يومياتي في المدرسة الجزء الثاني

[kyto kid]

احم احم نعود مع ذكريات المدرسة الرهيبة والغريبة

المكان طبعا المدرسة

الزمان :الصف الأول الأعدادي

الحصة :قرأن

المعلم:"احسن واحد هيطلع حافظ كويس هيبقي ليه مفأجأة"

الطلاب: هيييييييييييييييييييه

مش عارف فرحانين علي ايه قال يعني هجيبلهم حاجة

كان النظام اللي عاملله زي البطولات العالميه كذا مجموعه كل مجموعه حوالي اربعه يتأهل منها واحد كل مجموعه بتقول جزء كبير من سورة معينة
بشرط ان افراد المجموعه مش يكون تسميعهم لهذا الجزء متصل دون توقف يعني مش تفتكر السورة كانت بتقول ايه

المهم بجد انا كنت كويس في حفظ القرأن اتأهلت الحمد لله للمجموعه النهائية
وبعد كده اتبقيت انا واتنين فقال :خلاص يا جماعه التلاتة دول هما اللي هوريهم المفاجأة

احد الطلاب كان بيحبني جدا طبعا بهزر قصدي كان في عداء بيننا:لا يا استاذ نصفي بين التلاتة لحد ماواحد يتبقي

علي العموم كان مستوانا عالي وانا واحد اتبقينا وكان مستحيل نصفي بين بعض

فأعلن ان هو هيورينا المفأجأة

وفجأه معلم اللغة الأنجليزية دخلالفصل وقال للولد اللي معايا تعال انا عاوزك

طبعا كنت فرحان من جوة قلبي "الله يا واد يا كايتو ده انت حظك حلو المفاجأه ليك وحدك"

بصيت طبعا للواد اللي بيكرهني بطريقة ساخرة

هو طبعا كان نفسه ساعتها يكسر دماغي

ما علينا راح الأستاذ قاللي :يللا يا كايتو المفاجأة مستنيانا برة

طلعت برة معاه وداني غرفه المدرسين وخللاني امسك ورق امتحانات لسنة تانيه اعدادي وقاللي يلللا قم بأملائي الدرجات

انا:هههههه هي دي المفاجأة ولا ايه؟

المعلم:اه ايه رايك؟اصل انا قلت اطلعك من الفصل احسن وعلي الأقل تفوت حصة من الحصص المملة

انا:هههههههههه شكرا يا استاذ

طبعا انا كنت عاوز اخنقه ساعتها لأن الحصة اللي كانت بعد القرأن كانت حصة تربية رياضية او العاب

ما علينا قمت بأملائه الأسم والدرجه وهو بيسجل في الدفتر

لحد ما وصلت لورقه كده نصها مليان ونصها فاضي فجيت اقرا الدرجه لقيتها

29/30 يعني الواد ناقص درجة بس طبعا استغربت جدا بس كنت خلاص قلتله الدرجة

بس لما جيت ادقق في الدرجة تاني اكتشفت الكارثة لقيت الواد جايب 19 مش 29 .......طبعا كلكم هيفتكر ان انا قلتله الدرجه الأصليه
طبعا لا الصراحه انكسفت وانا كنت خجول جدا ومؤدب فقلت يللا خللي الواد يفرح احسن اهله يزعلله منه اعمل ايه في قلبي الطيب


الموقف التاني كان في امتحان رياضيات

ماسك القلم وبحل السؤال التاني لقيت القلم مش بيكتب عشان الحبر جف من البرد

الصراحه انا كنت بنكسف او اخجل ان اطلب من المدرس اي حاجه فرجت بكل ادب ...اخدت القلم بتاع زميلي من ايده بالقوة يعني سحبته بخفة يد

طبعا هو زميلي وحبيبي بس ده برضه امتحان فراح واخده مني وكنا ممكن نقضي الأمتحان كله ناخد القلمة من بعض لول تدخل الوحش "الأستاذ"

"ايه ده بتغشو؟"

