شمام محقون بفيروس الايدز !! [الأرشيف]

H_Assassin19

11-4-2007, 10:07 PM

السلام عليكم ورحمة الله وبركاته

شخباركم شمسويين ؟ان شاء الله كلكم بخير http://www.msoms-anime.net/forum/images/icons/icon10.gif

المهم
وصلني مسج اليوم الصبح وكان مكتوب فيه

تعميم من وزارة الداخلية دخول مليون حبة شمام الى الاراضي القطرية عن طريق الشمال (عن طريق البحر ) مضروبة بابر ايدز

الاستشاري د صالح الدماس
مستشفى حمد العام ومركز الابحاث
وبصراحة تخرعت
وكنت قبل يومين شارب كوكتيل وفيه شمام :oo7dt:
تخيلوا شلون كان موقفي !!!!
بس بعدين فكرت وقلت اكيد دام احنا في ابريل فأكيد هذي كذبة ابريل :yes3:
ورجعت نمت :cool3:

سؤال
لو كنتوا مكاني شبتسوون ؟؟!!

المهم

طلع الموضوع اشاعة واتوقع بكرة بيأكدون على هالكلام في الجرايد

بس

اللي طلع هالإشاعة شاللي استفاده غير انه خرع اهل قطر كلهم

اسئلة للنقاش :

ما سبب الاشاعات ؟
وما الذي يعود على مؤلف الاشاعة ؟
هل كذبتم كذبه ابريل ولو مرة واحدة في حياتكم ؟

ولا تبخلون علينا بردودكم

حور العين

11-4-2007, 10:14 PM

مرااااااااااااااااااااحب
يما و الله تخرعت....الحمدالله انها طلعت اشاعة و الا ما طبيت قطر الإسبوع الياي
بس و الله قهر منو هذا الي فاضي و ما وراه شغلة الا انه يخرع الناس
المهم يسلمو اخوي على الخبر

H_Assassin19

11-4-2007, 10:17 PM

مرااااااااااااااااااااحب
يما و الله تخرعت....الحمدالله انها طلعت اشاعة و الا ما طبيت قطر الإسبوع الياي
بس و الله قهر منو هذا الي فاضي و ما وراه شغلة الا انه يخرع الناس
المهم يسلمو اخوي على الخبر
هلا اختي حور العين

اي والله الحمدلله انها اطلعت اشاعة ..جان رحت فيها ههههه

ناس فاضية ما عندها سالفة

الله يسلمج اختي

ومشكورة على المرور:)

alfars

11-4-2007, 10:20 PM

فيروس الإيدز لا ينتقل إلا عبر الدم .. ولا ينتقل عن طريق الأكل .. إلا إذا كان هناك قرحة شديدة في المعدة ..

جنى الورد

11-4-2007, 10:22 PM

وعليكم السلام ورحمة الله وبركاته

والله يا أخويه هذا الكلام حتى في السعودية قالوه الناس وفجعوا بعض والحمد لله طلع
إشاعه x إشاعه
وهذا نص المقال في جردية المدينة اللي اليوم

وزارة الصحة: فيروس الإيدز ضعيف لا يعيش إلاّ في الدم ويموت في الشمام

طلال عاتق ـ جدة
نفت وزارة الصحة الشائعات التي ترددت عن دخول شمام إلى المملكة محقون بفيروس الإيدز عن طريق الحدود الشمالية مؤكدة أن فيروس الايدز لا ينتقل عن طريق الاكل او الشرب وهو فيروس ضعيف لا يعيش الا في الدم ولذلك فهو لا ينتقل إلاّ عن طريق نقل الدم او طريق الاتصال الجنسي غير المشروع. وأوضح وكيل وزارة الصحة للطب الوقائي الدكتور خالد الزهراني ان الشائعة التي انتشرت عن طريق الجوالات غير صحيحة على الاطلاق من الناحية العلمية وغير صحيح طبيا حيث إن فيروس الايدز لا ينتقل الا طريق الاتصال الجنسي وعن طريق نقل الدم كما ان فيروس الايدز بالرغم من خطورته لا يعيش خارج بيئة الدم اطلاقا، وما اشيع عن تهريب الفيروس بواسطة الشمام خبر كاذب لا يمت للحقيقة بصلة للاسباب التي ذكرت وهو معروف عالميا عن طريق الدراسات والابحاث التي اثبت جميعها بما لا يدع مجالا للشك ان الفيروس لا ينتقل خارج بيئته التي هي الدم بشكل اساسي.

