اللهجه

[alsharry]

السلام عليكم

عندي لكم خوش موضوع


الفرق بين اللهجات بين الخليجين واحنا اقراب من بعض بس لهجتنا تختلف فما هي تلك الاختلافات

يعني بالكويتي احنه كلامنا غير عن الدول القريبه منى بالكويتي انقول شلونك وبعض الدول كيف الحال وعندنا بقاله وعلى ماسمعت بالبحرين يقولون براده وكلام كثير مختلف عن البعض
وغير مفهوم اذا قلنا بالخارج وهذا مويعني احنى مو كلنا اخوان و اهل بس اخلافنا اللهجه
وانتظر ردودكم وكل دوله ولهجته المختلفه :cool3:

[Qatari_Vip]

مشكــــــــور اخوي على الموضوع..:smug2:

صحيح احنا كلنا اخوان وعيال عم وما يفرقنا اي شي..:yes3:

مثال:

انتوا تقولون جنطه احنا نقول شنطه..
انتوا تقولون نجره احنا نقول هوشه..
انتوا تقولون بقاله احنا نقول دكان..

واذا تذكرت اي شي ثاني برجع للموضوع..:yes2:

[عاشق_كونان]

انتوا تقولون جنطه احنا نقول شنطه..
انتوا تقولون نجره احنا نقول هوشه..
انتوا تقولون بقاله احنا نقول دكان..
ههههههههههههههههههههه
والله انك خطير قطرينهو

[Qatari_Vip]

دشداشه >>> ثوب

نــعال " عزك الله " >>> شبشب او )( حذاء )(

صاله >>> انتم يمكن تقولون مجلس

شلونك >>> شحالك

[cool-girl]

اولا شو يعني نجرة و هوشة؟؟

انزين نحن نقول دشداشة او كندورة بدل ثوب
الحوش او الحوي
و شخباركم بدل كيف الحال
و دكان بدل البقالة
و لوو تذكرت شي بعد بقوله

oo0ook

[عاشق_كونان]

اولا شو يعني نجرة و هوشة؟؟

يعني ناس يضربون بعض ^^


انزين نحن نقول دشداشة او كندورة بدل ثوب

احنا نقول دشداشه


الحوش او الحوي

الحوش

[.ll.Miss Me.ll.]

وعليكم السلام ورحمة الله وبركاته
وناسه هالموضوع..شكراً أخوي
بقول بعض المفردات
كندوره>> دشداشه
دكان >> بقالة
أونه >> يازعم
حجرة >> غرفة
جذاب >> كذاب
بشكارة >> خدامه
دريول >> سايق
صالة >> المجلس
ميلس >> مجلس ضيوف
شحالك >> كيف حالك
جاي >> شاي
غلط >> خطأ

خلاص تعبت
وإذا تذكرت شي برد وبحطه
يعطيك العافية اخوي

[ayami]

خخخخخخخخخخخخخخ


موضوووع راااائع جدا

فكرته حلوه كثيـــر

اممممممممم...



رمسه = كلام ينقال


غادي = صااير


مثال


اشلون غادي


اشلون صاااير ..


غرشوب او غرشووبه = بنت او ولد ...جميل ..^^


مثال


أيامي الغرشوب


أيامي الجمـــيل


احم احم


ظك هناكي = زيح = وسع ...


علك فدايا = يعلك تفتداني ...


يوم اي حد يقول السموحه


نحن نرد عليه بمسموحه بالحل ...اممم ما اعرف اشلون اشرح معناتها ..يعني يعني ما استوى شي من بيننا


لا تخلي كلفه من بيننا = خلينا كووول ...عادي يعني
ماشي رسميات ...

علني ما نخلا منك = عساني ما افارقك ..يعني في حياتي ..




