المساعد الشخصي الرقمي

مشاهدة النسخة كاملة : اذا انت مواطن او مواطنه (للاماراتين


Miss House
15-5-2008, 12:56 PM
بسم الله الرحمن الرحيم

اليوم يبت لكم بعض الاسئله

وان شاء الله تعيبكم

واتمنى انكم تجاوبون بصراحه

ههههه خخخخ


ابدأ الإختبار..







للشباب..





1.هل كنت تخرج بالفريج حافياً؟!!

2.هل كنت تسرق من الدكان و تشرد؟!!

3.هل كنت تشتري بنص و تخش نص للزمن؟!!

4.هل كنت تطلع من البيت الصبح للمدرسه و ما ترجع قبل المغرب؟!!

5.هل كنت تدووخ بالدس؟!!

6.هل كنت تسرق سيكل راعي الدكان؟!!

7.هل كنت تكتب على جدران الفريج؟!!

8.هل كانت زيارتك للحلاق مقتصرة بأيام العيد؟!!

9.هل كنت تفارق المنزل طوول يوم حق الليله؟!!>> و طبعاً البيت اللي يعطوونك فيه ريال ما تفارقه..

10.هل كنت تشرد من المدرسه لأن الوالد ما عطاك بيزات الرحله؟!!

11.هل كنت تعفد البيووت عشان تلقط لووز؟!!

12.هل كنت ترمي الهنوود ببيض؟!!



إذا كانت 99% من إجاباتك نعم..



فتأكد أنك مواطن 100%..





للبنات..



1.هل كنتي تطلعين كشه و حافيه في الفريج؟!!

2.هل كنتي تلعبين مع أولاد الفريج؟!!

3.هل كنتي تسرقين اللبان من الدكان؟!!

4.هل كنت تيمعين ريالاتج إنتي و بنات الفريج و تسوون حفله كل يمعه؟!!

5.هل كنتي تلبسين شيله أونج كبرتي؟!!

6.هل كنتي تثلجين الفيمتو و تبيعينه بنص لعيال الفريج؟!!

7.هل كنتي تلقطين النثوور بالأعراس؟!!

8.هل كنتي إتمين بثياب المدرسه لين المغرب؟!!

9.هل كان السبوح و التمشيط مقتصر على يوم اليمعه؟!!

10.هل كنتي ترووحين المدرسه مجبوورة؟!!

11.هل كنتي تردين من المدرسه بثياب الرياضه؟!!

12 هل كانوا يرشون شعرج بفليت!!

13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!

14 هل كنتي تستحين تركبين موتر أبوج ((بيك أب )) !!



إذا كانت 99% من إجاباتكِ نعم..

فتأكدي إنك مواطنه 100%..
وحي القلم
15-5-2008, 05:57 PM
رغم أني من السعودية..
ولكني طلعت مواطن إماراتي...100% هههه ^^.. !!
كل الأسئلة.. نعم.. ما عدا رقم 12.. بالونات ماء..
الله يغفر لنا..

وهذا يدل على أن خليجنا واحد.. هههه... ^^

شكرا أختي على الموضوع..


كنت هنا،،
المحقق المستحيل
15-5-2008, 06:16 PM
رغم أني من السعودية..



ولكني طلعت مواطن إماراتي...100% هههه ^^.. !!
كل الأسئلة.. نعم.. ما عدا رقم 12.. بالونات ماء..
الله يغفر لنا..


وهذا يدل على أن خليجنا واحد.. هههه... ^^


شكرا أختي على الموضوع..




كنت هنا،،



هههههههههههههههههه.....خشينا معكم حنا السعوديين...

نفس الفكرة

..أول مرة أجاوب على أسئلة وكلهن صح..ههههه


:::::::::::خليجنا واحد::::::::::
سـراب
15-5-2008, 06:53 PM
خخخخخخخخخ .. كل الأسئلة جوابي لها بـ نـعـم
إلا السؤال الأخير .. كنت اما بالبالونات او بالحصى ( الحجر )

و خليجنا واحد .. ^^
Mr.Japan
15-5-2008, 06:57 PM
عفواً ... لكن ليس كل المواطنين هكذا !!
! Nadaw
15-5-2008, 06:57 PM
.
.
هههههههه اندووكم .. عجييب والله الموضووع


