الكذاب صليجة

[IbRaHiM.N]

السلام عليكم

كيف حالكم ؟؟
ان شاء الله بخير
بعد مرور اسبوع صعب ومليئ بالاختبارات
اليوم يبت بالرياضيات اختبار قصير 4.5 من5
حسافة اني نسيت اكتب نهاية << درس الاشتقاق
---------------------------------------------------------
كان يامكان في يوم من الايام الي هو قبل امس(يوم الاثنين)
رحت عند عيال عمي لان عندهم قعده شباب او مجلس او دوانية شباب
وانا اول مادخلت وعلى قولت اختي الصغيره
مفلوع (مفلوق) وعشر غرز براسي الحمدلله على كل شي
وبما اني قلت الي صار خلوني اقول شنو اسباب الاصابة
(يوم الاحد الصبح وتوني قاعد من النوم الصبح طالع من غرفتي رايح اغسل واصلي
عاد في لمبة بالممر هذي دوم تنكسر على راسي:eek4wd:<< اللمبة مستقصدتني
وانا امشي طاحت على راسي شلون مادري ولا تخافون ولا صار فيني شي بس ضليت منحني علشان مايدخل القزاز(الزجاج) بظهر
لما الوالدة يت(اتت) وشالته عن جسمي << لحد الحين مومستوعب <<توه قاعد من النوم
واروح للمدرسة وارد ولا صار شي والعصر
وانا طالع للبقالة اشتري سنيكر وببسي << جذاب بونجوم وسانكست
الا بطل قزاز بسرعة 180 ميل بالثانية ضرب راسي وانا شوي اختل التوازن يعني صدعت الا طالعت وراي الا لقيت عيال جيرانا الكلاب يتحاذفون مع صبي عاد انا رحت للبيت واحس في شي على راسي
عاد حكيت راسي الا اشوف ايدي كلها دم << مسكين
رحت للمستشفى وخيطوا راسي << متعود على الاصابات بالراس
المهم انا عرفت انه من هذولا الجيران عاد مسكت عيالهم وضربتهم ضرب يوم بسنه<< عكستها
وتعرفون سوالف الامهات يكبرون اي شي وخلوني متهاوش مع ناس وبلاوي سودة ونرد لمحور حديثناا )
واحنا قاعدين نلعب ورقة (جنجفة) عاد دخل اكبر جذاب شفته بحياتي عاد اذا في احد اقوى منه مادري
وهذا الصبي اسمه عبدالعزيز والملقب بصليجة ماعرف شنو معناة اللقب بس انه حق واحد جذاب
ومعاه رفيجة الفيلسوف الفاشل عاد انا قاعد << سبحان الله
قعد يمي(جنبي) الفليسوف وهذا علية سوالف مو صاحية
سالم: هلا ابوخليل ،سلامات عسى ماشر
ابراهيم: الشر مايجيك سلامت قلبك ، بس لمبة الممر طاحت على راسي<< احم احم
سالم: اها ماتشوف شر ، شلونك بعد شلون الدراسة؟
ابراهيم: والله بخير الله يسلمك،الدراسة الحمدلله ماشي حالها
عاد بدا بالتفلسف علي
سالم: تدري ابراهيم ان الانسان طلع مع البشر :O_o3:
وانا تعقدت قاعد اقول شنو الفرق بينهم الانسان هو البشر لدرجة نساني شنو البشر
ابراهيم: شلون مافهمت عليك؟
سالم: انا قريت بكتاب ان البشر كانوا موجودين قبل الانسان وان البشر اصلهم قرود :eek3:
ولحد الحين مستغرب منه ومن كلامه
سين سؤال شنو الفرق بينهم؟ << قفل مثله
وانا عطيت ولد عمي نظره علشان يدق علي وافتك منه والله ينسيني معلوماتي
ودق علي وصرفت نفس شوي واخذت فره بالشارع على ماراح سالم ودق علي ولدعمي وخبرني
ورديت للدوانية وصليجه مايزال موجود عاد بدت الصواريخ بالانطلاق من صليجه
وبدا صليجة بسالفته
صليجة:امس صار لي موقف بالبر انا وابوي
عمر(ولد عمي): شنو صار معاك صليجة؟
صليجة: امس خلص بنزين السيارة علينا انا وابوي بالبر وظلينا للساعه 3 بالليل
عمر: وبعدين شنو صار؟
صليجة: ياعمر لا تقطع السالفة
عمر: اه حقك علي ،اسلم(كمل سالفتك)
صليجة: المهم وانحنا بالبر مرت هلكبتور من فوقنا وهم فوق كانوا يكلمونا وقال الطيار عسى ماشر شنو فيكم ورد عليه ابوي وقال له ان بنزين السيارة خلص ولا في محطه قدام وانا كنت واقف عاد ابوي قال للطيار ان عندهم بنزين ولا لا ؟ والطيار رد على ابوي وقال له اي عندهم بنزين وبس مايقدرون ينزلون علشان يعطونا بنزين عاد انا اخذت مسدس الصجم حق اخوي الصغير وضربت الفتحه حقت البنزين ورحت بسرعة وفتحت خزان البنزين حق سيارتنا والبنزين يطيح من الهلكبتور على خزان السيارة مالتنا لما فولت السيارة بنزين وضربت الخزان مرة ثانية وسكرته << انا بهذا الموقف مت من الضحك بس حاط ايدي على حلقي علشان ماضحك احراج اضحك عليه
عمر: زين الهلكبوتر شنو نوع البنزين عادي ولا خصوصي ؟
صليجة:كان عادي وسيارتنا خصوصي
عمر:زين ،مو بنزين الهلكوبتر يختلف عن السيارة ؟
صليجة: لا مايختلف << لا يكون خبير صيانة هلكوبتر
عمر : اها ، الحمدلله على السلامة
صليجة : الله يسلمك
عاد انا هني ابيه يجذب بعد عاد قلت
ابراهيم: صليجة ،سمعت انك طلعت في من سيربح المليون صج؟
صليجة: لا ماطلعت بس كانوا يبوني انسحب عند 64 الف وانا ماوفقت قلت ابي اشترك علشان اخذ المليونين لو ابي اخذ 64 الف ضليت بالبيت ولا شاركت
ابراهيم: عاد المبلغ زين يمشي الحال يعني تسافر فيه
صليجة: لا يا معود وين اسافر فيه كلها ماتتعدى 5000 ديناركويتي وين اسافر
ابراهيم: اها !! لو انك مشارك كنت طالع بالتلفزيون وشايفينك وصرت مشهور
صليجة: ياعمي اي تلفزيون ،صج انا ماقلت لكم منو شفت بالمطار؟
عمر: منو؟؟
صليجة: شفت زيدان (زين الدين زيدان ) <<<-0-0 وهل يخفى القمر اكيد تعرفونه
عمر:صج والله !!!
صليجة: ايه والله شنو انا اجذب <؛< محشوم
عمر: لالا بس زيدان شنو يسوي هني؟
صليجة:سلمت عليه وعرفني << قوووية
وسألته شنو جايبة للكويت ورد علي انه جاي يغير جو
عمر: ولا سلمت عليه بعد؟
صليجة: ليه ياخي شايفني اجذب ، ولا يسلم عليكم بعد<< انا ابي انفجر من الضحك بس الحمدلله مسكت نفسي
عمر: الله يسلمك ويسلمه ، زين باي فندق اهو علشان نروح له؟
صليجة: اسمح لي عمر اهو امني اني ماقول لاحد وين ساكن<< لا يكون في بيتك
عمر: لا عادي صليجة مو مشكلة
وانا هني اكتفيت من جذب هذا الصبي يخرب بيته يحلف جذب ودوم ندق عليه علشان نسمع اخر مغامراته الجذبية
لوووووووووووووووووووووووول
سلامووز

