دموعها كانت تنزل ...
اول ما جافت عبير ....مسحت دموعها ..: ها شو قالت مسودة الويه ...
عبير: ...حرام عليج ...لا تقولين جي ..وانتي ما تعرفين شو السالفه ...
أمل : شو تبغين اعرف انه ختي ...
منه ظهرت ساره ...وقاطعت رمستها: اللي سمعتيه غلط ... - وهي تصيح - ...مستيحل انا جي اسوي يا أمل ...
مستحييييييييل انتي تعرفيني اكثر عن اي حد ...
أمل ..وهي هم بعد تصيح ...: دامني جي ليش ما رمستي وياااي ...ليش ما قلتي لي اي شي ...يوم اني ايي
وسألج تعصبين علي وتقولين لي ابغي اكون الروحي ...احينه هاي الخسفه أمل اقرب لج مني انا ...
ساره: لا لا فديتج ...انا آسفه ...بس انا ما كنت اعرف شو بسوي من جذه جي سويت ..وانا آسفه ع كل شي ..والله
اعتذر ...><
وسارت عند أمل وحضنتها ...وأمل كانت من الخاطر محتااايه حق هذا الhug
عبير كانت تجوفهم وهي مستاانسه انه المشكله ان شاء الله راح تنحل ....
عقب يلست ساره وأمل ....وخبرتها أمل السالفه كامله ...
أمل: ماااااااااالت عليها والله انها جلبه واللي قااالته لي غـــير ....!!! غير التمثيل ..والله انها حيه ...
ساره: لا وانتي شكيتي فيني ...
أمل: اكيد بشك ...كيف ما تبيني ...وانا اعرف انج متغيره ..وبلاج شي ..واحس جايفه انج تقولين ...هذه غلطتج عاده
ساره : ما اروم الووومج ...
أمل: انزين عبير احينه كيف ممكن نحل الموضوع ويا منى هاي ..؟؟
عبير: طبعا ..نحتاي مساعدة نوره ...الماليه ^^
أمل: صح ....انزين هاي منى شو رايكم ...نخطفها ...ونعذبها لين ما ترمس ...ونصب عليها ماي بارد ...وما نعطيها أكل
ونكهربها ...لين ما ترمس شو رايكم ....خخخخخ
عبير: شو ها التفكـير الاجرامي ....خخخ
أمل: تستاهل ...السخيفه ...^^
ويلسوا البنات يفكرون شو بيسون ويا ها العله اليديده ..
هذا كان الجزء السااادس ....السموحه منكم ...^^
المفضلات