المساعد الشخصي الرقمي

مشاهدة النسخة كاملة : :[أول مجموعة صور من تصويري]:[البرنسيسة]:


البرنسيسة
15-6-2008, 01:31 PM
:[السلام عليكم و رحمة الله و بركاته]:


شحالكم؟؟..عساكم بخيــــر

هذا أول موضوع أحط فيه صور من تصويري و أشكر أختي نونو اللي شجعتني أحطه =)

بدون مقدمات خلونا نبدأ..إن شاء الله تعيبكم الصور..

::

ببدأ معاكم بصور صورتها في بريطانيا..


http://www.mediafire.com/imgbnc.php/10b3c893e5be39428f6ff153fe4d633a6g.jpg

هذي الصورة صورتها و أنا في الطيارة أول ما وصلنا لندن :)

و هذي بعد..

http://www.mediafire.com/imgbnc.php/5e9056d73a8436bde02b8291ec97f98b6g.jpg

::

http://www.mediafire.com/imgbnc.php/394c8dca1c2a0f25ff1f7bdb8037f3986g.jpg


هذا الجسر المعلق في لندن (اسمه Tower bridge ) >> كان الجو بااااارد و مغيم ~_^

و هذي صورة ثانيه له..

http://www.mediafire.com/imgbnc.php/f54768ea400f7f26d1ee0f9a680227f76g.jpg

بقولكم عن قصته..يوم كنا رايحيله خربطنا في القطار و رحنا للجسر الثاني (اللي صورت منه الصورة الأولى من بعيد)

و بعدين رجعنا بالقطار إلى الجسر و صورت منه الصورة الثانية من قريب

>> المسافة بينهم مب وايد بعيدة..لكن بالنسبة لنا كانت بعيدة لأنه هاليوم وايد تنقلنا فيه و أكثر شي

مشينا فيه..حتى ياني ألم في ريولي واااااااااااايد لدرجة ما تتصورونها T.T

::

و بعدين رحنا إلى قصر الملكة (Buckingham Palace)..

http://www.mediafire.com/imgbnc.php/7efa9c13c1df1e314fca683c8c640cb36g.jpg

::

http://www.mediafire.com/imgbnc.php/938d49395b02bdcc730c086283e5791b6g.jpg

هذي الـ (Big Ben )

::

http://www.mediafire.com/imgbnc.php/019f8dd8ace5ec61f9a502d64df1c7386g.jpg

و هذي (London eye ) << واااايد عالية..يوم ركبتها كأني راكبة هاليكبتر ~_^

الجو في هاليوم بسرعه تغير..كانت الشمس طالعة الصبح..و يوم ركبنا في لندن آي و وصلنا فوق

نزل مطر هههههههههه >> حلووو بس خرب علي التصوير :S


و هذي صور صورتها من داخلها..


http://www.mediafire.com/imgbnc.php/9ec167d16e80715c5a0bc29d493a901b6g.jpg


http://www.mediafire.com/imgbnc.php/67ebee07ef2f319531d52dbd5ff81a066g.jpg

البيج بن كامل


http://www.mediafire.com/imgbnc.php/3b33f9902e3c3fc770a363a2f65b6cfb6g.jpg

قصر الملكة اللي في الوسط..جدامه حديقة فيها بحيرة >> تمشينا فيها و نحنا رايحين للقصر ^^

لاحظتوا الجو كيف تغير =)


::

http://www.mediafire.com/imgbnc.php/7451cdc27ca661a9fb4d980ba1aa794f6g.jpg

هذي الصورة من الهايد بارك عند البحيرة..كان ينزل مطر صبييييب >> محد في الحديقة غيرنا :P

::

http://www.mediafire.com/imgbnc.php/0e7427166e39754f751f806966c7d9456g.jpg

هذي صورة المزارع..صورتها و أنا في القطار..يوم انتقلنا من لندن إلى ليدز

::

http://www.mediafire.com/imgbnc.php/42b06ef2e8c4ea41822cfe224efb55a46g.jpg

و هذي الصورة في ليدز

::


تعبتوا صح؟؟..خلاص بناخذ بريك D:

شو رايكم ناكل كيــــك ^^


http://www.mediafire.com/imgbnc.php/7edabe6acab310c07053a4de24b78dd96g.jpg


http://www.mediafire.com/imgbnc.php/58aa7a9db08e1d139c1434a6be1294f26g.jpg

هالكيكتين من مس جي كافيه >> أحلى كيك عندي لذيييييييذ يمي يمي >> ما شهيتكم XD

::

اممم..هذي الصور من طلب نونو..بغت تشوف المفرش اللي على طاولة الطعام مالنا يوم كنا نتكلم عنه D:

الصور خذتهم قبل شوي عالسريع..

http://www.mediafire.com/imgbnc.php/8ae399c3d14b4431fd8aa837a4cc41f26g.jpg


http://www.mediafire.com/imgbnc.php/7a4ae83392f901cfa3e2533093d818516g.jpg


http://www.mediafire.com/imgbnc.php/ec4e3752a2e22b22e1f7542c4dbefd286g.jpg

هذي طاولة ثانية..لاحظي القطعه الشفافة اللي فوق المفرش اللي قلتلج عنها

شو رايج بهالكيك؟؟..ما يشهي صح :P

هذا الكيك وااايد يعيبني..حتى مرات أتريقه (فطوري) الصبح P:

::

و ألحين وصلنا لسؤال التحدي ~_^

شوفوا هالصورة..و أتحدااااااااكم تعرفون شو أنا مصورة فيها


http://www.mediafire.com/imgbnc.php/6c2068e2aed4b54d1d9905d3605aa6946g.jpg

و يوم بتعرفون بخبركم التفاصيل عنها =)


مس مي "لا تجاوبين إذا تعرفين..لأني أذكر قلتلج عنها قبل "

::

و أخيييييرا خلصت ^^"


ملاحظة..صور بريطانيا صورتها بكاميرا ديجيتال..أما الصور الباقية صورتها بكاميرا موبايلي (5 بيكسل)


شو رااايكم بالصور؟؟

انتظروا الدفعة الثانية من الصور قريب إن شاء الله

في أمان الله

:)
NoONoO
15-6-2008, 01:34 PM
محجوووووووووز
<--- هذا العضو نعسان حالياً لوووول


و عليكم السلام و رحمة الله و بركاته

فديت اسمي منور الموضوع من فوق لي تحت هههههههههههه
<-- اخرسي
احم نتكلم بالموضوع :d

اول شي المناظر
رووووووووووووووعة
وعلى قولة بلو
تحححححححححححححححححححححفة icon5501

خاطري اروح لها واصور ،، الزرع من فوق و البنايات يشبهون اللي بإيطاليا و فرنسا
وايد سيم سيم سبحان الله

بس احلام فقارى خخخخخخ

نجي للتعليق على الصور <-- لاحظي لهجتي icon110

http://www.mediafire.com/imgbnc.php/5e9056d73a8436bde02b8291ec97f98b6g.jpg

ماحب ان صور من الطيارة سواء الجامة او الجناح يظهرون بالصورة
لكن هاي عجيـــــــبة ،، حلوة الحركة كتيــر

http://www.mediafire.com/imgbnc.php/394c8dca1c2a0f25ff1f7bdb8037f3986g.jpg

جونااااااااااااان خخخخ
تخبلت عالماي مع الجسر ،، بس بعدها انتبهت للغيوم !!
يالله شو الجو عندهم يخببببببببببل
والصورة الثانية للجسر زاويتها روعة بس كانت بتكون توب لو مانقطعت الصورة من فوق
و نسيت اقولج الحمدلله عالسلامة XD
ماعليه تصير لكل العايلات خخخخخخ ،، يقولج احنا كل مانروح مكان يوم كامل مسوين طاش ما طاش Icon083


http://www.mediafire.com/imgbnc.php/7efa9c13c1df1e314fca683c8c640cb36g.jpg

هالصورة تمام بكل شي
واحلى شي فيها اسمها اموت عليه ،، بكينجهام لوووول

http://www.mediafire.com/imgbnc.php/938d49395b02bdcc730c086283e5791b6g.jpg

فنننننن
احس في غبار عالصورة محلنها XD طالعة صج اثرية
بس بعد لو كاملة الصورة T.T <-- ادري شوي وبتطيحين عشان تصورينها كاملة خخخخخخ


http://www.mediafire.com/imgbnc.php/019f8dd8ace5ec61f9a502d64df1c7386g.jpg

مادري اختارها الصورة الاحلى ولا بظلم البقية !nani
بس كيف جي مامداكم تروحين لفوق الا وهو مصبب مطر خخخخخخخ
اهم شي نزلتوا بالسلامة XD

http://www.mediafire.com/imgbnc.php/58aa7a9db08e1d139c1434a6be1294f26g.jpg

عجيييب الديزاين
بس لحسن حظي و سوء حظج ماحب الكيك =P
بس عطشتيني خخخخخخخخ ،، الموضوع الياي حطي ماي مع ثلج icon199

وثانكس على صورة الفرش ،، لفت نظري اللي حاطينه بالنص فيه شي احمر يشبه التوت خخخخخخ
تصدقين يبالي اشوف طاولتنا يمكن مسوين جي وانا كلش ضايعة icon101

و بالعافية عليج الكيك hmhm لوول ،، ماحبه مع انه دوم موجود

http://www.mediafire.com/imgbnc.php/6c2068e2aed4b54d1d9905d3605aa6946g.jpg

قلنا سؤال تحدي بس مب ضباب عاد icon110
مممم الصورة طالعة كأنها اقلام ملونة ويمكن من ربع المكياج خخخخخ
اذا محد عرف لازم تعطينا هنت XD


و وصلنا للنهااااية Icon55

الموضوع روووووووووعة ،، خلاص انا بعتزل التصوير <-- شدعوة هههههههههه
كل صورة وكل منظر اخبل عن الثاني
حسيت شوي بالبرودة من الجو وانا حدي حرانة خخخخخخخخخ <-- اشكره خريطة XD


واكيد بنتظر الجزء الثاني بفارغ الصبر
غامباتي Icon0e0
A.J.Z
15-6-2008, 01:36 PM
وعليكم السلام ورحمة الله وبركاته


