الفتاه تقصر الشعر والرجل يطوله !!

[Qatari_Vip]

HI :smile3:

شخباركم حبايبي جميعا

الفتاه تقصر شعرها وتلبس ملابس الأولاد وتقلد حركات الأولاد
والرجل يطول شعره ويلبس اكسسوارات البنات ويقلد حركاتهم وكلامهم !!

في هذه الفتره انتشرت هذه الظاهره
تلاقون البنت مقصره الشعر ولابس بناطيل البجي واكسسوارات الاولاد(السلاسل الطويلة تقول حاطه طابوق)والاغلب يسوون سبايجي ويقلدون الزنوج(الامريكان السمر) :oo7dt:
والأولاد يلبسون بنطايل ضيقه وبديات<<ضيقه (وردي+برتقالي<<كانهم بنات ويطولون شعورهم ويصبغونها !! ويقلدون البنات(وييييييييه وييييييييه)وفي منهم يحطون مناكير ..

بنظركم ليش هالظاهره منتشره وشنوالاسباب:smile2:

[meaad]

صراحه حاله نفسيه وقلت ايمان بس انا بالنسبه الي احب الصبي يطول شعره شوي :)

[تفوحة]

هلا والله بموااضيع النقاشات الجريئة والحلوة ^^,,


امممم موضوع حساس ><" ما اعرف بس احسه جي المهم ,,
عيبني موضوعك واحم احم نرد على سؤالك^^,,





بنظركم ليش هالظاهره منتشره وشنوالاسباب:smile2:



امممم,,بصراحة اولا واخيرا الايمان الضعيف وقلة الوازع الديني,,
ثاني شي التقليد الاعمى عفان الله واي شي سووه الاجانب راحو وقلدوهم ><
الصراحة هذا يدل على شدة ضعف الشخصية وما لها راي
وتبي تثبت وجودها باي شكل من الأشكال حتى لو اضطر الى التأثير على عقيدتها ودينها والعياذ بالله
لكن الصراحة هاللي صاير هالايام والله مصخرة من الخاطر ><"
والله ثم والله ان تلوع جبدي يوم اجوف هاي المناظر ,,
والمشكلة ان هاي الظاهرة ع قولتك منتشرة في المدارس :oo7dt: بدى التخريف يوصل حده ><,,
ولو اتكلم لكم عن هاي السوالف ما راح اخلص لباجر الصبح ,,
وانا قاعدة اكتب مرتفع عندي الضغط والسكري <<بسم الله علي خخخ,,





وفي منهم يحطون مناكير ..





الصراااحة أول مرة اسمع ولا فحياتي جفت هالمنظر ><"صج صدمتني يوم قلت هالكلام
بس عندي ملحوظة قبل لا اخلص كلامي ادري تكلمت واايد <<ثرثارة احم احم ,,


ان الشعر الطويل احسه عادي لبعض الاشخاص ويقولون والله اعلم انه سنه ,,
لكن هالايام الواحد ما يطول شعره الا للخقة والزقرشة و ما ادري شو بعد ><" ,,
وبهاي الطريقة يوم نجوف شخص واثنين وثلاث بها المستوى
الصراحة نضطر ان نحكم على الكل وما تستغرب هالشي لان الصراحة الوضع طلع عن حده ,,


وتسلم على الموضوع الرووعه ^^"وتعودنا منك هالشي ,,ونتريا المزيد من الموااضيع الحلوة,,


السموووحة ع الاطالة,, ^^"


اختـكـ:تفوحة

[13390detective]

قال الرسول صلى الله عليه وسلم { لعن المتشبهين من الرجال بالنساء , والمتشبهات من النساء بالرجال (http://www.islamweb.net/ver2/library/BooksCategory.php?idfrom=460&idto=460&bk_no=44&ID=313#) } رواه البخاري (http://www.islamweb.net/ver2/library/showalam.php?ids=12070) من حديث ابن عباس (http://www.islamweb.net/ver2/library/showalam.php?ids=11) رضي الله عنهما

والسبب ضعف الايمان

[قلب الدنيا]

مرحبا ..


أول شي مشكور على الموضوع الرائع ,,


مثل ما قالوا الاعضاء هالموضوع حساس لكن أنا بتكلم فيه بكل صراحة


البنات المسترجلات أو البويات مشكلة اشوفها يومياً في المدرسة ..


بنات شعر قصير " جداً " و مشية صبيانية ..


و عطرها ينشم من بعد ميل - رجالي طبعاً ..


و اكسسورات شبابية و طريقة كلام صبيانية ..