بانتظار جزء القادم صليجة بالمخيم :cool3:

[الحائر !]

جاااااااااااااااااااااااااااااااري القراءة ..

[KoKoRo KuDo]

السلام عليكم ورحمة الله وبركاته

الحمد لله على السلامة

كيف راسك دحين إن شاء الله بخير

صليجة دا رهيب بنزين من الهليكوبتر للسيارة لا وصوب عليه بالمسدس حق أخوه ((كذبة حلوة))

تصدق أنا كمان عندي بنت في المدرسة زي صليجة كذابة من الدرجة الأولى

وقررت إن أواجها بكذبها يوم السبت ((الله يعين))

على العموم مشكور بانتظار المزيد منك

[كـراش]

بسم الله الرحمن الرحيم

هههههههههههههههههههههههههههههههههههههههههههههههههه ههه

شنو أقول شج شذب ... :hissyfit3:
اووووووووووووووووووووووووووه :cool21:
يصلح يكتب قصص صليجه ماأدري كتبته مضبوط ههههههههه
!!! ياسلام هاللمبة ماتقيك إلا إنت وتطيح (( تسقط )) على راسك هههههههه
كم إصابة حتى الآن ههههه ؟؟
إلى اللقاء

[sweet candy]

ههههههه ..

لوووووووول ..

هذا صليجة صدق رهييب ..

و جذباته خطييرة ..

صدق انه خطيير ..

