ها قد عدنا لكم نيهاهاها ( معاناة طالب ثانوية)

[IbRaHiM.N]

السلام عليكم ياقوم ^^
أخخخخخخخ
مساء الخير \ صباح الخير\ بونجور \ صباحية مباركة << دخلت عرض
وأخيرا عدنا بعد ثلاث أسابيع من الكوابيس
كلها أختبارات وعذاب نفسي وجسدي وكربون وعضلي
أخخخ يا قلبي أرتحت الحين من الاختبارات الي كانت الهم الأكبر
كانت أختبارات مشحونه بالهم
ربما محد يشعر بهذا الشي
بس والله كانت تجيب الهم لدرجة أنها تصيب البعض باليأس وكره المذاكرة
وهذا الي حصل لي بأختبار الفيزيا الورقة الأولة لعنه الله وأبعده عني
وقتها قعدت أذاكر والله ياخذ الكتاب كان كبيييير والقوانين ياكثرهم انا مليت من الحفظ وبديت أكتب على الحاسبة علشان أتذكر مو أغش << نصااااااااااب
كانت الأختبارات ممله ونستذكر بعضها
الرياضيات:-
وععععععع كل ما أتذكره يجيني الهم والقم
كان أول أختبار ووقتها كنت أحفظ البراهين لدرجة أني بقيت أنهار عصبيا
لأن كل شوي أقول ماباقي وقت على الأختبار وكانت الساعه 2.30 الفجر أخرتها تعذوت من الشيطان ورحت شغلت التي في ورحت أغلب بالقنوات وحطيت على قناة فنون وتابعت (صباحي ) 8 ساعات من الضحك والكومديا عدلت فيها المزاج المعكر والحمدلله ردت لي الصحه ×__× وكملت مذاكر والحمدلله حليت عدل بالأختبار بعد ماحصل تسريب بالأختبار وصلني الأختياري من مصادري الموثوقه وانا بدوري نشرت الخبر وكل الي معاي عرفوا الاختياري وأول ماجاء الأختبار ودخلنا اللجان الكل فتح الصفحه الاخيرة وحط الأختياري صراحة يجيبون الشكه×__×
وفتحت الاختبار وبديت أحل وكل شوي يجي الهندي ويصب لي ماي نشف ريجي ( بلعومي) من الأختبار والتشيير فيه ×__×
ولما خلصت الأختبار توهم يقولون باقي من الوقت نص ساعه
خلصت على الورقة وحليتكم مسئلة بقانون ألفته طبعا الي قبلي من نيوتن مو أحسن مني وانا بعد أبي ألف قانون الحمدلله خلصت الأختبار
ورديت للبيت منهك عقليا بعد صراع مع 15 ورقة ×___×
ولما صحيت وحدثت الواقعه ماهي الواقعه ×__×
أني مرضت ولا قدرت أركز ولا أشوف عدل
يعني الحاله مزرية الحمدلله قدرت أفهم شوي
بس لما جاء الأختبار زادت الوضعيه سوء ولا قدرت أشوف المسئلة
والحمدلله قدرت ألقط كم قانون مني ومناك والحاسبة ماتقصر كاتب عليها قوانين وفادتني وأنا متوقع أني سويت العجب بالاختبار والله يستر منه بس .

الكيمياء:ثاني أختبار وأنواع العذاب الحقيقي ×_×
بنظام وزارتنا الذكية العبقرية ان طلاب الثنوية يختبرون الفصلين
يعني الفصل الاول والثاني وعلى مر السنين والدهور الأختبار الأخير يكون غالبيته بالفصل الثاني ولكن وزيرتنا العزيزة حفظها الله ورعاها سوت العجب وجاء الأختبار أغلب عن الفصل الأول وانا ماراجعت عليه دروسه خايسه عن الكحولات والعياذ بالله << يا شريف روما :nosweat:
وانا طبعا ماذاكرت الفصل الاول وركزت على الفصل الثاني
وأخرتها ماجاء شيء وقتها كان ودي أمسك C4 وأفجر المدرسة
الأختبار 70% عن الفصل الاول الي مو مذاكرة والكل أنصدم من الأختبار الا واحد فاتح الكتاب الجزء الاول ويبرشم
الدنيا حظوظ هذا مايدري شنو السالفة وضبطت له
وصاحبنا يطلع البراشيم وانا منقث لدرجة جتني أفكار خبيثه
كان ودي أعلم عليه بس هددت << لازم أفيد نفسي
وصاحبنا ماقصر عطاني المصطلحات
وأذكر هذا المصطلح والي يجاوب عليه يكون بطل ^^

اكتب المصطلح العلمي
تتناسب كتل المواد المتكون عند أحد الأقطاب بالتحليل الأكتروليتي تتناسب طردياً مع الشحنات المأره بالمحلول أو المصهور (................)
هع هع الي يجاوب عليه يكون بطل ياقوم ^^
وطبعا الحاسبة تلعب دور البطولة وتنقذني دايما وقتها كتبت قوانين التركيز العياري والمعياري والمولاري والله وكل المسائل جتني الحمدلله اني كتبتها ^^
طول الاختبار وانا اشير بالأجوبة والله يستر منه بعد ×___×.


تربية أسلامية: أمممممممممم ماأقدر شي لأنه ديننا ولازم نعرف عنه طبعا جاء الأختبار وكان علينا عشرين حديث حفظ انا حفظت 17 وباقي ثلاثة ماحفظتهم قلت مايجون ولأسف جات الأحاديث الي ماحفظتهم وتوهقت ولا حليتهم الله يلعن الي كان السبب ×___× وأول مره يمر علي أختبار تربية أسلامية صعب جذي ×_× بس ربكم يسهلها
<< أخرتها تنجح بكل المواد وتجيب دور ثاني بالتربية الأسلامية .


أحياء: وععععععععع
ياقوم هذي المادة أحبها بس كرها بعد الأختبار تخيلوا حاليا ندرس الوراثة بالأنسان وكل أنواع الوراثة يعني كل شي طبعا كل أختبار أحياء أغلبه عن الوراثة وانا بديت أدرس الوراثة لدرجة اني صرت عبقري وراثة تقريبا 7 ساعات كلها عن الوراثة وأخرتها جاء الأختبار بس سؤالين عن الوراثة ولا كانت مسئلتين يقول ديك تزوج من دجاجة و خلفوا 35 فراخ له أرجل داكنه و5 فراخ لهم أرجل بيضاء أذكر مالون أرجل الأب والأم .
الصراحة مسئلة محرجة انا وين ألقى ديك ودجاجة وأسأله أسئله خاص لازم الواحد يكون عنده دم المسئلة سهله لأنك تفرض صفات وبما أن الأغلبيه داكن يعرف نستنتج أن الصفة السائده هي الأرجل الداكنه ،،، سالفه طويلة تجيب الهم والقم وانا حليته وقثتني ولا جاء سؤال غيره وانا قثني ويومها كان ودي أقضي على المدرس لانه بس صدعنا بمسائل الوراثة واخرتها على الفاضي والحمدلله كان للتشير دور فعال ^^.


لغة أنجليزية: هوو هووو لا تعليق
الأختبار سهل بالنسبة لي وصعب للعالم ×____×


فيزياء: وععععععععع أس 17 كان ممل والله ملل
لدرجة اني ماعرفت شنو الأسئلة أقرأ سؤال اول مره اشوفه
يقول التيار المتردد والتيار المستمر والصمام الثنائي والثلاثي والوصلة الثنائية والثلاثية دوخه رااااااس انا صدعت من سؤال المصطلحات
يا أخي انهم مملون كيف يجيهم التفكير جذي انا ماأقدر أسوي جذي
يعذون الطلاب أحنا المساكين وطبعا وقتها من كثر القوانين كتبت على أيدي اليسرى ورجلي اليمني << حده متفرق ^^
ولما خلصت المسائل رحت للأختياري طبعا الاختياري يقث
و لما بديت أحل سويت لعبة بين يدي اليمنى واليسرى وكانت حجر ورقة مقص وكانت القلبة ليدي اليسرى والله تعرف تفكر وانا أغلب أختياراتي كانت بالجهة اليسر يعني (ب،د ) وطبعا أنا يأست وقتها ولا ذاكرت ولا شي ورحت للمدرسة بمراجعه خفيفه وجاء غير المتوقع وكان الاختبار سهل وظليت أتحسر لو أني مذاكر او كاتب قوانين ومعادلات على الحاسبة والحمدلله حليت كم سؤال وشيرت البعض وتركت البعض
بس الأختبارات صعبه حيل ×___×.


لغة عربية: أخخخخخ من بدايتها كان خايس ماأدري شنو فايدة القواعد وانا أول مافتحت التعبير ولقيت التعبيرين زي الزفت ×__× والتلخيص صفحة ونص والقواعد أشياء جديده << أنت متى تعرف القواعد المهم طبعا انا تشير بالقواعد يعني دائما أكتب مفعول به منصوب ومضاف إليه حتى ولو كان فعل بس لازم أكتبهم ×___× ورب نافعه ضاره<< قلب المثل
وجاء أعرابين من الي كتبتها نيهاهاهاهاه يحيا التشير والحمدلله الورقة الثانية كانت سهله بس تقث كله أختياري وانا مشكلتي الاختيار كل الاجابت صحيحه بس يبي الاصح وأول مره بحياتي اني ماشيرت بالأختبار وبس جاء سؤال خبيث عن تاريخ الأدب والي كان
أذكر شخصية نسائية كويتيه كان لها دور بالقصص<< على ماأذكر
وانا قعدت أفكر بالأجوبة وكتبت أول شي عائشة المرطة بس لما فكرت طلعت مغنية ولا لها دور بالموضوع و كتبت فوزية الدريع ونفس الشي فكرت وطلعت مقدمة للبرامج وظلييت أفكر وأفكر وقلت خلني أكتب نورية الصبيح << الوزيرة التعليم
قلت يمكن تشوف أسمها وتقول نجحوه << :nosweat:
بس قلت مالها داعي الظاهر مالها دور وكتبت طه ياسين بس قالوا يبون شخصية نسائية وأخر شي ثبت على الشيخ سعاد الصباح لها دروس كثير قلت يمكن تطلع صح ×___×.


