بنات اليوم وعلاقته بالمطبخ [الأرشيف]

IbRaHiM.N

9-2-2007, 04:45 AM

السلام عليكم

كيف حالكم ؟؟
ادري من الموضوع شوي غريب
ولكن فكرت وفكرت

وهذا الموضوع ماجاء من مخ شبعان
بل من مخ واحد قاعد الفجر وذابحه الجوع :(

طبعا وانا افكر وافكر وافكر وضليت مده افكر
لوتزوجت باجر ياسلالالام طبعا زوجتي من اول رفعت اصبعي لها
ركضت كالغزال عندما يطارده نمر الى المطبخ واعدت لي اجمل المأكولات <<احلام واحد جوعان

بس بالتفكير في بنات اليوم
هل تعتقدون ان هذا اشبه بالخيال ؟؟
اغلب بنات اليوم ماتعرف المطبخ ولا تمر عليه حتى الطباخ ماتعرف له
كل هذا علشان بشرتهم مساكين :(
يعني تقول لها اسهل الاشياء والي هو الشاي
طبعا تقول وبكل فخر ماعرف
واالاغلب عندنا بالخليج يعتمدون على الخادمات

بس تخيلوا المشهد هذا
طبعا في الصيف وبشهر 8
وتوك راجع من الدوام وطبعا تكون تعبان لان المدير رافع ضغطك
وتجي البيت تلقى زوجتك مسوي لك هذا البرياني الي تاكل اصابعك وراه
بس المشكلة وين الي تعرف تسوي هذا البرياني
والمشكلة هذي الايام نشوف ان الرجاجيل هم الي يعلمون الطبخ
مثل حق قناة دبي اسمه اسامة يمكن كل يوم اشوف امي تحط عليه بس يطلع فايده
وتطبخ لنا اكله ناكل اصابعنا من وراها
ولكن المشكلة ماتوصل لهذا الشي
بل ان بعض البنات يتفاخرون بهذا الشي بانهم مايعرفون يطبخون
وياحسرة علينا يالشباب بعضنا يعرفون يطبخون
وينك يا راجو كم لك وحشة كنت تتحفنا بالبرياني الي توسيه صج كله فلفل بس
ناكله ولا نترك شي منه
ولكن البنات بعضهم ياخذها دلع
واختم موضوعي ببعض الابيات

حبيبتي تشرب على الريق بيبسي \\ وليا تعشت ما كلت غير كتكات

احلى من طعم الكرز والجلكسي \\ واحلى من السكر معه خمس تمرات

فيها حلا سعوديه وعطر فرنسي \\ وفيها دلع الكويت وعز القطريات

لا قلت :شكرا قالت البنت ميرسي \\ بنت الافندي ناظرت لي بغمزات

لو ما تزوج عجرم وجاب نانسي \\ يحقلي اتزوج ابله عطيات

ليا حضرتم يالربع يوم عرسي \\ عانيّتي منكم كراتين كتكات

<<=-=- من تأثيرات شاعر المليون :)
همسه : مو معانا حق نطلب من المطاعم :(
سلاموز :)

بطوط

9-2-2007, 11:34 AM

:) مشكــــــور على الموضوع

:oo7dt: وصــج بنات اليوم كلهم دلوعــات مايعرفون شي :D وااجد عليهم كرك :)

(كرك) شاي+ريمبو+سكر .. وطبعا بطوط يمووت على الكرك :D:D

والله أخوي العود وولد عمي وربعه يعني لما يروحون البر وجذي والله يطبخون مجبووووس وساعات دجاج مشوي :cool3: أحسن مـن البنـات ..

ويعطيك العافيه :smile2:

فلة الربيع

9-2-2007, 12:20 PM

احم .. # اول شي مشكوور اخوي ع الموضوع و ع النصيحة الي
حق هذيل البنات .. والله صج ... يبالهم دورات و دوراااات في الطبخ ..
بس الطبخ يعتمد ع الاسرة وطلباتها .....

واتمنى بنات المنتدى يعرفوون ها الشي .. ان يوم تتزوج بتكون هي كلل شي... وهذا.. واكبر دليل

( الرجال يبا اكل يا الحريم .. ) .... ^.^

ايما

9-2-2007, 12:45 PM

ليست جميع الفتيات هكذا ،،، على الرغم من ان حجة الدراسة لا زالت تنفع ،، ولكن لو واجهت الفتاة موقفاً ما يجعلها تظطر لتعلم الطبخ حينها فإنها ستقدر الامر وبجدية ،،، فمثلاً في عطلة الصيف الماضي سافرت والدتي لمدة شهر فكان لا بد منا من تعلم الطبخ والحمد لله الآن لأنني بتنا نجيده ( أي لو ان والدتي لم تسافر ذاك اليوم لما تعلمنا الطبخ أبداً )

ثم هنالك أسباب أخرى فلا أحد يشجع على تعلمه ،،،، وغيرهم ممن ينتقدون او طبق تعده فلا تعود ترغب في فعل شيء وطبعاً كثيرات يقلن -_- لدينا خادمة فلم نتعب انفسنا -_-

وهذا وإن شاء الله تتغير الحال مستقبلاً والبرياني يبيله شوية شغل ولن تجد فتاة تتقنه بسرعة شديدة فعليك بالصبر أو المطاعم

ايما

شجرة الكرز

9-2-2007, 01:12 PM

في البداية أشكرك أخي على الموضوع...
لكنك لم تذكر بان يوجد منا من تعرف الصبخ وفنونه...
ومن يعرفن الطبخ فهن قليلات...
^_^ ^_^
وإنشاء الله من تعرف الطبخ ستعرف عندما تتزوج...
او تضطر إلى فعل ذلك...
تحياتي لك...

كـراش

9-2-2007, 01:15 PM

بسم الله الرحمن الرحيم

تطرقت إلى موضوع مهم يا إبراهيم ... كنت سأكتب موضوع مشابه له تقريباً ...
ولكن لا أعتقد اأن الطبخ يحتاج إلى معلم !!! ,,,

والمشكلة أن النساء هذه الأيام ... كثيري التذمر !! .. ولا يطبخون !! ويقولوا : - المطعم ... !!

