الفزعة أي استشارتكم

[Undertaker999111]

السلام عليكم ورحمة الله وبركاته



أنا اليوم عندي موضوع ألا وهو

( التسجيل في الجامعة )


أنا إن شاء الله أبي أسجل بالجامعة لكن محتار إني أدخل أي قسم

ومع العلم إن نسبتي بعد تخرجي من الثانوية فوق التسعين

وقسمي بالثانوية هو القسم الشرعي

ومعروف بالمملكة العربية السعودية أن الجامعات التي فيها

لاتقبل إلا أقسام محددة بالنسبة للقسم الشرعي وهي على الآتي

1ـ قسم العلوم الشرعية
2ـ قسم اللغة العربية
3ـ قسم الإدارة
4ـ التاريخ والجغرافيا

وأنا محتار أي قسم :no6xn: :hmmm3: :crazy: أدخل ومع العلم إني ممتاز بمواد اللغة العربية ومواد الدين

لذلك أبي رايكم يا أحسن أعضاء شفتهم في حياتي

وانا آخذ رايكم لأني واثق مئة بالمئة إن نياتكم صافية وتبغون مصلحتي

وأريد أن تنصحوني ماذا أختار

والتسجيل بالجامعة باقي عليه 10 أيام بس

لذلك أبي فزعتكم

والله إني أفكر بعض الأحيان إني ما أكمل الجامعة ولا أوصل دراستي لاني احترت فعلا

وأخاف أدخل قسم وبعدين أتحسف إني دخلته

ومعليش إني طولت عليكم وكثرت البربرة

لكن اعذروني لأني صراحة في هم التسجيل بالجامعة

[الحروف]

هلا أخوي
حالك زي حالي ممتازة بمواد العربي والدين وبعد التاريخ
بس أنا أقولك إدخل عربي لأنه مهب كثير الي يتجهون لهذا القسم عندنا
وهو القسم الي شوي محتاجينه بالتوظيف
وهذا القسم برأيي جدا راااااااائع
أما القسم الإسلامي كل الناس تتجه له لأنه نوعا ما يقبل الي نسبهم واطية
بس لاتفكر إنك ماتكمل جامعة
والله يوفقك

[تفوحة]

وعليكم السلام والرحمه ^^..


هلا فيـكـ اخوي ..والله هذا من طيبكـ انكـ تستشيرنا ^^..


امممم انا ما اعرف عن قوانينكم او شو هي الاحوال ><..


لكن نصيحتي لكـ انكـ تكمل جامعه لان الشهاده مطلوبه الحين اكثر من اي شي ..


وعلى طاري التخصص ..

اي تخصص انت تحس انكـ مرتاح لـه وتقدر انكـ تمشي فيه

وتحس انكـ بتم فيه على المستوى المطلوب دشـه من دون تردد ...


وانصحكـ بعـد انك تصلي صلاة استخارة وهذا افضل حـل..وتزيح الهم عنكـ ^^..


هذا اللي عندي..وان شالله خير وربي يوفقكـ ويسدد خطاكـ ..

[الامل المشرق]

و الله انك under pressure مب undertaker
الله يعينك والله ان الثانوية العامة هم والتخرج منها همين
بما اني سعودية أنا من رأيي انك تدخل قسم الادارة
بما ان قسمك خياراته محدودة حاول انك تدخل القسم اللي ممكن يخلي حياتك في المستقبل اوسع
و مجالات عملك اوسع... بالادارة ممكن انك تدير شركة تشتغل في اي مكان تكون فيه اداري (في البنوك في المستشفيات في المدارس
كاداري)وممكن انك تتوظف في نفس الجامعة كمعيد لو تخرجت منها بتقدير ممتاز..أو مستشار اداري..فكر فيها
لكن العلوم الشرعية والعربي و الاجتماعيات تطاع بس مدرس والمدارس مليانة وما فيها قصور واذا كان فيها ترا نسبة التعيين في احدى المدارس تكو واحد في المليون و بعدين في النهاية روح افتح لك بقالة صغيرة ...لا يبه تراك ابن بلدي و ابيك نتجح في حياتك
كلنا نعرف للعربي و الدين بس انت فكر في المستقبل البعيد و اعرف ان حياة الجامعة و دراستها تختلف تماما عن المدارس ..
و بعد انصحك بصلاة الاستخارة مرة واثنين و ثلاث الين تقتنع بالقسم اللي ربي كاتبه لك ..و في النهاية شوف انت تبي ايش و اعرف طريقك و ما تقول ما اعرف لها القسم لاننا كلنا دخلنا الجامعات ما نعرف شي أنا دخلت قسم اللغة الانجليزية اعرف بس الحروف و الحين الحمد لله بالسنة الثالثة و من المتفوقات...