صور رائعة مناظر جميلة


وشكله الجو كان رهيب


تسلمين ويعطيك العافية
Ayato
15-6-2008, 01:40 PM
السلام عليكم ورحمة الله وبركاته

اهلآ بالغاليه برينسيسة ^.^ وينك والله اشتقنالك ^.^
ماشاء الله تصويرك رووووووووعه وبريطانيا روووووووووووعهـ .. بس متى سافرتي ؟؟؟
عجبتني كتييييييير ... ماشاء الله مبدعــهـ
شهيتيني اسافر ... مع اني يوم الثلاثاء كنت في تركيا ^^ ... وبتصدقي اليوم شفت بمنامي اني رح اسافر للأمارات ><
بأنتظار كل جديد منكِ .. سلمت يداكِ ع الموضوع ^.^
K A I T A
15-6-2008, 01:43 PM
محجوز يا برنسوسة :d
Keiru
15-6-2008, 01:49 PM
Reserved ;D
ĮRįS ƒlόwer
15-6-2008, 01:56 PM
ياااااااااااااااااااااي الصور وااااااااايد
روعة مرة ثانية إذا سرتي
خذيني وياج خخخخ

والصور الأولى والثاني أحسها
كأنها فنية طالع
التصوي حلو من فوق

لا وعاد الكيكة " الحين خلاص شبعت شكلها يشبع "
وننتظر الدفعة الثانية

"ما أحب أحجز بعدين الشعور بختفي خخ"
البرنسيسة
15-6-2008, 02:03 PM
ممنوووووووووع الحجز للي عنده إجازة هع


A.J.Z

تسلم أخوي..الله يعافيك

و مشكووور عالمرور الطيب..لا تحرمنا من تواجدك

::

Ayato

و عليكم السـلام و رحمة الله و بركاته

أهلييين خيتو..اشتاقتلج العافيه ^^..كنت موجودة بس في قسم الدراما >> تغيير ^^

تسلمييين حبوبه..سافرت السنة اللي طافت شهر 6

الحمدالله على الســلامه..و إن شاء الله يتحقق حلمج =)

مشكووورة حبوبه عالمرور..أسعدتيني بردج ^^..لا تحرمينا من مرورج

::

ميمو

ثاااااااانكس حبوبه

و بخذج وياي لأنج على طول رديتي و ما حجزتي XD

يعطيج العافيه..و لا تحرمينا من ردودج الحلوة

::
البرنسيسة
15-6-2008, 04:28 PM
فديت اسمي منور الموضوع من فوق لي تحت هههههههههههه
<-- اخرسي


ههههههههههه..ما عليه ما بطريج مرة ثانيه :P



اول شي المناظر
رووووووووووووووعة
وعلى قولة بلو
تحححححححححححححححححححححفة icon5501


هيه والله مناظرهم عجييييبة ~_^







ماحب ان صور من الطيارة سواء الجامة او الجناح يظهرون بالصورة
لكن هاي عجيـــــــبة ،، حلوة الحركة كتيــر




لو ما أبوي قالي صورة كنت ما بصور..بس المنظر ما يتفوت ^^





والصورة الثانية للجسر زاويتها روعة بس كانت بتكون توب لو مانقطعت الصورة من فوق

كنا وايد قريبين من الجسر..عشان جي ما ظهرت كاملة

بس يوم تصورت أنا معاها ظهرت كاملة =)



و نسيت اقولج الحمدلله عالسلامة XD

هههههه..الله يسلمج ^^






فنننننن
احس في غبار عالصورة محلنها XD طالعة صج اثرية
بس بعد لو كاملة الصورة T.T <-- ادري شوي وبتطيحين عشان تصورينها كاملة خخخخخخ


الجو مخلنها طالعة جي ^^

ما قدرت أصورها كاملة لأنه كان في ناس وايد و ما بغيت أدخلهم في الصورة :S







بس كيف جي مامداكم تروحين لفوق الا وهو مصبب مطر خخخخخخخ
اهم شي نزلتوا بالسلامة XD


خذنا وقت طويل لين وصلنا فوق..تقريبا ربع ساعة أو أكثر

و قبل يوم رحنا نحجز التذاكر تأخرنا شوي







بس لحسن حظي و سوء حظج ماحب الكيك =P
بس عطشتيني خخخخخخخخ ،، الموضوع الياي حطي ماي مع ثلج icon199


ههههههههههه..افااا..و العطش شو يخصه!! هع




وثانكس على صورة الفرش ،، لفت نظري اللي حاطينه بالنص فيه شي احمر يشبه التوت خخخخخخ

ولكم ^^..توت اونه خخخخخ..هذا ورد مجفف =)





قلنا سؤال تحدي بس مب ضباب عاد icon110
مممم الصورة طالعة كأنها اقلام ملونة ويمكن من ربع المكياج خخخخخ
اذا محد عرف لازم تعطينا هنت XD


جوااابج غلط icon199





الموضوع روووووووووعة ،، خلاص انا بعتزل التصوير <-- شدعوة هههههههههه
كل صورة وكل منظر اخبل عن الثاني


ثاااااااااااانكس حبوووبه ^^..توني أدري انه تصويري زين ^^

يويلج اذا فكرتي تعتزلينه..انتي فنااانه أكثر عني..و إلا تراني ما بحط باقي الصور ><