و المشكلة الحين مو بس الشكل و التصرفات ..


المشكلة انه كل بوية لازم يكون معاها " بنوتة " و تشوفهم يتصرفون كأنهم بنت مع شاب ..


و توصل السالفة لتصرفات ما وراء ابواب الحمامات ..

و ما وراء ابواب الصفوف الخشبية ..


و كل يوم نسمع عن هالسوالف في المدرسة ..


فلانة تهاوشت مع فلانة ،، فلانة حبت فلانة ..


و السبب طبعاً ممكن يكون لفت النظر ..


لأنه البوية و الليدي تبعها تصرفاتهم تكون محسوبة بالمسطرة و الفرجار ..


كل شي يسوونه يوم ثاني المدرسة كلها تتكلم عنهم ..


و بعضهم وصلت فيهم يحطون شنب و سكسوكة بالكحل داخل المدرسة ..


و السبب الاهم هو نقص الوازع الديني ..


على فكرة احنا عندنا في البحرين مركز بتلكو لمعالجة حالات العنف الاسري ..


و عالجوا وايد بويات و بسرية تامة ..


و في مجلس النواب انطرحت هالمشكلة في المجلس ..


و قريب بيشكلون لجنة برلمانية للتحقيق في هالمشكلة داخل المدارس ..


و المفروض على المدرسة تراقب هالاشكال لانه تواجدهم اصلا خطأ بين البنات ..


يخربونهم و كل يوم نسمع ببوية جديدة ..


و البوية المحترفة تعلم البوية المبتدئة ..


لو ما كانوا لابسين المريول جان ما عرفنا انهم بنات


*********************


الشباب الي عليهم هالحركات ما ادري شيسمونهم عندكم بس احنا عندنا يسمونها " بناتية "


و انا اكثر من مرة في مجمع أشوف صبيان شعرهم طويل و لابسين ألوان بنوتية ..


و المشكلة حاطين ميك اب و اكسسوارات بنوتية ..


و طبعاً ما اقصد تطويل الشعر العادي لأنه بعضهم يوصل لنص ظهرهم و يسوي فيه حركات سشوار و كيرلي و هالاشياء ..


و في الصبح إذا نوصل اخوي المدرسة الصبح أشوف هالاشياء ..


و الي لابس وردي و البنفسجي الفاقع و الي شعره مسشور و فيه تسريحة بنوتية ..


و البدي الضيق الضاغط ..



الظاهر بعد مدة بنشوف زواج بوية و بناتي بيكون زواج عادي في بنت و صبي بس بتبادل الادوار ..


ما ادري من منه المال و من منه العيال ..


الواحد شيقول غير الله يهيدهم ..



تحياتي :
قلب الدنيا

[Cool_Girl]

تسلم اخوي قطري ع الموضوع الرائع

اولا اكيد هاي الظاهرة منتشرة لقلة الوازع الديني

و هي الله يخلي المسلسلات الماصخة اللي ما قصرت ولعبت دور كبييييييييييييييييييييييييييييييييييييييييير بعد

وكل واحد او وحدة يبي يقلد و يحسب عمره شخصية
و Bla Bla Blaaaaaaaa

وتسلم ع الموضوع الخطير يا خطير

[Buffy]

مــــــــرحبا
تسلم على الموضوع
وهاي سؤال من زمان اساله نفسي بس
مبلاقيه جواب ... يعني مادري شلون جي
يبون يقلبون الحال يمكن يبون يغيرون جو ؟؟؟؟
بس الي صج اعرفه ومتأكده منه الف بالميه
أن فيهم ضعف إيمان وحاله نفسيه
والله يهدي الجميع إن شالله

[ayami]

مرحبا بخووويا قطرييينو ^^ ومواااضيعه الحلوه ونقاشاته الحاده ...^^

أممممم اانا اتفق مع كل أخواني الأعضاااء والعضوات ...كانت أكثر إجاباتهم قلة الوازع الديني ...

وانا أأيدهم في كلامهم ...وفعلا هذا كله لنه شبااابنا وبناتنا...احس ما عندهم شخصيه يقلدون الغرب

يعني يا ليت لو نقلدهم في أشيا زيييينه في التعليم ولا أخلاقهم ...لا في أشياء أبدن مب أوكيه

وانا بكل صراحه من الشباااب الللي شعورهم طويله ...ويعني احس عادي ...

