~*~ مشاركتي الـ 2000 ~*~ تجربتي في الطبخ..تحت إشراف الشيف Miss Me & Miss Holmes ~*~

[البرنسيسة]

~*~ السـلام عليـكم و رحمة الله و بركاته ~*~


شحـالكم عساكم بخير؟


حيــاكم الله في موضوعي..من زمااان ما حطيت موضوع في هالقسم


لكن حبيت تكون مشاركتي الـ 2000 مميزة ..و فكرت أحط هالموضوع..إن شـاء الله يفيدكم ^^








هذا الموضوع بيكون عن أول تجربه لي لعمل هالأكلات


أنا ما أحب وايد أطبخ ولا عندي خبرة وااايد في الطبخ ..لكن شوفوا شو سويت و شوفوا النتيجه ^^"

طبعا في أعضاء يزااهم الله خير شجعوني أطبخ و شرحولي طرق بعض هالأكلات


و أتمنى انتوا بعد تشجعوني..لأني مب وااايد أطبخ و ما أمارس هالشي ^^"


و اذا طبخت يعتبر شي إنجاااز بالنسبة لي خخخخخ








ما بطول عليكم..خلونا نبدأ بأول أكله..



~*~ كيكة التوفي ~*~

المقادير:

كأسا طحين
كأس سكر
3 بيضات
ملعقة بيكنج باودر
3/1 كأس زيت
3/1 كأس حليب

مقادير التوفي:

فنجانا سكر
مكعب زبدة صغيرة
علبة قشطة

الطريقة:

1-يخفق البيض جيداً مدة 5 دقائق ثم يضاف السكر و البيكنج باودر مع الاستمرار في الخفق.
2-يضاف الزيت و الحليب إلى الخليط مع الاستمرار في الخفق حتى يصبح الخليط مثل الكريمة.
3-يضاف الطحين بالتدريج و يضرب بالمضرب اليدوي حتى يمتزج جيداً.
4-يصب الخليط في قالب مدهون بالزبدة ثم يدخل فرن حار مدة 30 دقيقة أو حتى النضج.
5-لعمل التوفي: يوضع السكر على النار مع الزبدة حتى يذوب السكر و يأخذ اللون البني ثم تضاف القشطة مع التحريك المستمر حتى لا يتكتل السكر في القشطة و إذا تكتل يستمر في التحريك حتى يذوب تماماً.
6-عند إخراجها تترك لتبرد قليلاً ثم يصب عليها التوفي حتى يغطي الوجه و تزين ثم تقدم.

( الطريقة من كتاب اسمه " كتاب الطبخ الميسر" )

و نتيجة تجربتي كانت ناجحه الحمدلله ..بس كان فيها خطأ بسيط لكن تغلبت عليه..و الكيكة طلعت لذييييذه ~_^

و هذي صورها..

~*~ الدونات ~*~

المقادير:

3 أكواب طحين رقم 1
2 ملعقة خميره
1 ملعقة باكنغ بودر
1 حبة بطاطس متوسطه مسلوقه ومهروسه
3 ملاعق كبيره حليب بودره
1 فنجان زيت
1 فنجان سكر
1 فنجان ماء
قليل من الفانيليا

الطريقة:

تخلط المقادير الجافه مع بعض.. ثم تضاف باقي المكونات... وتخلط حتى تحصلي على عجينه لينه .. تترك لتتخمر 2 – 3 ساعه... او حتى ترتفع العجينه

طريقة عمل الدونات:

خذي جزء من العجينه ولا تنسين تغطين الباقي لانه العجينه لو نشفت ما بتنفع...وعلى سطح عليه طحين افردي العجينه وقطعي دوائر بواسطة كوب الشاي.. أما الزوائد رجعيها للعجينه المتبقيه... الدوائر قطيها من الوسط بواسطة غطاة قرشة الماي.. وحطيها في صينيه وغطيها بفوطه نظيفه عشان ماتنشف العجينه.. وبعد ماتخلصين في مقلى فيه كميه مناسبه من الزيت الحار اقلي الدونات وحمريها على دفعات .. وطلعيهن من المقلى في صحن فيه ورق او كلينكس عشان ينشف منه الزيت وبعدين حطيه في صحن التقديم المفروش بورق نشاف..وبعد ماتخلصين كل الدونات حطي سكر مطحون في مشخله و انثريه على الدونات

( الطريقة من شرح الشيف مسووو )

نتيجة الدونات نجحت عندي بعد..بس شكلي زدت السكر اللي عليه..و مع ذلك طلع لذيييذ

و كانت التجربه بالنسبة لي شوي صعبه..و ما توقعتها تنجح

و هذي صورة الدونات..