اممم هذه الكلمات اللي ف راسيه احينه ..><


اتمنى يعني اني اونه ساعدتكم >< :smile3:

[ราซาน]

موضوع مسلي الصراحة ^.^
ممم .. مع إني أعتقد نص العالم يعرفون مصري بس يله :p

دشداشة >> عباية أو جلابية
دكان >> بقالة
حجرة >> أوضة
جذاب >> كداب
بشكارة >> خدامة
دريول >> سواق
شحالك >> إزيك أو أخبارك إيه
جاي >> شاي
وايد >> كتير
محد >> محدش
يقفز(معرفها بالضبط) >> ينط
وقفوا >> بطلوا

وفي كلمات اللي في الجامعة والثانوية بس يستخدموها ، يعني
زي مابنسميها لغة شبابية :D

رايق >> روش
رايق لأبعد الحدود >> روش طحن
ناكل أي شي-الغالب في هالكلمة الكشري :D - >> نضرب كشري
اتنصت على أحد >> ارمي ودن
لا تهتم >> نفض
روق أعصابك أو خليك رايق >> اضربها طبنجة :D

<< كلمات عجيبة مدري من وين تطلع XD

بكمل بعدين إذا لقيت شي :p

[.ll.Miss Me.ll.]

علني ما نخلا منك = عساني ما افارقك ..يعني في حياتي ..

في بعد يعلني هب بلاك ولها نفس المعني
..
وفي يعلني بلاك معناتها العكس خخخ
..

في عدة كلمات لمناداة الأم وكلن على حسب القبليه أو العايله أو على حسب التعويده
أمي
أمايا
اميه
وأكثر شي النصفانيه
وفي بعض الناس ينادون الأم أمايا والجدة أميه

وأبويه أو أبويا >> الأب
داادي(وليدة العصر الحديث)

يدي >> جدي
يدوه أو يدتيه >> جدتي
خالوه أو خالتيه >> خالتي
عموه أو عمتيه >> عمتي
الجبيله >> القبيله
زوليه >> السجادة إلي يحطونها في المجالس
سيادة >> سجادة الصلاه
دريشه >> شباك
دروازه أو باب الحوي >> الباب الرئيسي للبيت
يوم نقول أزقر فلان >> نادي فلان
شغاب >> حلق
يالله بالستر >> نقولها يوم أحد يقول شي منقود أو بمعنى ثاني مب مقبول

جوتي >> حذاء (حتى أيام صغار نقول عن جودي أبت..جوتي أبت)
الله يعز القاري

أحفظوا هذا وبيب لكم غيره المره اليايه خخخ

[ayami]

خخخخخخخخخخخخخخخخخ


من اختي خوااتي ...بقول

منقـــوود = شي يعني عيب الواحد ييسسوووويه ...

مثال ...

البنت ما تظهر من دون شور أهلها ...هذا منقوووود ....

^^ ...تعيبني ها الكلمه الوع بجبد بنات العااايله كل شي عندي منقووود ><

[.ll.Miss Me.ll.]

ياكثر مانسمع هالمنقود على اتفه الأشياء

مرحبا الساع >> الأغلب يعرفها
حي هالشوف >> اعتقد بمعنى عاش من شافك او يازين هالشووف

إذا ناداك حد وقلت له لبيه يرد عليك لبيت حاي>>حاي يعني حاج
ونفس الشي إذا حد ناداك تقوله عوونك/عنوج يرد عليك عانك/عانج الله>> يعنى ساعدك الله
يوم حد من اهلك ياي من السفر يقول لك يوال اترد عليهم الله يلول عليك

[LightNight]

موضوع جميل جدا ^__^
بس يا ريت الاعضاء يكتبون اسم اللهجة واللهجة المحول إليها
يعني مثلاً
امارات ==> العربية الفصحى
أو
امارات ==> قطر
او جي يعني ^ ^

يلا ننتظر الاعضاء يتحفونا بالمزيد من المفردات ^__^

[Ms . ALFREDO]

أي أي صـــــــــــح أخوي
نفـــــــــــــس أممممممممممممم
مخفـــــــــــــر = شرطـــــــــه ماأدري مــــــــركز الشرطـــــــــه هههههه
مـــــــــــررررره = وايــــــــــــــــد
مويــــــــــــــــــه = مــــــــــاي
كـــــــــــذا = جـــــــــــي جــــــــذي ههههههههه
شاهــــي شــــاي = جـــــــــاي

أذكــــــر مــــــره طارق العلي يقول ماأدري في أي مسرحيــــه احنـــــا في قطــــــــر نقول بقالــــــــه
هههههههههه بس أحنـــــــــــــا نقـــــــــــــــول دكـــــــــان أغلبنــــــــــا يعنــــي
يقولــــــــــون دكـــــــــــان ههههههههههه
في أشيــــــاء وايــــــــــد بس نسيتهــــــــــا هههههههههه
تسلـــــــــــــم أخوي