القرآن الكريم: سبحان الله أسهل أختبار لدرجة أني من أول الأختبار لنهايته وانا أطالع لورقتي وأضحك على الي بجنبي يطلع براشيم وانا ويالله حفظت12 درس من 14 درس والي ماحفتهم يات بالأختبار
سبحان الله الي أدرسة مايجي والي أدرسه يجي ×___×
الظاهرفي علاق عكسي ضدي ×__× .



وهكذا تنتهي قصه المعانات التي عاشها الطالب إبراهيم ولولا اننا خلصنا كنت الحين بمستشفى الطب النفسي ×____×
أكيد الحين الكل بكى أدري انا مسكين عشت ضحية أختبارات ×_×
وفي الختام
أشكركم على القراءة ^^

[@QUEEN_MOON@]

سلام عليكم

بصراااااااااااااااااااااااااااااااحة أنا فرحت لما ظهرت من المدرسة << وحياة الجامعة أجمل بس المدرسة الي يعجبني فيها زميلاتي ^^والباقي فارتنه :o

المدرسة همممممممممممممممممممممممممممممممم كبير

والاولاد معرووووووووووووووووووووووووووووووووووووووووف ومتوقع منهم

الغش لازم يغشوووووووووووووووووووووووووووون وأذا ما غشوووووووووووووووووووووووووووووووووووووووووووووووو ووووووووووووووا ما اعرف كيف نفسيتهم بتكون خخخخخخخخخخخخخخخخخخخخخخخخخخخخخ << بصراحة هذا من الواقع

من يوووووووووووووم عرفت الاولاد وهم يفرحوووووون لما يغشون عيد عندهم

والحمد الله أنك خلصت الأختبارات بخير

وعقباااااااااااااااااااااااااااااااااااااااااااااا اال النتيجة أن شاء الله

ولا ترحمنا من مواضيعك الكيووووووووووووووووووووووووووووووووووووووووت

على فكرة شيك على غرفة النوم لا يكون حطيت لك كاميرا مراقبة وسبب أني ارد ثاني وحدة :nosweat:

خيتك كوووووووووونو شان

[[Trend]]

خخخخخخخخخخخ

نفهم معاناتك اخوي

بس صج انك شو اقول عنك

انا في الرياضيات مزفت على الآخر

العربي في الإعراب تأليف و حتى في اكتب البيت الدال على ها الشي(أألف بيت من عندي كلمة من هني و كلمة من هناك و اسويلي بيت)

اما الباجي سهل

[Ai-Kun]

:

هههههـــ

نفهم معاناتك نفهمها

أنا بالرياضيات و كيمياء و الجيولوجيا :strongsad: [ الله لا يوريك شنو سويت بالكتب بعد الإمتحانات خخخــ ]

أما الباقي سهل بالنسبة لي خخخـــ

المهم انتهينا من علة الامتحانات

و أتت الإجازة المليئة بالنـــــوم

و ذهبت أمراضنا العقلية

و جاء وقت التحميل و التحميل خخخــ

فشكرا إبراهيم على المشاركة بمعاناتك هههــ

:

[the hero]

وعليـــــــــــــــكم السلام ورحمة الله تعالى


شخبارك برهووووم؟؟؟؟؟؟؟؟؟؟؟؟؟؟؟؟؟؟؟؟؟؟


شكلك عشت ايام عصيبة:11lil:



بس انت توك اليوم مخلص انا من تاريخ 6-6 مخلص:rolleyes5cz: ((طايفك))بس أكــــــــــــــــــيد انت تبتديي عقب هههههههههه



الموضوع رائع رائع:cool3: :cool3:

نشف ريجك ها:biggrin9gp: هههههههههه انت محظوظين ييبونلكم ماي موب احنا معهدنا الغرمبع((مع ان المعهد الديني))لوووووووووول معهد ديني مال البحرين مافي اخس منهــــــــــــ


التعـــــــــــــــــــــــــــليقات:

الرياضيات::

قناة فنون فادتك خخخخخخخ......:laugh8kb:

شكلك شيرت عدلــــــــــــــــــــــــــــ


اول اختبار اخس اختبار :D :D :D :D :D :D


15 ورقة الله أكبر شكله عقلك انهار كلياً(((الله يعينك)))والحد لله على سلامتك من المرض :D :D :D :D :D :D :D




الكيمياء::

ليش نظام وزارتكم جذي(((ظلــــــــــــــــــــــــــــم عووود)))

حظك يي من الفصل الول الي مادرست منهــــــــــ الا وي((الدنيا صعبة))<<<مقولتي الشهيرة:D


زين انك ماقتلهم عنهـــ لأن ساعدك:biggrin9gp:


تربية أسلامية::


لوووووووووووووول تربية اسلامية اسهل مادة((مدرستي مافيها تربية اسلامية التربية الإسلامية مقسمينها على 6مواد:قرآن وتجويد-تفسير-حديث-توحيــد-سيرة الرسول صلى الله عليه وسلم-فقهــ))بس اذا رحت مدرسة ثانية بيكون عندي الدين مايicon30

حظك يي الأحاديث الي ماحفظتهم ×___×


أحياء::


احسها مادة تلوع الجبد وكله وراثة بل بل بل بل بل بل

شكله المدرس يبيكم تتدخلون في حياة الديك<<<<هههههه:D



EnGlIsH :



الأختبار سهل بالنسبة لي وصعب للعالم ×____×((انا بعد))انا اتحسف لما يكون علينا امتحان انجليزي كل الصف هجوم علي يبون الأجوبة ((رياح مدرسة خاة فاعرف انجليزي عدل:D ))


عربيــــــــ::


وعوووووووووووووووووووووووووووووو


اخس مادة تلوع الجبد


مثلك ماعرف القواعد((الشي الوحيد الي ماعرفله وباييخ))

مفعول به منصوب ومضاف اليه:shiny: ههههههه

وحظك طلع 2 صح:D



قرآن:

حظك الإمتحان سهل موب احناicon31
كان صعب


امتحان وتروح المستشفىالطب النفسي ههههههههههههههه




سووري على التطويل و:bye1:

[كـراش]

بسم الله الرحمن الرحيم

الحمد لله أنهيت الإختبارات أصلاً ليه تعور راسك و تسرد المعاناة إهئ إهئ ,,,,

مع ذلك أنا مستغرب له " الإنجليزي " سهل عندك ... أنا شاك إنك عبقري ... هاهاهاهاهاها

شكراً على الموضوع <<<< لأنه ضحكني ! ههههه

[meaad]

السلام عليكم والله متت من الضحك وذكرتني بايام الثانوي والله كان عذا وخصوصا الكيمياء والفيزياء والاحياء اسواء 3 مواد على قلبي ولو اخليهم يختفون ما اقصر اما الرياضيات فهذي حبيب القلب والروح بالنسبة لي لاني اموت فيه اما الانجليزي مثل ما قلت

لغة أنجليزية: هوو هووو لا تعليق
الأختبار سهل بالنسبة لي وصعب للعالم ×____×


اريجاتوا على الموضوع الروعه والي موجود في كل المدارس الثانوية تقريبا وننتظر جديدك :)

[mysterious eyes]

موضوع جميل .. لي عودة مع تعليقات مطولة ان شاء الله

[Uchibra`Weg]

ههههههههه

ضحكتني كثير إبراهيم


الكيمياء:ثاني أختبار وأنواع العذاب الحقيقي ×_×

هالسنة,, تركت باب بكبره و راحت علي منه 5 درجات XD
طلعت و انا فرحان 5 درجات بس خخخخخخخ



وانا بديت أدرس الوراثة لدرجة اني صرت عبقري وراثة تقريبا 7 ساعات كلها عن الوراثة وأخرتها جاء الأختبار بس سؤالين عن الوراثة ولا كانت مسئلتين يقول ديك تزوج من دجاجة و خلفوا 35 فراخ له أرجل داكنه و5 فراخ لهم أرجل بيضاء أذكر مالون أرجل الأب والأم .


لول,, ذكرتني بأسألة الفصل الدراسي الاول >.<"

ذليتنا يا استاذ >.< واحد اصلع و الثاني لع و خمن شعر منو الاصلع الابو و الام حتى إني بغيت احلق
شعر الاستاذ من القهر :cool21: لول

في الاخير جبتها صح ميااهاهاهاهاها
تصدق ان الصدفة له دور كبير في الفرد و المجتمع :P
شدراك يمكن النت ما طلع إلا بصدفة خخخخ :harhar1:



لغة أنجليزية: هوو هووو لا تعليق
الأختبار سهل بالنسبة لي وصعب للعالم ×____×

هع هع.. انا رحت للإختبار و انا ما ذاكرت شيء :S
و طلعت احسن الناس فيه خخخخخخ <-- و لو حاظرين للطيبين xd


. . . . . .

هع هع هع ,, انا تعذبت كثيييييييير و لا ليلة قدرت انام زي الناس ><
بالكثير الكثير انام ساعة واحد في العادة انام ساعة 2 و نص و اصحى الفجر ساعة 4 و نص

المعناة استمرت لـ اسبوعين من العذاـــب الشديد من المدرسة

بس الحين خلص الاختبارات و الدراسة خلصت و يا سلام ,, إلخ <-- ما يحتاج تكمله XD

[MAISONA]

وعليكم السلام ورحمة الله وبركاته

معاناااااااااااااة صج .......

والحمدلله اجتزتها ، وارتحت نفسيا ..^^

الدراسة معانااة وخصوصا في الرياضيات : تعذبت واايد وأنا أدرس ، الكتاب مسائله لا تعد أووه كثيرا

حتى أني أحل خمسة واتصفح الباقي بالنظر وأحل بعقلي ما لي خلق أكتب ....دوخة راس .....

بصرااحة كل المواد تعذبت في دراستهم ....

الله يوفقك أخوي إبراهيم وان شاء الله تكون النتيجة عالية .....