اممم كل أجوبتي ( نعم ) إلا 3 أسئلهـ [ لا ] ، تسلم يمينج غاآليتيهـ ع الموضوع


الرهييــب من الخاآطر الصــراآحهـ ههههه ، و ربيهـ يعطيــج


ألف عاآفيهـ ، نترقب الزوود منج لا هنتي .. ،،
.
.
.
.
حور العين
15-5-2008, 07:29 PM
ههههههههههههههههههههههههه
و الله يبتيها صح
أنا مواطنة 100% و أبصبم عليها بعد
خوش أسئلة بس
و الله إنها تحفة

يسلمو يا حلو

دمتي بود

سلاااااااااااااااااااااااااااااام
Miss House
15-5-2008, 10:24 PM
هـــــــل السعوديه
عادي اذا كنا نفس التصرفات الا انتو جيرانا هههههههه وماشي فرق ترا
mr. Japan
والله اذا انت مب جيه كيفك مادري وين انت عايش بس الصرااحة اسئل اغلبية المواطنين وشوف شو بيجاوبون .

fosheyah (http://www.msoms-anime.net/member.php?u=1041318)

تسلمين اختي انت الاروع

حور العين (http://www.msoms-anime.net/member.php?u=1537)

هههههه تسلمين والله

بس ياليت اتحطون الاسئله مع الاجوبة في الردود اذا ما عليكم امارة
willful.girl
15-5-2008, 11:09 PM
هههههههههههههههههه No comment









1.هل كنتي تطلعين كشه و حافيه في الفريج؟!! حافيه هيه هههههه

2.هل كنتي تلعبين مع أولاد الفريج؟!! هيه والله كنا فضااايح

3.هل كنتي تسرقين اللبان من الدكان؟!! ههههه لا

4.هل كنت تيمعين ريالاتج إنتي و بنات الفريج و تسوون حفله كل يمعه؟!! وناااااسه بس لا

5.هل كنتي تلبسين شيله أونج كبرتي؟!! ممم إلي أعرفه ما كنت أحب شي اسمه شيله icon114

6.هل كنتي تثلجين الفيمتو و تبيعينه بنص لعيال الفريج؟!! ههههه هيه كنت أثلجه بس حشى عيال حارتناا كاانو ما ينقص عليهم ><

7.هل كنتي تلقطين النثوور بالأعراس؟!! لا .. أمي تقول لي كاانت تترجاني أي وياها الأعرااس بس ما كنت أطيــع << صدق غريبه

8.هل كنتي إتمين بثياب المدرسه لين المغرب؟!! هههه هيه هااي أول وحده هع

9.هل كان السبوح و التمشيط مقتصر على يوم اليمعه؟!! نوو

10.هل كنتي ترووحين المدرسه مجبوورة؟!! >< منو فيه حيل الصبح ع المدرسه .. هيه أقصد نعم

11.هل كنتي تردين من المدرسه بثياب الرياضه؟!! هيه Icon-yes0

12 هل كانوا يرشون شعرج بفليت!! ههههههه لا جيه شوو هوو ههه

13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!! لاااا .. بس يمكن مره هع Icon-flowers0

14 هل كنتي تستحين تركبين موتر أبوج ((بيك أب )) !! هـــذا أحلـــــى شي أوف كورس نووو .. وعااده حلاات القرقعه .. هع



إذا كانت 99% من إجاباتكِ نعم..

فتأكدي إنك مواطنه 100%..







سلمــــتي خيتووو ع الموضووع خخخخ ذكرتيني بأياااااام .. icon884
الحائر !
15-5-2008, 11:25 PM
إش معنى فريج ..؟؟

يعني فريق ولا إيش ؟؟ ^_^
.ll.Miss Me.ll.
15-5-2008, 11:40 PM
هههههههههههههههههههههههههههههههههه
موضوع حلو ومسلي والله...الله يرحم ايام الطفوله

مشكوره فديتج

الحاير
فريج = حاره
Miss House
17-5-2008, 08:51 PM
هههههههههههههههههه No comment









سلمــــتي خيتووو ع الموضووع خخخخ ذكرتيني بأياااااام .. icon884[/center]
تسلمين والله



إش معنى فريج ..؟؟



يعني فريق ولا إيش ؟؟ ^_^

فريج يعني حارة يعني الحي مكان شعبي



هههههههههههههههههههههههههههههههههه

موضوع حلو ومسلي والله...الله يرحم ايام الطفوله


مشكوره فديتج


الحاير
فريج = حاره

تسلمين انتي الأحلى
マジド
18-5-2008, 09:49 AM
موضوع حلو الصراحة .. فحبيت اشارك فيه "^^