بس شكله طلع عبييط

~*~ سينابون بالككاو ~*~

المقادير:

مقادير العجينه:

كأسا طحين
½ كأس حليب بودره
½ كأس حليب طازج (غير بارد)
فنجان سكر
فنجان زيت
فنجان ماء دافئ
ملعقة صغيرة بيكنج باودر
ملعقة صغيرة خميرة فوريه
رشة ملح

مقادير الحشوة:

ملعقة كبيرة ككاو بودره
ملعقة كبيرة جرفه
ملعقة كبيرة سكر
25 جرام زبدة

مقادير صوص التوفي: (للتزيين)

فنجانا سكر
مكعب زبدة صغيرة

علبة قشطة

مقادير الصوص الأبيض: (للتزيين)
ربع قشطه
ملعقة صغيرة سكر

الطريقة:

1-تخلط المقادير التاليه: الطحين و الملح و الحليب بودره و البيكنج باودر
2-تخلط الخميرة الفوريه و الماء الدافئ و تترك 10 دقائق ثم يوضع عليها الحليب و الزيت
3-تصب الخلطة رقم 2 على الخلطة رقم 1 و تعجن ثم تغطى و تترك ساعه حتى تختمر
4-لعمل الحشوة: يخلط الككاو و الجرفه و السكر فقط (الزبدة تستخدم لدهن العجينه)
5-تفرد العجينه بعد دهنها بالزبده على سطح عليه طحين و يوضع عليها الككاو و الجرفه و السكر و تلف (مثل شكل البيب) ثم تقص الى قطع صغيرة
6-توضع القطع في صينيه عليها قصدير مدهون بالزبده (مع ضغطها)
7-توضع في الفرن حتى تحمر (نصف ساعه تقريبا)
8-لعمل التوفي: يوضع السكر على النار مع الزبدة حتى يذوب السكر و يأخذ اللون البني ثم تضاف القشطة مع التحريك المستمر حتى لا يتكتل السكر في القشطة و إذا تكتل يستمر في التحريك حتى يذوب تماماً

9- يزين بالصوص

( الطريقة من شرح الشيف مس هولمز )

و النتيجة نجحت عندي الحمدلله..هذي ما كانت أول تجربه لي..بس هالطريقة أول مرة أجربها

سويت سينابون قبل لكن بطريقة ثانية..كان بالجرفه

لكن هذا بالككاو عيبني أكثر -yes0" class="inlineimg" /> لأني ما أحب الجرفه وااايد

و هذي الصور..

هذا السينابون اللي سوته مس هولمز..

و هذا اللي سويته أنا..

مثل ما شفتوا..أغلب الأكلات اللي سويتها سويتات و هذي أشياء بسيطه

و الحين بخليكم مع الأكله الدسمه..اللي كنت متخيله انها وااايد صعبه بالذات يوم شفت طريقتها و ما كنت متشجعه أسويها

لكن مسووو شجعتني عليها..و يحليلها صبرت علي واااااايد..من الصيف وهي تترياني أسويها خخخخخ

و ما سويتها الا في بدايه هالاجازة..قبل اسبوعين تقريبا

~*~ اللزانيا ~*~

المقادير:

· عجينة اللزانيا ( جاهزة )
· لحم مفروم
· 2 بصل متوسط مفروم
· 3 فص ثوم ناعمه
· 2 طماط صغار ( تقطع صغار وتفرم بفرامة البصل )
· عصير طماط ( 2 طماط كبار تقطع وتوضع في المولينكس )
· 2ملعقة كبيره صلصل طماطم
· رزمة كوزبره وبقدونس تقطع صغار
· 1 جزر مقطع صغار جداً ( مجرد إضافه يمكن الإستغناء عنها )