حسيت شوي بالبرودة من الجو وانا حدي حرانة خخخخخخخخخ <-- اشكره خريطة XD

هههههههههههههههه


تسلميييين الغالية عالمرور..مش بس اسمج منور..حتى ردج حبوبه ^.^

و انتظر منج رد ثاني >> مثل ما رديت عليج ردين في موضوعج هع >> تطالب بحقوقها XD

و عندج أكثر عن فرصة للإجابة على السؤال

:)
(رونقة الحياة)
15-6-2008, 04:40 PM
http://rlifeh.googlepages.com/wa3alaykom.jpg

تصويرك ممتاز .. ولأني أفضل صور الطبيعة فهذه أجمل صورة .. وحلو لو تضعي رابط للصورة بجودة عالية

http://38.114.207.1/0e7427166e39754f751f806966c7d9456g.jpg

وهذه جيدة .. لكن اظن تحتاج لجهة اخرى او ما ادري ايش دششش
http://38.114.207.9/42b06ef2e8c4ea41822cfe224efb55a46g.jpg

همممم أما هذه /
http://38.114.207.15/6c2068e2aed4b54d1d9905d3605aa6946g.jpg

كأن هناك احتفال .. او شمعات متوهجة .. أو أضاءات محل ما ... أو رقص < محال دششششش

شكراً لكِ
ملاحظة / توقيعك وصورتك الرمزية اظنها مخالفة .. لأنها شبه الحقيقي
،، سيجان ،،
15-6-2008, 05:23 PM
ماشاء الله عليك يابرنسيسه

انا عن نفسي بتعرف على العالم من معارض التصوير بمسومس

الله يخليكم لنا يارب

الصور جدا جميله عزيزتي سبحان الخالق

تحيااااااااااتي العطره لك

الى مانشوف معرض لفرنسا بلد اقامتك ان شاء الله....
البرنسيسة
15-6-2008, 07:05 PM
رونقة الحياة

تسلم أخوي..و هذا رابط الصورة اللي طلبتها..

http://www.mediafire.com/?x2hgx9qmjey

بالنسبة لجوابك غلط..حاول مرة أخرى D:

ردي عالملاحظة " ما أتوقعه مخالف لأنها رسمة..و لو كان مخالف جان حذفوه..بس صارله فترة ما انحذف "

و مشكووور أخوي عالرد

::

سينا

ردج الأجمل أختي ^^

و فرنسا مش بلد إقامتي >> كاتبتنها أحلم فيها بس خخخ

يعطيج العافيه أختي عالرد..و لا تحرمينا من مرورج

:)
<pandora>
15-6-2008, 07:44 PM
وعليكم السلام ورحمة الله وبركاته

ما شاء الله على الإبداع ..
كل الصور أديها 10/10 إلا صورة واحدة
http://38.114.207.12/7a4ae83392f901cfa3e2533093d818516g.jpg
إنتقادي على زاوية الإلتقاط وعلى الفلاش الي ضارب في يمين الصورة ^^

لكن الباقي كله جميل .. والمناظر الي إنتي مختارتها مميزة فعلا
وأحلاهم صورة الألعاب مع السحاب >> منظره يجنن

وبالنسبة لآخر صورة ممممم هناك شيء في النصف يشبه الفراولة
لكن طبعا خطأ ^^

شكرا لك برنسوسة على هذه الصور الجميلة جدا
أبدعتي فعلا فيها
(رونقة الحياة)
15-6-2008, 08:00 PM
عفواً أختي

هذه الصورة بتعديل من فلتر KPT اكويلايزر .. + تصغير البعد قليلاً

http://vnupload.com/files/165522Princesa1.jpg

بالنسبة لهذه /
http://38.114.207.15/6c2068e2aed4b54d1d9905d3605aa6946g.jpg

رسمة مكتوب " الله " .. شراب ما مثل الشاي .. صورة للبحر .. انورا السيارات ... سرير .. صورة من نافذة المنزل .. كعكة .. حلوى دششش .. طرطة ههه .. حلى < اربع تسميات .. كيك دشششش .. همم شمعات .. هاااااااااااا شجرة ^^ .. كأنها شجرة مزينة بالإضاءة ... الخ دششش بس
البرنسيسة
15-6-2008, 08:39 PM
باندورا

تسلميييين أختي ^^

و بالنسبة للصورة اللي علقتي عليها..خذتها عالسريع

و أنا قاصدة أصورها من هذي الزاوية..عشان تبين أطراف المفرش

و هذي الشمس ساطعه من جهة اليمين

و جوابج خطأ :S

العفو..و مشكووورة أختي عالرد الحلو..و لا تحرمينا من طلتج ^^

::

رونقة الحياة

طلعت الصورة مش واضحة بعد تعديلك :S

ولا شي من اللي قلته صح خخخ


بسهل عليكم..بالنسبة لصورة التحدي

هذا جزء من شي يستعمل يوميا..يستعملونه الأولاد و البنات

و هو في الطبيعه غيييير و في الصورة غير

اللي بيعرفه بسويله توقيع >> واثقة انكم ما بتعرفونه ^^

...
(رونقة الحياة)
15-6-2008, 08:56 PM
مو واضحة دششش .. باعتقادي انها اصفى .. لأن التي اعطيتني اياها مشوشة ^^

تحطيم ولاشيء صحيح ... دششششش ^^
واو جزء من شيء .. هذي صعبة .. يعني لو شيء كان اسهل دششش .. اما جزء من شيء !