رابط المصدر (http://www.almadinapress.com/index.aspx?Issueid=2108&pubid=1&CatID=74&sCatID=219&articleid=215010)

والله يكفي الجميـــــــــــع شر الأمراض
أختك/ جنووو
:smile2:

H_Assassin19

11-4-2007, 10:22 PM

فيروس الإيدز لا ينتقل إلا عبر الدم .. ولا ينتقل عن طريق الأكل .. إلا إذا كان هناك قرحة شديدة في المعدة ..
اهاا
يا ريال واحد قاعد من النوم وين بيركز
مشكور اخوي الفارس على مرورك

meaad

11-4-2007, 10:23 PM

السلام عليكم وفعلا كانت اشاعه خطره ولو انا يمكن اغمى علي مباشره واما كذبت ابريل فهذه سخافه والي انه متعجبه انه في بعض الناس تاخذها عادي لانها بس كذبت ابريل يعني لو في اوقت ثاني يمكن زعلون و هالموقف انا شفته بنفسي ولما سالتهم قالوا لانها بس كذبت ابريل يعني الكذبه كذبه ومشكله اذا كانت مؤذيه مثل هذه يعني لو وصل حق واحد مع مرض القلب وحالته ماتحتمل اي انفعال وصار في شي لا سمح الله شنو بيكون موقف صاحب الكذبه وشلون بعيش بعد ذلك لا حول ولا قوة إلا بالله العلي العظيم وشكرا على طرحك للموضوع :)

بسـ ألم ـمة

11-4-2007, 10:24 PM

ما سبب الاشاعات ؟
ممم ناس فااضيه ما عندها شغل فتطلع هالإشاعات ...
وما الذي يعود على مؤلف الاشاعة ؟
الإثـــــــــــــــــــــم ، ..
هل كذبتم كذبه ابريل ولو مرة واحدة في حياتكم ؟
لا أحس سخاافه اللي يجذبون جذبة إبرييل ..
ثاااااااااااااااااااانكس ع الموضوع ...
و الله صدق تخووف هالإشااعه ><! ..

H_Assassin19

11-4-2007, 10:24 PM

وعليكم السلام ورحمة الله وبركاته

والله يا أخويه هذا الكلام حتى في السعودية قالوه الناس وفجعوا بعض والحمد لله طلع
إشاعه x إشاعه
وهذا نص المقال في جردية المدينة اللي اليوم

والله يكفي الجميـــــــــــع شر الأمراض
أختك/ جنووو
:smile2:

حتى السعوديه !!!
انا مادري الناس شبيستفيدون من الاشاعات

حياج الله اخي جنى الورد ومشكورة على المرور

كـراش

11-4-2007, 10:25 PM

بسم الله الرحمن الرحيم

كما قال أخي (( فارس )) فالإيدز لا ينتقل إلا عبر الدم و .....

امم حتى أهالي (( السعودية )) تخرعوا لهذا الخبر ... !

والحمد لله أكدت إنها إشاعة أخي العزيز ساحر القرن الآخير ..

أما شنو استفاد المتتعة في تخريع الناس وخسارة فلوووووووووووووووووووووووووووووووووس !

و الحمد لله على كل حال على نعمة العقل

شكراً

H_Assassin19

11-4-2007, 10:27 PM

السلام عليكم وفعلا كانت اشاعه خطره ولو انا يمكن اغمى علي مباشره واما كذبت ابريل فهذه سخافه والي انه متعجبه انه في بعض الناس تاخذها عادي لانها بس كذبت ابريل يعني لو في اوقت ثاني يمكن زعلون و هالموقف انا شفته بنفسي ولما سالتهم قالوا لانها بس كذبت ابريل يعني الكذبه كذبه ومشكله اذا كانت مؤذيه مثل هذه يعني لو وصل حق واحد مع مرض القلب وحالته ماتحتمل اي انفعال وصار في شي لا سمح الله شنو بيكون موقف صاحب الكذبه وشلون بعيش بعد ذلك لا حول ولا قوة إلا بالله العلي العظيم وشكرا على طرحك للموضوع :)
هلا اختي ميعاد
الكذب كذب وما عندهم سالفة هاللي يقلدون الغرب في كل شي
مشكورة على مرورج

H_Assassin19

11-4-2007, 10:29 PM

ما سبب الاشاعات ؟
ممم ناس فااضيه ما عندها شغل فتطلع هالإشاعات ...
وما الذي يعود على مؤلف الاشاعة ؟
الإثـــــــــــــــــــــم ، ..
هل كذبتم كذبه ابريل ولو مرة واحدة في حياتكم ؟
لا أحس سخاافه اللي يجذبون جذبة إبرييل ..
ثاااااااااااااااااااانكس ع الموضوع ...
و الله صدق تخووف هالإشااعه ><! ..

