^^حدث مالم يكن في الحسبان^^

[محبة الربيع]

~السلام عليكم ورحمة الله وبركاته~

-كيف الحال اخواني وخواتي الغالين ؟

طبعا مثل ما مكتوب بالعنوان ...

اول شي بطاقة تعريفية لمكان الحدث :

فندق الرمال بدبي

الطابق الخامس

الشقة رقم 500وشي نسيت ماذكر بالظبط

والوقت كان تقريبا عشر في الليل ..

وكنا انا واخواني قاعدين بالشقة نشوف تلفزيون

اما اخوي الي اصغر مني بثلاث سنين راح مع اعيال خالي يتمشى معاهم في ممرات الفندق ...

وخالي ومرته وبناته كانوا في شقتهم الي بالدور الي فوقنا ...

احنا كنا قاعدين نطالع التلفزيون مندمجين بالفيلم الا فجأة نسمع صوت قوي ..

قالت امي اكيد هاي صوت جرس الباب فراحت وطلت من فتحة الباب وما حصلت حد بس لما طالعت عدل شافت

دخان يطلع من جرس انذار الحريق والناس يراكضون بالممر صوب الدرج يبون يظهرون من الفندق ..

هني امي استوعبت وقالت لنا يلا بسرعة تحركوا حريق بالفندق عاد احنا من الخرعة كل واحد منا تدوده واحد ظهر من دون نعال والي ظهر بنعال وحدة هاي انا بس بعدين لبست النعال الثانية بالطريق اما اختي ظلت حافية ...

واول ما ظهرنا من الشقة الا طلع لنا واحد اجنبي وتم يقول لنا " over here come over here" وبعدين اظهرت مراة اماراتية وقالت لنا تعالوا هني اقرب فرحنا وراها ونزلنا الدرج وحالة خمس ادوار تعب والله ويوم طلعنا رحنا سيدة للباب الرئيسي وشفنا الشرطة والمطافي والاسعاف جاين .. واحنا دشينا وسمعنا واحد اجنبي ثاني يقول"fuke that boy if I see him i will hit him " عاد انا قلت منو هذا الصبي الي يتكلم عنه .. وطقعت ورحت عنه وبعدين رحنا لشقتنا وحصلناها مسكرة فقلنا للي يشتغل انه يبطل لنا الشقة لانا نسينا المفتاح داخل الشقة لما ضرب انذار الحريق من الخوف وتسكر علينا الباب وهو على طول بطل لنا .. واول مادشينا الشقة كل واحد منا راح بصوب ..اخوي الكبير راح سيدة للمطبخ بطنه يعوره يبي ياكله شم لقمه ... اما اختي راحت الله يعزكم الحمام .. وانا طبعا المحققة قعدت استكشف المكان ... اما امي شالت النقاب والشيلة ... انا رحت سيدة لغرفة النوم ابي اخذ شي من هناك ولاحظت شي غريب .. رجول اثنين مرة ورجال تخرعت وقلت حق امي وقمنا نركض برع الشقة .. واحنا فقسانين من الضحك .. والهندي الي يشتغل كمل الضحك ويانا ... ولما وصلنا لشقتنا العدلة .. كلمت امي خالتي على طول وقالت لها: انتم وينكم وليه ما ظهرتم من شقتكم لما طق جرس االنذار؟ .. فردت خالتي: ويه لا حريق ولاشي الي ضرب الجرس كاهو عندي ... وهني قالت امي ومنو لي ضرب الجرس ؟ فقالت خالتي هاي ولدي سعود من غيره يعني ..

والمشكلة انه يقول حق اخوي انا ما كسرت الزجاج بس شفته بعيوني وهو بروحه انكسر لووووووووول ما صارت عيون ...

ولا شاهدين عليه ثلاثة بعد : الاول اخوي ... والثاني اخوه ... والثالث العامل ..حتى جاه لنا يقول هذا ودلكم هو الي ضرب جرس الانذار ...

بس الحمدلله عدت على خير لان الشرطة كانوا يفتشون كل الشقق يبون يصيدون الولد الي ضرب الجرس ..

بس اشوه ما اعرفوه ولا شان في الف داهية الحين ...