طبعا انا استغربت يعني ازاي بنغش يمكن القلم بتكسره يطلع منه معلومه رياضيه

زميلي"لا يا استاذ اصل قلمه الحبر خلص "

الأستاذ"مش تقول كده يا كايتو يا حبيبي"

انا"ابتسامة جميلة"
"خد القلم ده يللا كمل"

"شكرا"

جيت اكتب كتبت سكر واحد والقلم فضي زي الي قبله

"استاذ القلم ده كمان خلص"

"طيب خد القلم ده"

جيت اكتب كتبت سطرين والقلم فضي

"استاذ ده كمان خلص"

"نعم انت بتهرج شكلك كده عاوز تغش"

طبعا انا لسه مش عارف ايه علاقة تبديل القلم بالغش

"لا لا والله يا استاذ ده فعلا بايظ"
طبعا كل الفصل ضحك والأستاذ كان وصل لنقطه الأنفعال

راح مسك القلم مني وجه يكتب مش كتب يعني انا مش كداب

راح مطلع ولاعة سجائر وسخن القلم من بعيد فالقلم كتب
"شفت يعني بيكتب اهو تحب احرمك من الأمتحان"
قال يعني هيحرمني من الجنة...وثانيا المفروض ان انا امشي بولاعه سجائر طول النهار عشان الأقلام ......طبعا سكت ولكم الحكم في هذا الموقف



الصف الأول الثانوي

حصة اللغه الأأجنبية

انا كنت بدرس اللغه الأألمانيه وكنا في حصة الفرنساوي

عادي استاذ اللغه الأألمانيه بما اننا اقلية كان بييجي ياخدنا حوال 10 بس بيدرسو الماني ويحطنا في فصل فاضي

بس الأأستاذ ما جاش وكان عليهم تسميع الأرقام بالفرنساوي

المسيي مش عارف بتنطقوها ازاي

راح قاللي تعال يا ولدي اكتب علي السبورة 2 4 7 بألفرنساوي طبعا

طبعا انا معرفش فرنساوي وانكسفت وكنت خجول ان انا اقولله الماني

رحت كاتبهم بألأنجليش

"انت بتهرج يا ابني افتح ايدك ولقيت عصاية غريبه الشكل لها 3 ابعاد "
الشجاعة جاتللي ورحت اتكلمت"وانا مالي انا الماني مش فرنساوي"

"هههههههه والله طيب ما تقول كده يا ابني من القول,بس برضه هتضرب يعني هتضرب انا مزاجي كده"
الله علي المزاج منتهي العدل والباقي تعرفونه



اخر موقف كانت في حصة التربية الرياضيه فالمدرس وقفنا كده بيختبرنا وقال هسألكو سؤال مهم جدا

انا طبعا من نحسي كنت اول واحد اتسأل
"قول يا كايتو اسم الحصة دي ايه"

انا لسه 3 ابتدائي
"العاب يا استاذ"
لقيت ملامحه تحولت الي ملامح غضب
"العاب اسمها تربيه رياضيه ايها الوغد اقسم انك لن تلعب في هذه الحصة لنهاية العام الدراسي"

شفته العدل يا جماعه مش عارف فرقت ايه لما قلت العاب بدل تربيه رياضيه

وفعلا قعدت حوالي شهر مش العب لحد ما زملائي المخلصين ترجوه ان هو يسامحني علي فعلتي النكراء

وهنا ينتهي الجزء الثاني لو فيه جزء ثالث هبقي اجيبه


بس المواقف دي فعلا حقيقية وليست من تاليفيهل حدث معك هذا من قبل؟

[soso Roro]

مرحبا كايتو كل عام و أنت بخير و يسعدنى أكون أول واحدة ترد عليك


ما علينا راح الأستاذ قاللي :يللا يا كايتو المفاجأة مستنيانا برة

طلعت برة معاه وداني غرفه المدرسين وخللاني امسك ورق امتحانات لسنة تانيه اعدادي وقاللي يلللا قم بأملائي الدرجات