المفترض أن النساء يطبخن !!! لو ماكان فيه خدامات .. ولا مطاعم !! لكي رأيت كل حرمة تطبخ !!

وإحد قريباتي : - لا ترضى للخدامة أن تطبخ !! ,,, بل هي التي تطبخ ,, وطعامها .. تلحس أصابعك وراه !!

خاصة الحلوات .. والأرز (( الكبسة )) هممممممممممممممم ياللذيييييييييييييييييييذ ...
------------------------------------------------------------------------------------------------

أنصحك .. إذا تزوجت ماتأتي بخدامة بيتكم ؟! لأنها تخرب البيوت وتدع الزوجة تتكاسل !!! ,,,

00000000000000000000000000000000000000000000000000 0000
الحمدلله ليست في بيتنا خادمة ولا مطاعم
================================================== ====
خخ .. أنصحك أن تكتب نقاش حول شاعر المليون !! ....
صرت شاعر يا إبراهيم
خخخخخخخخخخ

إلى اللقاء

IbRaHiM.N

9-2-2007, 01:18 PM

:) مشكــــــور على الموضوع

:oo7dt: وصــج بنات اليوم كلهم دلوعــات مايعرفون شي :D وااجد عليهم كرك :)

(كرك) شاي+ريمبو+سكر .. وطبعا بطوط يمووت على الكرك :D:D

والله أخوي العود وولد عمي وربعه يعني لما يروحون البر وجذي والله يطبخون مجبووووس وساعات دجاج مشوي :cool3: أحسن مـن البنـات ..

ويعطيك العافيه :smile2:

العفوووا
تسلم بطوط
فعلا بعضهم مايعرف هذي الاشياء ويعتمد على الخدم :)
بالبر تطلع كل المواهب :)
يسلموو على المرور

IbRaHiM.N

9-2-2007, 01:23 PM

احم .. # اول شي مشكوور اخوي ع الموضوع و ع النصيحة الي
حق هذيل البنات .. والله صج ... يبالهم دورات و دوراااات في الطبخ ..
بس الطبخ يعتمد ع الاسرة وطلباتها .....

واتمنى بنات المنتدى يعرفوون ها الشي .. ان يوم تتزوج بتكون هي كلل شي... وهذا.. واكبر دليل

( الرجال يبا اكل يا الحريم .. ) .... ^.^

العفوا تسلمين
واذا جات الام ماتعرف تطبخ شنو مصير البنت :(
لوووووووولز
صح اكل المره صج لو كان مر بس ينبلع :)
يسلمو على المرور :)

هالة

9-2-2007, 01:42 PM

ربما هذا ينطبق على بعض بنات الخليج (فهن يعتمد على الخدم في كل شيء)>>وهذا ليس عيب إن إستغلين وقتهن في تعلم دينهن وواجاتهن والتفرغ لتربية أولادهن...
لكن عندنا (في المغرب العربي) الفتاة هي المسؤولة عن أشغال البيت (فهي تطبخ وتكنس وتغسل ووو.............)>>والأجر عند الله .
لكن من المؤسف أن ترى الرجال لا يساعدون في أشغال البيت وهذا ليس إنقاصا في شخصيتهم بل يعتبر كرم وطيبة نفس.
وأين العيب في أن يتعلم الرجل الطبخ؟؟؟؟؟(فلا جهاد ولا قتال يمنعه من ذلك).

على العموم شكرا على طرح الموضوع أخي إبراهيم.
والسلام عليكم ورحمة الله.

IbRaHiM.N

9-2-2007, 01:54 PM

ليست جميع الفتيات هكذا ،،، على الرغم من ان حجة الدراسة لا زالت تنفع ،، ولكن لو واجهت الفتاة موقفاً ما يجعلها تظطر لتعلم الطبخ حينها فإنها ستقدر الامر وبجدية ،،، فمثلاً في عطلة الصيف الماضي سافرت والدتي لمدة شهر فكان لا بد منا من تعلم الطبخ والحمد لله الآن لأنني بتنا نجيده ( أي لو ان والدتي لم تسافر ذاك اليوم لما تعلمنا الطبخ أبداً )

ثم هنالك أسباب أخرى فلا أحد يشجع على تعلمه ،،،، وغيرهم ممن ينتقدون او طبق تعده فلا تعود ترغب في فعل شيء وطبعاً كثيرات يقلن -_- لدينا خادمة فلم نتعب انفسنا -_-

وهذا وإن شاء الله تتغير الحال مستقبلاً والبرياني يبيله شوية شغل ولن تجد فتاة تتقنه بسرعة شديدة فعليك بالصبر أو المطاعم

ايما
اهلا اختي ايما

كلامج صحيح
بس اذا محد لقى الدفع مايحطه حجه في الاشياء ومايفعلها
انا عن نفسي مرات اسوي الاشياء الخفيفة مثل اسوي شاي وطبعا اي شخص عنده دوانية او مجلس
يعرف يسويه ومرات نسويه احسن من البنات نفسهم
وصح الخدم ماخذين كل شي ويسون كل شي
لو يروحون اغلب البيوت تخرب محد راح يشتغل
ويهملون الواجبات المنزلية وتلقينهم قعدين قعدة شاي الضحى واكل البزر والحش بالعالم

تشكرين اختي على المرور

DaNgEr GiRl

9-2-2007, 03:36 PM

أنا صراحة ما أعرف الطبخ و كل ما أسوي يطلع محروق

بس أعرف أربي اليهال

و عن نفسي أكره ما عندي بشكارة تدخل بيتنا لأن كل الخراب من وراهم

والله أحلى أكل كليته من ايد أمي

يبالي أتعلم الطبخ

بس بعد رياييل اليوم غير عن أول

قبل لما يداومون كانوا يتعبون في شغلهم أما الحين كل واحد في مكتب و مكيف فوق راسه حتى الأشغال يحصلونها بالواسطة

هذا بشكل عام يعني مب الكل يمكن

شفتوا عاد الزمن يتغير

و ثانكس على الموضوع

ayami

9-2-2007, 03:58 PM

ههههههههههههههههههههه حلوه الموضوع والله ...