^^ ...مستانس عليه ...بس طبعا مب لأني ابغي اقلد حد ..بالعكس لني أحبه هو طويل ..وانا اسميه هذه حرية شخصية دام إنها ما تأثر ع شخصيتي تأثير سلبي ...^^

وشكرا مره ثانيه قطرينو ..>< "

[بطوط]

هـــلا قطريـــنوووووو:wub2: وحشتنــا<<<<< ههههه معنه اليوم شايفك :D

موضوعــك عجيب الصراااحة ..

بالنسبـه لسبب انتشار الظاهـرة
ضعف الوازع الديني :err2:
التقليد الأعمـى:nerd2:
ويمكن متمللين :rolleyes2:
-------------



:nerd3: وأنا شفت وااجد وذكرت المواقف بموضوع سابق
****************************************************?t=12289

*تسلم قطرينوووو**

[Blue*Sea]

السلام عليكم

بنظركم ليش هالظاهره منتشره وشنوالاسباب:smile2:
اولا اعتقد ان للكل الحريه الشخصيه ان يلبس الي يلبسه ويسوي الي يبغا مادام لم يهين اي شخص
فشئ عادي انا الولد يطول شعره .. مين قال ان الشعر الطويل للبنات فقط هذه بس عادات منتقله بيننا
والشئ نفسه للبنت وان قصت شعرها >؛> يمكن مو حلو عليها انه يكون طويل....
واما لبس ملابس الاولاد للبنات فهذا حكايه ثانيه ، هذا تشبه > حسب اللبس مو كل بنطلون صار تشبه<
ّ:ّ:ّ سبب الظاهرة :ّ:ّ:ّ
هي مرحله وتمر في الشباب، تكون اما تقليد،او تعقد من جهة الفتاة بسبب كونها في مجتمع ما يقدر المرأة ويفضل الولد عليها، فتسعى انها تحتل مكانه، وهناك عدة اسباب اخرى طويله جدا منها الامراض النفسيه ، والميول الغير طبيعي الى نفس الجنس وهكذا
اما عن الاولاد ^^
انا ماني ولد كذا ما اقدر اتكلم عنهم
>>> شكرا على موضوع النقاش<<

[.ll.Miss Me.ll.]

السلام عليكم ورحمة الله وبركاته

اممممم الصراحه ابتيلينا في الشي..يعني بالنسبه للبنات المستريلات(البويات) ياليت لبسهن وقف عند لبس السلاسل ونعلان الأولاد بس
قامن بعضهن من إلي يلبس العبايات..يفصلن عباياهن بقطعه واقفه تشبه بنسبة 97% "الختم" وهذي نوعية قطع يستخدمونها الكثير من الأولاد في كناديرهم..وأي أحد من الإمارات يعرف هالنوعيه من القطع
فشكل البنت يستوي كأنها ولد لابس الكندوره السوده طول الوقت..مع النعال الله يعزكم..وقصة الشعر إلي مخليه شكلها وشكل أخوها واحد والمشيه إلي كأنها رايحه بتضارب

وفي موقف في الجامعه..مره انا وصديقاتي خاطفين على بنتين يتكلمن..وحده منهن من البويات (ينعرفن بسهوله) واتقول لصديقتها "أنا آسف" يعني هالبنت صدق عايشه الدور وتتحسب عمرها ولد..الله لايبلانا
...
وبالنسبه للأولاد بعد..مب مشكله يطولون شعورهم..بس بالمعقول يعني مب يستوي شكله وشكل اخته واحد..
اما إلي يتشبه بالبنات ماأقول غير انه ابوه ماعرف يربيه..ويباله عصا تصلبه واتخليه ريال لووول

وماأعتقد كل من طول شعره من الأولاد يتشبه بالبنات..ومب كل من قصت شعرها معناته تتشبه بالأولاد
...

السبب لهظاهره
ضعف الدين..
الأهل إلي ماعرفوا يربون عيالهم..عيل بالله عليكم في ام أو أب أو حتى اخت أو أخ يشوف اخته بقصة شعر ولد ويسكت..وإلا البنت يعني بتيلس بحجابها في البيت؟؟!

ولا ننسى التقليد سوا كان للغرب أو لرفاق السوء
...

يعطيك العافية أخوي
وشكراً للموضوع

[hawa]

بسم الله الرحمن الرحيم

والصلاة والسلام على أشرف الخلق والمرسلين ، محمد صلى الله عليه وسلم :

بداية لا أخفيكم سرا ، وأقول لكم بأني شاب مضى من عمري 21 سنة تقريبا ، وشعري طويل

وبصراحة بدأ يصل لآخر رقبتي ،،،، لكني أؤكد لكم أن الشعر الطويل للرجال ليس عيبا أو حراما

ومن لديه كتب حياة الصحابة قليقرأها جيدا لكي يجد الدليل على كلامي .