1.هل كنت تخرج بالفريج حافياً؟!! هذا شي اكيد .. الفريج = بيتنا ^^


2.هل كنت تسرق من الدكان و تشرد؟!!يا لهوي .. كنت اسرق بس ما اشرد .. اسوي عمري بريء


3.هل كنت تشتري بنص و تخش نص للزمن؟!!مب بس النص ... الربع "^^


4.هل كنت تطلع من البيت الصبح للمدرسه و ما ترجع قبل المغرب؟!!لا صراحة .. انا مول ما اطلع من البيت


5.هل كنت تدووخ بالدس؟!! نو يعني لا


6.هل كنت تسرق سيكل راعي الدكان؟!!اكيد نسرقه ^^ خاصة الكلاتي XD
(الكلاتي: بو شراع بلهجة بوظبي)


7.هل كنت تكتب على جدران الفريج؟!! سبورتنا هي الجدار .. ما نخلي جدار الا و هو مشخبط عليه :)


8.هل كانت زيارتك للحلاق مقتصرة بأيام العيد؟!!يستوي البكس يوم العيد .. و يا اخواني يوم يودوني الحلاق


9.هل كنت تفارق المنزل طوول يوم حق الليله؟!!>> و طبعاً البيت اللي يعطوونك فيه ريال ما تفارقه.. يالله .. البيت اللي يعطون فلوس .. اسير له و اطرش اخوي الصغير و يوم ايي اشل منه البيزات "^^


10.هل كنت تشرد من المدرسه لأن الوالد ما عطاك بيزات الرحله؟!!لا والله .. اسير الادارة و يسير انقلاب و اخليهم يعطوني بيزات -_-



11.هل كنت تعفد البيووت عشان تلقط لووز؟!!هيهيهيهي مب بس لوز .. و الفرصاد بعد



12.هل كنت ترمي الهنوود ببيض؟!! بيض حجر طماط كرة تنس و كل شي XD


والله كانت ايام حلوة ^^

بس الحمدلله و اشكر ربي اننا مب محاسبين عن الاشياء اللي فاتت يوم كنا صغار :)

و السموحة
Miss House
18-5-2008, 12:07 PM
وحليلكم صدق كنا استغفر الله والله ايام حلوه
والحين استرج لكم ذكرياتكم ^_^
تسلموون والله على مروركم العطر
NoONoO
18-5-2008, 01:36 PM
السلام عليكم و رحمة الله و بركاته

لوووووووول موضوع حلو يرد الذكريات الهبلة XD
بس عاد نجاوب بأي سن تحديداً ؟
انا اعتبر حياتي كانت طفولة لين الصف الخامس و شوي Icon093



1.هل كنتي تطلعين كشه و حافيه في الفريج؟!!
لا مرة مب كشة هههههههههههر <-- صورها بصغرها مالت ضرايب ههههههه

2.هل كنتي تلعبين مع أولاد الفريج؟!!
هييييه جدام بيتنا كان في ملعب شحلاته XD
و اروح فريج عيال خالتي بعد ونلعب كوك و عنبر بسيدين من فريجهم icon114

3.هل كنتي تسرقين اللبان من الدكان؟!!
اخاف اجاوب و ينحسب في سجلّي XD

4.هل كنت تيمعين ريالاتج إنتي و بنات الفريج و تسوون حفله كل يمعه؟!!
شو يذكرني اذا الجمعة ولا لووول
بس احيد كنا نسوي هالاشياء في الروضة XD نتفق نتيمع بمكان بعد ما ينزلنا الباص grou.ps
<--- مرة مسكنا واحنا نلقط توت و هزبنا ههههههههه

.هل كنتي تلبسين شيله أونج كبرتي؟!!
انا وين كنت والشيلة وين icon114

6.هل كنتي تثلجين الفيمتو و تبيعينه بنص لعيال الفريج؟!!
خخخخخخخ ذكرتيني بأختي هاي اللي كانت تسويها وتنصب علينا
و ماتبيع شي بنص او ريال !!