جزء من /
حذاء - فستان < الأولاد يستعملونه دششششش - همممم - كوب - ....الخ < صح
NoONoO
15-6-2008, 09:17 PM
ههههههههههه..ما عليه ما بطريج مرة ثانيه :P


عيل شو رايج اني مابرد بموضوع مافي اسمي؟ icon044 <--- نفاد خخخخخ
اصلاً الموضوع بيفقد نوره و بريقه خخخخخ





كنا وايد قريبين من الجسر..عشان جي ما ظهرت كاملة

بس يوم تصورت أنا معاها ظهرت كاملة =)

وايد تصير لول
اهم شي صورتج ضابطة XD




الجو مخلنها طالعة جي ^^

ما قدرت أصورها كاملة لأنه كان في ناس وايد و ما بغيت أدخلهم في الصورة :S


يعني اقول تسلم ايدينك يالجو ؟ خخخخ
و قصدت كاملة من فوق ^^



خذنا وقت طويل لين وصلنا فوق..تقريبا ربع ساعة أو أكثر

و قبل يوم رحنا نحجز التذاكر تأخرنا شوي


أها
تراني بعمري ماركبت العيون حتى عندنا <-- تخاف من المرتفعات لول
ذكرتيني ببرنامج الكنز يوم واحد ركب غصبٍ عنه icon114



ههههههههههه..افااا..و العطش شو يخصه!! هع


بعد ما تاكلين ماتعطشين ؟ لووول






ولكم ^^..توت اونه خخخخخ..هذا ورد مجفف =)

ادري ادري بس استهبل icon199






جوااابج غلط


زين عيل دام شي نستخدمه يومياً ففمكن البروش ؟
<-- ماظن انا ماستخدمه يومياً هههههههههه




ثاااااااااااانكس حبوووبه ^^..توني أدري انه تصويري زين ^^

يويلج اذا فكرتي تعتزلينه..انتي فنااانه أكثر عني..و إلا تراني ما بحط باقي الصور ><

مب زين الا زوين بعد وفنان و ملحن و ممثل Icon-Winner0
وميغسي عالاطراء ،، الحين بحط الموضوع <-- ماصدقت هههههههه



هههههههههههههههه


تسلميييين الغالية عالمرور..مش بس اسمج منور..حتى ردج حبوبه ^.^




الله يسلمج ،، شكراً ادري بهالشيء واقولج بس تنكرين من الصبح لووول <-- صدقت عمرها هاي خخخخ
موضوعج يشجع عالرد ،، واللي مايرد هذا متهايز على طول والله يعينه <-- اسويلج دعاية شو تبين بعد لووول


و انتظر منج رد ثاني >> مثل ما رديت عليج ردين في موضوعج هع >> تطالب بحقوقها XD

و هذا ردي الثاني وكتبته =P
الرد الثالث لازم يكون في شي مقابله خخخخخخ
هونتوا آريجاتو
[[Gaara]]
15-6-2008, 11:10 PM
وعليكم السلام

هلا برنسيسوو ... الحمدلله بخير ربي يسلمج ..أنتي شحالج ؟؟

روووعه الصور وااايد حلووه وخاصه صور الجسر Tower bridge وااايد أعيبتني وأعيبني أيضاً
صور ليدز

خلاص قررت بنسافر لبريطانيا ...^^

واااايد حلوووه ..وبعد أذنج طبعاً حفظة الصور عندي ..^^

ان شاء الله المره الثانيه تسافرين لفرنسا وتردين لنا بصور منها ..^^

يم يم شهيتيني للكيك شكله حلوو.. اليوع مب سهل XD

http://38.114.207.15/6c2068e2aed4b54d1d9905d3605aa6946g.jpg

هذي الصوره أممم يمكن تكون لمبات ملونه ؟؟

نتريا الدفعه الثانيه
الحائر !
15-6-2008, 11:28 PM
http://www.mediafire.com/imgbnc.php/58aa7a9db08e1d139c1434a6be1294f26g.jpg


ياااااااااااااااهـ.. جوعتينيـ .. خخخـ...

صور رائعة جداً .. لو موجودة عندكـ بدقة عالية وحجم كبير بليز حطيها ليـ .. ^_^ ..

وبالنسبة للصورة الأخيرة .. أعتقد إنها أنوار أو ستارة .. ^_^

مشكووووووووووورة أختيـ ..

وبالتوفيقـ ..
البرنسيسة
16-6-2008, 10:47 AM
محد فيكم جاوب صح إلى ألحين خخخخخ

::

نونو الخواااافه =)


يعني اقول تسلم ايدينك يالجو ؟ خخخخ
و قصدت كاملة من فوق ^^

>> لازم تفشليني ><

ثاااانكس عالدعايا >> هذا اللي همها XD

مشكوووورة عالمرور..و ياريت يطلع منج رد ثالث بدون مقابل XD

::

جارا

الحمدالله بخير

تسلم أخوي..على راحتك خزنهم عندك

مشكووور عالمرور الطيب..و لا تحرمنا من تواجدك

و الدفعة الثانية بحطها قريب إن شاء الله

::

الحائر

انت كل ما تدخل موضوع ما يهمك غير الأكل هع :P

العفو أخوي..و تسلم عالمرور

و الله يوفق الجميع إن شاء الله

::
MAISONA
16-6-2008, 11:18 AM
وعليكم السلام ورحمة الله وبركاته

أهلييييييييين غاليتي برينسووو ^.*

وااااااو مـــــــــا شااء الله تصويرج روووووعة ^.*,,,,,

والمناااااااااظر قمممة وخطيرة تصدقين شوقتيني أروح لبريطانيا "^^....