أمممم بنات اليوم ما اعرف والله بس ما اعتقد إنهم كلهم جي ....يعني البعض ممكن ...

نحن عندنا شيخ ...بناته هم اللي يطبخون له تخيـــلوا يا جمـــاعه وهو شيـــخ ...

وبعد نحن كأولاد ...أو أزواج في المستقبل لازم نساعد حريمنا يعني مب كل شي عليها بس لأنها

حرمه ...^____^ << عضو مااايحد هههههههههه ما يبغي مشاكل

IbRaHiM.N

9-2-2007, 04:12 PM

في البداية أشكرك أخي على الموضوع...

لكنك لم تذكر بان يوجد منا من تعرف الصبخ وفنونه...
ومن يعرفن الطبخ فهن قليلات...
^_^ ^_^
وإن شاء الله من تعرف الطبخ ستعرف عندما تتزوج...
او تضطر إلى فعل ذلك...

تحياتي لك...

العفوا اختي
بس طبعا انا ذكرت الي مايعرفون طبعا في بنات يعرفون بس قلائل حاليا :)
وتشكرين على الرد
بس اتمنى انج تتأكدين قبل كتبات ان شاء الله وهذي الطريقة الصحيحه :)

IbRaHiM.N

9-2-2007, 04:18 PM

بسم الله الرحمن الرحيم

تطرقت إلى موضوع مهم يا إبراهيم ... كنت سأكتب موضوع مشابه له تقريباً ...
ولكن لا أعتقد اأن الطبخ يحتاج إلى معلم !!! ,,,

والمشكلة أن النساء هذه الأيام ... كثيري التذمر !! .. ولا يطبخون !! ويقولوا : - المطعم ... !!

المفترض أن النساء يطبخن !!! لو ماكان فيه خدامات .. ولا مطاعم !! لكي رأيت كل حرمة تطبخ !!

وإحد قريباتي : - لا ترضى للخدامة أن تطبخ !! ,,, بل هي التي تطبخ ,, وطعامها .. تلحس أصابعك وراه !!

خاصة الحلوات .. والأرز (( الكبسة )) هممممممممممممممم ياللذيييييييييييييييييييذ ...
------------------------------------------------------------------------------------------------

أنصحك .. إذا تزوجت ماتأتي بخدامة بيتكم ؟! لأنها تخرب البيوت وتدع الزوجة تتكاسل !!! ,,,

00000000000000000000000000000000000000000000000000 0000
الحمدلله ليست في بيتنا خادمة ولا مطاعم
================================================== ====
خخ .. أنصحك أن تكتب نقاش حول شاعر المليون !! ....
صرت شاعر يا إبراهيم
خخخخخخخخخخ

إلى اللقاء

اهلا كراش :)
فعلا نفس امي ماترضى احد يطبخ لنا الاكل الا خواتي مرات تخليهم يطبخون
والحين الكل يتكاسل يخلي الشغل على الخادمات والمطاعم
اذا وصلت لهذا الشي تتزوج خدامه احسن لك
على الاقل تشيل كل اشغالك وتطبخ لك ااكل
يسلموو على المرور :)

.ll.Miss Me.ll.

9-2-2007, 04:25 PM

السلام عليكم
وعليكم السلام ورحمة الله
شكراً أخوي على الموضوع

اغلب بنات اليوم ماتعرف المطبخ ولا تمر عليه حتى الطباخ ماتعرف له
كل هذا علشان بشرتهم مساكين :(
لا عاد مب لهدرجه..وحده عني صح ماأعرف المجابيس والعيوش والبرياني
لكن مب أني ماأعرف شي..

يعني تقول لها اسهل الاشياء والي هو الشاي
في الأسهل من الجاي..وإلي هي الأندومي>>مايبالها غير ماي خخخ

بل ان بعض البنات يتفاخرون بهذا الشي بانهم مايعرفون يطبخونك
كلامك صح..في بنات جييه

وياحسرة علينا يالشباب بعضنا يعرفون يطبخون
يازين الريال يوم يعرف يطبخ:cool3:

في الأخير..الطبخ يبا نفس طيبه.وفي بنات الطبخ عندهم هوايه
واشجع أنه البنت تتعلم الطبيخ
وان شاء الله إي اليوم إلي أعرف فيه أطبخ مثل أمي

ka!to fan

9-2-2007, 04:35 PM

السلام عليكم و الرحمة ,,

أولاً مشكور أخوي إبراهيم على الموضوع ,,

كله أحلام وردية طلعت مع الجوووع ^_______^

عاد كلامك ماأقولك غلط ,, بس مو لدرجة الشاي <<--- تعرف تسوي شاي ^^!

لا أنا اللي أعرفه شاي + نسكافيه + أندومي ,,,,, و للأسف لي سنة أحاول أتعلم أسوي بيض مو راضي يطلع معاي يطلع لونه رمادي مدري وش أحط عليه بس !!!

و الوالدة ماشاء الله عليها هي اللي تطبخ لنا الشغالة عليها الباقي بس الطيخ لازم الوالدة ^^

و الله يهدينا و نتعلم نطبخ ,,

و ننتظر جديدك ,,

Ai-Kun

9-2-2007, 06:40 PM

احم احم

انا اشوه احب الطبخ و ختصه احب اطبخ السينابون مع الكاكاو و كعكه بالشوكولاته

تكيد انا متعلمه من كان عمري 12

علمتي امي بالقوووه خخخخخخ

وحبيته

وسؤال لماذا الرجل لا يطبخ كله يرد من الشغل ويقول يووووووووووه وين الغدا

خخخخخخخخ

حركتي رجلكم وطبخوا ههههههه

مشكووووور على الموضوع

تحياتي هبربر

IbRaHiM.N

9-2-2007, 06:52 PM

أنا صراحة ما أعرف الطبخ و كل ما أسوي يطلع محروق

بس أعرف أربي اليهال

و عن نفسي أكره ما عندي بشكارة تدخل بيتنا لأن كل الخراب من وراهم

والله أحلى أكل كليته من ايد أمي

يبالي أتعلم الطبخ

بس بعد رياييل اليوم غير عن أول

قبل لما يداومون كانوا يتعبون في شغلهم أما الحين كل واحد في مكتب و مكيف فوق راسه حتى الأشغال يحصلونها بالواسطة