7.هل كنتي تلقطين النثوور بالأعراس؟!!
هاي للحين ممكنة ههههههه
يقولج آخر مرة دفعت ديوني عند اختي من هالنثور هههههههه
بالعادة اكون طيبة واعطيها اليهال اللي ما حصلوا XD

8.هل كنتي إتمين بثياب المدرسه لين المغرب؟!!
ماذكر No comment

9.هل كان السبوح و التمشيط مقتصر على يوم اليمعه؟!!
لالا نظيفة بس يمكن ما مشط لأن للحين icon114

10.هل كنتي ترووحين المدرسه مجبوورة؟!!
لاااا كنت احب المدرسة عشان رباعتي <--- حتى الروضة مانسى الربع هناك Icon093

11.هل كنتي تردين من المدرسه بثياب الرياضه؟!!
يمكن ،، ماذكر
بس كنت احب حصة الرياضة XD

12 هل كانوا يرشون شعرج بفليت!!
وي لا تذكريني بالمأساة T.T
كان في بصفنا وحدة وصخة مقملة كله تلحقني وانا اكرههاااااااا <-- للحين اذكر اسمها واكرهه XD
وبسبتها بجاوب بنعم icon114

هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!
يسرقون ؟ مادري والله يمكن صار عندنا جرائم بصفوفنا بس ماذكر شي عن فلوسي ينسرقن !
لووول

14 هل كنتي تستحين تركبين موتر أبوج ((بيك أب )) !!
ما كان عنده XD
بس عيال خالتي بلى و حلاته نروح البر واحنا راكبين ورا ومتلحفين و اللحاف يطير و حالة لوووووووول






مشكووورة مس هاوس عالموضوع الحلو Icon093



وايد رمست فيه لووول
مايود عمري بهالسوالف خخخخخخ
ᴤᴐᴀᴙᴦᴇᴛ ᴡᴉᴎᴆ
25-7-2008, 04:37 AM
كلهـــ نعم و افتخر
ما عدا رقم 12
تسلمين يالغاليه ع الطرح ^^
الحائر !
25-7-2008, 02:27 PM
أها ..

إذا كان كذا أن مواطن سعراتي .. ( سعودي وإماراتي خخـ... ) .. ^_^
Gentle Fist
25-7-2008, 02:54 PM
1.هل كنت تخرج بالفريج حافياً؟!!
لا ادور فالبيت بس حافي ^_^

2.هل كنت تسرق من الدكان و تشرد؟!!
مرة وحدة 8D

3.هل كنت تشتري بنص و تخش نص للزمن؟!!
لا أنا اصلا أبوي يعطيني بيزاات يوم أبا

4.هل كنت تطلع من البيت الصبح للمدرسه و ما ترجع قبل المغرب؟!!
لا أنا ارد البيت ألعب سوني ^_^
5.هل كنت تدووخ بالدس؟!!
أنا يااهل
6.هل كنت تسرق سيكل راعي الدكان؟!!
لا سيكلهـ مبـ ماركة ^_^
7.هل كنت تكتب على جدران الفريج؟!!
لا فريجنا ما يقدرونـ الفنـ
8.هل كانت زيارتك للحلاق مقتصرة بأيام العيد؟!!
لا كشتيـ تطلع بسرعة
9.هل كنت تفارق المنزل طوول يوم حق الليله؟!!>> و طبعاً البيت اللي يعطوونك فيه ريال ما تفارقه.. ترا فريجنا زطوووووط

10.هل كنت تشرد من المدرسه لأن الوالد ما عطاك بيزات الرحله؟!!
دايما يعطيني و المرة الوحيدة اللي ما عطانني غبتـ
11.هل كنت تعفد البيووت عشان تلقط لووز؟!!
ما أحبـ اللوز
12.هل كنت ترمي الهنوود ببيض؟!!
لا ما يستاهلونـ أخسر البيضـ عليهم ترا سعرة غلى وااايد ^_^
نـــسيم
25-7-2008, 04:51 PM
هويه نقيه خخخخخخخ

نس ما قال الشيخ خليفه هاذي السنه سنة الهويه الوطنيه ^^

بس الزم يتغير ......

