قصتي مع الــSTC هوشه اجمل ^^
ღ
ღ
\|/
(¯`*•.¸,¤°´'`°¤,¸.•*´¯)
¸,¤°´'`°•.¸O¸.•°´'`°¤,*
|¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯|
مدري كيف أبدا الموضوع بس إن شاء الله يعجبكم
وهذي قصه حقيقية حصلت لي اليوم وأنا طالع من الجامعه ^^
طبعا الكل عارف قصة ان شركة الاتصالات السعودية قامت بتنفيذ العرض التالي خلال الشهر الماضي
http://www.stc.com.sa/cws/content/ar...ages/freee.jpg
وحين انتهى الشهر قامت بعمل العرض التالي
وهو شهر كامل من الرسائل المجانية - رسائل نصية قصيرة ، رسائل وسائط ، رسائل صوتية -
خلاصة الموضوع كالتالي :
كنت في الجامعه وكالعاده اول ما توصلني اي رساله ارسلها لكل الي عندي << حتى الي ارسلها اهم شي يخسرون ههههههههههههههههه
المهم
قلت خلني اتأكد من الموضوع لا يصيرون يلعبون علينا كعادتهم
المهم
ارسلت لهم رساله وأتاني الرد
عزيزي العميل : عزووز ، فاتورتك بملغ ***
عدد الرسائل المرسله : 670 رساله icon114
طبعا الرسائل مجانيه وهالعدد مجرد 5 ايام من بدء العرض ^^
المهم الكلام الي فوق حصل امس
جيت اليوم اتصلت ارسلت لهم قالو ان فاتورتك ***
عاد انا استغربت No comment
لأنها زايده 50 ريال
وانا ما اكلم بس رسايل << صاير شغاله XDD
المهم اتصلت على الاس تي سي
وبدأت الإسطوانه الاليه ترد
اذا تبي مدري مين اضغط كذا واذا تبي مدري ايش اضغط
ضغط الازرار المطلوبه
وجت الرساله الغبيه :
" عزيزي العميل ، لوجود عملاء جاري خدمتهم قد يستغرق الرد على مكالمتك ،، 5 دقائق "
التحفه بالموضوع اذا كل واحد يتصل يكون فيه عميل بالخدمه ودي اشوف مين هذا العميل الي بالخدمه ما عمري اتصلت الا ورنوني XDD
المهم قلت خلني انتظر
طيط طيط
طيط طيط
طيط طيط
بعد سبع دقايق
طيط طيط
واشتغل الرد بالانجليزي << على اساس ما نعرف
اسمعه يقول اضغط مدري ايش ومدري ايش
ضغط الارقام
قفل الخط بوجهي ><
اتصلت مره ثانيه
ونفس الشي انتظر 5 دقايق
انتظرنا 8 دقايق وقفل بوجهي الخط
عاد ان انقهرت
اتصلت للمره الثالثه
ونفس الاسلفه بس هالمره انتظر 6 دقايق
انتظرنا
طيط طيط
طيط طيط
طيط طيط
السلام عليكم فلان الفلاني اس تي سي كيف اقدر اخدمك ؟
عاد انا موصله حدي ومعصب على الاخر Icon30
بالوجه على طول :
ياخي ما صارت الحين انا امس فاتورتي ***
واليوم زادت 50 ريال ممكن اعرف من ايش زادت ؟؟؟
ياأخوي الكريم بديهي تزيد لأنك اكيد كلمت
قلتله اول شي انا عارف وش الي سويت اكثر منكم وعارف اني ما كلمت الا مره مرتين وما طولت وبالكثير الكثير 3 ريال كيف صارت 50 ؟؟؟
قالي صراحه ما ادري لأن النظام ما يطلع تفاصيل الفواتير للموظفين بإعتبارها سريه
قلته مو مشكلتي سريه ولا مو سريه
من حقي كعميل عندكم تعطوني تفسير واضح عن ال50 ريال الي سرقتوها مني
قال انت عندك حل وهو تدخل على موقع خدماتي وتشوف التفاصيل
قلتله وكيف ادخل الموقع اتصل عليه بالجوال يعني ؟؟؟؟؟ << المح لقنبله بتنفجر
الموظف شكله ضحك اني ما اعرف عن النت