أختك :

ميسوو^^

[med-bel]

السلام عليكم و رحمة الله و بركاته

وقتها قعدت أذاكر والله ياخذ الكتاب كان كبيييير والقوانين ياكثرهم انا مليت من الحفظ وبديت أكتب على الحاسبة علشان أتذكر مو أغش << نصااااااااااب

هذا جيد , أنا أذكر بعض المراقبين عندما يأتون يجعلوننا ننسى كل ما تذكرناه , و فوق هذا يفحصون الآلة الحاسبة و كل شيء حتى الأقلام يفحصونها

وكان علينا عشرين حديث حفظ انا حفظت 17 وباقي ثلاثة ماحفظتهم قلت مايجون ولأسف جات الأحاديث الي ماحفظتهم
هذا ما يحصل للكثير من الطلبة , فبعضهم يحفظ الدروس كلها ما عدا واحد و يكون الإمتحان في ذلك الدرس الواحد المتبقي , و بعضهم يكون محظوظا يحفظ درسا واحدا فقط فيكون الإمتحان في ذلك الدرس الواحد الذي حفظه

ديك تزوج من دجاجة و خلفوا 35 فراخ له أرجل داكنه و5 فراخ لهم أرجل بيضاء أذكر مالون أرجل الأب والأم
حسب قانون مينديل : أرجل الديك داكنة و أرجل الدجاجة داكنة وهي مختلفة الإقتران
أنا أريد فقط أن أتذكر إن كنت أذكر و أريد أن أعرف إن كان جوابي صحيحا

الله يلعن الي كان السبب ×___×
الله يلعن بوش و العصابة الصهيونية
و شكرا جزيلا أخي
الله يفقك و يجعلك مع الناجحين من الأوائل

[عاشق_كونان]

بسم الله الرحمن الرحيم

والله يا ابراهيم احب الي تكتبه مادري ليش

الانجليزي :-
مثلك مثل شرب الماي
والي جنبي متعذبين ^^

االرياضيات ( العذاب) :-

درست البرهان مليوون مره
وحفضت الانواع الي راح تجي
وللأسف خبصت بالامتحان
لكن ربك ستر نجحت الحمد الله
وجبت فيه 70 بالمئه
مادري على شنو والله
ع الخرابيط !!! مو مشكله ^^

العربي :-
كان كل شي سهل
بس حط جنب اسمي مليوون ×××××
بالنحوو ,, نو وي , ماكو عقل بالنحو
الله يخلي التشيير ,,

العلوم :-

اول مره من بدايه الفصل الثاني
اركز على معلوومات
وسبحان الله اهي الي جت بالامتحااان
وما قصرت على الي جنبي غششتهم

الاجتماعيات :-

سهل طبــعا ً ,, الحمد الله حفضت كل شي ^^
بس طااح علي المدرس وانا اغشش
مسخرني اخر مسخره
بس انا عاشق محد يقدر علي
قلت له ,, كنت ابي من رفيجي المااي اذا ما يبيه
صح انه ما صدق ,, بس الحمد الله ما سحب شي ^^

القرآن :-
طبعا كان قبل الامتحانات
والله يخلي بيضه الكندر
استااذنا الكووره
بطه ^^ ,, بس خووش وااحد
مشالي جم خطأ

الترببيه الاسلاميه :-

كان سهل نوعا ماا ..
لكن انصدمت من سؤال
من قائل العباره ,, وما المناسبه
وكالعاده الله يخلي التشيير يا برهوووم ^^

الحاسووب:-
درجات الفصووول تشفع علي
كلها 20 الحمد الله
حليت عدل

الحمد الله نجحت ,, ونسبتي ,, 6 , 82 %
وننتضر في مذكرات اخرى ^_^

[x.dreams.x]

وعليكم السلام ورحمة الله وبركاته ^^
أولاً :- الحمدللــه على السلامة :) >> من بعد الاختبارات ,
ومبـروووكـــ على بداية العطــلة الصيفية ,,
ثانيا:- ألف شكـر لك على الموضوع ومــاقصرت :)
ثالثا:- الاقتباسات :-



الكيمياء



كيمـياء الثــانوية !
مـــا أحــلااهــا من أيام !!
:)ألذ مادة موجودة بالثانوية وأسهلـها !
أذكـر عـلى أيامنا الامتحانات كـانت سهــلة وأسهل من شـرب المـاي !
ومن يومها وأنا حــاب ماادة الكيمياء لدرجة مو طبيعية :),,
والحمدلله الى الآن وانا متفوق بها :)
:) خـاصة مقـرر "83" (كيمـياء 2) (مقررات) ولا أدري اذا كانت نفس دراستكم ولا لا :)
عموماً بالنـسبة لسؤالك تبع المصطلح العلمي :) أبشرك موجود نفسه بالجامعه:harhar1:
لكن حالـياً الذاكرة خاينتني شـوي
لكن اللي اعرفه انه من (الكيمياء الكهربائية)
امممم وبمـا انك بالعامة مادري ليش شعور يراودني !
ان الكتب الخاصة فيهم أفضل من المقررات !
لان كله مجزء عندكم ! مثلاً (كيميا 2) (مقرر 83)
لما كنا ندرسه " 314 صفحـة"
وكان معانا واحد من نظام (العامة) وكان يقولي احنا
منهجنا نفس منهجكم بالظبط !
لكن الاختلاف ان احنا ناخذه مجزء :)
ع العموم 00 أتمنى لك كل التوفيق في اختباراتك وان شاء الله تطلع بتقدير امتياز :)
وبدرجات ترفع الراس




أحياء: وععععععععع

الأحياء !! وما أدراك ما الاحياء !!
صراحة مادة تعجــــــز تقووول عنها "وعععععععععععععععع"
أبيخ مادة درستها بحياتي وتذكرني بأيام سوداا :(
مادري كيف طلعت منها !!
فعلاً انها من أسوء المواد !
وحفظـها مـليـــاااان !
تحفظ وتنسى :(
وخصـوصاً مقـرر "33" و "63" !!
واعتقد كمان نفس دراستكم !
الوراثة ( مندل ونبات البازلاء) !
والصفة السائدة والمتنحية !!
وعععععععععع !!
:( أيــــــــاام لا أتمنــى رجوعهــا ,,




فيزياء:


هذي المادة !!!!!!!!!!!!!!!!!!!!!!!!!
حــــــــــــــــــدث ولا حـــــــــــــــــــــــــــــــــــــــــرج !!
أغلب مدرستنا رسبوا فيها ! أكثر من " 7 مـرات" !
خـصوصاً مقـرر "53 " !!!!!
آآآآآآآآآآآآآآخ !! آآآآآآآآآآآآآآآآخ !! وربـــــــــي عــــذاااااااااااااااااااااااااااااااااااااااااااا اااااااااااااااب !!
وكل ماذكرها احس برغبة بالبكاء!
مقــرر بقـــــمه الصعـــــــــــــــــووووووووووووووووووبة !!
وامتحاناته من أصعـب ما يكون !!
سبب لي حـالة نفســية !!
ظـليت فيها قاعد بالبيت لمدة شهـر ولا كان لي مزاج أطلــع !!!!
وأذكـر درست له ما يقـارب الـ 26 سـاعه !
ووقت الامتحان ! من صعوووبته ! حســيييت بــ"عرق" قام ينزل مني !
مع احمرار شدييييييييييد بالوجه !!
الله يعيـــــــــــن بس اللي عنده فيـزياء !http://msoms-anime.net/images/icons/icon9.gif



لغة عربية:


هذي المادة وربي سهــلة واااااااااااااااااااااااااااااااااااااايد !!
لكن وزارة الكويت مزودينها ! حسبي الله ونعم الوكيل
امتحاناتهم اللــــه يسـامحهم عليها !!
الى الان اذكر ان اخر امتحان امتحنته بالعـربي في مقـرر "81"
وهو مقـرر من أسهل مـا يكون !
ويبت علامة كـاملة في الاسبوع السادس والحادي عشـر !!
لكــن بامتحان الفاينل !!!
طلعت فيه بنسبة 81.5% !!!!
سوو لنا امتحااااااااان ما بعدددددددده امتحااان !!
ما ادري ليش يصعبون الامور وهي سهلة !
والله وزارة التربية الكويتية مادري شلون صايرة يحسون بعذاب اذا واحد نجح !
اسألتهم قمـة بالصعوبة !
وبالمعجـــزة نحصـل على " ب+" !!
بس اللي بعرفه ما دخـلنا نحن بـ " توحد الاطفال ومخاطرها" !!!
واستدل من الحوداث الواقعية والشواهد القرآنية واكتب مقالاً عنها ...
هذا موضوع تعـبير ؟؟؟؟؟؟؟؟؟؟؟؟؟؟؟؟؟؟
حتى علمـاء النفس مايعرفوا يكتبون عنه شي !
ويبون منـا نحن الطلبة نكتب عنه !!
حسبي الله عليهم ! والله ياخذ حقنا منهم :)
ههههه00 أيام راااحت بلااا رجـــــــعه !!
لكن ذكراها السيء محفور بقلبي ولا اقدر انساه :(
وعلى قولة المثل " ينسى الصافع ولا ينسى المصفوع"



وهكذا تنتهي قصه المعانات التي عاشها الطالب إبراهيم ولولا اننا خلصنا كنت الحين بمستشفى الطب النفسي ×____×
أكيد الحين الكل بكى أدري انا مسكين عشت ضحية أختبارات ×_×
وفي الختام
أشكركم على القراءة ^^


الله يوفقك ان شاء الله !
ومبـرووك عليك العطلة الصيفية !
وان شاء الله تبيضها بالدرجات الحلوة :)
وانا عن نفسي ماراح ابخل عليك بدعائي :)
شكـراً على الموضوع الحـلو :) ,,
واسمح لي طولت بالرد ^__^ ,,

[shooshoo_san]

السلام عليكم ورحمة الله وبركاته

ماشاء الله كل المواد يشتركون بشيء الا وهو البراشيم .. شكلي بخبر عليك :yes3: لا وفرحان بعد ..

بالنسبه لعذابك ها شيء طبيعي فها احد اعراض المرض الكبير اللي هي الامتحانات ..