هذا بشكل عام يعني مب الكل يمكن

شفتوا عاد الزمن يتغير

و ثانكس على الموضوع

امم
هذي مشكلة اذا كان محروق
طبعا في اكلات الحكوكه تكون ميه ميه ويصير صراع منو ياخذها بس المشكلة دائما يفوز الكبير :(
العفووا
تسلمين على المرور :)

IbRaHiM.N

9-2-2007, 07:00 PM

السلام عليكم و الرحمة ,,

أولاً مشكور أخوي إبراهيم على الموضوع ,,

كله أحلام وردية طلعت مع الجوووع ^_______^

عاد كلامك ماأقولك غلط ,, بس مو لدرجة الشاي <<--- تعرف تسوي شاي ^^!

لا أنا اللي أعرفه شاي + نسكافيه + أندومي ,,,,, و للأسف لي سنة أحاول أتعلم أسوي بيض مو راضي يطلع معاي يطلع لونه رمادي مدري وش أحط عليه بس !!!

و الوالدة ماشاء الله عليها هي اللي تطبخ لنا الشغالة عليها الباقي بس الطيخ لازم الوالدة ^^

و الله يهدينا و نتعلم نطبخ ,,

و ننتظر جديدك ,,
وعليكم السلام ^^
العفووا اذا انتي تعرفين تسوين شاي غيرج الشاي مايعرف شكله ^^
اووف ماتعرفين تسوين بيض
انا احسن منج اعرف اسوي بيض ^^
وتسلميين على المرور :)

IbRaHiM.N

9-2-2007, 07:05 PM

احم احم

انا اشوه احب الطبخ و ختصه احب اطبخ السينابون مع الكاكاو و كعكه بالشوكولاته

تكيد انا متعلمه من كان عمري 12

علمتي امي بالقوووه خخخخخخ

وحبيته

وسؤال لماذا الرجل لا يطبخ كله يرد من الشغل ويقول يووووووووووه وين الغدا

خخخخخخخخ

حركتي رجلكم وطبخوا ههههههه

مشكووووور على الموضوع

تحياتي هبربر

الحمدلله زين تعرفين تطبخين
انا كل مره اتعلم منها واقم ازعجهم بالطبخات
العفوا
يسلمو على المرور :)

كـراش

9-2-2007, 07:10 PM

بسم الله الرحمن الرحيم

لو سمحت إبراهيم بتدخل ...

وسؤال لماذا الرجل لا يطبخ كله يرد من الشغل ويقول يووووووووووه وين الغدا

هههه في بعض (( الرجال )) يطبخون وأنا أعرف أطبخ !!! ...... والتلفزيون في دبي الشيف أسامة
رجال ... يطبخ ,,,
هههههههه

ولكن بعضهم وللأسف مايطبخ !! ووالمفترض للرجل أن يتعلم الطبخ !! فإذا سافر أو إبتعث فمن سيطبخ !!!

ราซาน

9-2-2007, 07:39 PM

هالموضوع عاد بيكون كله فضاااايح من البنات :D << سكتي بس

المهم .::.
الحين مو كل البنات مايعرفون يطبخون ،، بالعكس أختي مرة سوت عزيمة
وهي طبخت كل شي بروحها <<وهذا يوم كانت توها بثاني إعدادي>> ووحدة
قريبتي من بعيد من وهي صغيرة تطبخ ،، وكم وحدة أعرفهم ..

الملخص إن بعض البنات يعرفون يطبخون ...

أما بخصوص اللي مايعرفون << دخلت ف روحها خخ
يعني أعتقد إنا نستسهل هالشي لوجود مطاعم الوجبات السريعة والخدامات مثل ماقلت
يخلينا نكسل نتعلم ،، حتى أنا يوم أكون بروحي وأريد آكل شي بكل سهولة أطلب من أي
مطعم ،،

ليش يعني أتعب روحي وأقوم وأطبخ وأغسل وأوقف؟؟

لكن هذا مو معناته إني ماعرف ،، أنا أعرف الأشياء اللي على السريع مثل المجمدات ..

--تذكرت مرة بحضة الطبخ كانت المدرسة طلعت واحنا البنات قاعدين المفروض ننتبه على
الأكل علشان مايحترق قمنا تركناه نص ساعة((والمفروض ربع ساعة بس!!)) فقام كله احترق :D --

ومازالت محاولات أمي مستمرة لتعليمي الطبخ وأنا رافضة >> تبي تعلمني علشان يوم أنزل مصر للجامعة:oo7dt:

IbRaHiM.N

9-2-2007, 07:47 PM

لو سمحت غبراهيم بتدخل ...

غبراهيم؟؟
تقصد ابراهيم تفضل كروووش :)

ومازالت محاولات أمي مستمرة لتعليمي الطبخ وأنا رافضة >> تبي تعلمني علشان يوم أنزل مصر للجامعة
لووووولز
انا عكسج انا ابي اتعلم بس مو راضين يعلمون :(

يسلموو على المرور :)

ราซาน

9-2-2007, 07:49 PM

عندك الشيف أسامة والشيف رمزي :D

IbRaHiM.N

9-2-2007, 07:57 PM

والشيف ابراهيم <<< مختص في بيتهم وكل اكلاته تكون عكس
يعني اذا يبي يحط ملح يحط سكر والعكس صحيح

Angle

9-2-2007, 08:09 PM

السلام عليكم ورحمة الله وبركاته

صحيح هذى الظاهرة منتشرة بس بعده في بنات يعرفون يطبخون
وانا عن نفسي ما عدنا خادمة في اليبت >>شو نبي فيها امي تطبخ احلى اكل>> أبتاكل اصابعك وراه
وانا اعرف اسوي كم من اكلة