قال ادخل بالنت ما عندك نت بالبيت ؟؟
قلتله الا عندي نت
قالي ما تعرف تستخدمه ؟؟
قلتله الا الحمد لله اعرف استخدمه احسن منك بعد
قالي خلاص ليش ما تدخل الموقع وتشوف التفاصيل ؟؟
قلتله :
لأن الله ابتلاني وقدّر علي اني اشترك بآفاق دي اس ال شامل تبعكم وانا كل يوم والثاني يعلق علي واتصل عليكم وتعيدون الاسطوانه كل مره - طف المودم وشغله بعد 10 دقايق واذا ما اشتغل اتصل علينا واذا اتصلت مره ثانيه ابنتظر نص ساعه تردون -
انا وش ذنبي اذا الله بلاني فيكم ؟؟؟ خلنا نرجع لموضوعنا الرئيسي ما قلتلي كيف اعرف ال50 وين راحت ؟؟؟
قال ادخل الموقع وشف
قلتله وكيف ادخل ؟؟ قلتلك ما يمدي مع نتكم الغبي
قالي ترا المكالمة مسّجله
قلتله طقاق انا ادري انها مسجله احسن شي علشان المدير يسمع المشكله مو تشلخون عليه تقول الوضع تمام
قال طيب حنّأ عندنا شفافيه مع المدير والمسؤلين << لاحظ يغير الموضوع
قلتله مره شفافيه اجل ليش اتصل المره الاولى وتغيرون اللغه ؟؟ اما ان متعمدين او السستم حقكم غبي ولازم تغيرونه
ومره ثانيه تقولون انتظر 5 دقايق وانتظر 7 دقايق وتقفلون
ياخي قولو من البدايه " عزيزي العميل لن نرد عليك " وانتهى الموضوع الحين انا لي فوق الربع ساعه علشان يمسك الخط وربع ساعه ثانيه اتكلم معك بدون ما تفيدني ولا شي هذي تسميها شركه ؟
قال نعتذ بس فيه زحمه اتصالات
قلتله مو مشكلتي وضفو ناس زياده
الزبده بنهاية الموضوع قالي ادخل النت من الجوال طيب اذا الدي اس ال خربان
قلتله ايه علشان تاخذون مبلغ وقدره تقولون استخدام نت
قال لا بس دخول موقعنا بلاش
قلتله طيب مو مشكله بس جوالي ما يدعم النت وش اسوي ؟؟
قالي بس باين هنا ان عندك استخدام نت
قلتله اماها معلومات سريه ؟؟؟؟
قالي لا بس يطلع وش الاشياء الي استخدمتها
- الزبده تعبت كتابه >< -
قلتله مو ذنبي مو مشكلتي نهايه الشهر يجيني فاتويه 10000 ريال من الرسايل
قال لا اذا جت الفاتوره فيها ريال واحد زياده من الرسايل نرجعه لك بس لازم تعترض خلال مده العرض
قلتله الفاتوره بتجي بعد ما ينتهي العرض يعني ما راح استفيد من الاعتراض
قال لا فاتورتك انت بتنزل بعد 11 يوم
قلتله ومتى توصل بالبريد ؟؟ قال 10 ايام
قلتله اجل خلاص معناته العرض انتهى
وبعدين مو ا نت الي يحكمني متى اروح البريد اجيبها
- الرجال بدت اخلاقه تقفل -
قال طيب فيه شي ثاني تبيه ؟؟؟
قلتله ايه ابي اعرف وين راحت ال50 وتراك الى الحين ما فتني بأي شي
قال معليش فيه خدمه ثانيه ؟؟؟
قلتله لا بس ترى الشي الاصلي ما عطيتني اياه
وقال روح على التقييم
يعني بالعقل يبيلها شي ؟؟؟ اكيد التقييم 3 وانا مغمض << اسوء تقييم ^^
وتوته توته انتهت الحتوته
بس باقي الشكر والردود الحلوة ^^
* اعتذر عن الموضوع النصف منسق لأني تعبت XDDDDDDDD
|_________________________________________________________|
¸,¤°´'`°•.¸O¸.•°´'`°¤,*
(¯`*•.¸,¤°´'`°¤,¸.•*´¯)
\|/
ღ
ღ
ღ
رد: قصتي مع الــSTC هوشه اجمل ^^
و عليكم السلام و رحمة الله و بركاته ....