الحمدلله اني ارتحت من امتحانات المدارس من زماان فعلا امتحانات وبحوث الجامعه اهون بواايد :bigsmile: .. بس بعدين يوم بتروح الجامعه بتصيح تبا ترجع لهالايام حتى لو كانت عذااب بتفتقدها .. اذكر على ايام امتحاناتي الثانويه .. انا بعد مرضت وما قدرت ارفع راسي وافتح اي كتاب ودايما احضر الامتحان بوقت متاخر حتى انه الحرمه الي تشرف علينا كانت تسميني ام 8:30 لاني دوم ايي بهالوقت .. بس الحمدلله دراستي بالشهر اللي قبل فادتني واايد والا كنت رحت فيها .. ع العموم ايام وعدت الحمدلله .. وان شاء الله علاماتك بتكون حلوه <<اكيد ماشاء الله عليك ما خليت طريقه للغش الا وسويتها ..
مشكوور على الموضوع الجميل .. :) .. وبالتوفيق لك ..

[IbRaHiM.N]

هع هعالظاهر الموضوع قلب مكتب سفريات :crazy:
الي ماأشوف رده يا ويله



:



هههههـــ


نفهم معاناتك نفهمها


أنا بالرياضيات و كيمياء و الجيولوجيا :strongsad: [ الله لا يوريك شنو سويت بالكتب بعد الإمتحانات خخخــ ]


أما الباقي سهل بالنسبة لي خخخـــ


المهم انتهينا من علة الامتحانات


و أتت الإجازة المليئة بالنـــــوم


و ذهبت أمراضنا العقلية


و جاء وقت التحميل و التحميل خخخــ


فشكرا إبراهيم على المشاركة بمعاناتك هههــ



:


هع هع
أهلا خيتو هيبورة ^^
أمممممم
لما كنت بالعاشر نجحت بدون مذاكرة الله يذكر أيام أول لما كان يدرسنا أبوجادرو << عالم كيميائي
وعلى الجيولوجيا فأنا نجحت بدون الأختبار الفضل يعود للوسايل كل شوي مسوي وسيلة يعطيني 20 من 20
نيهاهاهاهاهاها
ايه والله انا حلفت اني ماأطفي الجهاز أخليه يتعذب طول الصيف :surrender:
يسلموو على المرور هيبورة ^^

[13390detective]

الف الف الف مبروووووووك على الانتهاء من ايام الامتحانات السوداء
ولكنكم متأخرين يعني احنا في الجزائر اواخر ماي انهينا كل شيء والامتحانات عندنا اربع ايام وبعدها وداعا
انهيت البرنامج الدراسي او لم تنهه .
وهذه الأيام يوزعوا في الكشوف ولكنني تكاسلت
يعني اذهب على الساعة الثانية زوالا مع الحر وطول الطريق مستحيييييل
سأتركه لهم كتذكار
°°°°°°°°°°°°°°°°
وايام الامتحانات وما ادراك ماتلك الأيام
يعني الرياضيات والفيزياء حبيبات قلبي هذا لا يعني انني عبقوووور ولكنني جيد فيهما والمهم انني احبها مافيهم تعب وملل
على عكس الاحياء والتاريخ والجغرافيا كوارث
هذه المرة التاريخ والجغرافيا والله ذهبت ولم اراجع حرفا يعني احنا يقولك اكتب تقرير معين ومايكون خارج عن البرنامج الدراسي
لهذا ما اتذكره اكتبه وما لا اتذكره اتركه ولا اهتم
اما الاحياء طبعا كرهتها العام الماضي لهذا اخترت شعبة التقني رياضي حتى اتخلص منها

المهم العام الدراسي مر رائعا يعني القسم اللي درست فيه تمام كل يوم شيء جديد

[IbRaHiM.N]

وعليـــــــــــــــكم السلام ورحمة الله تعالى


شخبارك برهووووم؟؟؟؟؟؟؟؟؟؟؟؟؟؟؟؟؟؟؟؟؟؟


شكلك عشت ايام عصيبة:11lil:



بس انت توك اليوم مخلص انا من تاريخ 6-6 مخلص:rolleyes5cz: ((طايفك))بس أكــــــــــــــــــيد انت تبتديي عقب هههههههههه



الموضوع رائع رائع:cool3: :cool3:

نشف ريجك ها:biggrin9gp: هههههههههه انت محظوظين ييبونلكم ماي موب احنا معهدنا الغرمبع((مع ان المعهد الديني))لوووووووووول معهد ديني مال البحرين مافي اخس منهــــــــــــ










أهو بس عصيبه كانت تجيب الهم والقم وثقل الدم
ههههههههههه أيه صار لك 20 يوم
ههههههههههه أي ماي يصبون لك نص قلاص بخيلييييين :nosweat:

الرياضيات::

قناة فنون فادتك خخخخخخخ......

شكلك شيرت عدلــــــــــــــــــــــــــــ

اول اختبار اخس اختبار

15 ورقة الله أكبر شكله عقلك انهار كلياً(((الله يعينك)))والحد لله على سلامتك من المرض
هع هع
وانا أشهد أنه كان عذاب ×___________×
يسلموو على المرور يا صديقي ^^

[MissCreative]

السلام عليكم و رحمة الله و بركاته ...
طبعا نرحب بعودتك و يا ميت هلا

حرام عليك ذكرتني يوم لما درست فيزياء بقيت شهر كامل أدرس فيها و لا الأحياء الله يجيرنا الوراثه هبلتني
و بذكر قبل إمتحان الرياضيات بيومين قعدت أبكي لماما و قلها و الله ما أنا فهما شي راح أرسب بالرياضيات بس مر علي خير
و جبت فيه 95 % العلامه طبعا من 100 شايفين الظلم بتفننوا بكل الطرق كيف يرسبوا الطلاب ....... الله لا يعيدها هالأيام
كلها عذاب و هم و غم الله يعين الجميع

و إنتا يا ويلي عليك بتحكي متل واحد عايش بسجن صارلوا 15 سنه و فجأه طلع للنور الله يعينك لإني متلك حاسه بشعرو الواحد
إلي يقدم إمتحانات الثانويه كيف يكون بس أنا مخلصه قبلك و إتريحت لإنو طلعوا النتائج كمان و أنا جبت 97% بعد عناء و عقبالك
يا رب 99 و مبروك عليك العطله و سوري علي الإطاله

[Kudo_Lover]

وعليكم السلام و رحمة الله و بركاته


وحطيت على قناة فنون وتابعت (صباحي ) 8 ساعات من الضحك والكومديا عدلت فيها المزاج المعكر والحمدلله ردت لي الصحه ×__×

وعليك امتحان !!!
أنا مستحيل أسوّيها



ماحصل تسريب بالأختبار وصلني الأختياري من مصادري الموثوقه وانا بدوري نشرت الخبر وكل الي معاي عرفوا الاختياري وأول ماجاء الأختبار ودخلنا اللجان الكل فتح الصفحه الاخيرة وحط الأختياري صراحة يجيبون الشكه×__×




ههههـ والله انكم حراميين ..



بقانون ألفته طبعا


خخخخــ .. الله يعين الخوارزمي



15 ورقة


ما شا الله :nerd2:
من وين يابوا كل هـ الأسئلة ؟!



والحاسبة ماتقصر

هـ الآلة شكلها ][ يور هيرو ][ :shiny:






ولكن وزيرتنا العزيزة حفظها الله ورعاها

أشك انك تدعيلها هههـ ..



يا شريف روما :nosweat:

:evil:




كان ودي أمسك C4 وأفجر المدرسة

::hm:: خخخخــ ,, أتحدّاك .. ههههــ ..



اكتب المصطلح العلمي
تتناسب كتل المواد المتكون عند أحد الأقطاب بالتحليل الأكتروليتي تتناسب طردياً مع الشحنات المأره بالمحلول أو المصهور (................)


قانون فاراداي أعتقد صح :biggrin9gp:



كان ودي أعلم عليه بس هددت << لازم أفيد نفسي

خخخخخخـ .. انت شكلك تشهر المعصية



وطبعا الحاسبة تلعب دور البطولة وتنقذني دايما

قلت لك هـ الآلة ][ يور هيرو ][ :biggrin9gp:






عشرين حديث حفظ

صدق !!! الحمد لله نحن شوي /// في حدود الــ 6 << اللهم لا حسد



لدرجة اني صرت عبقري وراثة تقريبا 7 ساعات

ما شا الله



هوو هووو لا تعليق

الأختبار سهل بالنسبة لي وصعب للعالم ×____×

هـ المرة معاناتك انتقلت لناس ثانيين ][ مدرستكم شكلها فيها فيروسات ][ :evil:



قلت يمكن تشوف أسمها وتقول نجحوه << :nosweat:


هههههههههههههههههههـ .. لو جذي // بتشوف كل أوراق العالم مكتوب عليها أسماء الوزراء و الحكّام بعد ^^




سبحان الله الي أدرسة مايجي والي أدرسه يجي ×___×


هههــ // هذي المرة أول مرة يجيك شي درسته ..

الظاهرفي علاق عكسي ضدي ×__× .


للحين بعدك متأثر بالامتحانات


أكيد الحين الكل بكى أدري انا مسكين عشت ضحية أختبارات ×_×

خخخخخخخخخخخخخخخخخخــ .. والله اني ضحكت وايد ::hm::



وفي الختام
أشكركم على القراءة ^^

العفو

بس ان شا الله تنجح //

[willful.girl]

هع هع هع إمتحانات هع هع هع
خلصتوا... ! . !
والله إنكم تخرعوني أقول ما بي أوصل الثانوية العامه ><
بس إن شاء الله تنجح وتييب إمتياز .. *^

[**~Butterfly~**]

مبروووووووك حق كل إلي خلصوا امتحاناتهم ألحين ...<<أنا خلصت من 6/6 خخخخ :D

و الله يعين للي عندا دور ثاني ...

بالنسبة لي كان أصعب امتحان الفيزيا ... ألفت قوانين على كيف كيفك ..

أما الباجي فالحمدالله الله يسر و سهل علي ...

