انظروا الى مشيئة الله سبحانه (المطر)

[محترف]

السلام عليكم

كيف الحال اعضائي ؟<<<<< ان شاء الله بخير :smile2:

آسف لأني تأخرت عليكم <<<< الدراسه (آخر سنه وش نسوي):oo7dt:

المهم

في يوم الجمعه الموافق 2006\12\1

قبل صلاة الجمعه بقليل

قدر علينا ربنا بالأمطار على مدينه الدمام في السعوديه

انا توقعت ان ما في احد بيجي المسجد بس الحمد الله جو الناس مهما كانت الظروف

وبعدين رجعت للبيت وبعد الصلاه خف المطر علينا

انا قلت ما دام المطر خف بروح الحلاق <<<< الأخ بينعم (يحلق) ذقنه :cool3:

وانا في نص الطريق زاد علي المطر <<<< رحت فيها انا

وبسرعه جيت عند الحلاق ونعمت ذقني :yes2:

ولما جيت بطلع قالي الحلاق (نعيــــــماً)

انا شفت الشارع وقلت له لما اوصل البيت قلي نعيماً :hissyfit3:

وفي نصف الطريق زاد كمان المطر علينا وغطى الرصيف لدرجة اني ما أشوف وين احط رجلي
وبالغلط داست رجلي على علبة بيبسي مقصوصه وجرحت رجلي من جنبي

المهم انا شفت الطريق باستمعان وقلت لازم اصور المكان

انا على طول اخذت الجوال وصورت الشارع (مع الرصيف )






طبعاً تلاحظون ان الرصيف غطته الأمطار :yes3:

سبحان الله مغير الأحوال

ولايزال المطر ينزل علينا حتى في اللحظه اللي اكتب فيها الموضوع

هذا اللي حبيت اقوله لكم

وتذكروا ان كل شيء بيد الله سبحانه وتعالى

كان معاكم محتـــــــــرف

ســـــــــــــــــــــــــلام

[المدمرة]

وااااااااااااااااااااااو

سبحان الله ..

بصراحه حلووو ...

احنا ما ينزل عندنا وايد

ولكن الحمدالله على كل حال

بصراحه شكل المطر وايد حلووو ..

تسلم اخوي وما قصرت صراحه يسلموووووووو

[Ai-Kun]

حظكم عندكم مطر

ونااااسه

احنا نادر يطق عندنا مطر

هههههه

مشكووووور على الموضوع

[ريشة رسم]

سبحان الله انه احب المطر وااايد
احنا عندا طق مطر من الصبح لحد الحين على مااعتقد خف شوي^^
الله يديمه المطر خييييير وانشالله يستمر ^^

[bassam]

في حديث عن الرسول علية الصلاة والسلام قال في معناه : ان ارض الجزيرة كانت خضراء وستعود خضراء . صدق رسول الله .

[بطوط]

أول شي مبروك عليكــم الحيا

وأحنـــا نزل عندنـا الفجر بعـد ( خبركم الدمام وقطر جيران ) خخخخخخخخخخ

ونزل عندنـا المغرب :smile2:
ويعطيك العاااااااااافيــه ..

[shooshoo_san]

السلام عليكم ورحمة الله وبركاته ...

يااا سلاااام خير وبركه ... احلى شيء المطر ... وماشاء الله بهذي الغزاااره

الحمدلله يارب الله يزيد ويبارك ... وان شاء الله ينزل عندنا بعد قريب مثل ما نزل عندكم

مشكووووور ع الصور ... الحمدلله يا رب ع كل شيء ... ^_______^...

[ka!to fan]

السلام عليكم و الرحمة ^^

ماشاء الله ^^ و الله وحشني المطر ^^

أكثر شي أحبه المطر ^^ ياسلااام بس في القرية أحلى مناظر طبيعية ^^

و حنا بعد إن شاء الله ينزل عندنا المطر ^^ مع إنه مو مطول بداية المدارس جانا مطر و بعده نو

بس الجو ماشاء الله ^^

و مشكور أخوي محترف عالموضوع الحلوو ^^

وبانتظار جديدك المتميز دووم ^^

[Lara_300]

السلام عليكم ..

اللهم صيباً نافعاً ..

نحن ايضاً عندنا امطار غزيرة حالياً بالامارات ... وبالتحديد في أبوظبي ..

اللهم لك الحمد ..

ومبارك عليكم الخير ..

[halim_3000]

اولا طهورا ان شاء الله
شافاك الله من رجلك ان شاء الله

ثانيا بارك الله لم فيما انعم به عليكم

[LightNight]

السلام عليكم
الحمدلله على هذه النعمة
سبحان الله كل سنة نصلي صلاة استسقاء وبالكاد ينزل مطر
أما هذا العام فسبحان الله شوارع الامارات غارقة بأمطار الخير وحتى هذه اللحظة التي أكتب فيها الرد لا يزال المطر يتساقط
فالحمدلله الحمدلله الحمدلله

[ورود الشوق]

.. عجيييييييييييبة الصور وايد حلوة ..

.. و سلامات أخوي ..

.. إحنا في الإمارات بمنطقتنا من الفجر يطيح مطر ، أنا راقدة و أتقلب و أسمعه ..

.. و هو ألحين و أنا أكتب بعده يطيح ..

.. ومشكووووووووووووووور على الموضوع ..

[العود]

اليوم عندنا في بوظبي مطر غزير
إن شالله كل يوم مطر

[DaNgEr GiRl]

مشكوووووووور أخوي على الموضوع

في الإمارات من الفجر يطيح لين الحين و أنا أكتب الرد

الله يدوم أمطار الخير علينا و على الجميع

[kaka show time]

الله يديم الأمطار

أنا ودي بالأمطار ما أدري ليه بس اللهم صيبا نافعا

و صح نسيت أقول لك كيف رجلك إن شاء الله تمام