مقادير الباشميل او الصلصل البيضاء

· 1 كوب طحين رقم 1 او طحين الكيك ( نفس الشي )
· 7 ملاعق حليب بودره
· 4 اكواب ماء ( كوب الجبن )
· 1 كوب زيت بس مب متروس

الطريقة:

العجينه:
توضع عدد من شرائح عجينة اللزانيا بدون " تكسير" في قدر مملوء بالماء ويوضع عليه قليل من الزيت ونتركها تنطبخ حتى تستوي
انتبهي لا تلصق العجينه في القدر.. حركيها بين فتره وثانيه شوي شوي عشان ما تتكسر ويفضل أن يكون القدر كبير...بعد ما تخلص من الطبخ اشخليها في مشخله ( صفايه ) كبيره

الحشوه:
يوضع اللحم في ماء ويوضع اعواد جرفه ومسمار و بصلتين صغار مقشرات بدون تقطيع وفصين ثوم ونتركه يغلي حتى يستوي.. وبعدها يشخل ونشل عنه الجرفه والبصل و...الخ
في مقلى ضعي قليلا من الزيت..و ضعي البصل والثوم وحمسيه شويه حتى يحمر... ثم ضعي الجزر وحمسي شوي ... ثم ضعي الطماط المفروم... ثم ضعي اللحم المفروم وحمسيه حتى يختلط الطمام مع اللحم المفروم... ثم ضعي عصير الطماط واخلطي المكونات جيدا ..ثم ضعي ملعقتين الصلصل.. ثم ضعي البهارات: الملح والفلفل الأسود والكمون و ( البزار و الفلفل الأحمر >> اختياري)... حمسيه قليلا حتى تختلط البهارات مع المكونات وآخر شي ضعي الكوزبره والبقدونس .. في النهايه غطي المقلى وخليه على نار هاديه حتى تخف الصالونه وتصبح حشوه ليست ناشفه

الباشميل:
جهزي في طاسه 7 ملاعق حليب جاف ومع 4 اكواب جبن..اخلطيه وضعي فيه الفلفل والملح
في جدر كبير ضعي كوب طحين ... حمسيه قليلا ومن يبدأ يتغير لون الطحين على طول ضعي الزيت,,اخلطيه فتره بسييطه وبعدين ضعي الحليب عليه مع التحريك بإستمرار حتى يصبح غليظ..وبعد الانتهاء اغلقي النار عنه و ضعي عليه جبن موزيريلا

بعد الانتهاء من عمل الحشوه والباشميل والمعكرونه..

ادهني صينيه بالزيت لوضع اللزانيا عليها
ضعي طبقه واحده من اللزانيا في القاع (يفضل أن تصف باليد حتى لا تتقطع)
بعد طبقة اللزانيا ضعي قليلا من صلصلة الباشميل وبعدها حشوة اللحم وبعدها طبقة صلصلة الباشميل وضعي عليها جبن موزيريلا.. وهكذا.. لازنيا بعدها بشميل بعدها حشوه وبعدها بشميل وبعدها جبن
آخر طبقة في السطح هي صلصلة الباشميل..ادهني السطح بقطعه صغيره من الزبده ثم غطيها كلها بجبن الموزيريلا مع مكعبات من جبن كرفت الأزرق
ضعيها في فرن حار فترة قليلة (نص ساعه أو أقل بحسب حرارة الفرن)...و في النهايه شغلي الفرن عليها من فوق حتى يحمر الوجه

( طبعا الطريقة من الشيف مسووو )

طريقة عملها صعبه شويه..و النتيجة ما ضبطتها 100%..الملح كان ناقص شويه

و الباشميل استوى عندي غليظ شوي..لكنها بشكل عام طلعت لذيييذه

و كأول تجربه بالنسبة لي تعتبر جيدة..حتى في ناس جربوها و طلبوا مني طريقتها

و هذي صور منها..

هذي اللزانيا من يد الشيف مسووو..

و هذي اللي أنا سويتها..