مشكوور ع الموضوع ..

وسلامات ما تشوف شر ..

و بنتظــار يديك انت و صليجة .. هععع

[@QUEEN_MOON@]

والله اضحكتني اخوي ابراهيم هذا كله جذب

الله يعنينا يارب انته بربك استحملت ولا ما ضحك والله لو كنت مكانك اني بموت من الضحك وما بروم اسكت


والقصة وايد حلو يعني كوووووووووووووووووووووووووووووووووووول


اختك كوين مون نتظر جديدك الرائع والحمد الله على سلامتك اخوي ابراهيم مرة ثانية احذر من لمبه

[بطوط]

الحمد لله على السلامه أخوي ابراهيم :cool3: :cool3:

:oo7dt: انت تفلع على راســك وانا عيني ورجلي خخخخخخخخخخخخخخخخخخخخخ

[IbRaHiM.N]

السلام عليكم ورحمة الله وبركاته

الحمد لله على السلامة

كيف راسك دحين إن شاء الله بخير

صليجة دا رهيب بنزين من الهليكوبتر للسيارة لا وصوب عليه بالمسدس حق أخوه ((كذبة حلوة))

تصدق أنا كمان عندي بنت في المدرسة زي صليجة كذابة من الدرجة الأولى

وقررت إن أواجها بكذبها يوم السبت ((الله يعين))

على العموم مشكور بانتظار المزيد منك

لووووووووووووووووووووووووول
ولا في جذب قوية بس ان شاء الله بالموضوع الجاي
ايه عاد تقابلين وحده مطلعه جذبة قووية مشهد عجيب
لووول
يسلموو على المرور

[IbRaHiM.N]

بسم الله الرحمن الرحيم

هههههههههههههههههههههههههههههههههههههههههههههههههه ههه

شنو أقول شج شذب ... :hissyfit3:
اووووووووووووووووووووووووووه :cool21:
يصلح يكتب قصص صليجه ماأدري كتبته مضبوط ههههههههه
!!! ياسلام هاللمبة ماتقيك إلا إنت وتطيح (( تسقط )) على راسك هههههههه
كم إصابة حتى الآن ههههه ؟؟
إلى اللقاء

لوووووووووول
اوه عد وخربط من كثرهم
بس الاصابات الي كنت العب مع عيال عمي مصارعه فوق الثالثه (من غير ماطيح من فوق الكبت)
يسلموو على المرور

[IbRaHiM.N]

ههههههه ..

لوووووووول ..

هذا صليجة صدق رهييب ..

و جذباته خطييرة ..

صدق انه خطيير ..

مشكوور ع الموضوع ..

وسلامات ما تشوف شر ..

و بنتظــار يديك انت و صليجة .. هععع

العفووووا
الله يسلمج خيتووو

يسلموو على المرور

[IbRaHiM.N]

والله اضحكتني اخوي ابراهيم هذا كله جذب

الله يعنينا يارب انته بربك استحملت ولا ما ضحك والله لو كنت مكانك اني بموت من الضحك وما بروم اسكت


والقصة وايد حلو يعني كوووووووووووووووووووووووووووووووووووول


اختك كوين مون نتظر جديدك الرائع والحمد الله على سلامتك اخوي ابراهيم مرة ثانية احذر من لمبه

الله يسلمج اختي كوين

يسلمووووو ع المرور
لا اكيد المرة الياية اوخر عنها قبل لا تطيح علي

[ka!to fan]

السلام عليكم و الرحمة ^^

!!^^ ,, اللهم عافينا كذب لهالدرجة !!

أوه نسيت الحمدلله عالسلامة !! خخخخخخخخ اللمبة صدق مستقصدتك لا انت القزاز كله مستقصدك ^^

و هالصليجة مافي أحد ينصحه إنه يبطل ! خصوصا ياليت كذبه ماينعرف لا مبين كذبة هاليكوبتر و زيدان ^^ سلمولي عليه ^^

و مشكور أخوي إبراهيم عالقصة الحلوة ^^

و بانتظار جديدك المتميز دوم ^^

[ورود الشوق]

.. هههههههههههههههههههه .. هذه كذبة و إلا من الحكايات الخرافيه ..

.. زين مسكت عمرك و ما ضحكت و إلا لوكنت أنا بموت من الضحك ..

.. أنا إلي أذكره طيارات الهليكبتر ما تسوي سالفة لأحد ، و خاصة بالليل يعني معقولة إتجوفهم ..

... ما أعرف هذا النوع من الناس كيف عنده خيال واسع و يطلعون أكاذيب ..

.. نسيت أقول سلامات أخوي و إن شاء الله تنتبه مرة ثانية ..