بس الله يهدي البنات
يعني شو العيب في الطبخ
فرحانين انهم ما يعرفون يطبخون >>>حتى في الطبخ صار في نظرة دونية

الحين لو اليشكارة صار فيها شيء وما طبخت اليوم وهم ما يعرفون يطبخون اكيد يطلبون من المطعم
والمطاعم فاتحة ابوابها طول اليوم
بس شو كانو يخسرون لو اتعلمو الطبخ بدال ما ياكلون اكل المطاعم اللي ما نعرف شو فيه يمكن حد تفل فيه ولا شيء ؟؟؟؟ترا هم يسوون جي
نحن مرة كنا طالبين من المطعم ونحن ناكل حصلنا فيها شعرة قلنا ما عليه يمكن طاحت منا بس بعدين لقينا اكثر >>>اكيد عاد الريال اللي سوا الاكل قصته >>الشعر في مقدمة الرأس , لعدم اللخبطة <<طلعت ويا يدخلها فياب يدا ورفعها والله يستر كم من شعرة طاحت
وانا لاعت جبدي وععععععع لو الحين ما كان مسبح من اسبوع ؟؟؟

وهذا غير الدهون اللي في الاكل

بس شو نقول غير الله يهديهم

الاحسن الحين يوم الريال بخطب يتأكد لو كانت البنت تعرف تطبخ ولا لا

واخيرا تسلم على الموضوع ^_^

جنى الورد

9-2-2007, 08:24 PM

والله أخوي مو كل البنات ما يطبخوا
عني أنا ماما مخليه الطبخ مره عليها ومره علي ونشوف من اللي تسوي أحسن
وبعض الأحياااان نجيب من المطاااااااعم <<< وهذا نادرا
مع إنه في شغاااااله لكن ماما ما ترضى تخليها تطبخ
يعني فيه بنااااات بيشتغلوا لكن الأولاد ....
ما يعملوا أي شيء في البيت لو تقول له قوووووووم جيب لي مويه
تجيييك الأعذار اللي ما لها داعي والله إني تعباااااان ومكسّر <<< صح ولا لا
ومشكووووور على الموضوع
أختك/ جنووو

IbRaHiM.N

9-2-2007, 08:28 PM

اشكركم على الردود

تجيييك الأعذار اللي ما لها داعي والله إني تعباااااان ومكسّر <<< صح ولا لا

لوووووووووووووووووووولز
جبتيها على الصميم
مرات ماروح للدوانية علشان هذا السبب

يسلموو على مروركم :)

Uchiha_Sasuke

10-2-2007, 04:51 AM

أولا شكرا أخوي IbRaHiM.N على الموضوع ;) ..

وفي الحقيقة أنا أستغرب من عدم اهتمام البنات بالطبخ ..
مع أنه معروف .. أقرب طريق لقلب الرجال بطنه .. هذه القاعدة لا تخيب أبدا :D ..
وصراحة الرياجيل المفروض يتعلموا الطبخ .. لكن المفروض شيئ .. والواقع شيئ ثاني :D ..
وصــراحة أنا مــا عــندي نية أتعلـــم الطبخ ..
حتى إذا رحت ابتعاث .. رح أقول للوالدة تسويلي 200 حبة معمول .. وأعيش عليها :oo7dt: ..

shooshoo_san

10-2-2007, 05:14 AM

السلام عليكم ورحمة الله وبركاته

ماشاء الله صدق انه الرياييل ما يهمهم الا بطنهم .. تاكدت من كلام الحريم الحين :yes3:

انا بصراحه شخص بادر واصبح مجنون بالطبخ يوم من الايام .. اخذ الطرق من كل مكان

وبالنهايه بعد ان اطبخ لا احد ياكل الاكل ويذهب الى سله المهملات :hmmm3: ... لكن اخي لم يقصر معي فهو من شجعني وتركني اواصل الطبخ .. واكل بسبوستي الحجريه :biggrin9gp: .. لكني منذ زمن لم ادخل المطبخ بسبب ان امي احيانا تقول لي اذهبي ستفسدين الطعام وما غيره :( ... ولكنها مؤخرا اصبحت تشجع على دخولي لما يقدمونه اخواني لها من محاضرات :biggrin9gp: .. ولكن المشكله المشاغل فما عدت اطبخ مثل قبل حتى انني اشتقت لعمل ال sweet ... فالنساء ايضا لديهم مشاغلهم وليس الرجال فقط هم من ينشغلون ... لذلك من الاسباب المهم برايي التشجيع <<اهم سبب .. وملاقاه دعم من نساء اخريات لتعلم الفتيات كيفيه عمل هذه الاكله .. والاهم ان ياكلوا ما نفعله ولا يجعلونا نتعب ونطبخ وبالاخير الكل يهرب من تذوق الطعام الذي فعلته :hmmm3: ...

شكرا ع الموضوع ...

@QUEEN_MOON@

10-2-2007, 10:43 AM

السلام عليكم أخوي إبراهيم الموضوع وايد حلوووووووووووووو ورائع وجى بوقته

أولا أنا من النوع إلى يحب يطبخ يا حبي على الطبيخ بس في أشياء أحب أسويها وأشياء ما أحب أسويها > الكيك أكره كره العمي لأني ما أحب أكله هههههههههههههههههه باين كل مرة تحترق كيكة ههههههههههههههههههه