و صحه و عافيه

.بس هذا اللي عندي الحين..طبعا أنا طبخت أشياء ثانيه مب بس هالأشياء

سويت أنواع ثانيه من الكيك منها كيكة النسكافيه و بسكويت بالفانيليا و الككاو و سويت بلاليط مع بيض

و سويت عيش (رز) و أشياء ثانيه بعد ما أذكر الحين ^^"

شو رايكم بهذي الأكلات؟..ما عليكم من شكلها ادري انه ما يشهي

جربوووها و ذوقوها..لذييييييذه لا تفوتكم ..و إن شاء الله تعيبكم

و إذا أي حد جرب شي من هالأكلات يخبرنا النتايج

في النهايه..ما أنسى أشكر الشيف مسووو و مس هولمز على شرحهم لي لهالأكلات و تشجيعهم

يزاهم الله خير و يعطيهم العافيه ما قصروا -flowers0" class="inlineimg" />..

~*~ في أمان الله ~*~

[~ MissCloud ~]

وعليكم الســـلام برنســـو ..

موضوع جميل يبعث على الأمل في من لا أمل فيهم مثلى ..

أجمل ما فيه نجاحك في تأدية الطبخات بطريقة صحيحة .. لا أعرف عن مذاقه ، لكن يبدو شكله رائـــــعاً ..

شكراً لمنحنا بعض الأمل .. ولأعتبر الموضوع مختبر للتجربة في إخوتي المساكين ..

جزى ربي الخير لمن ساعدنك مس هولمز ومس مي ..وجزاك كذلك ..

أتوقف عند هذا القدر ..

كلاود

[etooo]

السلام عليكم
موضوع في غاية الروعة
جزاكي الله خيرا
ان شاء الله هنجرب شيئ من هذه الأكلات
ومشكووور اختي

سلامي^ ^

[Nihon]

لا ماشاء الله مبدعات وطباخات

يا حسرتي لسه وراي مشوااااااااار على شان أوصلكم

وماشاء الله شهيتوني كل اكلاتكم أحبها

بس أفضل السينابون بالقرفة أكثر ^^ .. أشوف أن القرفة تطعم الأكل غالباً

أدعولي أصير مثلكم

شكراً لك البرنسيسة وميس هولمز وميس مي على الامتاع الشهي

بالتوفيق

[Kimberly]

السلام عليكم و رحمة الله و بركاته
باااااك و سورى على التأخر ^^
و من جد موضوعك رائع ما شاء الله
طريقة عمل بسكويت بالكاكاو :
المقادير :
1 - زبد
2 - بسكويت
3 - نصف كوب سكر
4 - نصف كوب لبن
5 - ملعقة و نصف بودرة كاكاو

الطريقة :
1 تذوب الزبد على النار و نضع عليها السكر لبضع دقائق مع التقليب و نضيف اللبن و نتركه يغلى قليلا ثم نضع بودرة الكاكاو
2 - نقطع البسكويت الى قسمين و نضعه على الخليط السابق ليغلظ و نرفع الخليط عن النار لكى يبرد ثم نقوم بطيه فى الاناء و نضعه فى الثلاجة ليجمد و ما ان يتماسك حتى يقطع و يدحرج فى الجيل و
ummm ummm

عصير الميلك شيلك بالفراولة :
المقادير :
1 - 2 كوب لبن
2 - 2 كوب بوظه بالفراولة
3 - ملعقتا سكر

الطريقة :
ضعى فى الخلاط البوظه و الحليب و السكر و قومى بوضعهم فى كؤوس و
ummm ummm
و بالهناء و الشفاء
سعدت بمشاركتى لك حبوبتى
و لى عودة بأذن الله
فى رعاية الله

[رد روز]

برنسوووو .. هني ..

وينج خيتوو .. من زماان مختفيه .. أنا اقوول وين برنسو ! قاعدة تطبخين XDD
ماشاااء الله عليييج خيتوو ..
مس هولمز و مس مي .. دايما متميزات ..

انا اعرف اطبخ عيش بس دايما محروق او ما فيه ملح XD
ان شاء الله بحاول اجرب الطبخات ..
تسلميييين يالغلاا ع الطرح ..

و مبرووووووووووووووووووووووك الالفين و عقبال الـ 6000 مشاركة
تقبلي مروري

[روَاء]

يميم .. لذيييييييييذ ..

