نـتـيـجـة الثـانـويـة الـعـامـة.... ( بالمصرى) الجزء 1

[soso Roro]

الـــسـلام علـيـكـم ورحـمـة الـلـه وبـركـاتـه

مرحباً أعضـــــــmsomsـــاء كيفكم وكيف الاحوال وكيف الطقس عندكم ؟

( ازيكم و اخبارتكم وازى الحر عندكم...اكيد لسه مش فطستم )!!! بالمصرى

هذا أول موضوع لى باللغة العربية المفتكسة....المصرية

فأرجوا يعنى مش تتضايقوا وال مش يفهم حاجة عادى يقولى مش يتكسف
انا ليا الشرف ان لغتى هى ما يسمونه....بالسهل الممتنع

ندخل بقى فالموضوع عالطول وبلاش ارغى كتير عشان الجو مش ناقص


طبعاً من أكبر القضايا عندنا فى مصر من سنين هىالثانوية العامة
مجرد ذكر الاسم ده الواحد بطنه بتقلب و.....بلاش احكى الباقى


وانا كنت صغيرة كنت بسمع عن الثانوية العامة وامتحانات الثانوية العامة
وبالمناسبة...الثانوية العامة هى اخر سنة دراسية قبل الالتحاق بالجامعة


وعندنا بتبقى كابوس يا معلم....أه والله زى ما بقولكم كده

المهم دارت الأيام وكبرت ودخلت الثانوية العامة بس أزهرى وانامن ساعت ما قلت يا تعليم وانا فأزهر...مش عارفة أفرح و لا أعيط !


المهم طبعاً شتان مابين الثانوية العامة العادية والأزهرية !
ليه بقى فى فرق ؟؟؟ أنا هقولكم...


أولاً الثانوية العامة العادية بيدرسوا 5 أو 6 مواد وبيصوتوا ويقولوا ياما الحقينى
واحنا أزهر بندرس 18 ماده ويقولوا احمدوا ربنا ده انتم احسن من غيركم


المهم بدأت الامتحانات والاخبار تفتحها كل يوم تلاقى يذيعوا عن امتحانات الثانوية والبنات خارجة من الامتحان تعيط ياعينى والامهات تشتكى


واحنا الأزهر ان يقولوا عننا كلمة!!!مفيش يا برنس ايه أزهر ده..؟
امتحاناتهم سهله يا عم دول بس بيدلعوا!!!


وانا مش قادرة اوصفلكم الامتحانات كانت عاملة ازاى !!
المهم ظهرت النتيجة والزغاريط اشتغلت وأغنية عبدالحليم ال الكل بيشغلها اما ننجح. ( وحياة قلبى وافراحه )....أكيد فى كتير عارفها


أنا طبعاً نجحت بس الحمد لله مجموعى كان تحفة...وحش جداً
(بس ده كان بسبب ظروف خاصة )


وطلع التنسيق..( اليوم الموعود )
فالثانوية العامة العادية الطب واخد
مجموع 99.1 عارفين يعنى ايه ؟...صدقونى مش هتعرفوا...سيبك


واحنا فالأزهر لسه التنسيق هيظهر بعد العيد
أهم حاجة الواحد خرج من السنة على خير وربنا ما ناوية ارجعلها لو ادونى كنوز الدنيا عال الواحد شافه وعاشه والتعب الفظيع دانا كنت شبه الساحرة أووز

الــــــى هنا يـنــتــهـى الأجـزء الأول

انتظروا الجزء الثانى....(ماما.... النور قطع )

أعضاء msoms أسفة لو طولت عليكم ...اكيد الموضوع صعب بالمصرى
ولو ما فهمتم أى شئ أخبرونى وأنا سأحاول أن أفهمكم


ملحوظه....
اذا وجدت عدد المشاركات قليله سأكتفى بالجزء الأول فقط
لأننى سأعرف أن الجزء الأول لم يعجبكم وبالتالى لن أكتب الجزء 2