وبالفعل البنات اليوم همهن أولا دراستهن وبشرتهن وما يتنزلن أنهن يطبخن الأكل ما أعرف ليش يكرهن الطبخ ما انه مهنة وايد حلوة وممتعة في نفس الوقت أنا أكثر من زميلة لي يوم أقوللها أنا طبخت الأكلة الفلانية تقولي ويـــــــــــــــــــــــــــــــه أنا أكره شي أسمه طبخ ما أحب أجرح يدي يا حلات اليد بجرووووووووووووووووووووووووووووووووووووووووووووووو حها قتلها روووووووووحي لا الحين الأزواج أغلبهم يبوووووووووووووووووون زوجات يطبخن ويسون أكل مب نايمات وسهراناااااااااااااااااااااااااااااااااااات ليل نهاااااااااااااااااااااااااااااااااار وبصراحة أكثر من بنات معرسااااااااااااااااااااااااااااااااااااات أعرفهن طلقوووووووووووووووهن وسبب أنهن ما يعرفن يطبخن أكل لا والمشكلة ما يعرفن يطبخن بيض الحين البيض صعب علينا وفيه العديد من القصص في ذاكرتي بس ما أحب أطول عليكم

وأشكرك مرة ثانية أخوي إبراهيم على هذا الموضوع

وبالنسبة لي أنا قبل ما أنهي كلامي أنا أحب أطبخ ما عليه بسوي لكم برياني وبنزله في المنتدى وعاد كلوووووووووووووووووووووووووه ههههههههههههههههههههههههههههه وكبسة سعودية أذا تبون < مسوية الحبيبة مطبخ مسومسي ههههههههههههههههههههههههههههههه تجارة شطارة

وسلام ختام

خيتك كوين مون

IbRaHiM.N

10-2-2007, 01:05 PM

Uchiha_Sasuke

أولا شكرا أخوي IbRaHiM.N على الموضوع ;) ..

العفووا حياك الله :)

مع أنه معروف .. أقرب طريق لقلب الرجال بطنه .. هذه القاعدة لا تخيب أبدا :D ..

طبعا احب امي لهذا السبب
لووووووووووووووووووووووووووووووولز << اكسر :D

وصراحة الرياجيل المفروض يتعلموا الطبخ .. لكن المفروض شيئ .. والواقع شيئ ثاني :D ..
وصــراحة أنا مــا عــندي نية أتعلـــم الطبخ ..
حتى إذا رحت ابتعاث .. رح أقول للوالدة تسويلي 200 حبة معمول .. وأعيش عليها :oo7dt: ..

تصدق نفس الشي الي في بالي الرجال مو لازم يتعلم
انا اذا ابي اتزوج اول الشروط تعرف تطبخ وجميل المظهر مو تطلع وكيل ضابط :( << قاعد يشرط على الخطابة
لا انا اخليها كل يوم ترسل لي الاكل عاد احسب المكان الي مسافر فيه
يعني يمكن في بيت عمامي الي بعد شارعين وانت احسب المسافه

shooshoo_san

السلام عليكم ورحمة الله وبركاته

وعليكم السلام :)

ماشاء الله صدق انه الرياييل ما يهمهم الا بطنهم .. تاكدت من كلام الحريم الحين :yes3:
هذي الشغله معروفه من قديم الزمن :)

انا بصراحه شخص بادر واصبح مجنون بالطبخ يوم من الايام .. اخذ الطرق من كل مكان

لا تذكريني باختي الصغيره كل يوم مسويه اكل تقعد على قناة فتافيت وتطبق علي :(

وبالنهايه بعد ان اطبخ لا احد ياكل الاكل ويذهب الى سله المهملات :hmmm3:
صراحةً شي محبط مثل مااسوي شاي واخرتها يخلص القوري (الي فيه الشاي) :(

ولكن المشكله المشاغل فما عدت اطبخ مثل قبل حتى انني اشتقت لعمل ال sweet ... فالنساء ايضا لديهم مشاغلهم وليس الرجال فقط هم من ينشغلون .
لا تنسين ان من واجبات المرأة خدمة زوجها وهذا من التشاريع الاسلامية :)
ولازم تنظم وقتها بحيث تخدم زوجها وماتقصر باشغالها :)

شكرا ع الموضوع ...
العفووا :)

IbRaHiM.N

10-2-2007, 01:20 PM

السلام عليكم أخوي إبراهيم الموضوع وايد حلوووووووووووووو ورائع وجى بوقته

وعليكم السلام :) تشكرين خيتو كوين طبعا انا دوم اكون بوقتي << بدا الغرور

أولا أنا من النوع إلى يحب يطبخ يا حبي على الطبيخ بس في أشياء أحب أسويها وأشياء ما أحب أسويها > الكيك أكره كره العمي لأني ما أحب أكله هههههههههههههههههه باين كل مرة تحترق كيكة ههههههههههههههههههه

مشاء الله زين تعرفين تطبخين :)
على الكيك حتى انا ماحبه دوم يسوس سنوني وانا مره سويت كيكه على بوني فاهم حطيت ملح بدال السكر عاد شوفوا النتايج انتم جربوا وشوفوها بانفسكم لاني ماحب اخرب حلاوة الشي :cool21:

وبالفعل البنات اليوم همهن أولا دراستهن وبشرتهن وما يتنزلن أنهن يطبخن الأكل ما أعرف ليش يكرهن الطبخ ما انه مهنة وايد حلوة وممتعة في نفس الوقت أنا أكثر من زميلة لي يوم أقوللها أنا طبخت الأكلة الفلانية تقولي ويـــــــــــــــــــــــــــــــه أنا أكره شي أسمه طبخ ما أحب أجرح يدي يا حلات اليد بجرووووووووووووووووووووووووووووووووووووووووووووووو حها قتلها روووووووووحي لا الحين الأزواج أغلبهم يبوووووووووووووووووون زوجات يطبخن ويسون أكل مب نايمات وسهراناااااااااااااااااااااااااااااااااااات ليل نهاااااااااااااااااااااااااااااااااار وبصراحة أكثر من بنات معرسااااااااااااااااااااااااااااااااااااات أعرفهن طلقوووووووووووووووهن وسبب أنهن ما يعرفن يطبخن أكل لا والمشكلة ما يعرفن يطبخن بيض الحين البيض صعب علينا وفيه العديد من القصص في ذاكرتي بس ما أحب أطول عليكم