بس اعترف أني سويت معظم هااذي الأشياء خخخخخخخخـــــ

اللهــ يرحم زماان اول >> ألي يقراها يتحراني وحده مع ههههــ

وهاي الأسئله اعتقد تنطبق على الخليجيين كلهم &___&

وشكرا للموضووووع
Sweet Dark
25-7-2008, 07:15 PM
السلام عليكم و رحمة الله و بركاته






1.هل كنتي تطلعين كشه و حافيه في الفريج؟!!
هيه والله ..دووم أطلع بكشتي جدام خلق الله ههه
2.هل كنتي تلعبين مع أولاد الفريج؟!!
وللا أنا ما ألعب ويا الأولاد .. 17 ساعة نلعب كوورة و أنا عضو أساسي في الفريق
3.هل كنتي تسرقين اللبان من الدكان؟!!
ما أذكر عاد ..
4.هل كنت تيمعين ريالاتج إنتي و بنات الفريج و تسوون حفله كل يمعه؟!!
مب بس ويا البنات .. الأولاد كانو معانا بعد ههه
5.هل كنتي تلبسين شيله أونج كبرتي؟!!
بصراحة لاء .. مووول ما كنت أحب الشيله .. يالا يالا لبسوني إياها يوم كبرت
6.هل كنتي تثلجين الفيمتو و تبيعينه بنص لعيال الفريج؟!!
أذكر كنت أشتري أنا و اخوي كرتون عصير و نبيع الواحد ب 3 ربابي
7.هل كنتي تلقطين النثوور بالأعراس؟!!
و الله أيام كانت .. ظرابة عالتيميع كنا انسوي ههه
8.هل كنتي إتمين بثياب المدرسه لين المغرب؟!!
ما أتذكر بصراحة ولا بقول
9.هل كان السبوح و التمشيط مقتصر على يوم اليمعه؟!!
عاد أنظف وحده كنت .. دووم أتسبح و أمشط شعري
10.هل كنتي ترووحين المدرسه مجبوورة؟!!
طبعاً .. أكره شي فحياتي المدرسة بس كنت دووم ويا الشلة الكريمة
11.هل كنتي تردين من المدرسه بثياب الرياضه؟!!
في الروضة و أول إبتدائي
12 هل كانوا يرشون شعرج بفليت!!
تخييييييلج عاد .. صح ما أداني الفليت بس أموت فريحته
13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!
امممم .. ما أتذكر
14 هل كنتي تستحين تركبين موتر أبوج ((بيك أب )) !!
ما كان في شي اسمه تستحين
بس ما كان عند أبوي موتر .. عند يدي أحيد













ونستيني والله .. مت من الضحك و أنا أجاوب هههه ..
ربي يحفظج و يرعاج إن شاء الله
و مثل ما قالت فوشيه .. نتريا الزوود من صوبج
ღ ريـ م ـي ღ
25-7-2008, 08:36 PM
..o0o.. [ السلآم عليكـم ورحمـة الله وبركـآتـهـ ] ..o0o..

/\/

مع أنني لآ إمارآتيـهـ ولآ سعوديـهـ ولآ خليجية إلآ أنني سأجآوب ^^

1.هل كنتي تطلعين كشه و حافيه في الفريج؟!!

- نعم

2.هل كنتي تلعبين مع أولاد الفريج؟!!

- نعم

3.هل كنتي تسرقين اللبان من الدكان؟!!

- لا عيب ههههه

4.هل كنت تيمعين ريالاتج إنتي و بنات الفريج و تسوون حفله كل يمعه؟!!

- لا

5.هل كنتي تلبسين شيله أونج كبرتي؟!!

- لم أفهـم !! >> ليش داخلة إذا ..

6.هل كنتي تثلجين الفيمتو و تبيعينه بنص لعيال الفريج؟!!

- لا ههه

7.هل كنتي تلقطين النثوور بالأعراس؟!!

- نعم هههه

8.هل كنتي إتمين بثياب المدرسه لين المغرب؟!!

- لالا

9.هل كان السبوح و التمشيط مقتصر على يوم اليمعه؟!!

- لا ، كل يوم ..

10.هل كنتي ترووحين المدرسه مجبوورة؟!!

- أحيانآ

11.هل كنتي تردين من المدرسه بثياب الرياضه؟!!

- لا

12 هل كانوا يرشون شعرج بفليت!!

- أحيانآ هههه

13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!

- لا كنت قوية ههههه

14 هل كنتي تستحين تركبين موتر أبوج ((بيك أب )) !!

- قليلآ ههههه

أسئلة مسلية جدآ ، اجآبآتي كانتـ نص نص هذا يعني أنني لستُ امآرآتية ^_^..

