انواع الطيب

[القناعي]

سلام عليكم ورحمة الله وبركاته .......

اول شي الف الف مبرووك على افتتاح الموقع الجديد الراائع .

واهني صاحب الموقع و المشرفين و الاعضاء و الادارين على الافتتاح

اليوم حبي ان اتعرف على انواع البخور و جودة .


الي عنده خبره بالموضوع جودة البخور و اسمائه و اسعاره فلا يبخل علينا بالفايده

وتقبلو تحياتي " القناعي "

[حور العين]

مراااااااااااااااااااااااااااااااااااااااحب

أولا مبارك عليك العيد و مبروك عليك إفتتاح المنتدى

امممممممممممممممممممممممم
في عدة انواع للبخور
1- بخور للبيت (يكون عادة رخيص و لكن في الغالي)
2- بخور للملابس ( عادة أسعاره ما بين المتوسط و الغالي)
3- بخور معطر ( يعني يكون ممزوج بأنواع العطور و خصوصا دهن العود، و عادة ما تكون الأنواع الي فوق معطرة ^_^)

و أيضا في عدة أشكال للبخور
1- خشب ( و عادة ما يكون ممزوج بالعطور و هدن العود)
2- متفتت ( يعني يكون مثل البودرة شوي ناعم ما أنصح فيه لأن يبهدل الواحد)
3- معمول (يعني يكون على شكل كرات او قروص متماسك و لكن تقدر تفتته عشان تحطه بسهولة في المدخن و انا افضل هذا النوع)
4- لبان ( و هذا عادة بخور حق البيت و مصنوع في سلطنة عمان و مثل اسمه شكله مثل اللبان القاسي و هو وااااااااايد حلو خصوصا في أيام الشتاء لأن يعطي شعور بالراحة و الدفء العميق و سعر أفضل الأنواع حوالي 120 درهم للكيلو ..... توني ماخذه من السوق مطرح في عمان)

بالنسبة للأسعار فتتراوح ما بين 50 إلى 300 درهم و يمكن أعلى على حسب النوع و المحل الي تشتري منه
و هذي بعض المحلات الي أنا شخصيا أتعامل معاها و مجربة بخورها
و أولها هي محل الياس عنده افضل انواع البخور و احلاها و المفضل عندي هو بخور .................. اممممم نسيت ^_^" اول ما ارجع البحرين راح اقولك و سعره حوالي 120 درهم و من النوع المعمول و انا استخدمه حق البيت و الملابس (هو اصلا للملابس بس ينفع للإثنين).
بعدين عندك محلات اجمل و الحرمين..... الحرمين عنده بخور حلو إسمه الحرمين و في علبه خضراء، هو خشب و ممزوج بأربع تول (معيار للعطور) دهن عود و بعد يستخدم للملابس و البيت و سعره حوالي 40 او 50 درهم.
و طبعا عندك البخور الكمبودي الأصلي ( يعني من كمبوديا و الهند بس الحين تحصله في كل مكان) و هو طبعا أحلى شيء بس يبيله واحد فاهم عشان لا يغشونه و حلاته تقع في إنه ممزوج بدهن عود كمبودي او سيوفي و لكن يكون ناشف يعني مب متبلل مثل باقي انواع البخور الممزوجة بالعطور فما يبهدل الواحد ^_^ و هذا عاد سعره غالي يعني يبيعونه بحاولي 600 او 700 درهم للكيلو (على حسب قولة ابوي)
و طبعا في محلات ثانية تبيع انواع عديدة من البخور و عليك انك تختار ما يعجبك لأن لكل واحد ذوق خاص به، و لما تروح تختار لازم تجربه في المحل عشان تتأكد من ريحته و أخيرا لا تنسى المدخن و الفحم الزين

اممممممممممممممممم
هذا الي عندي الحين و إن شاء الله يوم السبت راح اخبرك بإسم البخور من الياس
و إذا في أي شيء ثاني لا تتردد في السؤال

سلااااااااااااااااااااااااااااااااااام

[القناعي]

مشكووووووره يا "حور العين" على مرورج

بس هذا البخور والاسعار و المحلات من الكويت ولا البحرين ؟؟

انا ابي اسماء محلات و اسعار و انواع واسامي البخور من الكويت .؟

ومشكوووره على الفايده الي عطيتيني اياها وااايد خووش معلومه .

وتقبلو تحياتي " القناعي "

[حور العين]

مرااااااااااااااااااااااااااااااااااحب
أممممممممممممممممم
أسامي هذي المحلات عندنا بالإمارات و في بالبحرين ما عدا الياس (إسم الدخون هو أسرار)
بالنسبة لأسامي الدخون (البخور) ما تتغير هي نفسها في كل المحلات و حتى الأسعار (يمكن الإختلاف يكون في فرق العملة ^_^")
بس صراحة ما أدري هل هي بعد متواجدة في الكويت و لا لا؟؟؟؟؟
جرب الستي سنتر عندكم أكيد في محلات لبيع الدخون و أكيد راح تلاقي أجمل و الحرمين و عبدالصمد القرشي بس مو متأكدة من الياس.
سلااااااااااااااااام

[القناعي]

انشالله .. مشكووره على ردج

وتقبلو تحياتي " القناعي"