الطبيعة روووعة وخصوصا بالصورة الأولى ...

وقصر باكنجهاام رووعة >> ما دخلتيه icon110 خخخخخ"^^

والكيك لذييييييييذ شهتيني icon114 ........ تسلميييين برينسووو على الصور الخطيرة فعلا مصورة محترفة ما شااا ءالله عليج .....

بالنسبة للصورة الأخيرة icon114 قلبتها فوق تحت ما عرفت شئ "^^ جني اشوف شخص فيها "^^

مشكوووووووورة برينسووو ^.^ على هالابداااع في التصوير ....

. ننتظر الدفعة الثانية بفاارغ الصبر ^.*

بالتــــــــــــــوفيق لج ^^
ayumi chan
16-6-2008, 11:49 AM
و عليكم السلام و رحمة الله و بركاته

ما شاء الله المناظر خياااال

و تصويرج رااااااااااائع

الصور تشجع اني أسافر لندن << باجر بتروحين يا فالحة xD

و الكيك بعد طالع شكله عجييييييب

ببساطة تصويرج احترافي ^^

و الصورة الأخيرة دخت من كثر ما أشوفها ^^"

و يمكن تكون : ليت - umbrella - أكل- موبايل xD

بانتظار إبداعاتج القادمة و بالتوفيق ^^
Demor
16-6-2008, 01:48 PM
برنسوووو

هنتوني سوغووووووووووووووووووووووي ^^"

روووعة ... اللندن آي وايد حلوة صورتها مع السحاب.... ما يخلونكم تصورون من داخلها ...صح ؟ ...

البيغ بين ... ما شاء الله عليج يايبتنها من زاوية روووعة ..

والكيك >>> حرااام عليج شو هالتعذيب ... مع اني ما احب الكيك لكني حسيتها وايد لذييذة ^_^ ...

و باقي الصور رووووووعة بعد ^^

نتريا نشوف منج أكثر غناتي ^_~

Demor
لوكس
16-6-2008, 03:16 PM
... السلام عليكم ورحمة الله وبركاته...~

WOOow

تصوير اكثر من رائع برينسوووو ماشاء الله تصلحي تكوني مصوره ^_^....

واكثر صور اعجبتني هادولي ... http://msoms-anime.net/images/icons/icon14.gif

http://www.mediafire.com/imgbnc.php/394c8dca1c2a0f25ff1f7bdb8037f3986g.jpg

اتجنن ع البحر والجسررر وشكل اليخت روووعه والجووو مررره خياااال ...

على العموم الصوره كلها جناااان ...

http://www.mediafire.com/imgbnc.php/019f8dd8ace5ec61f9a502d64df1c7386g.jpg

تصووويررك لهاا مرره رووعه وااااو ركبتيهااا حدي اخاف من المرتفعااات شكلك شجاعه ...

انا لما اركب مع اختي الالعاب المرتفعه كله آصرخ وهي تقول اذا بتاخفي ليش تركبي Icon22...

اقولها احب اجرب كل شي حتى لو يخوف >.< عن جد متهوره ...

انا حدي اخااف مررره حتى لما نسافر بـالطياره ... T.T

http://www.mediafire.com/imgbnc.php/938d49395b02bdcc730c086283e5791b6g.jpg

يآآآآآآآآآي تصويرك اعجبتني طريقة تصويرك لهاا وشكل البناء رائع مرره ...

لما اشوفه يذكرني في العصر القديم ...

تعجبني تصاميم الابنيه في اوروبا...anijhg

مشكووووووره خيتووو ع الموضوع الاكثر من رائع وبإنتظار الجزء التاني من تصويرك icon180 ...

بس هاه لاتتاخري عليناا بريسنووووو ... :)

جاااا ~
الوردة الجورية
16-6-2008, 08:35 PM
وعليكم السلام ورحمة الله وبركاته
أهلا بك أختي البرنسيسة..
ما شاء الله الصور راائعة حقا
أجمل الصور الجسر المعلق وساعة بيغ بين^^
الله يعطيك العافية على الصور
وبانتظار جديدك عزيزتي
http://www5.0zz0.com/2008/03/12/17/819281031.gif
البرنسيسة
17-6-2008, 10:38 AM
ميسونه

تسلميييين حبوبه ^^..ردج الأروع عزيزتي

شخص!!..لا غلط ^^

مشكووورة عالمرور خيتو..و الله لا يحرمني من تواجدج

الله يوفق الجميع

::

ayumi chan

تسلمييين أختي ^^

و أجوبتج غلط ^^"

يعطيج العافية عالمرور الطيب

::

ديمور

أهلين حبوبه ^^

امبلا يخلونا..و أنا صورت من داخلها..بس هالصور ما تذكرتهم الا بعد ما حطيت الموضوع ^^"

إذا لقيتهم بحطهم >> مضيعتنهم من كثر الصور ><

تسلمييين أختي عالمرور..و لا تحرمينا من ردودج الحلوة ^^

::

لوكس

و عليكم السـلام و رحمة الله و بركاته

ردج الأروع عزيزتي ^^

ههههههههه..أنا التلفريك و الطيارة و الآي ما أخاف منهم..قبل كنت أخاف

بس أخاااف وااايد من الألعاب الكهربائية الخطيرة مثل قطار الموت و الشاحوف...الخ

::

الوردة الجورية

أهلييين حبوبه ^^

الله يعافيج..و تسلميين عالرد الحلو..و لا تحرمينا من تواجدج خيتو ^^

::
البرنسيسة
17-6-2008, 10:54 AM
بالنسبة لصورة التحدي..

http://www.mediafire.com/imgbnc.php/6c2068e2aed4b54d1d9905d3605aa6946g.jpg


أخيييرا في حد جاوب صح Icon0e0 ...