على كـل أشكركـِ أختي على الأسئلة ، كانت مسلية و مضحكة ^^ ..

\/\

..o0o.. [ دمـ فيـ حفظ المولى تـ ] ..o0o..
مكفتز
27-7-2008, 03:31 PM
السلام عليكم

انا سعوديه وسبحان الله اكثر اجوبتي نعم

خليجنا واحد وشعبنا واحدicon18icon18 >>>>دخلت مع الاغنيه<<<


http://www.arabsys.net/pic/thanx/22.gif









للبنات..




1.هل كنتي تطلعين كشه و حافيه في الفريج؟!!
ايه بس خلينا من الفضايح 111111
2.هل كنتي تلعبين مع أولاد الفريج؟!!
ولو تلاقيهم لسه حافظين اسمي
3.هل كنتي تسرقين اللبان من الدكان؟!!
والعسكريم >>>زمان محد يقله ايسكريم
4.هل كنت تيمعين ريالاتج إنتي و بنات الفريج و تسوون حفله كل يمعه؟!!
بس موبنات الفريج ريفجاتي بالمدرسه >>>>وانا صغيره كل اصحابي اولاد من الفريج وقليل بنات
5.هل كنتي تلبسين شيله أونج كبرتي؟!!
نعم بس بالقوهــ لسه انا 14 سنه
6.هل كنتي تثلجين الفيمتو و تبيعينه بنص لعيال الفريج؟!!
لا بريال وواحد هديه
7.هل كنتي تلقطين النثوور بالأعراس؟!!
ايه وكانت اختي تسرقه مني بس ارجع اخذه
8.هل كنتي إتمين بثياب المدرسه لين المغرب؟!!
لا والله للعشاء
9.هل كان السبوح و التمشيط مقتصر على يوم اليمعه؟!!
لا كل شهر صراحه><"
10.هل كنتي ترووحين المدرسه مجبوورة؟!!
وبكل انواع التعذيب المريره
11.هل كنتي تردين من المدرسه بثياب الرياضه؟!!
احنا عندنا مافي رياضه بس انا اخشهم بجنتطي
12 هل كانوا يرشون شعرج بفليت!!
مره واحده بس عشان ينعمهIcon108Icon108
13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!
لا عـ العكس67_icond
14 هل كنتي تستحين تركبين موتر أبوج ((بيك أب )) !!
ابوي ماعنده موتركان عنده سيارهـ ثانيه وانا اساسا اجي مشي بس لما يجبني نعم Icon083



إذا كانت 99% من إجاباتكِ نعم..


فتأكدي إنك مواطنه 100%..










هل مره دورك مس هاوس تردين على الااسئله >>>طلعي فضايحج مثلنا


http://www.arabsys.net/pic/bsm/16.jpg (http://www.arabsys.net/pic/index.php)
لمسات التلي
28-7-2008, 12:38 AM
1.هل كنتي تطلعين كشه و حافيه في الفريج؟!!


ههههههههههه ... أحياناً

2.هل كنتي تلعبين مع أولاد الفريج؟!!

شي أكيييييييييد هههههه

3.هل كنتي تسرقين اللبان من الدكان؟!!

لا لا ..

4.هل كنت تيمعين ريالاتج إنتي و بنات الفريج و تسوون حفله كل يمعه؟!!

همم ... لا ... بس فرمضان والعيد لازم نتيمع Icon-yes0

5.هل كنتي تلبسين شيله أونج كبرتي؟!!

خخخخخ ... هيه وكانوا يحتشرون علي "بعدج صغيرة " بس أنا مصرة إلا ألبسها Icon030

6.هل كنتي تثلجين الفيمتو و تبيعينه بنص لعيال الفريج؟!!

هههه... لا ... بس كنت أشتريه واااايد

7.هل كنتي تلقطين النثوور بالأعراس؟!!

هههه .. لا .. على حسب ماتقولي أمايه كنت أمسك فعباتها طول الوقت << هادية البنت icon001

8.هل كنتي إتمين بثياب المدرسه لين المغرب؟!!

ماذكر الصراحة

9.هل كان السبوح و التمشيط مقتصر على يوم اليمعه؟!!

ههههه .. لالا

10.هل كنتي ترووحين المدرسه مجبوورة؟!!

الرووضه هيه .. بس عقب لا << أمووت فالدراسة << شي مب طبيعي dete.ctive2

11.هل كنتي تردين من المدرسه بثياب الرياضه؟!!