[IbRaHiM.N]

أشكر الكل على من دخل الموضوع ونورة
وعلى من تفاعل
ومبروك للفايزين وهارد لك للخسرانين
والموت لأسرائيل << تحمس شوي :blush:
نرد على البعض بكم أقتباس

قانون فاراداي أعتقد صح :biggrin9gp:

لا غلط قانون فاراداي الأول نيهاهااههاها
وتسلمون يا قوم على المشاركة ^^:evil:

[ايما]

[

السلام عليكم ياقوم ^^
أخخخخخخخ
مساء الخير \ صباح الخير\ بونجور \ صباحية مباركة << دخلت عرض
وأخيرا عدنا بعد ثلاث أسابيع من الكوابيس
كلها أختبارات وعذاب نفسي وجسدي وكربون وعضلي
أخخخ يا قلبي أرتحت الحين من الاختبارات الي كانت الهم الأكبر
كانت أختبارات مشحونه بالهم
ربما محد يشعر بهذا الشي
بس والله كانت تجيب الهم لدرجة أنها تصيب البعض باليأس وكره المذاكرة
وهذا الي حصل لي بأختبار الفيزيا الورقة الأولة لعنه الله وأبعده عني
وقتها قعدت أذاكر والله ياخذ الكتاب كان كبيييير والقوانين ياكثرهم انا مليت من الحفظ وبديت أكتب على الحاسبة علشان أتذكر مو أغش << نصااااااااااب
كانت الأختبارات ممله ونستذكر بعضها

وعليكم السلام ورحمة الله ،، أخيراًخلصتوا امتحانات انا كل يوم أشوف الجريدة ولا كم واحد صادوه حالة غش من أول يوم حرام عليكم ( 18 واحد ) بس العلمي دائماً أقل ( يعيش العلمي ..يموت العلمي ) ،،



الرياضيات:-
وععععععع كل ما أتذكره يجيني الهم والقم
كان أول أختبار ووقتها كنت أحفظ البراهين لدرجة أني بقيت أنهار عصبيا
لأن كل شوي أقول ماباقي وقت على الأختبار وكانت الساعه 2.30 الفجر أخرتها تعذوت من الشيطان ورحت شغلت التي في ورحت أغلب بالقنوات وحطيت على قناة فنون وتابعت (صباحي ) 8 ساعات من الضحك والكومديا عدلت فيها المزاج المعكر والحمدلله ردت لي الصحه ×__× وكملت مذاكر والحمدلله حليت عدل بالأختبار بعد ماحصل تسريب بالأختبار وصلني الأختياري من مصادري الموثوقه وانا بدوري نشرت الخبر وكل الي معاي عرفوا الاختياري وأول ماجاء الأختبار ودخلنا اللجان الكل فتح الصفحه الاخيرة وحط الأختياري صراحة يجيبون الشكه×__×
وفتحت الاختبار وبديت أحل وكل شوي يجي الهندي ويصب لي ماي نشف ريجي ( بلعومي) من الأختبار والتشيير فيه ×__×
ولما خلصت الأختبار توهم يقولون باقي من الوقت نص ساعه
خلصت على الورقة وحليتكم مسئلة بقانون ألفته طبعا الي قبلي من نيوتن مو أحسن مني وانا بعد أبي ألف قانون الحمدلله خلصت الأختبار
ورديت للبيت منهك عقليا بعد صراع مع 15 ورقة ×___×
ولما صحيت وحدثت الواقعه ماهي الواقعه ×__×
أني مرضت ولا قدرت أركز ولا أشوف عدل
يعني الحاله مزرية الحمدلله قدرت أفهم شوي
بس لما جاء الأختبار زادت الوضعيه سوء ولا قدرت أشوف المسئلة
والحمدلله قدرت ألقط كم قانون مني ومناك والحاسبة ماتقصر كاتب عليها قوانين وفادتني وأنا متوقع أني سويت العجب بالاختبار والله يستر منه بس .



امتحان الرياضيات هذا الرياضيات أحبه بس الأمتحان يجيبون أسئلة ما تدري من وين جت لا بالمنهج ولا بالكتاب وتكتشف بانه سؤال ذكاء ! ( انا الحين مو دارس وتجيبون سؤال ذكاء ) ،، الآلة الحاسبة هذه الصديقة في المواقف الصعبة ،، لدرجة الجنون الذي أصل فيه في امتحان الرياضيات فإن هل تعرف كم 2+3 انا استخدم آلة حاسبة !



الكيمياء:ثاني أختبار وأنواع العذاب الحقيقي ×_×
بنظام وزارتنا الذكية العبقرية ان طلاب الثنوية يختبرون الفصلين
يعني الفصل الاول والثاني وعلى مر السنين والدهور الأختبار الأخير يكون غالبيته بالفصل الثاني ولكن وزيرتنا العزيزة حفظها الله ورعاها سوت العجب وجاء الأختبار أغلب عن الفصل الأول وانا ماراجعت عليه دروسه خايسه عن الكحولات والعياذ بالله << يا شريف روما :nosweat:
وانا طبعا ماذاكرت الفصل الاول وركزت على الفصل الثاني
وأخرتها ماجاء شيء وقتها كان ودي أمسك C4 وأفجر المدرسة
الأختبار 70% عن الفصل الاول الي مو مذاكرة والكل أنصدم من الأختبار الا واحد فاتح الكتاب الجزء الاول ويبرشم
الدنيا حظوظ هذا مايدري شنو السالفة وضبطت له
وصاحبنا يطلع البراشيم وانا منقث لدرجة جتني أفكار خبيثه
كان ودي أعلم عليه بس هددت << لازم أفيد نفسي
وصاحبنا ماقصر عطاني المصطلحات
وأذكر هذا المصطلح والي يجاوب عليه يكون بطل ^^

اكتب المصطلح العلمي
تتناسب كتل المواد المتكون عند أحد الأقطاب بالتحليل الأكتروليتي تتناسب طردياً مع الشحنات المأره بالمحلول أو المصهور (................)
هع هع الي يجاوب عليه يكون بطل ياقوم ^^
وطبعا الحاسبة تلعب دور البطولة وتنقذني دايما وقتها كتبت قوانين التركيز العياري والمعياري والمولاري والله وكل المسائل جتني الحمدلله اني كتبتها ^^
طول الاختبار وانا اشير بالأجوبة والله يستر منه بعد ×___×.


الكيمياء وأعوذ بالله منه ، سمعت عن رابعة ثانوي كتابين في يوم واحد كيف الواحد يدرس أنتم كحول نحن 3ع او 11 كما يسمى نأخذ عن الأحماض والقواعد ( أصدقاؤك القدامى )

هذا المولاري والمولالي والسخيف الكسر الجزيئي نسيتهم كلهم ( الكورس الاول ما خذينهم )


اكتب المصطلح العلمي ( بجرب مع ان كرهي في الامتحانات التعاريف )

تتناسب كتل ( m ) ( هذا من الفيزياء) المواد المتكون عند أحد الأقطاب (يعني بطارية ) بالتحليل الأكتروليتي ( الذي يقبل مرور التيار أو شيء مثل هذا ) تتناسب طردياً ( هذيك العلامة اللي بالفيزياء مثل 8 بالانجليزي بس مقلوبة وممسوح جانبها اليسار ) مع الشحنات المأره ( الألكترونات والبروتونات والنيوترونات يعني الذرة ) بالمحلول أو المصهور (................)

نستنتج بان m الذي في البطارية يتناسب عكسياً مع 1 / الذرة




تربية أسلامية: أمممممممممم ماأقدر شي لأنه ديننا ولازم نعرف عنه طبعا جاء الأختبار وكان علينا عشرين حديث حفظ انا حفظت 17 وباقي ثلاثة ماحفظتهم قلت مايجون ولأسف جات الأحاديث الي ماحفظتهم وتوهقت ولا حليتهم الله يلعن الي كان السبب ×___× وأول مره يمر علي أختبار تربية أسلامية صعب جذي ×_× بس ربكم يسهلها
<< أخرتها تنجح بكل المواد وتجيب دور ثاني بالتربية الأسلامية .



الدين مع أنه ديننا الأسلامي إلى أنه في الأمتحان سبحان الله صعب يعني هذه السنة أقل درجة لدي عربي ودين حتى الكيمياء والفيزياء والأحياء والمزعج البغيض جيولوجيا أعلى من الدين والعربي




أحياء: وععععععععع
ياقوم هذي المادة أحبها بس كرها بعد الأختبار تخيلوا حاليا ندرس الوراثة بالأنسان وكل أنواع الوراثة يعني كل شي طبعا كل أختبار أحياء أغلبه عن الوراثة وانا بديت أدرس الوراثة لدرجة اني صرت عبقري وراثة تقريبا 7 ساعات كلها عن الوراثة وأخرتها جاء الأختبار بس سؤالين عن الوراثة ولا كانت مسئلتين يقول ديك تزوج من دجاجة و خلفوا 35 فراخ له أرجل داكنه و5 فراخ لهم أرجل بيضاء أذكر مالون أرجل الأب والأم .
الصراحة مسئلة محرجة انا وين ألقى ديك ودجاجة وأسأله أسئله خاص لازم الواحد يكون عنده دم المسئلة سهله لأنك تفرض صفات وبما أن الأغلبيه داكن يعرف نستنتج أن الصفة السائده هي الأرجل الداكنه ،،، سالفه طويلة تجيب الهم والقم وانا حليته وقثتني ولا جاء سؤال غيره وانا قثني ويومها كان ودي أقضي على المدرس لانه بس صدعنا بمسائل الوراثة واخرتها على الفاضي والحمدلله كان للتشير دور فعال ^^.