لن أكتب الدليل لأنه ليس بحديث أو أية قرأنية ،،، إذا ما الدليل .... ها هو ذا

أن الرسول عليه الصلاة والسلام : كان شعره طويلا ( لم يحدد طول الشعر ) وهذا موجود في الكتب

والصحابة رضوان الله عليهم ،،،، كان منهم من يصنع من شعره الجدائل وكان من عادات العرب قديما اطالة الشعر للرجال :err2:


لكن في الحقيقة انتشرت قصات الشعر ك ( المارينز ، القصة الفرنسية ، ...... الخ ) لا أفهم كثيرا في هذه القصات :confused1bb:

هو ما حوَّل التفكير العربي لأن يكون شعر الرجال قصير:rolleyes3:

على فكرة الغرب هم من قلدوا العرب في الشعر والعادات وليس العرب إلا أن أصبح العرب يقلدونهم ويعتقدون أنهم هم (العرب نفسهم ) من قلدوا الغرب

أما عن الأمور الأخرى كلبس الذهب للرجال ، والتشبه بالنساء من الرجال والعكس

فهي حرام ،،، إلا في حالات استثنائية

تحليل لبس الرجال للحرير ،، لكن مع سبب ( كوجود حكة شديدة من الملابس الأخرى ،، أو جلد حساس ، مرض .. الخ )

[بطوط]

:oo7dt: نسيــت أقول شــــــــــــي



والأولاد يلبسون بنطايل ضيقه وبديات<<ضيقه (وردي+برتقالي<<كانهم بنات ويطولون شعورهم ويصبغونها !! ويقلدون البنات(وييييييييه وييييييييه)وفي منهم يحطون مناكير ..


الأولاد اللي يلبسون الملابس الضيقه
اي واجــد بس أغلبهم من مــن أهل قطر><! مخربين البــلاد


الأولاد اللي يطولون ويصبغون الشعر
اي أنا مطول شعــري بس مب صابغه ><!
(الوالد الله يحفــظه مطول شعره متبع السنه)

الأولاد اللي يحطون مناكير
اي اذكر واحد من الكويت كان حاط ><!

أذكر واحد كان بصفنــا يقلد البنــات وكان يكلمني قال ويييييييه ووييييه وجذي ويسوي حركات بيده ومسكت الكتاب وعلى وجهـه هههههه وعصب وزعل .. :D

[Qatari_Vip]

تسلمون جميعاً على المرور:smile3:

[hawa]

السلام عليكم .........

وجدت الأدلة ليست من الأحاديث ما ورد من الصحابة رضوان الله عليهم عن الرسول عليه الصلاة والسلام أنه :

كان طويل الشعر ..... أقوال الصحابة من رواية صحيح مسلم

سأضعها لاحقا بإذن الله


انزلت موضوعا يصف شعر الرسول عليه الصلاة والسلام

بما رواه الصحابة عنه صلى الله عليه وسلم رواها الإمام مسلم سأضيف المزيد من أقوال الصحابة لاحقا

سأنتظر لكي تراه المشرفة وتقوم بإنزاله للجميع بإذن الله




الأولاد اللي يطولون ويصبغون الشعر


ورد عن الرسول صلى الله عليه وسلم أن صبغ الشعر للرجال حلال ببعض الألوان ... والأسود محرم أيضا سأذكر هذا في موضوعي بعد نزوله

[little boy]

أنا برايي أنه ما يقلد الجنس الآخر يعني عكس جنسه إلى واحد فيه نقص ويحس أن الجنس الآخر

أحسن منه أو أنه يبي يقلد غيره ويمشي عالموضة (الفاشلة) الحمد لله والشكر على نعمة العقل

شكراً Qatari_Vip

[Qatari_Vip]

عن الصبغ انا اشوف مب من الرجوله رجال يصبغ شعره اشقر وبرتقالي وبنفسجي وهالألوان ورى ماعنده سالفه يعني في لو بغه في ألوان عدله وبعد خلاص خل عنده قناعه بشكله ولونه :dull8ay:
ومشكورين حبايبي على المرور

[Kudo_Lover]

رايي من راي معظم الأعضاء

أول شي أقول ....

لعن المتشبهين من الرجال بالنساء , والمتشبهات من النساء بالرجال (http://www.islamweb.net/ver2/library/BooksCategory.php?idfrom=460&idto=460&bk_no=44&ID=313#)

و يمكن لأن في أولاد خاطرهم يكونون بنات ,, و في بنات خاطرهم يكونون أولاد ..