.. و مشكور على المووضوع ..

[kaka show time]

لوووووووووووووووووووول

سلامات برهومه

كيف راسك الحين

و الله صليجة هذا ذكرني بــ ((مدرس )) بين قوسين

يطلع أرانب و كل أرنب أكبر من الثاني

لا مرة يقوووووول

إنه كان ماشي بالسيارة و فجأأأأأأأأأأأأأأأأأأأة

ينقطع السير

جلس يفكر إيش يسوي

و طلعت الفكرة الجهنمية و هي إنه أخذ العقال من فوق رأسه و حطه محل السير المقطوع

و غير كذبة البحر لما لقي لوحة مكتوب فيها السودان 30 كيلو

و غيره الكثير الكثير

[rose2222]

ههههههههههه
ماعليك شر
اهم شي مخك شغال من عقب اللمبة اللي طاحت على راسك
زين ليش ماتسوون حق صليجة يوميات وتبيعونها على الفضائيات
بتستفيدون وايد
واذا صرت من اصحاب الملايين
لا تنساني النص بالنص
اوكو
وتسلم على الموضوع الرهيب

[IbRaHiM.N]

الحمد لله على السلامه أخوي ابراهيم :cool3: :cool3:

:oo7dt: انت تفلع على راســك وانا عيني ورجلي خخخخخخخخخخخخخخخخخخخخخ

الله يسلمك اخوي بطوط
ماتشوف شر
يسلمووو على المرور

[IbRaHiM.N]

السلام عليكم و الرحمة ^^

!!^^ ,, اللهم عافينا كذب لهالدرجة !!

أوه نسيت الحمدلله عالسلامة !! خخخخخخخخ اللمبة صدق مستقصدتك لا انت القزاز كله مستقصدك ^^

و هالصليجة مافي أحد ينصحه إنه يبطل ! خصوصا ياليت كذبه ماينعرف لا مبين كذبة هاليكوبتر و زيدان ^^ سلمولي عليه ^^

و مشكور أخوي إبراهيم عالقصة الحلوة ^^

و بانتظار جديدك المتميز دوم ^^

الله يسلمج
ايه والله اللمبة مستقصدتني
اوه انتي من صجج يامامطاوعت المنطقة ينصحونه ولا ينفع انا اعتقد كان يرضع جذب
لووووووووووول
يسلمووووووووو خيتووو ع.كايتو<<على طريقة ايكين

[IbRaHiM.N]

.. هههههههههههههههههههه .. هذه كذبة و إلا من الحكايات الخرافيه ..

.. زين مسكت عمرك و ما ضحكت و إلا لوكنت أنا بموت من الضحك ..

.. أنا إلي أذكره طيارات الهليكبتر ما تسوي سالفة لأحد ، و خاصة بالليل يعني معقولة إتجوفهم ..

... ما أعرف هذا النوع من الناس كيف عنده خيال واسع و يطلعون أكاذيب ..

.. نسيت أقول سلامات أخوي و إن شاء الله تنتبه مرة ثانية ..

.. و مشكور على المووضوع ..

انتي قريتي الموضوع وماصدقتي عيل انا الي بالدوانية شنو صار فيني صار فيني نفس حلقة ناروتو
لما الكل يبي يضحكه وانا والفيلسوف من جهه وصليجة من جهة ثانية
لووول
يسلمووووو على المرور

[IbRaHiM.N]

لوووووووووووووووووووول

سلامات برهومه

كيف راسك الحين

و الله صليجة هذا ذكرني بــ ((مدرس )) بين قوسين

يطلع أرانب و كل أرنب أكبر من الثاني

لا مرة يقوووووول

إنه كان ماشي بالسيارة و فجأأأأأأأأأأأأأأأأأأأة

ينقطع السير

جلس يفكر إيش يسوي

و طلعت الفكرة الجهنمية و هي إنه أخذ العقال من فوق رأسه و حطه محل السير المقطوع

و غير كذبة البحر لما لقي لوحة مكتوب فيها السودان 30 كيلو

و غيره الكثير الكثير

الله يسلمك خيو الفيروزي
لووووووووووووووووووووووووووووووووووووووووووووووووو ووووول

يسلموووو على المرور

[ساره م]

اهلا ابراهيم
اريد ان اقول كان كل حكاياتك عن نفسك جميلة و ممتعة و عفوية
و تضحكني من كل قلبي .. يعني انت موهبة والله ..
و حلوة هذه حق الكذاب .. فقررت اكتب بمواضيعك من اليوم و طالع ..
منتظرين جديدك .. و الكذبة حق المخيم ..
شكرا لك