.. السلام عيكم و رحمة الله و بركاته ..
.. كيف الحال يا أعضاء ..
.. اليوم موضوعنا عن اليوم الوطني للإمارات ..
.. بخبركم شو سوينا في المدرسة ..
.. أنا كنت مخلية ألوان مائية داخل درجي ..
.. فقلت للبنات ليج ما نرسم علم الإمارات على ويهنا :smile2:، و قعدت أرسم لربعي و بعد حقي ..
.. و لما جافونا بنات المدرسة شكلهم غاروا ، كلهم راحوا و رسموا بعد ..
.. بس في بنت تفننت و رسمت على ويهها خريطة الإمارات :cool3:..
.. و أحلى شي إنه اليوم سوولنا مسرحيات عن الإمارات ، أول مسرحية كانت تقليد لفريج :yes2: ..
.. و ما شاء الله البنت إلي لعبت دور أم خماس أتقنت الدور حتى سوت صوتها شرات صوت أم خماس ..
.. و أم علاوي همها كله اللاب إلي آخر شي إخترب عنها >> عيوز شو عرفها باللاب ..
.. و أم سلوم رقدت من أول المسرحية :yes2:.. << خخخخخخخخ ..
.. و أم سعيد راحت تشتري حق أم خماس قطعة ، خلتها ببلاش :angry3:..
.. و المسرحية الثانية عن العرس .. عاد كل البنات ضحكوا على المسرحيتين ..
.. و كانت فيه فقرة اليولة و بنات يالوا يولة عجيبة بس فيه بنت أول ما طلعت طاح السلاح عنها ، بس صراحة عقب أبدعت في اليولة ..
.. وبنات سادس هم أصغر مرحلة في مدرستنا قعدوا يغنوا " يا صبارة ما دريتي " و الكل إستانس عليهم ..
.. أبي أعرف إنتوا شو سويتوا بهذا اليوم >> أعرف إنه اليوم الوطني بيكون يوم السبت ، بس عسب يوم السبت بتكون إجازة ، فالمدرسة إحتفلوا اليوم ..
.. و الله يفرح كل إماراتي بهذا اليوم ..
المفضلات