ياليت الموضوع موضوع دراسة بس جذي على بالها تطلع حلوه
وععع صراحة اذا زوجتك ماتطبخ ردها لبيتهم واختار وحده جديده
لوووووووووووول << شنو الموضوع بيع وشراء
صراحة الاكل لما يطلع من الزوجة يكون حلوه مثل اكل الام
يمتزج بعاطفتها وحبها لعيالها وزوجها << سارقها من برنامج :)
ومثل ماقلتي الحين الكل يبي زوجته تعرف تطبخ
وصار من الشروط الاساسية الا من رحم ربي والي مايهتمون بهذي الاشياء لانه من أساسية الزوجه عندي انها تعرف تطبخ :)

وبالنسبة لي أنا قبل ما أنهي كلامي أنا أحب أطبخ ما عليه بسوي لكم برياني وبنزله في المنتدى وعاد كلوووووووووووووووووووووووووه ههههههههههههههههههههههههههههه وكبسة سعودية أذا تبون < مسوية الحبيبة مطبخ مسومسي ههههههههههههههههههههههههههههههه تجارة شطارة

اووكي بالانتظار مو بعدين تقولين ماتعرفين تطبخين
يالله يوم الاربعاء اكون راد من المدرسة تعبان ان شاء الله
والقى البرياني موجود :)
يسلموو خيتو كوين على المرور :)

MAISONA

10-2-2007, 03:54 PM

السلام عليكم ورحمة الله وبركاته

ليش جذي على البنات مو كلهم ما يعرفون الطبخ في الكثير منهن ماهرات بالطبخ ....

أنا عن نفسي أسوي حلويات أنواع وأشكال ^^ ......أما الطبخ مثل برياني وغيره أمي مكفية وموفية ..

أما إذا طلبوا مني أن أطبخ لهم أقوم بالطبخ ولكن الأشياء البسيطة فقط وعندما تكون أمي وأختي خاارج البيت في تلك اللحظة ....... المطعم هههههههههههه ^^^^^^

وإذا سويت الطبخة لازم فيها ملح زااااااايد >>>>>>>>هذا الللي أحبه الملح ههههههههههه

أنا أعرف أسوي بيض وشاي ونسكافيه وكبتشينو والأشياء اللي مثل جذي سهلة وااايد وأنا ماهرة بالشغلات هذي^^ ^^^

مشكوور أخوي ابراهيم على الموضوع ......

Yuna_4ever

10-2-2007, 04:47 PM

من كان عمري 12 سنة كنت أحب الطبخ و أبغى أتعلم كل شيء لكن أمي كانت تطلعني من المطبخ وتقول لا تعفسين المطبخ.
من جد أنا ماأعرف أسوي شاي :) بس السبب إني ما ودي أتعلم لأني ما أحبه أبــــــداً :angry3:
و إذا تزوجت واحد يحب الشاي راح أقول له لالالا الشاي يكسر الحديد في الدم اشرب آيس تي أحسن لك :) <<< الحال من بعضه
و المفروض الرجال يتعلمون كيف يطبخون رز, سمك, كبسة, بيض, بطاطس للضرورة لو تخاصم مع زوجته على سبيل المثال <<< خصوصاً العزاب المتشرطين الفاضيين..........بصراحة مالهم حق يطلبون على أخواتهم :no6xn: إتعب على نفسك يأخي.
أنا عن نفسي أعرف أطبخ حتى المندي والكبسة والمشوي وطبخات أخري بالربيان والبروستيد, بس مالي خلق.
لو الوحدة تحصل لها واحد ياكل و يتسدح على وراء ويقول: لذيييييييييييييييييييييييــذ
أكيد راح تطبخ أشهى المأكولات وبأحسن صورة.

IbRaHiM.N

10-2-2007, 08:39 PM

اهلا ميسونه

أنا عن نفسي أسوي حلويات أنواع وأشكال ^^ ......أما الطبخ مثل برياني وغيره أمي مكفية وموفية ..

طبعا مانحب هذي الاشياء اذا ماتصدع الوجبة ورى الشبع مامنها فايده :(

وإذا سويت الطبخة لازم فيها ملح زااااااايد >>>>>>>>هذا الللي أحبه الملح ههههههههههه

اكيد سببتي الضغط للكل :( انا الحمدلله اذا مافي ملح يحطون سكر شغلهم مايتوقف :(

أنا أعرف أسوي بيض وشاي ونسكافيه وكبتشينو والأشياء اللي مثل جذي سهلة وااايد وأنا ماهرة بالشغلات هذي^^ ^^^

مشكوور أخوي ابراهيم على الموضوع ......
حتى انا مو بس انتي :)
العفوووا :)

اهلا يونا

و إذا تزوجت واحد يحب الشاي راح أقول له لالالا الشاي يكسر الحديد في الدم اشرب آيس تي أحسن لك :) <<< الحال من بعضه

خوش اقتراح تصدقين خليني اجربه على ابوي :)

و المفروض الرجال يتعلمون كيف يطبخون رز, سمك, كبسة, بيض, بطاطس للضرورة لو تخاصم مع زوجته على سبيل المثال <<< خصوصاً العزاب المتشرطين الفاضيين..........بصراحة مالهم حق يطلبون على أخواتهم :no6xn: إتعب على نفسك يأخي.

لأننا عزاب مساكين نكسر الخاطر :(
بس انا اعرف اسوي بس العجز مشكلة :(
يسلموو على المرور ميسونه ويونا

kaka show time

11-2-2007, 10:55 AM

موضووووووووووووع مهم يا إبراهيم

الطبخ و البنات

البنت قولها سوي أي شئ إلا الطبخ رايح يكون هو العدو اللدود لها

يعني يمكن تجرح نفسها بالسكين أو تنحرق يدها بس مصيرهم يتعلمون الطبخ

و شكراااااااااااااا

cool-girl

11-2-2007, 02:27 PM

احم احم الحمد لله انا وحدة اعرف اطبخ مب الطبيخ اللي تقول عنه طبيخ بس ع الاقل اطبخ والوالدة ما قصرت في دورها ادته في اكمل وجه

ومشكور ع الموضوع الغاوي

Blue Pearl

11-2-2007, 03:30 PM

اولا تسلم اخوي ع الموضوع ...