انا:هههههه هي دي المفاجأة ولا ايه؟

المعلم:اه ايه رايك؟اصل انا قلت اطلعك من الفصل احسن وعلي الأقل تفوت حصة من الحصص المملة


يا عينى على المفاجأة الحلوة و عجبتنى جدا جملة تفوت حصة من الحصص المملة أصله يريد أن يجعلك ترتاح يا كايتو هههههه


وثانيا المفروض ان انا امشي بولاعه سجائر طول النهار عشان الأقلام ......طبعا سكت ولكم الحكم في هذا الموقف

المرة دى تمشى بولاعة سجائر المرة القادمة يقولك امشى بعلبة السجائر نفسها و لكن ضع فيها جميع أقلامك ههههه


"هههههههه والله طيب ما تقول كده يا ابني من القول,بس برضه هتضرب يعني هتضرب انا مزاجي كده

لما الأستاذ يقولك يا كايتو ان ده مزاجه اسمع كلامه حتى لا تجد نفسك تانى يوم فى المدرسة معاك بابا و احتمال فصل أسبوع من المدرسة

"العاب اسمها تربيه رياضيه ايها الوغد اقسم انك لن تلعب في هذه الحصة لنهاية العام الدراسي"

هو ده يا كايتو كان مدرس الألعاب و لا مدرس عربى ههههه


مشكور أخوى كايتو على المواقف المضحكة هذه ده انت اتعذبت بما فيه الكفاية ربنا معاك بقية الأعوام

و لا تغضب منى فى هذه التعليقات بجد أنا دمى اتحرق من المواقف هذه

و كل عام و أنت بألف خير .......أختك...soso roro

[أنا وأختي]

"انت بتهرج يا ابني افتح ايدك ولقيت عصاية غريبه الشكل لها 3 ابعاد "
الشجاعة جاتللي ورحت اتكلمت"وانا مالي انا الماني مش فرنساوي"

"هههههههه والله طيب ما تقول كده يا ابني من القول,بس برضه هتضرب يعني هتضرب انا مزاجي كده"
الله علي المزاج منتهي العدل والباقي تعرفونه

ماشاء الله عندكم-في مصر- تقدرون تتعلمون اللغة اللي تبونها أو لغات محددة تختارون وحدة منها ؟

ياليت عندنا كذا ><"

أما مدرسك هذا أحس في عقله "خلل نصفي"^^

الله يشفيه يستخف دمّه ^^

لو أنا عنده ضربته بعصا خماسية الأبعاد خخخ
^^


مذكراتك جميلة وأسلوبك أقمل ^_^

[بَلْسَم،،]

شكراً جزيلاً لك ..
المواااااااااااااقف موتتني من الضحك ..
جميل أن يكون لك مثل هذه الذكريات ..
طريقة طرحك لها رااائعة ...
أتمنى لك حياة هادئة ولطيفة ..
(( عانيت كثيراً))
دمت في رعاية الله *_*

[kyto kid]

شكرا يا جماعه علي مروركم الجميل وعادي يا SOSO RORO تعليقاتك كوميدية

[maxman1991]

السلام عليكم

أولاً...شكراً على الموضوع اليــــــــــ^^

ثانياً ...مواقف حصلت مع.....

أول ثانوي..""ثاني ثانوي في دول أخرى""

اليوم الذي يلي ليلة القدر

وصلت متأخر حوالي الساعة عشرة صباحاً طبعاً لقاني مساعد المدير و لمحاسن الصدف كان معاه
مديرة التربية والتعليم للمنطقة>>شخص أعرفه ويعرفني<< المهم
مساعد المدير: ليش متأخر ؟؟
: راحة علي نومه
:ليش أقمت ليلة القدر؟؟
:الحمد لله
: طيب أنا ماشفتك؟؟>>طبعاً مساعد المدير في منطقة و أنا في منطقة أخرى
: و لا أنا يا أستاذ...!!!
:طيب وين كتبك؟؟>كنت مصيف ما معي إلا دفترين
:مش معي..
:ما شي روح على الإدارة وخذ إنذار و روح.....
مدير التربية والتعليم:إستنى يا إبني إنتا أقمت ليلة القدر؟؟
:نعم
:طيب جيب شهود و أنا مسامحك....!!!!!