هلا اختي بسمة الم
بالفعل ناس فاضية
ومشكورة على المرور

***الملاك الابيض***

11-4-2007, 10:31 PM

وعليكم السلام ورحمة الله وبركاته

والله يا أخويه هذا الكلام حتى في السعودية قالوه الناس وفجعوا بعض والحمد لله طلع
إشاعه x إشاعه
وهذا نص المقال في جردية المدينة اللي اليوم

والله يكفي الجميـــــــــــع شر الأمراض
أختك/ جنووو

:smile2:

والله انا جاتني نفس المسج لا ومتى الصباح قمت من النوم بسببه
والله ان فجعت والان من الموضوع عرفت انه اشاعه
والحمدلله

H_Assassin19

11-4-2007, 10:31 PM

بسم الله الرحمن الرحيم

كما قال أخي (( فارس )) فالإيدز لا ينتقل إلا عبر الدم و .....

امم حتى أهالي (( السعودية )) تخرعوا لهذا الخبر ... !

والحمد لله أكدت إنها إشاعة أخي العزيز ساحر القرن الآخير ..

أما شنو استفاد المتتعة في تخريع الناس وخسارة فلوووووووووووووووووووووووووووووووووس !

و الحمد لله على كل حال على نعمة العقل

شكراً
هلا اخوي كراش
الاشاعة من اولها لين اخرها غلط
اصلا ما في دكتور بهالاسم
حيك الله ومشكوور على المرور

بطوط

11-4-2007, 10:32 PM

:oo7dt: انا وصلني المسج نفسه تخرعت ،،والا اخوي وامي واختي واصلهم ،،تخرعنا قلنا مابنآكل شمام
والا يقول ساحر القرن هذي اشاعه (الحمدلله)

والله يحمي الجميع من هالأمرااض ,,(آمين)
سبب الاشاعات:
ناس متمللة تبي تطلع سالفة تروح تألف اي شي وتشوف اذا ينتشر ولا لأ وهاي اسمه تخلف المفروض ينقطون بمستشفى الشفلح :D
وشكراً على الموضوع:cool3:

H_Assassin19

11-4-2007, 10:33 PM

والله انا جاتني نفس المسج لا ومتى الصباح قمت من النوم بسببه
والله ان فجعت والان من الموضوع عرفت انه اشاعه
والحمدلله
يعني نفس حالتي
حياج الله اختي الملاك الابيض
ومشكورة على المرور

H_Assassin19

11-4-2007, 10:37 PM

:oo7dt: انا وصلني المسج نفسه تخرعت ،،والا اخوي وامي واختي واصلهم ،،تخرعنا قلنا مابنآكل شمام
والا يقول ساحر القرن هذي اشاعه (الحمدلله)

والله يحمي الجميع من هالأمرااض ,,(آمين)
سبب الاشاعات:
ناس متمللة تبي تطلع سالفة تروح تألف اي شي وتشوف اذا ينتشر ولا لأ وهاي اسمه تخلف المفروض ينقطون بمستشفى الشفلح :D
وشكراً على الموضوع:cool3:

يعني انا انقذت حياتك ههههه
والله بيني وبينك يا بطوط اللي في الشفلح احسن منهم
العفو
ومشكووور على المرور

بطوط

11-4-2007, 10:41 PM

يعني انا انقذت حياتك ههههه
والله بيني وبينك يا بطوط اللي في الشفلح احسن منهم
العفو
ومشكووور على المرور

اي والله انقذت حياتي
<<كل همه في بطنه هههههههههه اللي يقول درام مب أنسان لووول

اي والله وعليه الشفلح الله يشفيهم أن شاءالله على الاقل لهم عذر مب هذووول والله انهم خبش
<<تفلسف بالبدوي :D