تسلم إيديك .. طباخة ما شاء الله ..

أنتظر مواضيعك الشهية .. ^_^












سدد الله خطاك على دروب الخير ..

[AlMa7roM]

هلووه برنسيسه
..
أوووه الموضوع هذا في وقته ^___^
أخيرا قرروا البنات يتعلمن يطبخن هههههههه ..
" دايمن أقول حق خواتي شو هذا ما تعرفون تطبخون ،،
ينقهرن مسكينات و يقولن يوم أروح عند ريلي بتعلم لووول "
و تذكرت بعد أخو ربيعي " ما يرتاح إلا يوم يبرد خاطره في الحش XDD ..
يقول : " شو هذا بنات هالأيام فالحات بس يسون حلويات ..
جنه الريال بيتريق و بيتغدا و بيتعشا حلويات XDDDDDDD "
إحم الحين إرتحت هههههه .. << عيون برنسيسه الحين يشعللن ناار هههه
..
الحين نرجع للموضوع << لو بعد كملت حش هههه ،،
....

ما شاء الله مسويه مجموعة أكلات حلوووه تفتح النفس ..
تشوفين أول ما شفت موضوعج طلعت ..
و سيدا للجامعه و خذيتلي سينابون ^___^ ،،
طعمه روووووعه و بعد رحت خذيتلي دونت من كريسبي كرييم << صباح كان كله حلويات هههه

نروح للطبخات ..



الكيكه شكلها حلوو و لكن الله يستر في الطعم ..
تراه ما أعرف شو التوفو و كيف طعمه ،،
هل هو حلووو و إلا شوو ؟!
و طريقتها سهله يمكن أجرب في حياتي مره و أسويها " الله يستر بس ^^" "





تبين الصرااااحه ..
شكلها روووعه XDDDD ..
يعني صدق لو الطباخ سوالكم الدونات جيه شو بتقوليله هههههه ،،
و لكن الشكل على شو يعتمد يعني " كيف تتحكمين في الشكل و أخليه شويه مقبول ^^" "
و تبين الصدق الدونات شكله تراه دايمن تقريبا مثل جذيه يوم يسويها الطباخ لنا ^^"،،
المشكله حتى يوم يسويها طعمها ما يساعد أبدا حد ياكلها ..
فيله بنجرب مالتج يوم تكون حلووه ^__^



السينابون ..
رووووووووووووعه شكله حلووووو يبفتح النفس ^_______^ ..
و السينابون إلي مسوتنه مس هولمز طالع يشهي بشكل مو طبيعي هههههه
و ما شاء الله عليج ضبطتيه من أول مره ،،
و يله يمكن بخذ خلطتج و بقول لأخواتي البطالات يسونها لي XD << راح يدعن لج بالخير هههه

..



أوووووووه هاي الطبخه إبدااااااااااااااااااااع ..
أمس ماكل باستا و لكن و لا مره كليت اللزانيا ،،
و تعرفين متى أول مره عرفت اللزانيا من فلم القطو " جارفيلد "
و لا غير القطو إلي متخبل على اللزانيا ما أعرف شي ثاني XDDD
و إذا تنصحيني في مكان يسويها حلوه يمكن بفكر أجربها ^.^

و اللزانيا مالتج طالعه أحلا عن مالت مس مي ..
تحسينها كل شي جيه ذايب حلوو حار ،،
مب مالت مس مي أحس جنها حصاه XDD << مس مي الحين حقدت علي

و ما شاء الله عليج ..
أبدعتي في الطبخ و شكلج راح تكونين طباخه إحتراف ^__^ ،،
و يله باجر عشانا نحنا الأعضاء عليج يله كل واحد قطعه من إلي راح تطبخينه ههههه

و يله كملي مشوارج مع الطبخ و جربي كم طبخه ..
و راوينا نتائج طباخج ^___^

و أشكر مس مي و مس هولمز ..
على صبرهم على برنسيسه محترفة الطبخ ههههه

..