الصراحة ضاق صدري من القصة ...
لو يحسبون الرسائل خلال الثلاث أيام الماضية كان طلعت فاتورتي 100 ريال زيادة >>> مجنون رسائل , طلع الجوال زي الماسنجر ^^ ...
الله يأخذهم و يهلكهم كان حسبوا ريال واحد زيادة ...
اقتباس:
طف المودم وشغله بعد 10 دقايق واذا ما اشتغل اتصل علينا واذا اتصلت مره ثانيه ابنتظر نص ساعه تردون
أحسب هـ الشئ بس عندي , شكل هـ الطريقة معروفة عند كل موظف , يا شينهم بعد لـ قالوا كذا , أنا أقوله ما أسكر السماعة حتى تسوي لي بلاغ , علشان الفني يجئ ...
ما شاء الله عليك حشرتها معاه , هذا اللي يعرف لهم ...
وش رأيك نسوي حمله و نـحول إلى موبايلي ^^ ...
بـ التوفيق ...
رد: قصتي مع الــSTC هوشه اجمل ^^
لوووووول من جد انا كتبت كل هذي السالفه ؟؟؟ << مو مصدق كان كاتبها وعيونه ملصقه من النوم
اقتباس:
لو يحسبون الرسائل خلال الثلاث أيام الماضية كان طلعت فاتورتي 100 ريال زيادة >>> مجنون رسائل , طلع الجوال زي الماسنجر ^^ ...
هع هع هع
انا الرسايل الحاليه << ارسلها بس 830 هههههههههههههههه
والي وصلني 500
بس اطلق حركه لعبة الحروف ههههههههههههههه
انا ارسل أ وخويي يرد يقول ب وانا اكمل ت واالي يغلط يخسر هههههههههههه
اقتباس:
أحسب هـ الشئ بس عندي , شكل هـ الطريقة معروفة عند كل موظف , يا شينهم بعد لـ قالوا كذا , أنا أقوله ما أسكر السماعة حتى تسوي لي بلاغ , علشان الفني يجئ ...