تذكرني باخي قبل سنتين لما كان في 4 ثانوي كان يقولون له قطة بنية تزوجت سوداء كم عدد القطط اللي بتطلع بنية وعيونها زرقاء أو سوداء وعيونها سوداء ( انا شكو )
الأحياء حلو بس يبيله وقت لدراسة ،، هذه السنة كان أحياءنا عن الجهاز العصبي والهرموني والمخدرات أكثر البنات ما درسوا مخدرات لانه آخر شيء وما درسوا الهرمونات ولا الأمتحان كله هرمونات ومخدرات ( الافيون من وين نطلعه نبات القنب الهندي )

جابولنا سؤال اتحداك تجاوب عنه أي من هذه ليست مخدرات
1- الأفيون 2- الهيروين 3- الكوكايين 4- الماريجوانا
انا أقول لأخواني بروح ادرس مخدرات يقولون أعوذ بالله أقول انا شكو كتابنا الأحياء شذي
هل تعلم بانه لو أزيلت غدة درقية من أبو ذنيبة يصير ضفدع قزم ( ما دخلي انا )




لغة أنجليزية: هوو هووو لا تعليق
الأختبار سهل بالنسبة لي وصعب للعالم ×____×

الأنجليزي شيل الstr القواعد والكل جايب 100 %




فيزياء: وععععععععع أس 17 كان ممل والله ملل
لدرجة اني ماعرفت شنو الأسئلة أقرأ سؤال اول مره اشوفه
يقول التيار المتردد والتيار المستمر والصمام الثنائي والثلاثي والوصلة الثنائية والثلاثية دوخه رااااااس انا صدعت من سؤال المصطلحات
يا أخي انهم مملون كيف يجيهم التفكير جذي انا ماأقدر أسوي جذي
يعذون الطلاب أحنا المساكين وطبعا وقتها من كثر القوانين كتبت على أيدي اليسرى ورجلي اليمني << حده متفرق ^^
ولما خلصت المسائل رحت للأختياري طبعا الاختياري يقث
و لما بديت أحل سويت لعبة بين يدي اليمنى واليسرى وكانت حجر ورقة مقص وكانت القلبة ليدي اليسرى والله تعرف تفكر وانا أغلب أختياراتي كانت بالجهة اليسر يعني (ب،د ) وطبعا أنا يأست وقتها ولا ذاكرت ولا شي ورحت للمدرسة بمراجعه خفيفه وجاء غير المتوقع وكان الاختبار سهل وظليت أتحسر لو أني مذاكر او كاتب قوانين ومعادلات على الحاسبة والحمدلله حليت كم سؤال وشيرت البعض وتركت البعض
بس الأختبارات صعبه حيل ×___×.


الفيزياء سمعت كان في سؤال غلطو بالرقم المفروض 200 وهم حاطين 20 الله يعينكم مثلنا كان في سؤال اختياري ماله جواب قلت للأبلة قالت بشوف وردت بعد شوي وطلع الغلط
انهم حطو 10 أس 3 والمفروض أس -3



لغة عربية: أخخخخخ من بدايتها كان خايس ماأدري شنو فايدة القواعد وانا أول مافتحت التعبير ولقيت التعبيرين زي الزفت ×__× والتلخيص صفحة ونص والقواعد أشياء جديده << أنت متى تعرف القواعد المهم طبعا انا تشير بالقواعد يعني دائما أكتب مفعول به منصوب ومضاف إليه حتى ولو كان فعل بس لازم أكتبهم ×___× ورب نافعه ضاره<< قلب المثل
وجاء أعرابين من الي كتبتها نيهاهاهاهاه يحيا التشير والحمدلله الورقة الثانية كانت سهله بس تقث كله أختياري وانا مشكلتي الاختيار كل الاجابت صحيحه بس يبي الاصح وأول مره بحياتي اني ماشيرت بالأختبار وبس جاء سؤال خبيث عن تاريخ الأدب والي كان
أذكر شخصية نسائية كويتيه كان لها دور بالقصص<< على ماأذكر
وانا قعدت أفكر بالأجوبة وكتبت أول شي عائشة المرطة بس لما فكرت طلعت مغنية ولا لها دور بالموضوع و كتبت فوزية الدريع ونفس الشي فكرت وطلعت مقدمة للبرامج وظلييت أفكر وأفكر وقلت خلني أكتب نورية الصبيح << الوزيرة التعليم
قلت يمكن تشوف أسمها وتقول نجحوه << :nosweat:
بس قلت مالها داعي الظاهر مالها دور وكتبت طه ياسين بس قالوا يبون شخصية نسائية وأخر شي ثبت على الشيخ سعاد الصباح لها دروس كثير قلت يمكن تطلع صح ×___×.




شخصية من القصص فوزية دريع قول سيرة حب يكون جوابك صح ،، العربي كان أخيس أمتحان من جد
أكرهم لما يبون يقلدون الرياضيات والفيزياء ويحطون اختياري كل الاجوبة صح نقي الأصح أنا أشدراني منو الأصح )






وهكذا تنتهي قصه المعانات التي عاشها الطالب إبراهيم ولولا اننا خلصنا كنت الحين بمستشفى الطب النفسي ×____×
أكيد الحين الكل بكى أدري انا مسكين عشت ضحية أختبارات ×_×
وفي الختام
أشكركم على القراءة ^^




انا سأسألك سؤال ما هو الكتاب التي تتمنى حرقه الآن بعد انتهاء الأختبارات ( أنا جيولوجيا)


والحمد لله خلصت معاناتكم يا قوم ودوري العام القادم ( شكلي السنة الجاية بنفس هذا الوقت سأفتح موضوع مثل هذا ) هذا إذا ما رحت مستشفى المجانين

ايما

[IbRaHiM.N]

هههههههههههههههههه
الصراحة هذا الرد شد أذني << شد بالي

وعليكم السلام ورحمة الله ،، أخيراًخلصتوا امتحانات انا كل يوم أشوف الجريدة ولا كم واحد صادوه حالة غش من أول يوم حرام عليكم ( 18 واحد ) بس العلمي دائماً أقل ( يعيش العلمي ..يموت العلمي ) ،،


هههههههههههههههههههههههههههههههههه
ايه هذولا أغبياء ضربوا المشرف ×_____×

هذا المولاري والمولالي والسخيف الكسر الجزيئي نسيتهم كلهم ( الكورس الاول ما خذينهم )



اكتب المصطلح العلمي ( بجرب مع ان كرهي في الامتحانات التعاريف )

تتناسب كتل ( m ) ( هذا من الفيزياء) المواد المتكون عند أحد الأقطاب (يعني بطارية ) بالتحليل الأكتروليتي ( الذي يقبل مرور التيار أو شيء مثل هذا ) تتناسب طردياً ( هذيك العلامة اللي بالفيزياء مثل 8 بالانجليزي بس مقلوبة وممسوح جانبها اليسار ) مع الشحنات المأره ( الألكترونات والبروتونات والنيوترونات يعني الذرة ) بالمحلول أو المصهور (................)

لا تخافين راح تدرسينه السنة الياية الله يستر بس لا أدرس مره ثانية

تذكرني باخي قبل سنتين لما كان في 4 ثانوي كان يقولون له قطة بنية تزوجت سوداء كم عدد القطط اللي بتطلع بنية وعيونها زرقاء أو سوداء وعيونها سوداء ( انا شكو )
الأحياء حلو بس يبيله وقت لدراسة ،، هذه السنة كان أحياءنا عن الجهاز العصبي والهرموني والمخدرات أكثر البنات ما درسوا مخدرات لانه آخر شيء وما درسوا الهرمونات ولا الأمتحان كله هرمونات ومخدرات ( الافيون من وين نطلعه نبات القنب الهندي )
المشكلة الي حط الأختبار مو فاهم حاجة الظاهر حطه أي شي
ويمع سؤال مني ومناك وقال هذا أختبار
المخدرات أيييييه هذا الدرس الوحيد الي ماكان فيه غياب
مشاء الله الكل يبي يتعلم كيف يميز المخدرات
ههههههههههههه
طلاب أي كلام لو يروحون يشتغلون بفع اليمعية أحسن icon30

جابولنا سؤال اتحداك تجاوب عنه أي من هذه ليست مخدرات
1- الأفيون 2- الهيروين 3- الكوكايين 4- الماريجوانا
انا أقول لأخواني بروح ادرس مخدرات يقولون أعوذ بالله أقول انا شكو كتابنا الأحياء شذي
هل تعلم بانه لو أزيلت غدة درقية من أبو ذنيبة يصير ضفدع قزم ( ما دخلي انا )

اووووووووووووووووووه الغدة الدرقية الكظرية
يا ملغهم وععععععع وععععععع
الحين غدد والسنة الياية هرمونات الله ياخذ الي كان السبب ×__×
الماريجونا ليست من المخدرات



انا سأسألك سؤال ما هو الكتاب التي تتمنى حرقه الآن بعد انتهاء الأختبارات ( أنا جيولوجيا)


والحمد لله خلصت معاناتكم يا قوم ودوري العام القادم ( شكلي السنة الجاية بنفس هذا الوقت سأفتح موضوع مثل هذا ) هذا إذا ما رحت مستشفى المجانين

ايما

هههههههههههههههههههههههه
مسكينه قولي الكتاب الي ماأبي أحرقه أمس حسافة ربعي خانوني وحرقوا ملابسه وانا طلعت مبجر من الأختبار حسافة حسافة ^^
هههههههههههه
لا أنتم أمممممممم أتوقع ماراح يصير فيكم جذي ×___×
تسلمين خيتو على المشاركة << تم أكتشافه عضوة من الكويت icon30

[ka!to fan]

^^

الســـــلام عليكم و الرحمـــــــة

هــــلا فيك خيــــووو إبراهيمــووو بعد هالغيبــــة الاضطرارية

صراحـــة مابغيـــت أرد لأن هالموضوع يقلب علي المواجـــع <<-- تكفين بس P:

اي على طاري الاختبارات ^^"

الدرجات الحمدلله زينة بس اللي ذابحني الرياضيات الله ياخذه !!

اللي منزل نسبتي الرياضيات و الا البقية تمام التمام !! هذا و أنا جايبه فيه الدرجة الكاملة آخرتها خبصتها في النهائي

لا و المشكلة يبوني أدخل قسم رياضيات !!! طيروا بس !!

و الحمدلله على سلامتكم ياأهل الكويت ^^ زين خلصتوا

و بشرنا بالنتيجة ^^ و بإذن الله نسبتك تكوون حلووة ^^ 100% مانبي أقل هاه ؟؟ <--- لو فالحة كلمي نفسك

و ننتظر جديـــــــــــــدك دووم

[تفوحة]

لووووول ..شو هاي المواقـف العجيـبة ^^,,..

