السلام عليكم ورحمة الله و بركاته ,,
هذا أول موضوع لي فـ القسم ,, وأبا تفاعل منكم ,,
أولاً مبروك للي بدت إجازتهم << وأنا منهم ..
وعقبال اللي بعدهم يدرسون " مساكين "
نب نعرف مستوى الامتحانات ,,
يعني اللي يدخل الموضوع يكتب عن امتحانات نهاية العام وطبعاً لازم نعرف الدولة والمرحلة ,,
أولاً أنا ببدا ::
حبيبتي :: دولة الإمارات العربية المتحدة ,,
ثالث علمي .. ثانوية عامة << تبون المدرسة بعد ^^!
أول امتحان :: رياضيات .. 15-5-2008 يوم النحس العالمي ..
في أيام الدراسة العادية كنّا نسمع إشاعات انه في امتحان تجريبي رياضيات ,, عشان نعرف صيغ امتحانات آخر السنة وكيف بتيي الأسئلة ,, لأن المنهج يديد وهذي أول سنة يطبقونه >> علينا ,, نحاسة
بس والله احس انه ما منه فايدة ,,
الأسئلة اللي يتنا في الامتحان النهائي ما يخصها في الامتحان التجريبي ,,
في أسئلة غريبة وفي أسئلة من برع الكتاب و في أسئلة معقدة وفي ... وفي .... ,, مع ان الكتاب مترووووووووووووس أسئلة وأفكار
نحن حلينا و نحن مب متأكدين من الإجابة ,, والله يوم نشوف سؤال غريب أو صعب ننسى اللي درسناه ..
ثاني يوم امتحان عربي ::
زين بعد ما خلونا ندرس وما خلنوا نداوم السبت عشان نمتحن ..
امتحان العربي كان طويل ,, بس سهل ,, حلو ,, وان شا الله يرفع النسبة .. -clab0" class="inlineimg" />
ثالث يوم :: امتحان جيلوجيا ,,
لوّعونا هم والخرايط مالتهم ,, أغلبية الامتحان خرايط ,, كل صفحة لازم فيها سؤال عن الخرايط ,, اففــ ,, بس كان حليو ,, زوين ,, أعتقد ان امتحان الفصل الأول كان أسهل ..
رابع امتحان :: دين
نفس الشي ,, الامتحان كلن حليو ,, سهل ,, بس الفصل الأول كان أسهل و أحلى بواااايد .. << يبت فيه 100 ^^
امتحان الأحياء ::
والله مادري ,, أنا توقعت أسهل عن جي ,,
حرام حتى الواحد يقعد ع الكتاب حتى راسه ما يحكه ,, ويدرس ,, وبعدين يطلع الامتحان صعب >.<
امتحان النووي :: الكيميا ..
هذا اللي فجّر البنات ,, الكل توقع ان أغلب الأسئلة من وحدة الكيمياء العضوية ,, ودرسناها ,, ودرسنا الكتاب ,,
وبعدين يابولنا أسئلة ......... .
واايد من برع الكتاب ,, ولاّ السؤال :: انه ليش في نظارات شفافة يتغير لونها وتصير غامقة تحت الشمس ؟ ,,
أصلاً ما في كلمة " نظارة في كتابنا الكيميا يعني نفسي أفهم هـ الأسئلة من وين اييبونها !!
هذا غير الأسئلة الباقية >.<
ختامه زفت :: امتحان الفيزيا
والله اني أشوف انه هذا أصعب امتحان ,, مادة الفيزيا بروحها صعبة ,, وكل وحدة في الكتاب عليها أكثر من 80 سؤال وأغلبيتهم أفكار يبالها حل وايد ,, وأغلبهم تمارين ,, يعني نفسي أفهم ,, ما تكفيهم الأسئلة اللي في الكتاب ,, يعني حالفين انهم اييبون اسئلة من برع الكتاب ,, افــــــــــــــــــ ..
حسبي الله ونعم الوكيل ,, يعني شــ نقول .. الله لا يسامح اللي حطوا أسئلة امتحانات الثانوية العامة ..
والله حرام عليهم ,, ان شا الله يارب ترد عليهم ,, أو على عيالهم ,, ويوم يشوفون حد من عيالهم راسب ,, بيتذكرونّا ..
يعني يبغون يستعرضون عضلاتهم !! ,, بصراحة قدروا يستعرضون عضلاتهم ,, وبامتياز بعد ,, كأنهم حاطين جائزة حق اللي يحط أصعب امتحان في المواد -Winner0" class="inlineimg" /> ..
حسبي الله و نعم الوكيل ..
ان شا الله درجة التقويم ترفع النسبة ,,
ادعولنا ,,
بانتظار مروركم
المفضلات