هههههههههههه
انا اول ما يقول طــــ اقوله اعرف طفيته ويوم ما اشتغل دقيت ههههههههه
بس امس كانت واصله معي انه قفل بوجهي 3 مرات ><
رد: قصتي مع الــSTC هوشه اجمل ^^
اهلاين بي عزوز الغالي اسمع سوي مثلي اذا تبي تسوي شي رح يمهم xDDD
موضوعك مميز تايماً
رد: قصتي مع الــSTC هوشه اجمل ^^
أهلاً عزوز
أعذرني بس ردودك قمة في السوء
ما ذنب الموظف ؟
وعلى فكرة الرد على مستخدمين الجوال
غير
وعلى الهاتف غير
و من الرقم تعرف
دولا 902
والتانيين
907
يعني هدولا مالهم دخل
هدا مجرد موظف يبغا يسترزق
وما يقدر يرد عليك لأنها تنخصم منه
ما تخاف يدعي عليك ؟
لأنه هو مجرد موظف يسوي الي عليه
بالله لو إنت مكانه شو تسوي ؟
+
إنت طولت في المكالمة
و خليت واحد ينتظر بدل ال 5 دقايق
13 دقيقة
لأنه أغلبية الناس يطولوا في المكالمة
الرد الألي تقريباً يحسب دقيقة لكل عميل
+
المفروض تكون عندك خلفية للغة الإنجليزية
و أعتذر على الإطالة
رد: قصتي مع الــSTC هوشه اجمل ^^
الحمد لله انا ما بتعامل مع هذه الشركة:)
الله يعينك على هيك شركة .. )
في امان الله ورعايته
رد: قصتي مع الــSTC هوشه اجمل ^^
اقتباس:
اهلاين بي عزوز الغالي اسمع سوي مثلي اذا تبي تسوي شي رح يمهم xDDD
موضوعك مميز تايماً
للأسف الجوال مو باسمي ^^
------------
اقتباس:
أهلاً عزوز
أعذرني بس ردودك قمة في السوء
معذور حتى انا بعد الوم نفسي اني رديت كذا
لكن اذا طفح الكيل وش نسوي ؟؟
ماله ذنب مسكين
المشكله بالمسؤل عليه
ولاتنسى اني ما اقدر اوصل للمدير فمالي حل الا اني اقول الي ابقوله للمدير وسعادته يسمع الكلام مسجل بعدين ^^
اقتباس:
وعلى فكرة الرد على مستخدمين الجوال
غير
وعلى الهاتف غير
نفس الشركه اخوي والتفريعات حطوها علشان التنظيم لا اكثر ولا اقل وانا ما اتصلت علشان اقول النت خربان انا اتصلت علشان الجوال وهو الي فتح سيره النت ^^
اقتباس:
وما يقدر يرد عليك لأنها تنخصم منه
ما تخاف يدعي عليك ؟
لأنه هو مجرد موظف يسوي الي عليه
بالله لو إنت مكانه شو تسوي ؟
أخوي الله يجزاه خير على صبره
وانا هنا ما تكلمت عن موظف لكن تكلمت عن شركه واتوقع فرق كبير بين الاثنين
فهدفي من الموضوع والكلام مو اني امشكل الموظف او اطيحه في مشكله
الهدف ان الشركه اذا تبي عملاء لها ما تعاملهم بهذا الاسلوب والموظف اعتقد انه يمثل الشركة
اقتباس:
إنت طولت في المكالمة
و خليت واحد ينتظر بدل ال 5 دقايق
13 دقيقة
الرد الألي تقريباً يحسب دقيقة لكل عميل
أنا ؟؟؟؟؟؟؟؟
الي طولها هو ما عطاني ولا شي مفيد ، لو عطاني اي شي مفيد خلاص مع السلامه
اقتباس:
لأنه أغلبية الناس يطولوا في المكالمة
الي يطول هم ولو تتصل عليهم وتبي شغله يقول انتظر دقيقه وما يرد الا بعد دقيقتين ويقول ثواني اخوي
اقتباس:
المفروض تكون عندك خلفية للغة الإنجليزية
معليش اخوي انا عندي المام باللغة الانجليزية بس ممكن اسألك سؤال ؟؟؟؟؟؟
لو رد عليك الرد الآلي وقالك
2 For services press
ولما تضغط 2 يقفل الخط وش شعورك ؟؟؟؟؟؟
هذا الي حصل
وبعدين ابي اعرف شلون تغيرت اللغه بوسط المكالمة ؟؟؟
اقتباس:
و أعتذر على الإطالة
لا عادي خذ راحتك ^^
رد: قصتي مع الــSTC هوشه اجمل ^^
اقتباس:
ماله ذنب مسكين
المشكله بالمسؤل عليه
ولاتنسى اني ما اقدر اوصل للمدير فمالي حل الا اني اقول الي ابقوله للمدير وسعادته يسمع الكلام مسجل بعدين ^^
المدير ما راح يرد عليك حتى لو سويت زي كده
و راح تشوف بنفسك
اقتباس:
أخوي الله يجزاه خير على صبره
وانا هنا ما تكلمت عن موظف لكن تكلمت عن شركه واتوقع فرق كبير بين الاثنين
فهدفي من الموضوع والكلام مو اني امشكل الموظف او اطيحه في مشكله
الهدف ان الشركه اذا تبي عملاء لها ما تعاملهم بهذا الاسلوب والموظف اعتقد انه يمثل الشركة
أنا مو قصدي على كلامك
انا قصدي على طريقة كلامك مع الموظف جداً سيئة
اقتباس:
أنا ؟؟؟؟؟؟؟؟
الي طولها هو ما عطاني ولا شي مفيد ، لو عطاني اي شي مفيد خلاص مع السلامه
طيب عندي حل
ليش ما تروح فرع STC ?