H_Assassin19

11-4-2007, 10:46 PM

اي والله انقذت حياتي
<<كل همه في بطنه هههههههههه اللي يقول درام مب أنسان لووول

اي والله وعليه الشفلح الله يشفيهم أن شاءالله على الاقل لهم عذر مب هذووول والله انهم خبش
<<تفلسف بالبدوي :D
احم احم :cool3:
خبش خخخخخخخخخ
اول مرة اعرف الكلمه
الله يشفيهم :hmmm3:
حياك الله http://www.msoms-anime.net/forum/images/icons/icon10.gif

* قطرة الندى *

11-4-2007, 10:54 PM

الأعضاء كفوا ووفوا << عربي آخر زمان

ماعندي كلام زيادة قالوا كل إلي كنت بقوله << يقطع أبو النصب

مشكور على التنبيه << ياالمؤدبة

وفي أمان الله

Ms . ALFREDO

11-4-2007, 10:58 PM

هــــــــــــــــلا واللــــــــــه
انــــــا بعــــد مساعــــــــه ياني المســـــــــج
وتخرعـــــت قلت شدخـــــــــــل ؟
وشلـــــــــــــــــــــــــون ؟
ومتـــــــــــــى ؟
ولـــــــــــــــــــــــيش؟
شهالسخافـــــــــــه ألي في هالنـــــــــــاس يقعـــدون
يخرعونـــــــــــــا ويجذبـــــــــــون ومــــــادري شنــــــــــو
واللــــــــــــــــه فراغــــــــــــــــــه
والحمــــــــــداللـــــــــــــــــــــه أنــــــــــها طلعــــــــــت
إشـــــــــــاعـــــــــــــه ........
وســـــــــــم اللـــــــــــه عليــــــك / علـــــــــــــيج من الخرعــــــــــه

دمتـــــــــــــــــم فـــــي رعايـــــــــــــة اللــــــــــــــــــه

H_Assassin19

11-4-2007, 11:04 PM

الأعضاء كفوا ووفوا << عربي آخر زمان

ماعندي كلام زيادة قالوا كل إلي كنت بقوله << يقطع أبو النصب

مشكور على التنبيه << ياالمؤدبة

وفي أمان الله
هلا اختي قطر الندى

اي والله الاعضاء ما قصروا

بس ما جاوبتي على الاسئلة اللي في اخر الموضوع

مشكووورة على المرور

H_Assassin19

11-4-2007, 11:07 PM

هــــــــــــــــلا واللــــــــــه
انــــــا بعــــد مساعــــــــه ياني المســـــــــج
وتخرعـــــت قلت شدخـــــــــــل ؟
وشلـــــــــــــــــــــــــون ؟
ومتـــــــــــــى ؟
ولـــــــــــــــــــــــيش؟
شهالسخافـــــــــــه ألي في هالنـــــــــــاس يقعـــدون
يخرعونـــــــــــــا ويجذبـــــــــــون ومــــــادري شنــــــــــو
واللــــــــــــــــه فراغــــــــــــــــــه
والحمــــــــــداللـــــــــــــــــــــه أنــــــــــها طلعــــــــــت
إشـــــــــــاعـــــــــــــه ........
وســـــــــــم اللـــــــــــه عليــــــك / علـــــــــــــيج من الخرعــــــــــه

دمتـــــــــــــــــم فـــــي رعايـــــــــــــة اللــــــــــــــــــه
هلا اختي مس الفريدو
اي والله صج سخافة
وهالمسج انتشر مثل الوباء بسرعة
حياج الله ومشكورة على المرور :)

the hero

11-4-2007, 11:11 PM

ج-1 الأشاعات ناس ماعنده سالفه متفرغين يطلعون شاعات

ج-2 يحصلون اثم صج يستانسون بس يؤثمون

ج-3 بصراحة لا لأنه وحرام وبايخ

ومشكوووووووووووووووووووووووووووووووووووووووور على الموضوع الجميل

kudoo

12-4-2007, 07:32 AM

حتى في الشمام إشاعات > مسكين شكله محسود < , عز الله إن رحنا وطي ,

H_Assassin19

12-4-2007, 11:57 AM

ج-1 الأشاعات ناس ماعنده سالفه متفرغين يطلعون شاعات

ج-2 يحصلون اثم صج يستانسون بس يؤثمون

ج-3 بصراحة لا لأنه وحرام وبايخ

ومشكوووووووووووووووووووووووووووووووووووووووور على الموضوع الجميل
هلا اخوي ذا هيرو
كلامك صح 100%
العفو
مرورك الاجمل :)

