الي نظرتهم سطحية يقولون هالكلام ..
الحجاب ابدا مو دليل على الاحترام و التدين و التربية ..
هالكلام اول بس الحين تغيرت المفاهيم ..
مع اني متحجبة ,,
لكن الكثير من المتحجبات " و ليس الكل " يكون حجابهم شكل و بس ..
من داخل فاسدين اكثر من الي مو متحجبات ..
و ممكن يكونون بنات مو متحجبات بس محترمات ..
وبرأيكوا إيه صفات البنت المحترمة؟ لازم الحجاب يكون أساسي فيها؟ ولازم تكون لابسة عباية
علشان نبصلها باحترام وإنها بنت ناس؟
البنت المحترمة مو شرط تكون متحجبة ..
او تقدرين تقولين شرط بس مو اساسي ..
و مو شرط العباية ,,
في بنات متحجبات و ما يلبسون عباية لكنه يجبرون الواحد يحترمهم بلبسهم المحتشم ..
و في بنات يلبسون عباية لكنها مخصرة + مزركشة + وجهها كانه لوحة رسم من المكياج الي فيها ..
ولا البنت المحترمة هيه بس اللي مش بتكلم شباب؟
الاحترام مو بس سالفة انها تكلم شباب او بس ..
الاحترام هو ذوق و حسن تعامل مع الناس ..
الاحترام رقابة داخلية على كل التصرفات ..
الاحترام بند عريض تندرج تحته وايد اشياء ..
و اسمحيلي استغل الفرصة و اسجل اعجابي بمواضيعج و قلمج ..
مع اني مقصرة في الردود لكني عن جد معجبة في مواضيعج ..
و ألف شكر لج على الموضوع ,,
تحياتي :
قلب الدنيا
المفضلات