إحم ،،
هذا الرد الطبيعي إلي يردونه الأعضاء ..
و لكن المحروم لازم يزيد عليه و يسوي موضوع يديد ههههه ،،
إحم راح أسرد أول تجربة طباخ لي بعد طباخي للبيض ههههه

قبل أسبوع كنت يالس مع ربعي و شو نسوي ..
فكرنا نطبخ و نحنا ما شاء الله علينا و بالأصح الجيل اليديد " زيرو طباخ هههههههه "
فالحبايب قررنا نسوي غدا " برياني دياي " ،،
و شو المغامرات ..
نروح السوق نتشرا و أشوف شي و أقولهم هذا خس و يقولولي لا هذا ملفوف ههههههه
كانت تناااحه على أصول XDDD ..
و نروح بعض ناخذ جرجير و يوم ناخذها تنقزلنا حرمه تقول ترا هذا مب جرجير ..
شي ثاني ماله خص حتى نسيت شو إسمه " يمكن بقدونس " هههههههههههههه
و نحنا نتشرا الناس" كنا 3 " ..
الناس كلهم يشوفونا خاااصه الحريم و بعد الشيبان ..
في خاطرهم هذا شو دراااهم في الطبييخ و الخضر " همه في حياتهم كلهم إشترو خضره من قبل XDDD " ..
و يا عيني علينا بس نشوف البصله نقول لا هاي مب زين هازيج أحسن ،،
و ليش ؟؟
لأنها مرقعه و شويه شكلها مب حلوو ههههههههههههههه << صدق كااان هبببل لووول
و الحمدلله طبخنا و للعلم كانت هاي المره الثانيه ..
و كنت أنا المسؤول في المره الأولى و الثانيه << يا حسره عليك من طباخ " راحت الطبخه هههه "
و المره أولى خليني ساكت بس شو سوينا الدياي ماله طعم أبدا ،،
بس حطيته في الماي و حطيت عليه شوية هيل و قرفه و كااان طعمه إحم ..
كلنا ناكله و نبلعه بالغصب و أظن تغدينا الساعه 6 المغرب و نحنا بادين 3 و نص ههههه
و ها شباب حلوو ..
كلهم : زين زين " ويوه ربايعي : ^^""""""" "
و العيش غادي هرييسه ههههههه
و لكن المره الثانيه كان شي ثاااااني ..
المره الأولى إلي تغدا كنا نحنا الـ3 إلي طلعنا نتشرا ..
و لكن المره الثانيه أنا تفاجأت يايبيلي الكلاس كله " 7 " ..
و أول ما شفتهم قلت اليوم فضيحتنا راح أطيح في موقف لا يحسد عليه ،،
قبل 3 و بيسترون علي الحين 7 ^^"
فبدأ الطباخ و المره الثانيه كنت الحمدلله ..
مرتب عمري و تقريبا مجهزين كل شي
خلطات و حركات ،،
و خلصت في ساعه تقريبا
و يوم حطيت الغدا لهم أمس ما شفت شي إلا و الصحون منظفه ..
مافي و لا حبة عيش " سننوها ههههه " ،، << صورت الصحون و هيه نظيفه هههه
و الويوه منوووره و كلهم شو هالطباخ
و الأكل ما توقعت حتى يكون أحلا من أكل البيت ههههه << أنا متشقق ساعتها XDD
في خاطري أنا إلي في حياتي كلها طبخته هو البيض
و لكن يله نتعلم عليكم ههههههههه
و إلي شافوا غداي قبل متخبلين شو الفرق بين هذا و ذاك ,,
و ما صدقوا و تورطت و قالوا خلاص الكلاس كلهم غداهم عندي الأسبوع الياي بعد ..
و كانت تجربه حلوووه ..
و حسيت حلوو الواحد يطبخ و يتعلم على الأقل شي للحياه ،،
يوم نطلع بر و إلا شي نقوم نطبخ ^.^

و آسفين طال الرد فوق اللازم ..
و الزياده إلي ما كان لها لزمه ^^""""

[باتوساي]

السلام عليكم

لا أعرف عن مذاقه

نصيحة لا تجربيه انه الجحيم بعينه { تحطيييييييييم خخخخخخخ }


واااااااااااااو

والله انت طبااااااخة فنااااااانة

نف نف انا جيعان نف نف

ماشاء الله تبارك الله

يعني لو ترسلي لي شوي بس نتذوقه

بالهناء و الشاء


دمت بود


إلى اللقاء

[boOonmoOon]

وعليكم السلام ورحمة الله وبركاته
موضوع رائع ويفتح الشهية
باروووح اسوي اللزانيا هاذا اذا ماانحرقت
ماشاء الله طباخة ممتازة
دمتي بود

[RemoOo]

ماشاء الله عليك برنسيسة والله طباخة !!