H_Assassin19

12-4-2007, 12:07 PM

حتى في الشمام إشاعات > مسكين شكله محسود < , عز الله إن رحنا وطي ,

هلا اخوي كودوو
انا بعد ما عرفت انها اشاعة حسيت ان الالي مطلعها يكره تجار الشمام
او فيه حرّة عليهم
ومشكوووور على المرور

كريمس

12-4-2007, 12:24 PM

كذبه أبريل

صحيح لأن الناس ماوراه الا الاشاعات
وعلى فكره وصلني نفس المسج...!

الشفلح

طبعا لتعريف بها لغير القطريين كلمه تعني ..
دار رعايه المعاقـين
أتمنى من الله الشفاء لهُم

خبش
إذا حابين اعرفها لكم انا حاضر لأني بدوي ولي الفخر ^_^
ومن دار بومشعل

H_Assassin19

12-4-2007, 12:45 PM

كذبه أبريل

صحيح لأن الناس ماوراه الا الاشاعات
وعلى فكره وصلني نفس المسج...!

الشفلح

طبعا لتعريف بها لغير القطريين كلمه تعني ..
دار رعايه المعاقـين
أتمنى من الله الشفاء لهُم

خبش
إذا حابين اعرفها لكم انا حاضر لأني بدوي ولي الفخر ^_^
ومن دار بومشعل

هلا اخوي كريمس
الله يشفيهم
والنعمhttp://msoms-anime.net/forum/images/icons/icon10.gif
ياليت اتقولي المعنى

ومشكوووووور على المرور :)
والله

ayami

12-4-2007, 02:07 PM

خخخخخخخخخخخخخخخخخخخخخخخ

أسئــــلة حلوه والله ...

احينه بجاااوبك بس بتفلسف عليك شوي ^^

أمممممم اولا يا اخويا نحن عايشييين في مجتمع تتعدد فيه أصناف البشر ...

من جي ...اللي يظهر الاشاعات احسه انسان مريض ...

يمكن يغار إنه محد مسوي له سالفه فيبغي يكوون يعني موضع جدل ...هو مب اشااعاته ...ما اعرف ...

شو اللي يستفيد شرات ما قلت ...

الناس يوم بتسأل منو قال ها الكلام الناس بيردووون هذا الفلان كمثال ...حتى لو ظهر جذاب بيقول انا سمعتها من مكان ثاني

يعني هو مب خسران ولا ربحان ...

بس راااح يحصل إثم ...

امممممممممممم جذبه ابريل ..انا مجذبتها ابدن ...

يمكن بالمزاح يعني ...انا اقوول اني انا جذبة ابريل بس متأخر لأني إنولدت في نهاية أبريل ...^^

يوم أطنز ع نفسي اقول الأطباء ما صدقوا امي اني انا بنولد يعني ^^"

هذا رأي ...

وع فكره الاشاعات عادي تكون في اعرااااض نااااس ...او

في مواضيع حساااسه نفس سالفتك انت والشمااام فعلا ..

فايروز الايدز يعني مب لعبه ها السااالفه الواحد حتى لازم ما يسووولف في مثل هذه الأشيااااء ..

الله المستعان بس ...:hmmm3:

يزاك الله خير يا خووويا

والسموووحه ع الايطاله ^^

Neji

12-4-2007, 02:11 PM

وعليكم السلام ورحمة الله وبركاته

الصراحة اللي سوى الإشاعة هذي مخه صغير ، وترى ممكن يموت ناس من الفجعة قبل ما يموتون من الإيدز نفسه
والحمد لله إنها كانت إشاعة ولا كنت رحت فيها أخوي ، ربي سلمك ^^

وهذه أجوبتي :
1- ما سبب الإشاعات ؟
ناس تحب الظهور
2- ومالذي يعود على مؤلف الإشاعة ؟
في رأيي أقل شيء حيتحمل ذنوب كذب الناس اللي نشروها
3- كذبتم كذبة أبريل ؟
ما نستخدم التقويم الميلادي ^^