وسلام،
ربوعة

[كـراش]

بسم الله الرحمن الرحيم

لي عودة ... ولله الحمد أول رد

[ورود الشوق]

خخخخخخخخخخخخخ و الله مغامرة و لا أروع

و لا بعد شافة و بروحه انكسر ، أحيد سوبر مان هو إللي يطلع ليزر من عيونه خخخخخخخخ

مشكورة أختي على الموضوع

[cool-girl]

خخخخخخخخخخخخخخخخخخ

والله ضحكتيني اختي و ها سعود كم عمره عشان يسوي كذا ؟اكيد صغير و لا لو كبير ما بسوي كذا

يلا الحمد لله ع السلامة

والسموحة

[محبة الربيع]

بسم الله الرحمن الرحيم

لي عودة ... ولله الحمد أول رد

السلام عليكم،

حياك الله اخوي ..

ومبروك لك اول رد:cool3: ...

[محبة الربيع]

خخخخخخخخخخخخخ و الله مغامرة و لا أروع

و لا بعد شافة و بروحه انكسر ، أحيد سوبر مان هو إللي يطلع ليزر من عيونه خخخخخخخخ

مشكورة أختي على الموضوع

:cool3: هذا ولد خالي عليه حركات هاي ولاشي بس مستحي شوي لانا موب ببلادنا :smug2: ..

لو تشوفينه بقطر مسوي البلاوي :oo7dt: .. هو وشلة المرح معاه..

والعفو اختي الغالية وثانكس على ردج المنور موضوعي :smug2: ..

سلام،
محبة الربيع

[محبة الربيع]

خخخخخخخخخخخخخخخخخخ

والله ضحكتيني اختي و ها سعود كم عمره عشان يسوي كذا ؟اكيد صغير و لا لو كبير ما بسوي كذا

يلا الحمد لله ع السلامة

والسموحة

خخخخخ هذا وين صغير الله يهديج بس هذا اكبر مني ومنج طول وعرض :cool3: ..

وين صغير :oo7dt: .. يدرس بكلية اكادمية القادة العسكرية الحين باول سنة له :cool3: والله مصنعينه هناك :smug2: ...

والله يسلمج ..

وسلام،
محبة الربيع

[Blue Pearl]

خخخخخخخخخخخ

صدق مغامره ... هههههههههه ...

[H_Assassin19]

:smug2:خخخخخخخخخخخخخخ:smug2:

اما هالولد شيطان الله يحفظه :oo7dt:

بس شدعوة شاف الزر وهو رن بروحه

كله في صوب ويوم دخلتوا شقة غلط قي صوب !! :cool3:

الله يعين خالتج على هالصبي :hmmm3:

وننتظر جديدج

[محبة الربيع]

خخخخخخخخخخخ

صدق مغامره ... هههههههههه ...

ايه والله وانتي الصاجة :cool3: ...

ومشكورة على الرد النايس..

سلام،
محبة الربيع

[جنى الورد]

خخخخخخخخخخخخخخخخخخخخخخ
القصة خطيييييييييييييييييييره
متخيله شكلكم وانتم داخلين وخاااارجين من الشقة ميتيييييين من الضحك
يالله كسبتوها تغيير جو .... وتدريب على عملياااات الإخلاااااااااء
والحمد لله على سلامتكم
أختك/ جنووو

[محبة الربيع]

:smug2:خخخخخخخخخخخخخخ:smug2:

اما هالولد شيطان الله يحفظه :oo7dt:

بس شدعوة شاف الزر وهو رن بروحه

كله في صوب ويوم دخلتوا شقة غلط قي صوب !! :cool3:

الله يعين خالتج على هالصبي :hmmm3:

وننتظر جديدج

:cool3: شيطان وبس :angry3: الله بطلع لنا قرون من كثر شيطانته :hmmm3: ..

:cool3: ادري عنه يخرف علينا يحسبى بنصدقه الحين يعني :cool3:

والله هذه من الخرعة يوم دشينا شقة غلط :cool3: ..

ايه والله خالتي متصندره منه بس يوم راح الجيش على الاقل قلت شيطانته :yes3: ..

ان شاء الله بعد السفر بجيب لكم قصص رهيبة :cool21: ..