معـاناه × معـاناه ..,,والله تذكرت ايـام سودة وغبـرة >< >< ..,,

امممممم ..ياخي انـا مـااعرف انتو ياالاولاد عندكم حالات الغـش بالفطـرة والا وراثـة ؟؟ خخخخخ..

يــاربـي انـا ما اعرف كيـف تمشوون فـي الامتحـان <<ضاربتكم عيـن هههه

الصرااحـة جـدا استمتعت بقراءة الموضووع لو اني ابديت بعض الشفقة على حالكم <<!! خخخخخ لالا اسوولـف

احــم احــم عقبـال النتيجـة السنعـه ..وبشرنــا^^..

وبعـديـن بتكون عندكـ قصص يديدة وايــام سودة وبيضة وملونه مـع الجامعه ^^..

الله يوفقكـ ان شالله ^^..

::ربــي يحفظكـ ::

[IbRaHiM.N]

^^



الســـــلام عليكم و الرحمـــــــة


هــــلا فيك خيــــووو إبراهيمــووو بعد هالغيبــــة الاضطرارية


صراحـــة مابغيـــت أرد لأن هالموضوع يقلب علي المواجـــع <<-- تكفين بس P:


اي على طاري الاختبارات ^^"


الدرجات الحمدلله زينة بس اللي ذابحني الرياضيات الله ياخذه !!


اللي منزل نسبتي الرياضيات و الا البقية تمام التمام !! هذا و أنا جايبه فيه الدرجة الكاملة آخرتها خبصتها في النهائي


لا و المشكلة يبوني أدخل قسم رياضيات !!! طيروا بس !!


و الحمدلله على سلامتكم ياأهل الكويت ^^ زين خلصتوا


و بشرنا بالنتيجة ^^ و بإذن الله نسبتك تكوون حلووة ^^ 100% مانبي أقل هاه ؟؟ <--- لو فالحة كلمي نفسك



و ننتظر جديـــــــــــــدك دووم


هههههههههههههه
وعليكم السلام
أي مواجع أي كلام والله الحالة مزرية ×____×
هع
أكييييد الرياضيات أفة لعنة الله علية:harhar1:
بس شنو نسوي هذا العلمي وهذي مشاكلة
الله يسلمج بس مافينا شي
<< شكو يابوالشباب
الله يسلمج مبرووك النجاح
أنتم اللاحقون ونحنوا الي نجي وراكم << ماكأني لعبت بالمقولة:nosweat:
يسلموو على المرور ^__^

[IbRaHiM.N]

لووووول ..شو هاي المواقـف العجيـبة ^^,,..



معـاناه × معـاناه ..,,والله تذكرت ايـام سودة وغبـرة >< >< ..,,


امممممم ..ياخي انـا مـااعرف انتو ياالاولاد عندكم حالات الغـش بالفطـرة والا وراثـة ؟؟ خخخخخ..


يــاربـي انـا ما اعرف كيـف تمشوون فـي الامتحـان <<ضاربتكم عيـن هههه


الصرااحـة جـدا استمتعت بقراءة الموضووع لو اني ابديت بعض الشفقة على حالكم <<!! خخخخخ لالا اسوولـف


احــم احــم عقبـال النتيجـة السنعـه ..وبشرنــا^^..


وبعـديـن بتكون عندكـ قصص يديدة وايــام سودة وبيضة وملونه مـع الجامعه ^^..


الله يوفقكـ ان شالله ^^..



::ربــي يحفظكـ ::


أهلا أهلا
درب درب وصلت تفوحة ×___×
هههههههههه
لا الغش هذا صفة وراثية متعلق بالجينات المميتة << خبص بالمادة:nosweat:
ههههههههه
سمعتي بالواسطة ؟؟
هذا الي تمشينا
نيهاهاهاهاهاهاهاههاهاهاها
مساكين بنات مافي غش ولا شي
هههههههه
خخخخخخخ
لا أنا خلصت الحياة الدراسية وأكتفيت بعد 12 سنة عذاب
يسلموو على المرور تفوحة تشان

[sherlock-kudo]

اهلين ابراهيمو

الحمد الله على السلامة يا معوذ

اما عاد اختبار الكيمياء !

شوف يا ابني اذا تبي سي 4 لا تحاتي غالي و الطلب رخيص ارسل لي رسالة خاصة بالكمية و اسمك و عنوانك و اذا عندك صور شخصية لك 4*6 فيكون احسن لاني اذا رحت ابلغ الشرطة بيسالوني عن شكلك

آسف مين جاب طاري الشرطة !

هذي زلة لسان غير مقصودة المهم انت ارسل لي ملفك و ابشر بالخير :essen:

اما عاد الولد الي يغش في القرآن ؟

انا ما ادري كيف يغش يعني ؟

يعني يجيب مصحف و يقرا منه :dunno:

المهم تستاهل ما جاك خخخخ

يلا بشرنا عن درجاتك اذا نزلت

[IbRaHiM.N]

اهلين ابراهيمو

الحمد الله على السلامة يا معوذ

اما عاد اختبار الكيمياء !

شوف يا ابني اذا تبي سي 4 لا تحاتي غالي و الطلب رخيص ارسل لي رسالة خاصة بالكمية و اسمك و عنوانك و اذا عندك صور شخصية لك 4*6 فيكون احسن لاني اذا رحت ابلغ الشرطة بيسالوني عن شكلك

آسف مين جاب طاري الشرطة !

هذي زلة لسان غير مقصودة المهم انت ارسل لي ملفك و ابشر بالخير :essen:

اما عاد الولد الي يغش في القرآن ؟

انا ما ادري كيف يغش يعني ؟

يعني يجيب مصحف و يقرا منه :dunno:

المهم تستاهل ما جاك خخخخ

يلا بشرنا عن درجاتك اذا نزلت

هلا فيك ياشارلوووك ^^
الله يسلمك
ايه والله عاد توني مصور حق الليسن << كلوووش الحين يسحب سايدات باكامري نيهاهاهاهاها:clap:
ااايييييييه هذا الي حاصل فاتح المصحف
ههههههههههههههههه
والله ربعنا الله يستر عليهم بس :nosweat:
يسلموو على المرور

[قلب الدنيا]

ألف مبروك على بداية الاجازة ..


و الحمد لله على سلامتك طلعت من الاختبارات بدون اي مرض عصبي ..


انا خلصت من تاريخ 3 / 6 ..


انتوا الصبيان عندكم اعتماد شبه كلي على الغش ..


ههههههههههه و حتى في التربية الاسلامية و القرآن ..


هههههههههههههههه مثل ما قالت تفوحة الغش عندكم بالوراثة ..


و بعض المدرسين يكشفونهم بس يتجاهلون ..


ان شاء الله تبشرنا بالنتيجة الحلوة ..


و يا حظك خلصت الثانوي ..


انا بعد باقي لي سنتين من الهم و الغم و العذاب ..


و انا الي توقعت انه وزارتنا ما في اخس منها ..


بس طلعت وزارتكم اخس و ادمر من وزارتنا ..



تحياتي :
قلب الدنيا

[LightNight]

مرحبا~
والله زمان على ابراهيمووز
قصة حياتك مع الامتحانات تصلح تكون فلم رعب ><"
جميعنا مر بفترة امتحانات كريهة ... نفطر ونتغدى ونتعشى كتب
بس القادم مرعب أكثر...
باجر تحلم انك رديت المدرسة وان عندكم امتحان انت ما ذاكرته ... الوقت صبح وما باقي إلا ربع ساعة للامتحان
بس خلاص بعدين تقول أنا مذاكر من قبل وتدخل الامتحان
تيلس تحل وتحل بس الاسئلة ما تخلص ... الوقت صار مغرب والطلاب صاروا مخلصين وانت بعدك تكتب
و.........
خخخخخخخخخ
بس خلاص شو تبي تعرف بعد >> يوم تحلم هالحلم خبرني عن النهاية P:
ومبروووووك انتصارك على الامتحانات
ان شاالله تنبسط بالاجازة وتنسى الفترة العصيبة

[Irma~]

لووووووووووووووووووووووووول
ابراهيم رد للمنتدى بعد الاختبارات>< ><
اخخخخ لا تذكرني يالله يالله خلصنا وبالطقاق^^,,
يـــــــــــــارب نجـــــــيب نتايـــــــــج حلـــــــــوه^^,,,,,,,,

مشكور اخوي....

[Lady_Oscar]

أهلا بالكازيكاجى ابراهيم .. نور المنتدى برجعتك

تصدق الى يشوف اختباراتكم يقول بتخترعون قنبلة ذرية x_x

تصدق انا اذا سمعت رياضيات احس ادنيا تدور وبصراحه اعتبر هذه المادة شبح مرعب >> اكرها >_<

بس أنا دائما الاحظ انه ايام الاختبارات كل شيء يحلو .. تلفزيون - نت .....

والواحد يجيه جوع .. ما أدرى من وين

بس أهم شيء انك خلصت وارتحت

وان شاء الله تكون الأول x_X

[IbRaHiM.N]

ألف مبروك على بداية الاجازة ..



و الحمد لله على سلامتك طلعت من الاختبارات بدون اي مرض عصبي ..


انا خلصت من تاريخ 3 / 6 ..


انتوا الصبيان عندكم اعتماد شبه كلي على الغش ..


ههههههههههه و حتى في التربية الاسلامية و القرآن ..


هههههههههههههههه مثل ما قالت تفوحة الغش عندكم بالوراثة ..


و بعض المدرسين يكشفونهم بس يتجاهلون ..


ان شاء الله تبشرنا بالنتيجة الحلوة ..


و يا حظك خلصت الثانوي ..


انا بعد باقي لي سنتين من الهم و الغم و العذاب ..


و انا الي توقعت انه وزارتنا ما في اخس منها ..


بس طلعت وزارتكم اخس و ادمر من وزارتنا ..



