بسم الله الرحمن الرحيم ..
السلام عليكم..
شلونكم .. شخباركم ..
ان شاءالله بخير ..
دوم يارب مو يوم :>
اليوم يايبه لكم نقاش صار بيني وبين بنت خالي ..
كانت بهذا اليوم تنتقدني باسلوبي عندما اسكت عن الي يغلط عليه وبعدين مره وحده انفجر عليه بموضوع سخيف
وانا كنت انتقدها لان اسلوبها كان دوم فيه عصبيه ..
<< يعني الزبده كنا ننتقد بعض باخطاء كنا نخطئها ونحن الان نحاول ان نتداركها
فاقروا كيف عالجنا مشكلاتنا :>
قالت لي ان من الخطأ عندما اطوف للي امامي واسكت عن خطا ومع مرور الوقت هذه الاخطاء تتراكم
مدى العمر وفجاه اغضب على سالفه مثلا ما تسوى :> ...
فالذي يشهد الهوشه ولايعلم سبب عصبتي التي ليس لها اي سبب ...
ينصدم ويوضع الخطأ كله فوق راسي
اتعلمون اعطتني معلومه .. حقا لن انساها ..
قالت .. ان الانسان نفس الكمبيوتر
فعندما تحدث اي مشكله تصبح هذه المشكله مثل الفايل الذي يصبح فيه مواضيع الاشياء التي زعل منها من الشخص الفلاني ..
<< يعني نفس كمبيوتراتنا .. الكل طبعا مسوي flod مثلا للنغمات وflod2 للاناشيد ..flod3للصور وهكذا
فعدما تمر السنوات سوف يغضب الانسان على شئ تافه ... فيجب عليه ان يعمل cancel
<< كما في الحواسيب .. اذا كثرة البرامج والمواضيع التي فيه سوف لايعمل ويعطل
حتى لاتصبح مشاكل تعرقل مستقبله مع الاشخاص
فالان سوف اعطيكم مواقف فذلك سوف اعلمكم كيف تصلحون
الموقف وتعملون cancel للــهذا الفايل .. كي لا يحفظ ويشكل عائق
الان سوف اعطيكم مواقف والردود عليها ..
<< اعلم انكم لم تفهمو شئ من الذي قلته لذلك المواقف افضل :>
<< هذا مجرد مثال
يعني مثلا انتي طلبتي من اخوج او ريلج ..
مثلا روان اهيه المسكينه ..
وسلمان اهوه الشرير اوكي
روان طبلت من سلمان الكلينكس .. الذي بجانبه
فيجيب عليها سلمان بطريقه عصبيه
::: شنو انا اشتغل عندج وانا مادري ..
فشنو ... راح تحز بخاطر روان .. ان شلون كلمني جذي .. فراح تقوم من مكانها وتروح تاخذ الكلينكس ..
بعدين اتكلمه بطريقه انسانه شوي زعلانه وفيها طابع من العصبيه ..
::: تبي غدا ..
اجاب سلمان ::
اي ابي
<<< طبعا الكل يعرف الريال اهم شئ عنده بطنه فعلشان جذي حطينا هالسؤال :>
فتروح روان وتحط الغدا له
وبعد الغدا .. وبعد ان تهدى الاعصاب .. وكل شئ اوكي .. تقوله
"" امانه عن الدلع ومن صج عاد بدون اي مقدمات انت تتوقع الاسلوب كنت تكلمني فيه صح .. انت راضي ..
تتوقع ان كنت محتاج لهل العصبيه الي ماكان لها لازم .. طلبي كان بمدة ايد تقدر اتيبه ( تحضره)
فشنو بهالطريقه اهيه قاعده تسوي cancel على الفايل الي صار له save as بالflod حق هال سلمان
فبجذي ما بتحط شئ بخاطرها واهوه اصلا بيعرف شنو الي يزعلها ويعدل اسلوبه
واذا صارت سالفه مثلا سريعه مثل
<<<<<الان نروح لطابع العصبيه ..
<< هالمواقف تصير وايد بين الاخوان والخوات ...
غرور .. بنت طيبه بس الا كرامتها
وخالد .. غشمرجي بس بطريقه دفشه
مثلا غرور كانت تشاهد التلفاز فاتى خالد وقال لها
::: الحمدالله والشكر بقره بقره ..
فترد عليه غرور بدلع و بنفس الوقت بعصبيه
:: لا والله شايف نفسك .. ترا عيب ها ما اارضى على نفسي
فاهوه راح ياخذ السالفه ضحك ..
وبعدها مثلا خمس دقايق . .. ايي ويقول
::: عشتو بعد بتدخل بتخصص اعلام الحمدالله والشكر انتي ويه اعلام
فتسوي نفسها انها ولا سمعته .. وكانها متابعه للتلفزيون
فاهووه مني راح يحس بخطأه :>
وراح يسوي الي يقدر عليه علشان يخلص الزعل :>
الملخص تعاملي مع الذكور .. اذا عصبتي عليهم .. بطريقه عصبيه فيها شوي من طابع الغشمره والدلع ..
علشان لا يعصب عليج وتحصلين عمرج بمقبره الرقه .. واذا رحمج بمستشفى رويال حياة بالعنايه المركزه :>
اما عن التعامل مع المراه ...
مثلا انتي الان داشه على غرفة اختج تبين تقوليها شئ ...
فتشوفيها قاعده تنوم ولدها .. فتعصب عليج ..
وتقول :: انتي ما تفهمين يا ... ( سبه )
فانتي راح تردين عليها .. بالطريقه الاتيه
:: لا والله شنو هذي بقره ليش شنو شايفتني عندي قرون ومنتقطه وانا مادري ترا ما احب جذي
يعني ردي عليها بطريقه تغشمر مع دلع واستعباط .. وطبعا مع حركات اليد التراجيديه:>
فبهذا الموقف سوف تضحك اختج .. وتحس بانها غلطت عليج ..
طبعا هذي المواقف كلها .. كنا انا وبنت خالي نفكر اذا صار فينا جذي .. شنو راح انرد.. شنو راح انسوي ..
بهالطريقه استخدمنا عصبيه بنت خالي .. مع تسكيبي .. بصالحنا :>
وارجو اني افتكم .. لاني انا بصراحه استفدت وايد :>
المفضلات