نتريا الموضوع ،، بس حطيلنا هنت اسهل لصورة التحدي خخخخخ <--- اليوم تفكر يمكن عطر او بوك لووول


الجواب هو عطر..ألف مبرووووووووك لج نونو..و لازم أسويلج توقيع ألحين لأنه وعد Icon108

أكيد استغربتوا من الجواب..بقولكم قصته..

أنا صورت الزجاج الملون من عطر باريس هيلتون..هذي صورته..

http://www.savvychick.net/images/savvy/paris-hilton-heiress-fragrance.jpg

و الغريب في الصورة..إني صورته في النهار و الشمس كانت ساطعة عليه!!

::
البرنسيسة
17-6-2008, 05:50 PM
(( تمت إضافة صور على الموضوع ))
moo
17-6-2008, 06:00 PM
T.T T.T T.T

<< هذا العضو يكره الناس المعطلين

<< يعني هذا العضو يكره برنسوو

و لم يكن يتوقع انها تصور XD

و ايضا هذا العضو يأسف لأنه لم يلحق على الصفحات الاولى XDD

و يقول الان هذا العضو :

محجوووووز لما بعد الامتحانات يا دبة ^^
البرنسيسة
17-6-2008, 06:59 PM
T.T T.T T.T

<< هذا العضو يكره الناس المعطلين

<< يعني هذا العضو يكره برنسوو

و لم يكن يتوقع انها تصور XD

و ايضا هذا العضو يأسف لأنه لم يلحق على الصفحات الاولى XDD

و يقول الان هذا العضو :

محجوووووز لما بعد الامتحانات يا دبة ^^


أدري انج تكرهيني..ما يحتاي تقولين T.T

ليش ما فيني إيد عشان أصور XD

روحي ادرسي و خلي عنج الصفحات الأولى..لاحقة عالرد خخخ

بالتوفيييق حبيبتي >> زاد حبي لج عقب ما خلصت لوووول :P

...
محبة الربيع
17-6-2008, 07:49 PM
السلام عليكم


هلا برنسوه ^^

اخبارك؟


واااو سوغووي صور عجيبه


وتصويرك احلى ...


مبدعه ووين الدفعه الثانيه ولا حطتيها خلاص XD?


اماا صوره العطر كلش ما يبين حسبته ليتات الكريسماس هههه



ثانكيو على الصور


good luck~
البرنسيسة
18-6-2008, 11:49 AM
ربووووعه

هلا و غلا..الحمدالله و انتي شحالج؟

تسلمييين حبوبه ^^

لا بعدني ما حطيتها

هههههههههه

ولكم..و ثاااااانكس عالمرور..عساني ما انحرم من ردودج الحلوة ^^

::
NiCe.HeaRT
18-6-2008, 06:46 PM
أهلين قلبووو ^^

ما شاء اللهـ الصور روعهـ

بس متى سافرتي بريطانيا

لووووول

اللغز بحله وبعدين بقول لك ايش هو

تسلمين قلبو على الصور الكول اللي زيك

ولا تحرمينا من مواضيعك

دمتِ
البرنسيسة
18-6-2008, 09:46 PM
هلا نايسووو ^^

سافرت السنة اللي طافت شهر 6

و اللغز نونو حلته..راجعي الردود

الله يسلمج حبوبه..و لا تحرمينا من طلتج الحلوة ^^

::
Kudo_Lover
18-6-2008, 09:59 PM
الصور تجنن ما شا الله

المناظر و الزوايا رهيييييييييييييييييييبة

تسلمين ع الصور

مافيني حيل ع التعليق فيني رقاد << أصلاً مادري إذا عنتدي انتقاد ولاّ لا ^^"

بانتظار ابداعاتج يا المبدعة ~
البرنسيسة
19-6-2008, 12:26 PM
كودو لوفر

هلا والله ^^..الله يسلمج حبوبه

ما عليه روحي ارتاحي =)

و ثاااانكس عالرد..أسعدتيني بمرورج..لا تحرمينا من طلتج

:)
بوعبدالله157
19-6-2008, 01:18 PM
http://www.mediafire.com/imgbnc.php/67ebee07ef2f319531d52dbd5ff81a066g.jpg

عجبتني هااي الصور لأن المكاان مرتفع وحلووو

http://www.mediafire.com/imgbnc.php/5e9056d73a8436bde02b8291ec97f98b6g.jpg

وعجبتني هااي الصوور لأن فيهاا شعاار الإمااراات الغااااااالي :)