تحياتي :
قلب الدنيا


الله يبارك فيج خيتو ^^
هههههههههههه
وين يكشفوننا بس يسكتون مالهم خلق دوخة ويجي الناظر والمشرف ويوقع على ملاحظة غش ويروح ويرد
هههههههه
لا وزارتنا من زمان ضايعه ×___×
يسلموو خيتو على المرور والمشاركة ^^

[IbRaHiM.N]

مرحبا~
والله زمان على ابراهيمووز
قصة حياتك مع الامتحانات تصلح تكون فلم رعب ><"
جميعنا مر بفترة امتحانات كريهة ... نفطر ونتغدى ونتعشى كتب
بس القادم مرعب أكثر...
باجر تحلم انك رديت المدرسة وان عندكم امتحان انت ما ذاكرته ... الوقت صبح وما باقي إلا ربع ساعة للامتحان
بس خلاص بعدين تقول أنا مذاكر من قبل وتدخل الامتحان
تيلس تحل وتحل بس الاسئلة ما تخلص ... الوقت صار مغرب والطلاب صاروا مخلصين وانت بعدك تكتب
و.........
خخخخخخخخخ
بس خلاص شو تبي تعرف بعد >> يوم تحلم هالحلم خبرني عن النهاية P:
ومبروووووك انتصارك على الامتحانات
ان شاالله تنبسط بالاجازة وتنسى الفترة العصيبة

مراحب أهلا لايتوز ^^
ايه والله فلم رعب بطولة عادل أمام << :nosweat:
ايه والله حت لدرجة أني كنت أتغدى فوق كشكول الرياضيات
نيهاهاهاهاهاها :harhar1:
ههههههههههههههههههههههههههههههههه
لما أوصل للحلم أوصي أخوي يدوس ببطني اذا سمعني وانا نايم جايب طاري المدرسة << يدورون ضرب :(
الله يبارك فيج ^^
يسلموو على المرور ^^

[IbRaHiM.N]

لووووووووووووووووووووووووول
ابراهيم رد للمنتدى بعد الاختبارات>< ><
اخخخخ لا تذكرني يالله يالله خلصنا وبالطقاق^^,,
يـــــــــــــارب نجـــــــيب نتايـــــــــج حلـــــــــوه^^,,,,,,,,

مشكور اخوي....

العفوووا
تسلمين خيتو
وان شاء الله التوفيق للجميع ^^
يسلموو على المرور ^^

[IbRaHiM.N]

أهلا بالكازيكاجى ابراهيم .. نور المنتدى برجعتك



تصدق الى يشوف اختباراتكم يقول بتخترعون قنبلة ذرية x_x


تصدق انا اذا سمعت رياضيات احس ادنيا تدور وبصراحه اعتبر هذه المادة شبح مرعب >> اكرها >_<


بس أنا دائما الاحظ انه ايام الاختبارات كل شيء يحلو .. تلفزيون - نت .....


والواحد يجيه جوع .. ما أدرى من وين


بس أهم شيء انك خلصت وارتحت


وان شاء الله تكون الأول x_X






ياهلا فيج خيتووو ليدي
منور المنتدى فيكم
بس انا النور الكبير <<:;thumbdown:
أكييييييد ولا إبراهيم يقعد 3 ساعات يشوف التي في :dunno:
هع الأول مره وحده :;thumbdown:
يسلموو على المرور ^^icon30

[[Trend]]

هع هع هع

اشوف الكل يكره الرياضيات

برهوم حتى وزارتنا مب شي

قللوا اجازة الصيف اسبوع كامل(حرام اسبوع يا ناس اسبوع شلوه)

بس شو نسوي


بس المشكلة نحن ما نروم نغش عاااااااااااااااااااااا

الصف صغير و فيه مراقبين اثنين(تخيل حق شو مادري) اثنين حقنا ليش مادري(واحد واقف فوق راسي اقصد عدالي(يمي)

و استاذ الرياضيات (طااااااااااااااااااف حقنا و نستعبط عليه استاذ شو ها السؤال ما فهمته(دوخنا)

المهم بس اقول لازم نسبتك تكون فوق ال 90 % تراني بسالك في القناة كم نسبتك

<<<<اتكلم عن عمرك نسبتك 89.7 (كله بسبة الرياضيات)

المهم ان شاء الله تستانس في الإجازة

[keko]

ماشاء الله عليك اخوي مخلص المدرسه والحين جامعه... ماشااااااااااااااااء الله...اللهم لا حسد...

الله يعين يعني بمر مثل هالمعاناة؟؟؟ ولا شكلها ازود من جذي بصيييييييييييييييييح...

صج شلون قدرت تتحمل كل هالمعاناة.....

تدري المفروض بالامتحانات تذاكر...واذا تعبت ترتاح ...واذا ياك النوم تونم الزم ما عليك راحتك...واذا ياك سؤال بالامتحان ما تعرفه خليه لا تحله بكيفه >>>>>>>>>>>> احقرها بس...عز الله سقطت من اولها خخخخخخخخخخ

يعطيك العافيه اخوي....

تقبل مروري ^^....

[خيال الظل]

وااااااااااااااااااااه
ادري جايه متاخر
بس لازم اشاركم معاناتي
قرات الموضوع لقيت جروحي انفتحت << قلبنا مسلسل
بس في الاختبارات
انواع التخبيص لدرجة اني اعربت الفعل اسم لا ومنصوب كمان
خلاص مافي داعي لاني اكمل بعد اللي كتبته توي
اظن انكم فهمتوا الوضع

[ايما]

ذاك السؤال اللي كنت حاطته جوابه الكوكايين فهي من المنشطات او المهدئات (نسيت)

ايما

[spidey]

هلا و الله اخوي ابراهيم نور المنتدى :)
لا تذكرني بالثانوية العامة و اختباراتها الى يقلعها :11lil: ، الحمد لله الحين نروح الجامعة إن شاء الله تعالى :clap: ..
اختبارات الثانوية العامة جابت لنا الهم و الشعر الابيض
حتى احنا اختبار الرياضيات جا زفت لدرجة ايام المذاكره صرت اكتب القوانين على الجدار حق غرفتي:nosweat: ..
و اختبار الفيزياء حدث و لا حرج من جد تخبيص x تخبيص لدرجة الاثبات صرت احطلهم من راسي ههههه :crazy: ..
و الانجليزي مثل ما قلت الحمد جا سهل بس عند الناس صعب ;)
اما اختبار الاحياء كان روعه اسهل بكثير من اختبار الابله الى جابتلنا الجنان من اسئلتها المعقدة:lolhit: ..
الكيمياء جات نص نص بس عموماً كانت صعبه :mad2: ..
و النحو تخريف في الاعراب و يا سلام سلم :D .

و لله الحمد و المنه القران احسن درجة في الشهادة

إن شاء الله تعالى تنجح يا ابراهيم و تجيب نسبه فوق الــ 90 % يا رب :D ..

و إن شاء الله تعالى ربنا يوفقنا و يوفق الجميع الى ما يحبه و يرضاه :)

مشكور على الموضوع خيو ابراهيم icon31


اكتب المصطلح العلمي
تتناسب كتل المواد المتكون عند أحد الأقطاب بالتحليل الأكتروليتي تتناسب طردياً مع الشحنات المأره بالمحلول أو المصهور (................)

هذا قانون فارادي الاول و لا انا غلطانه :nosweat: ..

[Buffy]

مـــــــــــــرحبا
وعليه عليك حرااام والله حزنت عليك والله
ذكرتني بثالث العام وعيييييييييييييييييي والله والله والله
أني ماكنت أعرف شنو يعني نوم والله يمكن في الأسبوعين ألي كنا نمتحن فيهم والله
إجمالي ساعات النوم يا 2 ونص يا 3 ساعات أستغفر الله كلهم كانوا شاكين أني بخلص ثالث
مني بموت مني والله أن شكلي تغير صرت شي ثاني ولما خلصت الامتحانا وطلعت للعالم الخارجي >> كانت في كوكب ثاني الأخت
والله أن أهلي خافوا من شكلي هههههههههههههه والله الي جافني قبل الأمتحانات غير وبعد الأمتحانات غيييييير
المهم الله يعنيك أخوي وإن شالله تنجح وتآخذ من الأوائل إن شاللــــــــــه

[Mr.Conan]

هههههههههههـ

اشكره شاطر P:

يلا مصدقينك ... " )

[ayami]

heh ma friend ...

WOW ...what was all about ...man ....A lot ...

I dont know ut when I was ai the school I was just like u ...but I studied really hard for the exams ...but whatever I got 75%

thx god for it really ....but u know I really did wonderfull jop ...

but I u know not every thing we want we can get it ...so easly like that...

thx ma dear friend

[NiCe.HeaRT]

هههههههههههههههههه:harhar1:
هذه مأساة أنا مادري كيف عديت امتحان أول ثانوي:no6xn:
كانت معاناتي بالرياضيات والأحياء:nosweat:
بس عل كل جبت نسبة95 % السنة اللي قبلها
جبت 98 % إنقلاب أحوال:oo7dt:
وألحين رايحة ثاني ثانوي والله يستر من اللي جاي:hmmm3:
تحياتي

[kaka show time]

ههههههههههههههههههههههههههههههههههههههههههههههههه

كيفك برهوووووووووووم

أخبارك و شو عامل خيوووووووووووووووووووووو

أول شئ الحمدلله إنك خلصت إمتحانات

و إن شاء الله ناجح

و بنسبة حلوووووووووووة

و مبروووووووووك فوز الريال باللقب أعرفك تحب الرياااااااااااااااااااااااااااااااااااااال

و عارف إنها جات متأخرة بس أحسن من لا شئ

و الحمدلله إنك إفتكيت من المدرسة و أهلا بالجامعة

[**أبوفهد**]

السلام عليكم

يوه تذكرت الأختبارات
ههههههه

الأختبار الي قهرني هو
اختبار الأنقليش تخيل انا كاتب الأسئلة :clap: عشان المدرس طلب مني اكتبها له وقال بوزعها لطلاب
على هيئة مراجعة ونسا وجا الأختبار والقى اسئلتي قدامي:crazy: والقهر نسيت وش كتبت ذاك اليوم ولا حليتها صح >_<

[IbRaHiM.N]

سوري على التأخير بالرد أفري بدي ×__×
يعطيكم العافية ^^
وتسلمون على المشاركة ^^