>>>حتى ليلة القدر بدها شهود<<

موقف آخر

أول ثانوي

حصة اللغة الإنجليزية

الأستاذ::يا شباب أكتبوا الموجود الي على اللوح.....

بعد ما أنهينا الكتابة إطلع على الأستاذ و الأستاذ نايم....

طبعاً الطلاب بدهم يوخذوا الحصة

و أختاروني إني أصحيه ...على أساس إنه بعزني كثير ""بحبني""
:أستاذ ....... قوم خلصنا كتايه
الأستاذ : مين مات؟؟
:يا أستاذ ولا حده بس إنتا قوم وحل الأسئلة
:طيب هو كم ظايل من الحصة؟؟
:30 دقيقة.!!
:طيب بعد ربع ساعة صحيني..خليني أنام والله نعسان


---------------
وشكراً على الموضوع مرة أخرى


>>طلب بس صغر تو قيعك حبتين<<
سلام

[Kimberly]

hahahahhahahahahaahahah
ola ola
من جد مواقف كوووول بانتظار الزيد كل يوم حقيقى مضحكة للغاية
مشكور على هالموضوع الرائع بأنتظار المزيد من مواضيعك

[حور العين]

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه

لااااااااااااااااااااااااا مستحيل هذي مواقف بس
ياويلي بطني عورني
يا حليلك يا أخوي على الي صار لك

ههههههههههههههههههههههههههههههههههههه

إذا في جزء ثالث إبقا قولنا عشان نحضره

سلاااااااااااااااااااااااااااااااااااااااااااام

[نور الاسلام]

السلام عليكم و رحمة الله و بركاته
و كل عام و انتم بخير
و جزيت خيرا على المواقف المضحكة(عمرى ماجربتها و الحمد لله)
مع تحياتى:نور الاسلام

[بي بي بو]

لا لا لا صرت أكتشف أنك مثلي و الله أغلب البلاوي تطيح ع راسك و رأسي "^^

[rora2008]

السلام عليكم

ههههههههههههههههه

مواقف رائعة

عجبني موقف القلم

ايه الحظ الغريب ده 3 اقلام مرة واحدة وكلهم فاضيين

في موقف مرة حصلي من مدرس لغة عربية وكان في امتحان شهر فقولت للمدرس انا عايزة قلم

قام قايلي ازاي

قلتله يعني ايه ازاي عايزة قلم

قالي اسمه قلم (نطق حرف القاف باللغة العربية مش زينا بننطقها ألف يعني )

قالي انتي طريقة نطقك دي معناها انك عايزة ألم (وجع يعني ) عشان كده قلتك ازاي استغربت ان في حد

بيطلب الوجع (الألم) >>>>>>>>دقه تجيب الشلل

وعلى كده عقبال ما فهمني نص الحصة خلصت وكان شوية وهيجيلي شلل منه

وكل ده عشان طلبت قلم

مدرسين آخر زمن

_____________________

ومشكووووووووووووووور أخي على الموضوع الرائع ^_^

ارجو ان تتقبل مروري

في أمان الله

جــــآنــــــا

[leedo]

هههههههههههههههههههه

حقاً أخى مجموعة مَقالِب ........... أقصد مَواقِف مُذهلة

أسعدكَ اللهُ كما أمتعتنا وأضحكتنا بها -Winner0" class="inlineimg" />-Winner0" class="inlineimg" />




أرجو أن تُتحِفنا بالمزيد

فِى رعايةِ اللهِ أخى

[leedo]

فى موقف الفرنساوى ، الشجاعة جاءت مُتأخرة ههههههههههه

يعنى لو قُلت للأستاذ من البداية كان أفضل ، لأن مُمكن يكون ظن أنَّك تسخر منهُ ، لذا أصَرَّ على ضربك .

مُجرد تعقيب .
أرجو المعذرة ،
فى رعاية الله أخى .