واقولك الصراحة مب كل البنات نفس الشي ..في بنات يعرفون الطبخ .. ويتقنونه بعد

بس لا تظلم كل البنات .. هو صح انه في بعضهم دلوعات وفي بعضهم لأ يكون عندهم ظروف ..

ع العموووم الحرمة ما بتعرف قيمة الطبخ لين ما تتزوج وبتحس في المشكلة اللي هي فيها بعدين ..

IbRaHiM.N

11-2-2007, 07:31 PM

السلام عليكم

بس لا تظلم كل البنات

انا قلت الاغلبية :)

ع العموووم الحرمة ما بتعرف قيمة الطبخ لين ما تتزوج وبتحس في المشكلة اللي هي فيها بعدين ..
اذا ماعرفت الرجال يظل ميت من الجوع؟؟؟

شاكر لكم مروركم :)

PASTEL*

11-2-2007, 09:12 PM

حـــرام عليك أخوي إبراهيم

بالعكس آنا أعرف وايد بنات يحبون الطبخ

و آنا غرامي الطبخ أحب أتكتك و أفنتك و أخترع أكلات غريبة ولذيذة .. والحمدالله ^^

والله يرزقك يارب ربة منزل بنعم الكلمة واهم شي انها تعرف تضبط لك البريان عدددل واحلى من ما

انت تتخيلة يارب آمــين ^^

موقف دوما وابدا يا اخي :)

وسلامي مع احترامي المتواضع :
أختك سنجوبة :>

بسـ ألم ـمة

28-2-2007, 07:54 PM

مشكوووووووووور ع الموضوع ،،
بس أنا مب دايماً أعتمد ع الخدم ..
يعني مثلاً أحيان أسوي الشي بروحي
بس إذا كان عندي شغل ثاني أخليهم يسوونه لي ..

Ranoo2050

3-3-2007, 12:23 AM

انا كنت دايما استغرب انه امي تحتار ايش تطبخ !!:oo7dt:

بس مرضت امي اسبوع كامل ...طبعا الطبخ اجا على راسي (انا الكبيرة) ...:yes3:

و قعدت اتفنن في الطبخ ( يوم بروستد - ويوم صينية دجاج بالفرن - و يوم .......الخ)

بس اكتشفت انه امي كان معها حق .. و الله اولاد اليوم (اقصد البنات و الاولاد ) ..

مايعجبهم شي من الاكل ..:angry3: يعني الواحد يتعب و يطبخ و آخر شي (ماااااا أحبه) ..:angry3:

بس الاب و الام هم اللي يشجعون .. الله يخليهم ..

بصراحة الطبخ مسلي جداااا .. واحيانا اذا زهقت اقوم اسوي حلى ..:cool21:

و مشكور اخي على المووضوع ..

احترامي ..

IbRaHiM.N

4-3-2007, 01:33 AM

انا كنت دايما استغرب انه امي تحتار ايش تطبخ !!:oo7dt:

بس مرضت امي اسبوع كامل ...طبعا الطبخ اجا على راسي (انا الكبيرة) ...:yes3:

و قعدت اتفنن في الطبخ ( يوم بروستد - ويوم صينية دجاج بالفرن - و يوم .......الخ)

بس اكتشفت انه امي كان معها حق .. و الله اولاد اليوم (اقصد البنات و الاولاد ) ..

مايعجبهم شي من الاكل ..:angry3: يعني الواحد يتعب و يطبخ و آخر شي (ماااااا أحبه) ..:angry3:

بس الاب و الام هم اللي يشجعون .. الله يخليهم ..

بصراحة الطبخ مسلي جداااا .. واحيانا اذا زهقت اقوم اسوي حلى ..:cool21:

و مشكور اخي على المووضوع ..

احترامي ..

ماتشوف شر الوالده أن شاء الله تقوم بالسلامة ^^
وطبعا كلامج صحيح مرات أكل البيت مايعجبهم ^^
وانا منهم يسون أكلات ماحبها فماكو مفر ألا اروح لعيال عمي اعزم نفسي على العشا عندهم ^^
او أطلب من المطعم ^^
يسلموو على مروركم جميعًا ^^

Lady_Oscar

4-3-2007, 06:05 AM

احم احم ......... شفت كلمة بنات قلت لازم ادخل ^^

انت طرحت موضوع مهم جــــــــــــــــدا

مع التطور الكبير والانفتاح ......... صار اغلب البيوت تعتمد على الخادمات ..

وما ادراك ما الخادمات ومشاكلها ............

وانا اعتقد انه له علاقة بالأهل ... فبعض الاسر تكون غنية وتعتمد على الطباخات .. وتقول لا بنتى انا ما تطبخ ..... بعدين شف كيف تتصرف في بيت زوجها .. ما تعرف شئ

وانا ولله الحمد اعرف اطبخ .. بس ما صل لدجة الفنون ...>> رغم انى اكره شئ اسمه مطبخ >_<
حتى انى اذكر في الجامعه .. اذا سالفوا البنات عن المطبخ .. اقول غيروا السالفه ^^

وسؤال لماذا الرجل لا يطبخ كله يرد من الشغل ويقول يووووووووووه وين الغدا

فيه بعض الرجال ما عندهم احساس ابدا ...

قد تكون الزوجه مريضه .. فيقوم ويحط من الحبه قبه >> شكلى لخبطت في المثل ^^

وهذا ذكرنى بسالفه احد زميلاتى ...........

دائما اذا اتصلت عليها عصر - مغرب - عشاء ... عندنا رجال ابروح ازين قهوة وشاهى وعشاء
ودائما على هذه الحالة .. يعنى البيت يعتمد عليها .. رغم انه فيه اخوات ثانيه لها ..

وتذكرت سالفه طريفه .. لابنتى عمى تزوجت ..

في بداية الزواج طلعات .. مطاعم ...... هي ملت

قالت شف يا محمد >>> انت ما قصرت بس ابغى شئ واحد جب لى خبر وجبن .. انا متعوده على كذا

هو رد .. بس غاليه والطلب رخيص