[الحراكي]

ومنكم نستفيد

[عاشق_كونان]

والله خطيرين
والله كل ما ادش الموضوع انسى كل الكلمات ^^
صراحه خواتي مو طبيعي ^_^

[alsharry]

السلام عليكم

مشكورين على الردود وانشاله تعلمنا عن لهجه بعض الصراحه وايد كلمات ما كنت اعرفها بس الحين عرفتها ومشكووووووووووووووورين :cool3::cool3::cool3::cool3:

[فارس المحبه]

ما طارَ طَير واِرتَفَع ************** إِلا كَما طارَ وَقَع

ههههههههههههههههههههههههههههههههههههههههه
تصدقون انا أكتشفت شي !!!!!!!!!!!
كلنا نتكلم اللغة العربية
تصدقون عاد.....................

[جنى الورد]

... ما شاء الله الموضوع جدا خطيييييييير ^^
وفرصه حلوه الواحد يتعرف على لهجات غيره مع إن بعضها ما فهمته ><

وفكرت أكتب بعض الكلمات الحجازية "المدينيه" لكن كلماتنا بشهادة الكل غالبا تكون واضحة
واللي بيسألني عن شيء أنا موجوده ؟؟

وممكن أحد يشرح لي هذي الكلمة اللي كتبتها خوواتي

يوم حد من اهلك ياي من السفر يقول لك يوال اترد عليهم اللهيلول عليك
لأني بصراحة ما فهمتها ؟؟؟؟

ومهما اختلفت لهجاتنا وتقاليدنا نبقى عرب مسلمين وكلمتنا بإذن الله ... وحده
وتحيا الحريــــــــــه <<< شدخل ... ما أدري جات على بالي :cool3:

أختكم/ جنووو

[Neji]

وعليكم السلام ورحمة الله وبركاته

ما شاء الله موضوع حلو ^^ ومنه نتعلم الكثير عنكم اخواني ^^

وهذي من اللهجات الحجازية ^^ :
إيش ؟ >>> ماذا ؟
على وين ؟ أو فين رايح ؟ >>> أين تذهب ؟
زي كذه >>> مثل هذا
بزبوز >>> صنبور الماء
استنى >>> اصبر

هذا اللي افتكره للحين ...
سلام ...

[alsharry]

و ازيد عليكم شوي بعد هذا بالحجازي إيش ؟ >>> ماذا ؟ على وين ؟ أو فين رايح ؟ >>> أين تذهب ؟ زي كذه >>> مثل هذا بزبوز >>> صنبور الماء استنى >>> اصبر وبالكويتي ماذا----- >شنو اين تذهب----- > وين رايح مثل هذا---->مثل هذا صنبور ماء----> حنفيه اصبر-----> انطر او اصبر

[.ll.Miss Me.ll.]

هذي بعض الكلمات من اللهجة الإماراتية
ولف ماي >> صنبور ماء
اتريا >> اصبر او استنى
فنيان >> فنجان


لأني بصراحة ما فهمتها ؟؟؟؟
الله يسلمج بحاول افهمج أيها..:nerd2:
لوال اهي كلمه تنقال بمعنى انج مغيبه شي ولقيتيه
والمسافر يكون غايب عن أهله مدة
ويوم يرجع يقولون الناس لأهله لوال>>لقيتوا إلي الغايب عنكم
وطبعاً المسافر نفسه ماتنقال له الكلمة >> يقولون له الحمدالله على السلامه
اهي بس لأهله
ان شاء الله فهمتي وصلت المعلومه
:rolleyes5cz:

أخوي alsharry شو تقصد بالحجازي
يعني كلام السعوديين كلهم وإلا بس أهل الحجاز
:confused2:

[جنى الورد]

وصلت المعلومه يــا خوخو ^^ وحلو إن الواحد يتعلم لهجة غيره ^^



أخوي alsharry شو تقصد بالحجازي
يعني كلام السعوديين كلهم وإلا بس أهل الحجاز



لا حبيبتي .. هو قصده أهل الحجاز بس

وهذه من كلماتنا ....
أرسله >>> طرشه.
كيفك >>> كيف حالك.
شباك أو طاقة >>> دريشه.
بِسّه >>> قطوه.
مُرتَبه >>> فرش السرير اللي الواحد ينسح فوقه يوم ينام ^^ ما أعرف أيش اسمه عندكم :confused1bb:

:biggrin9gp:

[مجنونه بوارو]

أممممممممم أنا سعوديه لكن أحب أتكلم هنا في المنتدى في باللهجه الكويتيه أمممممووووووووووووووووت فيها واحب أهلها(:
ملاحظه احنا بعد نقول مجلس وصاله وجزمه اونعال على حسب الشي وشبشب

[13390detective]

والله عندكم كلمات بلاوي
اذا الشائعات اصابتنا الا نحن سكان المغرب العربي ان لهجتنا صعبة
كيف ما شافوا هذه الكلمات
يدي >> جدي
يدوه أو يدتيه >> جدتي
خالوه أو خالتيه >> خالتي
عموه أو عمتيه >> عمتي
الجبيله >> القبيله
زوليه >> السجادة إلي يحطونها في المجالس
سيادة >> سجادة الصلاه
دريشه >> شباك
دروازه أو باب الحوي >> الباب الرئيسي للبيت
يوم نقول أزقر فلان >> نادي فلان
شغاب >> حلق
يالله بالستر >> نقولها يوم أحد يقول شي منقود أو بمعنى ثاني مب مقبول
جوتي >> حذاء (حتى أيام صغار نقول عن جودي أبت..جوتي أبت)
هذا ظلم
مشكوووورين يا اخوة

[قلب الدنيا]

موضوع جداً حلو ..


أنا احس انه اللهجات المتقاربة أكثر شي في الخليج هي لهجتنا في البحرين و لهجة الكويت ..


أحسهم كلش متقاربين ..


و طبعاً أهل البحرين و الكويت أهل و حبايب ..


اللهجة الامارتية أحسها جداً صعبة ..


بس أعرف بعض المصطلحات من القصص الاماراتية الي أقراها ..


و ألاحظ في الامارتيين بعد كلمات هي نفس الكلمة عندنا بس طريقة لفظهم تختلف ..


احيانا يكسرون الحروف أو ما شابه ..


اللهجة السعودية مختلفة عن الباقي نوعاً ما خاصة انه لفظهم للبنت و الصبي واحد ..


و السعودية من كبرها " ماشاء الله " اللهجة في كل منطقة تختلف ..


و على العموم كل لهجات الخليج لو اختلفت و لكن ..


خليجنا واحد و شعبنا واحد ..


ما تفرقنا لهجات و لا شي ..


و شكراً على الموضوع الحلو ..


تحياتي :
قلب الدنيا

[.ll.Miss Me.ll.]

والله عندكم كلمات بلاوي



اذا الشائعات اصابتنا الا نحن سكان المغرب العربي ان لهجتنا صعبة
كيف ما شافوا هذه الكلمات
يدي >> جدي
يدوه أو يدتيه >> جدتي
خالوه أو خالتيه >> خالتي
عموه أو عمتيه >> عمتي
الجبيله >> القبيله
زوليه >> السجادة إلي يحطونها في المجالس
سيادة >> سجادة الصلاه
دريشه >> شباك
دروازه أو باب الحوي >> الباب الرئيسي للبيت
يوم نقول أزقر فلان >> نادي فلان
شغاب >> حلق
يالله بالستر >> نقولها يوم أحد يقول شي منقود أو بمعنى ثاني مب مقبول
جوتي >> حذاء (حتى أيام صغار نقول عن جودي أبت..جوتي أبت)
هذا ظلم
مشكوووورين يا اخوة




ههههههه مالقيت إلا كلماتي الله يهديك
بس السالفه مب ظلم ياخوي
السالفة انتوا تشوفون لهجتنا صعبه ونحن نشوف لهجتكم صعبه
صحيح اننا كلنا نتكلم العربيه ولكن كل بلد له لهجته الخاصه وداخل البلد الواحد لازم بتلقى بعض العوائل ابينهن اختلاف في بعض الكلمات
يعني مثل ماشفت فوق في لفظين لكلمة العمه (عمووه وعمتيه) ففي عوائل تستخدم الأولى وفي عوائل تستخدم الثانيه وكلن على حسب التعويده