شكرا على الموضوع ... في أمان الله

NAMI_SWAN

12-4-2007, 02:24 PM

طلع الموضوع اشاعة واتوقع بكرة بيأكدون على هالكلام في الجرايد

بس

اللي طلع هالإشاعة شاللي استفاده غير انه خرع اهل قطر كلهم

اللي طلع الاشاعة واحد مايخاف الله :angry3:
خرعني حسبي الله عليه :oo7dt:
ولدي كان ماكل شمام لين طلع من عيونه وخشمه :oo7dt:
وتخرعت عليه وااااايد .... بس الحمدلله انها طلعت اشاعة مب صج
بعدين عن هالاشاعات اللي كل مرة واحد يطلع لنا شي جديد ؟!!!!!
المفروض ان احنا نتذكر ان عندنا بلدية كفو ... بتسحب اي شي يضر بالشعب

وهذي الاجوبة على اسالتك:
1- ما سبب الإشاعات ؟
ناس عقلهم صغير وماوراهم شغله (يعني ناس فاضيين)
2- ومالذي يعود على مؤلف الإشاعة ؟
مايعود عليه شي غير ادعية الناس عليها
3- كذبتم كذبة أبريل ؟
الحمد لله ولامرة

الحراكي

12-4-2007, 04:22 PM

الصراحة من اول ما قرات الموضوع عرفت انه اشاعة السبب انه حتى ولو كان الشمام محقون بفايرس الايدز مدة النقل او الحفظ بيموت مؤكد الحاجة الثانية انه الايدز لا ينتقل عن طريق الطعام

H_Assassin19

13-4-2007, 04:13 PM

خخخخخخخخخخخخخخخخخخخخخخخ

أسئــــلة حلوه والله ...

احينه بجاااوبك بس بتفلسف عليك شوي ^^

أمممممم اولا يا اخويا نحن عايشييين في مجتمع تتعدد فيه أصناف البشر ...

من جي ...اللي يظهر الاشاعات احسه انسان مريض ...

يمكن يغار إنه محد مسوي له سالفه فيبغي يكوون يعني موضع جدل ...هو مب اشااعاته ...ما اعرف ...

شو اللي يستفيد شرات ما قلت ...

الناس يوم بتسأل منو قال ها الكلام الناس بيردووون هذا الفلان كمثال ...حتى لو ظهر جذاب بيقول انا سمعتها من مكان ثاني

يعني هو مب خسران ولا ربحان ...

بس راااح يحصل إثم ...

امممممممممممم جذبه ابريل ..انا مجذبتها ابدن ...

يمكن بالمزاح يعني ...انا اقوول اني انا جذبة ابريل بس متأخر لأني إنولدت في نهاية أبريل ...^^

يوم أطنز ع نفسي اقول الأطباء ما صدقوا امي اني انا بنولد يعني ^^"

هذا رأي ...

وع فكره الاشاعات عادي تكون في اعرااااض نااااس ...او

في مواضيع حساااسه نفس سالفتك انت والشمااام فعلا ..

فايروز الايدز يعني مب لعبه ها السااالفه الواحد حتى لازم ما يسووولف في مثل هذه الأشيااااء ..

الله المستعان بس ...:hmmm3:

يزاك الله خير يا خووويا

والسموووحه ع الايطاله ^^

هلا اخوي ايامي
كلامك عين العقل
انا بعد مولود في ابريل بس انا في نصه
لا شدعوه الموضوع موضوعك وخذ راحتك
ومشكوووووووور على المرور وحياك الله:)

H_Assassin19

13-4-2007, 04:16 PM

وعليكم السلام ورحمة الله وبركاته

الصراحة اللي سوى الإشاعة هذي مخه صغير ، وترى ممكن يموت ناس من الفجعة قبل ما يموتون من الإيدز نفسه
والحمد لله إنها كانت إشاعة ولا كنت رحت فيها أخوي ، ربي سلمك ^^

وهذه أجوبتي :
1- ما سبب الإشاعات ؟
ناس تحب الظهور
2- ومالذي يعود على مؤلف الإشاعة ؟
في رأيي أقل شيء حيتحمل ذنوب كذب الناس اللي نشروها
3- كذبتم كذبة أبريل ؟
ما نستخدم التقويم الميلادي ^^

شكرا على الموضوع ... في أمان الله

هلا بـ نيجي
هههههه اي والله كنت باروح فيها
العفو
مشكوووووووووور على المرور الحلو :)
في امان الكريم