شكراً على الموضوع
البرنسيسة
19-6-2008, 02:18 PM
بوعبدالله157

العفو..و تسلم أخوي عالمرور الطيب

::
Kind Heart
20-6-2008, 03:10 AM
http://www.mediafire.com/imgbnc.php/7edabe6acab310c07053a4de24b78dd96g.jpg


http://www.mediafire.com/imgbnc.php/58aa7a9db08e1d139c1434a6be1294f26g.jpg

برنسي ..المناظر روووعة ..حبيبتي..تهبل مثلك *_^

أما عن الكيكتين اللي فوق..ويييي ..شكلها لذيذة و طرية رائحتها شهية...مستقرك في

معدتي عندما اذهب الى هناك ان شاء الله^^"


مس جي كافيه

سيكون لي زيارة له ان شاء الله ..وبقولك عن ايهم أحلى XD

شكرا لك على اسمه ..مع اني رحت مرتين الا اني ما مريت عليه في لندن..في مطعم

هناك يمم يممم لما اتذكر اسمه

اقولك اياه هنااك في موضوعنا XD

تسلمي برنسي على الصور الروعة ..وبانتظار الدفعة الثانية..*__^
البرنسيسة
20-6-2008, 01:19 PM
هيرتي

الله يسلمج ^^

و هذا الكافيه موجود عندنا في الإمارات

زورينا في الإمارات أقرب لج عن لندن =)

و يعطيج العافية عالمرور..و لا تحرمينا من ردودج الحلوة ^^
البرنسيسة
21-6-2008, 02:46 PM
نونو

تفظلي التوقيع..إن شاء الله يعيبج =)


http://www.mediafire.com/imgbnc.php/604e40a7c373fbdb86443596bd4e158e6g.jpg


:)
NoONoO
21-6-2008, 10:30 PM
برنسوووو

التوقيع كيووووووووووووووووووووووووت والله
سلمت اناملج
كل يوم حطي سؤال تحدي عيل XD
البرنسيسة
21-6-2008, 10:34 PM
برنسوووو



التوقيع كيووووووووووووووووووووووووت والله
سلمت اناملج
كل يوم حطي سؤال تحدي عيل XD



ردج الأكيت لوووول XD

الله يسلمج ^^

احلمي..بسج دلع :P

::
kaito_kid_99
21-6-2008, 10:37 PM
بصراحـــــــــه أعجبتني الصور كلها و أتمنى أن تضعي المزيد منها Icon OK 0
البرنسيسة
22-6-2008, 11:01 AM
بصراحـــــــــه أعجبتني الصور كلها و أتمنى أن تضعي المزيد منها Icon OK 0

تسلم أخوي..و إن شاء الله بحط الدفعة الثانية قريب..مشكوور عالمرور الطيب

...
.ll.Miss Me.ll.
22-6-2008, 11:36 AM
بسم الله الرحمن الرحييم

السلام عليكم ورحمة الله وبركاته

شحالج برنسووو >>> مب عارفة شو تقول من الفشله icon144

طلعتي مب هييينه يابنت.... صووور خطيييييييييره ماشاء الله
الجووو يجننننننن..... حاولت اطلع احلى صور من صور لندن مارمت
كل وحده احلى عن الثانيه... بس الصور إلي طالح فيها سحاب احلى شي طبعاً
....

اممم الكييك شكله لذييذ... طرشي لنا منهن لوووول
.....

اما عن السؤال إلي سألتييه... اصلاً انا إلي خبرت نونو عن الإجابه
لازم التوقيع يكون حقي مب حقها icon094.... غش ما يصيير على الأقل تعطيني نص التوقيع >> بس لا تشوفني نونوو Ic-Graduate0

ماشاء الله يا برنسووو... الله يعييج العافيه ... موضوع حلو وصور جمييله
لاتحرمينا من جدييدج الدايم... بس نبا صور اكبر المره اليايه Icon-clab0
وسمحي لنا على القصور فديتج
البرنسيسة
22-6-2008, 12:04 PM
مسووو

و عليكم السـلام و رحمة الله و بركاته

هلا والله..أخييرا نور الموضوع ^^

شحالج هاا!!..و لا جني يالسة أكلمج لووول

ثاااااانكيوووو حبوبه ^^

انتي تعالي عندنا قبل..و ما بقصر وياج في الكيك ~_^

أي غش و أي تغشيش >.<..و انتي وصلج توقيع مني شو تبين بعد XD

الله يعافيج..و مشكووورة عالرد..و لا تحرمينا من مرورج حبيبتي =)

::
Meer
25-6-2008, 03:19 PM
وعليكم السلام ورحمه الله وبركاته

وااو صور لبريطانيا

نفسي اسافر دوله اجنبيه


هالكيكتين من مس جي كافيه >> أحلى كيك عندي لذيييييييذ يمي يمي >> ما شهيتكم XD


مافي فرع بالسعوديه XD

اما القياس اللي سالتي عنه هو في انمي CODE GEASS ان البطل تكون عنده عين لونها احمر يامر اي احد واللي امره ينفذ

...

شكراا على الصور
البرنسيسة
25-6-2008, 07:04 PM
Meer

هلا والله أختي مير..إن شاء الله يتحقق حلمج ^^

والله ما أدري إذا عندكم هالكافيه..اسإلي عنه

اهاا..ثانكس عالتوضيح >> ما يخصها بالأنمي D:

العفو..و تسلمييين أختي عالمرور..و لا تحرمينا من طلتج

:)