معليش اخوي انا عندي المام باللغة الانجليزية بس ممكن اسألك سؤال ؟؟؟؟؟؟
لو رد عليك الرد الآلي وقالك
2 For services press
ولما تضغط 2 يقفل الخط وش شعورك ؟؟؟؟؟؟
هذا الي حصل
وبعدين ابي اعرف شلون تغيرت اللغه بوسط المكالمة ؟؟؟
بيني وبينك
انا عندي شريحة سوا و شريحتين موبايلي وحدة شحن وحدة فاتورة
وشوف
تبغا تغطية للشبكة
أفضل شي STC
تبغى خدمة عملاء روح موبايلي
لكن لما تروح أي فرع أحسلك
رد: قصتي مع الــSTC هوشه اجمل ^^
اقتباس:
الحمد لله انا ما بتعامل مع هذه الشركة:)
الله يعينك على هيك شركة .. )
في امان الله ورعايته
أنت في نعمة XDDDD
اقتباس:
المدير ما راح يرد عليك حتى لو سويت زي كده
و راح تشوف بنفسك
صحيح لأن البطة تمشي وتسبح وتطير بعد فعلشان كذا الدجاج ما يسبح ويطير
اقتباس:
أنا مو قصدي على كلامك
اه صحيح لأني توقعت ان حتى التمساح يطير بس الحمد لله مو صدق
اقتباس:
انا قصدي على طريقة كلامك مع الموظف جداً سيئة
وصلنا لمربط الفرس
اسأل وجاوبني بصراحه ممكن ^^ ؟؟
وش شعورك يوم قريت التعليقات على ردك (( الثلاث تعليقات في الاعلى ))
ما حسيت ان السؤال في جهه والرد في جهه ؟؟
ما راح تحس انك منقهر لأن الموظف يعتبرك " غبي " قدامه ويستهبل يسوي انه ذكي ويعطيك تصريفات غبيه؟؟
عندها بتنقهر وهذا الي حصل ^^
اقتباس:
طيب عندي حل
ليش ما تروح فرع STC ?