و الله يوفقك و ينورك دربك ....لا اوصيك اذا تبي شي ترانا الشعب السعودي فزعجي >>>يحب الفزعة

[شيخة دبي]

هلا أخوي...
لقيت لك موقع ممكن يساعدك في اختيار تخصصك و تحليل شخصيتك و كثير من الناس اللي استفادوا منه...
و بالتوفيق....
www.upower.net (http://www.upower.net)

[willful.girl]

وعليكم السلام ورحمة الله وبركاته .. ^^
إظاهر إن إختيار التخصص واااايد صعب ... ><
بس بقول إللي عندي هي هي أقصد إللي حافظتنه في المدرسة .. *^
أهم شي إنك تتحله بالرغبه ووضوح الرؤيه بهاذيله الأقسام ..
بعدين لازم تعرف نفسسك شو هي صفاتك ومهاراتك وميولك وقدراتك ..
وأهم شي لازم تعرف سوق العمل ..
وتستفد قدر الإمكان من خبرات الآخرين ..
هذا إللي عندي .. إن شاء الله أفدتك بشىء .. ^^

[ka!to fan]

الله يعيــــــن

و الله أنا في نفس حالتـــك

أمس رحـت الجامعــــة !! و الله ماتوقعتها كذا !!

رجعــت البيــت أصيح ^^" <<- دلع زايد

أنا قدمت لغة انجليزية بس بسبب حالتي النفسية الصعبة بلغي طلبي

مع إنهم قبلوني للاختبار

<<--- ماصدقت تفضفض

لا بس أنصحك خيــوو القسم اللي تحسه مناسب ادخله

و نصيحة من مجربة تعيسة الحال حالها من حالك

يوم تروح الجامعة خذ معك أحد تعرفه و الله أنا لو مارحت مع بنت خالي كان جاتني حالة هستيرية

و دام إك ماشاء الله عليك فوق التسعين تنقبل بسرعة بإذن الله

أنا يوم رحت لأن نسبت عالية على طول حطوني في بداية القاعة

و الله يوفقني و يوفقك و يوفق الجميع ياااارب

[Irma~]

هلا اخوي فيكـ,,
امممممم اظن الي يناسبك الاداره صحيح انها صعبه شوي لكن..!!
واحلــــــــى من الـــــدين والعــــــــلوم واللــــــغه العربــيه ولا الــــجغرافيا والتـــاريخ بيدوخون راسكـ,!!
والعلوم صعب!!
الدين بيلك حفظـ
اللغه العربيه سهله بس لازم تكون مفتح راسكـ,,
الجغرافيا والتاريخ حفظـ و.....!!


انت حكم عقلك قبل قلبك وشوف الي يناسبكـ ,,

شكرا..

[keko]

وعليكم السلام ورحمة الله وبركاته...

انا اقترح عليك اخوي تدخل قسم العلوم الشرعية بجامعة الامام.... تنفعك بدنياك واخرتك....

هذا من رايي وانت استخر وشف اللي ينفع لك وتحس انك مرتاح له..دشه ^^..

تقبل مروري ^^....