أحياناً ... نحن كنا نلعب كاراتيه فآخر مراحل الإبتدائيه " رابع وخامس وسادس "
12 هل كانوا يرشون شعرج بفليت!!

هههههه ... لا بسم الله علي لوبعدني ذبابه

13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!

المصروف لا ... بس مرة محاية مرة برايه ... iconbaye4iconbaye4 ماكنت أتهنابهن


14 هل كنتي تستحين تركبين موتر أبوج ((بيك أب )) !!

لا .. لأنه كان شي ثاني هب بيك أب ^^



إذا كانت 99% من إجاباتكِ نعم..


فتأكدي إنك مواطنه 100%

ماحسبتهن

أشكرج على الطرح الحلووو والممتع ... ذكرتيني بأيام الطفولة << ليتها ترجع
DaNgEr GiRl
28-7-2008, 01:57 PM
للبنات.. <<<<< إحم إحم




1.هل كنتي تطلعين كشه و حافيه في الفريج؟!!
لا ماما ما كانت تخليني


2.هل كنتي تلعبين مع أولاد الفريج؟!!
أكيد أونه إخوانا في الإسلام خخخخخخ


3.هل كنتي تسرقين اللبان من الدكان؟!!
لا يذبحوني إذا سرقت من الدكان


4.هل كنت تيمعين ريالاتج إنتي و بنات الفريج و تسوون حفله كل يمعه؟!!
هيه و كنا نشتري حلويات و شيبس و كاكاو من الدكان حق الحفلة


5.هل كنتي تلبسين شيله أونج كبرتي؟!!
خخخخخخ لازم


6.هل كنتي تثلجين الفيمتو و تبيعينه بنص لعيال الفريج؟!!
كنت أشتري ما كنت أبيع و يقصوووون علي


7.هل كنتي تلقطين النثوور بالأعراس؟!!
الوالدة إذا شافتني تعصب علي


8.هل كنتي إتمين بثياب المدرسه لين المغرب؟!!
لا أمي كانت تعصب علينا


9.هل كان السبوح و التمشيط مقتصر على يوم اليمعه؟!!
لا كل يوم لازم


10.هل كنتي ترووحين المدرسه مجبوورة؟!!
هيه مرات كنت أرقد في السيارة و أنا رايحة المدرسة


11.هل كنتي تردين من المدرسه بثياب الرياضه؟!!
مرااااات


12 هل كانوا يرشون شعرج بفليت!!
لا ما جربت


13هل كانوا ربيعاتج يسرقن منج بيزات الفسحه وانتي لا حول ولا قوه إلا بالله !!!
واااااااااايد مب بس البيزات كل شي ما كان عندي لسان لين يومج هذا


14 هل كنتي تستحين تركبين موتر أبوج ((بيك أب )) !!
لا أنا روحي كنت أروح عند أبوي و أقوله ركبني وراي و يا الصغارية و إنت سوقه



إذا كانت 99% من إجاباتكِ نعم..


فتأكدي إنك مواطنه 100%..




خخخخخخخخحح

طلعت نص موااااااااطنة

بس أيااااااااام حلووووووووووة و ونااااااااااااسة

تسلمين يالغاليهـ على الموضوع

الله يعطيج مليوووووووووون عافية

و إنتي شو طلع معاج ... خبرينا <<<<<<< فضوووووولية

^____^
Miss.Holmes
31-10-2008, 04:16 PM
السلام عليكم ^^

تووحفه الموضوع =) ..

هممم بس جنه طفاسه اللي كاتبينه اونه " مواطنه " جيه -_-" عاد مصخوها مب لهالدرجة XD

فـ انتظار يديدج مس هاوس ^_*

:)
شيريFBI
31-10-2008, 04:20 PM
مشكورة اختي...موضعك كيوت وجميل..اتحفتنا بأسالتك الفكاهية..وشكلنا كلنا طلعنا مواطنين مئة بالمئة..هههههههه
Miss House
25-12-2008, 11:26 PM
هههههههه
والله زين يوم عيبكم تسلموون عالردود الحلوة مثلكم
الخلجين كلهم وااحد خخ يعني نفس الفضاايح هههههاهاهاها

وبعدين حتى لو اجاوب عالاسئله نحن كنا انسوي ألعن عن جذييه خخخ