H_Assassin19

13-4-2007, 04:20 PM

اللي طلع الاشاعة واحد مايخاف الله :angry3:
خرعني حسبي الله عليه :oo7dt:
ولدي كان ماكل شمام لين طلع من عيونه وخشمه :oo7dt:
وتخرعت عليه وااااايد .... بس الحمدلله انها طلعت اشاعة مب صج
بعدين عن هالاشاعات اللي كل مرة واحد يطلع لنا شي جديد ؟!!!!!
المفروض ان احنا نتذكر ان عندنا بلدية كفو ... بتسحب اي شي يضر بالشعب

وهذي الاجوبة على اسالتك:
1- ما سبب الإشاعات ؟
ناس عقلهم صغير وماوراهم شغله (يعني ناس فاضيين)
2- ومالذي يعود على مؤلف الإشاعة ؟
مايعود عليه شي غير ادعية الناس عليها
3- كذبتم كذبة أبريل ؟
الحمد لله ولامرة

هلا اختي نامي سوان
الله يخليه لج ويحفظهhttp://www.msoms-anime.net/forum/images/icons/icon10.gif
اي والله اتصدقين عاد تجابلت انا وجدتي الله يطول في عمرهاوقعدنا ندعي عليه :angry3:
حياج الله اختي ومشكووورة على المرور:)

H_Assassin19

13-4-2007, 04:23 PM

الصراحة من اول ما قرات الموضوع عرفت انه اشاعة السبب انه حتى ولو كان الشمام محقون بفايرس الايدز مدة النقل او الحفظ بيموت مؤكد الحاجة الثانية انه الايدز لا ينتقل عن طريق الطعام
هلا اخوي الحراكي
مشكوور على المعلومات
وانا بصراحه مع ان ماخذين عن الايدز في المدرسة بس صدقت في البدايه
لاني ما قريت المسج عدل
حياك الله ونورت الموضوع بمرورك :)

ayami

13-4-2007, 10:16 PM

هلا اخوي ايامي
كلامك عين العقل
انا بعد مولود في ابريل بس انا في نصه
لا شدعوه الموضوع موضوعك وخذ راحتك
ومشكوووووووور على المرور وحياك الله:)

يا حيه والله اخووويا ...

امممممممم ثاانكس ...

وشكرا ع موضوعك الرووعه والله ...:smile3:

Qatari_Vip

13-4-2007, 11:39 PM

الله يبعد عنا كل مكروه آمين يا رب العالمين
والحمد لله انها اشاعه
مشكور اخوي
:smug2:

Lady_Oscar

14-4-2007, 01:40 AM

في البدايه انا ما تخرعت الى هذه الدرجة

لانى عندى وعى في مرض الايدز

فهو لا ينتقل عن طريق الأكل

بل عن طريق الدم الملوث .. والاتصال

فانا اول ما شفت هذا الخير لم اصدقه ابـــــــدا

===

اما سبب هذه الاشاعة

شكل احد بياعى الخضار لم يحالفه الحظ في بيع الشمام

فروج هذه الإشاعه

ويمكن حتى تستفيد شركة الاتصالات من المسجات المرسلة

H_Assassin19

14-4-2007, 06:22 PM

الله يبعد عنا كل مكروه آمين يا رب العالمين
والحمد لله انها اشاعه
مشكور اخوي
:smug2:

هلا اخوي قطري في اي بي
امـــــــــــين
العفو ..نورت الموضوع بمرورك :)

H_Assassin19

14-4-2007, 06:26 PM

في البدايه انا ما تخرعت الى هذه الدرجة

لانى عندى وعى في مرض الايدز

فهو لا ينتقل عن طريق الأكل

بل عن طريق الدم الملوث .. والاتصال

فانا اول ما شفت هذا الخير لم اصدقه ابـــــــدا

===

اما سبب هذه الاشاعة

شكل احد بياعى الخضار لم يحالفه الحظ في بيع الشمام

فروج هذه الإشاعه

ويمكن حتى تستفيد شركة الاتصالات من المسجات المرسلة
هلا اختي ليدي اوسكار
وانا بعد ما صدقته يوم صحصحت
قصدج واحد محتر على بياعين الشمام
اما كيوتل ربحت من وراهم ذاك الربح
حياج الله ومشكوووورة على المرور :)