عندنا في الإمارات حروف تقلب
يعني حرف الجيم يقلب ياء مثل
يبل>> جبل
ينوب >> جنوب
فنيان >> فنجان
الميلس >> المجلس


وحرف القاف يقلب جيم
الجبله >> القبله
الجبيله >> القبيله


وحرف الكاف يقلب لحرف إذا أردنا كتابته فيكتب جيم لكن لفظه اشوي مختلف..مابيفهم علي إلا إلي سمعه
مثل


جليثم >> كليثم(طبعاً تكتب بحرف الكاف ولكن النطق يكون بالجيم)
جيف حالج >> كيف حالكِ
جني >> كأني


ولكن هذا التحويل في بعض الكلمات لا جميعها


جني عطيتكم درس لغه؟؟!
بسكم لليوم

[LightNight]

خطييييرة خواتي
شو هالشرح الرائع ^_^
بس مثل ما قلتي الكاف نكتبها جيم لكن ننطقها كأنها ( ch ) تْش ...ولا ننطقها جيم
أتمنى اكون عرفت اوصل المعلومة ^ ^"
وأتمنى باقي الدول يشاركونا ببعض مفرداتهم ^ ^

[ka!to fan]

السلام عليكم و الرحمة ,,

ماشاء الله و الله موضوع مفيد ^^ تعلمت مفردات جديدة أضيفها لقاموسي ^^

طيب محد جاب سيرة اللهجة السعودية غير أختي جنى الورد ^^ جارتنا من أهل المدينة ^^

و طبعا ماشاء الله السعودية كل منطقة لهم لهجة و بجيب لكم من كل منطقة كم كلمة ^^

أهل الحجاز ^^

هم ينقسمون قسمين ,, <<-- بدينا ^^"
1- القبايل ,,

بقالة (( دكان )) كلها نقولها ^^
ثــوب >> دشداشه عند الكويت
نعال , جزمة , حذيان , الخ >> جوتي ^^

و نقول جدي و جدتي ,, يعني عادي و ممكن الجدة نقولها يمه و نتبعه باسمها مثلا الجدة اسمها ساره نقولها يمه سارة ^^ <<-- هذي أكثر شي عند أهل الرياض بس بعض القبايل عندنا يستخدمونها

صراحة ماأعرف أوصف >< أحسه عادي ^^" <<-- لأنها لهجتك يالدب ^^"


2- الحضر ^^

أولا اللي ملاحظته عليهم ^^
أم الأم (( الجدة )) يقولون لها (( ستي ))
و أبو الأم (( الجد )) يقولون له (( سيدي ))
و أم الأب و أب الأب يقولوهم عادي جدي و جدتي


ايش هادا ؟؟ >>> وش ذا ؟
سيبني >> اتركني
مداس >> نعال (( أكرم الله القارئين ))
بلكن >> يمكن
أديني >> أعطيني
بهللة >> بلاهة
سبهللة >> بلاهة ^^"
كداب >> كذاب
أندر >> أطلع

هذا اللي أتذكره ^^ يبيلي أسأل صديقاتي ^^"

لهجة أهل القصيم ,,

أنا ماأعرف كثير منها ,, بس اللي أعرفه إنهم يقلبون حرف الكاف لـ ( تس )

مثلا واحد يقرب لنا اتصل يبي الوالد ,, قالي :

تسيف حال أبوتس ؟ تسيف حالتس ؟؟

أتمنى ماأكون غلطانه ^^

هذا اللي أتذكره ^^

و مشكورين على الموضوع ^^

[قلب الدنيا]

ما شاء الله هني في درس في المصطلحات ..

مع انه خليجنا منطقة مو كبيرة جداً بس لهجاتها مختلفة ..

عندنا في البحرين على صغرها أكثر من 3 لهجات ..

المحرقية ، المنامية ، الستراوية ، الرفاعية ..

و عندنا في منطقة معينة من المحرق لهجة مو بس غريبة أغرب من الغرابة ..

بعد كل حرف يحطون حرف القاف أو الجيم ..

يعني الاسم السهل يصير شطوله ..

مثلا اسم بدر ..

يصير بجدجرج ..

بطة تصير ..

بقطقتق ..

بس الي عايشين في هالفريج بس هم الي يفهمونها ..

الباقيين ما يفهمونها حتى المحرقيين الباقيين ..


تحياتي :
قلب الدنيا