أحييك وأحيي فيك ثقتك بنفسك وشجاعتك لأنك بديتي بطبخات مرة صعبة ويبغالها مهارة مثل السينابون واللازانيا..
وماشاء الله عليك ضبطيتها ^__^

[pimkie_f]

السلام عليكم

اشكرج اختي على الموضوع

الله شنو هال الابداع يا عيني

ابي اطلب انج تسويلي دونات و دزينها بالبريد

..خخخخخخخخخ لا تنسين اوكي

[ღ ريـ م ـي ღ]

.

لـِي ع ـودهـ {

..,
,,.

و ع ـليْكُـم السـلـآم و رحمـة الله و بـركـآتـُه ..

أهليـِن بـرنسُـو ـ كيـِفـك ؟ ان شـآء الله طيبـه .. ؟

أنـآ تـمـآمـز الـ ح ـمـد لله ..

مـآ شـآء الله 2000 مُبـآرك ^_^

عُ ـقبـآل 5000 و 10000 ^___^ ..

ووووووووآآااآاآاآاآووووووو تبـدُو لـذيـذة ، يصـلـمُـو ..

ح ـرآم ع ـليـك ج ـوعتيـِنـآ ..

أممم الدُونـآت ، لـآ و الله تبـدُو شهيَـة ..

يـآربـِي شُـو هـآذ ـ مـؤكُـولـآت وآآآآآآآو ^____^ ..

إذآ كـآنـت هـآذِي أول تـ ج ـربـة كيْـف بالبـآقـِي ..

شو رايكم بهذي الأكلات؟..ما عليكم من شكلها ادري انه ما يشهي

شُـو رأيــِي ؟ ـ رأيـِي أنُ ح ـرآم اللـِي ع ـملتيـِه فينـِي ـ ج ـوعتيـنـِي مُـووووووت ..

بَـس و الله تـ ج ـنن ـ شَكـلهـآ زآدهـآ رووووعـهـ ..

يــصْـلمُـوووووووو بـرنسُـو ع الـاكلـآت الـرآآآآآآآآآآآآآآآئـ ع ـة ..

و مآ ننسَـى نـشكُـر الشيـِفـآت المُميـزآت ميـِسُـو × ميـِس هُـولمـز ..

أريـ غ ـآتـُـو ميــِنـآ ^____ ~ ..

ان شـآء الله أجـربْـهـآ و أرد لك الـ خ ـبـر ـ هُـ ع ..,

أتـوقَـف الـآن }

دُمـتِ فـِي ح ـفـظ الكـريـِـم ~>

\\
//
\\
//

[البرنسيسة]

وعليكم الســـلام برنســـو ..

موضوع جميل يبعث على الأمل في من لا أمل فيهم مثلى ..

أجمل ما فيه نجاحك في تأدية الطبخات بطريقة صحيحة .. لا أعرف عن مذاقه ، لكن يبدو شكله رائـــــعاً ..

شكراً لمنحنا بعض الأمل .. ولأعتبر الموضوع مختبر للتجربة في إخوتي المساكين ..

جزى ربي الخير لمن ساعدنك مس هولمز ومس مي ..وجزاك كذلك ..

أتوقف عند هذا القدر ..