وسلام،
محبة الربيع

[محبة الربيع]

خخخخخخخخخخخخخخخخخخخخخخ
القصة خطيييييييييييييييييييره
متخيله شكلكم وانتم داخلين وخاااارجين من الشقة ميتيييييين من الضحك
يالله كسبتوها تغيير جو .... وتدريب على عملياااات الإخلاااااااااء
والحمد لله على سلامتكم
أختك/ جنووو

..

شفتي شلون والله انا كنا ميتين ضحك ...

ايه والله تدريب خطير عشان مرة ثانية سيدة نظهر وبنعلنا ..

تسلمين اختي الغالية على ردج الكول..

سلام،
محبة الربيع

[جولييت]

ههههههههههههههههههههههههههههههههه

يحق له الاجنبي يعصب اجل هههههههههههههههههههههه

ما شاء الله ولد خالتك للحين مشتاق للطفولة خخخخخخخخخ

قال شو...قال طالعه ورن لحاله هههههههههههههههههههههههه....الظاهر يحسب نفسه في charmed ههههههههههههههههه

بس والله حماس...والحمدلله مو حريق عن جد ...

مشكووورة على القصة

[محبة الربيع]

ههههههههههههههههههههههههههههههههه

يحق له الاجنبي يعصب اجل هههههههههههههههههههههه

ما شاء الله ولد خالتك للحين مشتاق للطفولة خخخخخخخخخ

قال شو...قال طالعه ورن لحاله هههههههههههههههههههههههه....الظاهر يحسب نفسه في charmed ههههههههههههههههه

بس والله حماس...والحمدلله مو حريق عن جد ...

مشكووورة على القصة

عصب وبس انتي لو تشوفينه احمر من العصبية اشوي ويكسر الفندق فوقنا :oo7dt: ..
خخخخخخخ شباب يحبون يسون حركات يستهبلون :smug2: ..

يمكن حسباله خخخخخخخ

وتسلمين على الرد الكول ..

سلام،
محبة الربيع

[ka!to fan]

السلام عليكم و الرحمة ,,

خخخخخخخخخخخخخخخخخخخخخخخخخخخخخ ( وجه واحد ميت ضحك )

عاد خلي ولد خالك يكثر منها ,, بروح أجرب صدق بيشتغل جرس الإنذار يوم اطالعه ,,



لا لا لا لا !!!!!! (( وجه واحد يشاهق من الضحك )) ,, كله كووم و يوم دخلتوا شقة ثانية كووم !!

مغاااامرة فرفوشية رهيبة ,,

و ننتظر باقي المغامرات في السفرة الجايه إن شاء الله ,,

[MAISONA]

وعليكم السلاام ..

هههههههههههههههههههه لحظات صج مضحكه خخخخخخخ

حلوة ^^^ وآخرتها طلعت مزحة هههههههههه

بصراحة موقف يخوف >> شنو احساسج يوم سمعت جرس الانذا ؟؟؟

هههههههههههههههههههههههههههههه

الحمد لله ما صار شئ ^^^^^^^

تسلمييييييييييييييييين ربووعة على موضوعج الحلووووههههههههههههه

تحياتي لكي ::

ميسوو^^

[Neji]

ههههههههههههه خخخخخخخخخخخخخ ... لووووووووووووول

و الله مقلب ... والحمد لله انو ماصار شيء خطير

بس منو هذا ولد الخال ... سلمي عليه وقوليله يوم ليج و يوم عليج
حيجيله يوم واللي يضحك في الآخر يضحك أكثر

شكرا و سلام ...

[NAR]

هههههههههههههههههههههههههههههههههههههههههههههه

ضحك وايد و ارد اضحك
مشكورة على ........؟؟؟
اه الموضوع

[.ll.Miss Me.ll.]

بس شفته بعيوني وهو بروحه انكسر

ههههههههههههه ليكون عينه حاره بس..

يحيه يوم ماطاح في ايدين الأجنبي...وإلا الله يعينه
والله مغامره حلوه...أكيد الولد ياهل..

المهم صارت عندكم ذكرى حلوه وتضحك..من هالرحله..

على الفكر الوجوه إلي حاطتنها في الموضوع وايد حلوه