كلاود

أهلييين كلاود

العفو ^^

يزاج الله خير عالمرور الحلو و المشجع

والله استانست بردج..حسستيني إني سويت شي مفيد D:

لا تحرمينا من ردودج حبوبه ^^

[البرنسيسة]

السلام عليكم
موضوع في غاية الروعة
جزاكي الله خيرا
ان شاء الله هنجرب شيئ من هذه الأكلات
ومشكووور اختي

سلامي^ ^

و عليكم السـلام و رحمة الله و بركاته

العفو..تسلمييين أختي..ردج الأروع ^^

[BlUe_WiNtEr]

وعليكم السلام و رحمة الله و بركاته

يااااااااااااااااااااااااااااااااااااااااااااااااه
السينمون شكله لللللذذذذذذذذذذذيييييييييييييييييذذذذذذذذ لدرجة مؤلمة
حسيت اني اشتهييت اكله T.T

اللزانيا صعبة >.< ما اتخيل نفسي اسويها في يوم من الايام


برنسو
انا احييك على هالخطوة
مسألة انك تقاومين العجز و كره الطبخ وتدخلين المطبخ و تطبخين هذي خطوة جبارة و نقلة هائلة لا يقدرها الا نحن الفتيات
بارك الله فيك اخيتي وانتم السابقون و نحن اللاحقون
ان شاااء الله استحي على وجهي وابدا اتعلم الطبخ T.T

[OleaNder]

سعيده جدا بتصفحي لهذا الموضوع الرااائع...

عجبتني كتير وخاااصه بعد الاكلات فتحت نفسي علي الاكـــــــــــــــــــــــــل..

الف الف شكر لكن...واتمني نشوف مشاركتك دوما..

وجزاكن الله كل خير

[Daisy]

:: وعليكم السلام ورحمة الله وبركاته ::

ماشاء الله عليك برينسوووو والله مب هينه XDD ،،، أتاريك طباخه وحنا ما ندري ،،،

يااااااااي اللزانيا أمووووووووت عليها ،،، وشكلها هنا لذيذه سواء من يدك والا من يد مسووو ^^ ،،،
أموووووت على الباستا بجميع انواعها ،،، وهي الأكله الوحيده اللي أحب أطبخها << أكره الرز XD ،،
عاد تدرين كان بخاطري أسوي لزانيا ،،، بإذن الله بسويها قريب من وصفتك ^^ ،،،


أما السينابون والدونات شكلهم مشهيه مرررررره ،،، أنا بالحلى مب ذاك الزود ،،، أحس أعصب لما أسوي حلى XDD ،،، لأنه لازم تكونين دقيقه مره عشان تضبط >< ،،،
بس بجرب أسويها مره لأهلي وأفاجئهم XDD ،،،

مشكووووووووووووره ياقلبي على الموضوع الروووووووووعه ،،، وشكراً لمسووو ومس هولمز على تدريسك XDD ،،،
وإن شاء الله نشوفك بموضوع تعلمينا فيه طبخ الذبيحه XDD ،،،

وألف مبروووووووووك على مشاركاتك الألفين وعقبال المليونين ^^ ،،،

[البرنسيسة]

لا ماشاء الله مبدعات وطباخات

يا حسرتي لسه وراي مشوااااااااار على شان أوصلكم

وماشاء الله شهيتوني كل اكلاتكم أحبها

بس أفضل السينابون بالقرفة أكثر ^^ .. أشوف أن القرفة تطعم الأكل غالباً

أدعولي أصير مثلكم

شكراً لك البرنسيسة وميس هولمز وميس مي على الامتاع الشهي

بالتوفيق

العفو أختي..يالله تشجعي و ابدئي بالشي السهل

و إن شاء الله تصيرين طباخه أحسن منا D:

ثاااااااانكس عالمرور الحلو..و الله يوفق الجميع

[البرنسيسة]

برنسوووو .. هني ..

وينج خيتوو .. من زماان مختفيه .. أنا اقوول وين برنسو ! قاعدة تطبخين XDD
ماشاااء الله عليييج خيتوو ..
مس هولمز و مس مي .. دايما متميزات ..

انا اعرف اطبخ عيش بس دايما محروق او ما فيه ملح XD
ان شاء الله بحاول اجرب الطبخات ..
تسلميييين يالغلاا ع الطرح ..

و مبرووووووووووووووووووووووك الالفين و عقبال الـ 6000 مشاركة
تقبلي مروري

ههههههههههههههه..مختفيه لأني كنت مسافرة ^^

هههههههههه حاولي تجربين أكثر عن مرة و إن شاء الله يضبط عندج

الله يبارك فيج..و يعطيج العافيه عالمرور..لا تحرمينا من ردودج الحلوة خيتو