الشريحة مو بأسمي ><
اقتباس:
انا عندي شريحة سوا و شريحتين موبايلي وحدة شحن وحدة فاتورة
ما شاء الله ^^
طبعا انا مافيه امل اطلع من الاس تي سي
بس على الاقل يعني احترمونا شوي
ترا تردون علينا بسرعه احسن من شهر بلاش ^_~
رد: قصتي مع الــSTC هوشه اجمل ^^
وصلنا لمربط الفرس
اسأل وجاوبني بصراحه ممكن ^^ ؟؟
وش شعورك يوم قريت التعليقات على ردك (( الثلاث تعليقات في الاعلى ))
ما حسيت ان السؤال في جهه والرد في جهه ؟؟
لا والله قلت شكله هدا يبغا يفلها ههههههه
ما راح تحس انك منقهر لأن الموظف يعتبرك " غبي " قدامه ويستهبل يسوي انه ذكي ويعطيك تصريفات غبيه؟؟
عندها بتنقهر وهذا الي حصل ^^
الشريحة مو بأسمي ><
بإسم مين ؟
طبعا انا مافيه امل اطلع من الاس تي سي
بس على الاقل يعني احترمونا شوي
ترا تردون علينا بسرعه احسن من شهر بلاش ^_~
على فكرة مرة رحت مع واحد من معارفي
يشتغل في الرد اللآلي في موبايلي
صراحة والله مساكين
أتصل واحد يقول
ياخي قبل شوي مشيت بالسيارة
مافي شبكة
رجعت على ورا جات الشبكة
اقدم ما في شبكة
> وقتها كنت أنا الي أرد
قلتله طيب لا تقدم خليك ورا
قال يعني ما يصلح أقدم
قلتله للأسف خطر
يقطع الشبكة و تنفصل الشريحة
قال اها جزاك الله ألف خير
و بعدها أخدت تلطيش من هدا الي أعرفه هع
يعني أحياناً تجيهم مكالمات عجيبة
الي قدامك مسوي فاهم و هو موفاهم
رد: قصتي مع الــSTC هوشه اجمل ^^
بابا الحبيب ^^ بس صعبه اوديييييييييييه علشان 50 XDDDDDDDDDD
اقتباس:
على فكرة مرة رحت مع واحد من معارفي
يشتغل في الرد اللآلي في موبايلي
صراحة والله مساكين
معاك حق اخوي بعض الاتصالات تكون غبيه
لكن كذلك بعض الردود أغبى
مثلا اقوله انت معلق له يومين يقولي هذا واحد مخترق شبكتكم المنزليه << مسوي فاهم XDDD
رد: قصتي مع الــSTC هوشه اجمل ^^
بابا الحبيب ^^ بس صعبه اوديييييييييييه علشان 50 XDDDDDDDDDD
ما يحتاج توديه
خد صورة من بطاقة الأحوال وروح هع
معاك حق اخوي بعض الاتصالات تكون غبيه
لكن كذلك بعض الردود أغبى
مثلا اقوله انت معلق له يومين يقولي هذا واحد مخترق شبكتكم المنزليه << مسوي فاهم XD
ههههههههه
حلوة دي
طيب بالله لو إنت ترد كل يوم على حوالي 100 متصل
من حقك تصرف البعض هههههههههه
على فكرة
لما يرد عليك
ركز لما يقول الإسم
والله مرة أتصلت على الجوال < لما كان إسمها كده هع
رد عليا واحد قال عادل إمام من الجوال السلام عليكم
قلتله وعليكم السلام معاك سعيد صالح XD
رد: قصتي مع الــSTC هوشه اجمل ^^
اقتباس:
رد عليا واحد قال عادل إمام من الجوال السلام عليكم
قلتله وعليكم السلام معاك سعيد صالح XD
XDDDDDDDDDDDDDDDDDDDDDDDDDDDDDD
أصلا ما في امل تلقط الاسماء يقولونها بسرررررررعه XDDDDD
رد: قصتي مع الــSTC هوشه اجمل ^^
اقتباس:
المشاركة الأصلية كتبت بواسطة عزووز
XDDDDDDDDDDDDDDDDDDDDDDDDDDDDDD
أصلا ما في امل تلقط الاسماء يقولونها بسرررررررعه XDDDDD
عشان إذا صارت مصيبة ما تعرف مين هههههه
رد: قصتي مع الــSTC هوشه اجمل ^^
الحمدُلله تبع موبايلي حبيبة الشعب و الشعوب ..
أعانكُمُ الله , مشاكلُهم لا تنتهي أبداً ..!
لكنْ لي مُلاحظة على حديثكَ معه ..
أُسلوبك عصبي للغاية , تحكم بأعصابِكَ في الحديثِ مع الموظفينَ خاصة , ففي النهاية صُراخُك , هُدؤكَ لا يُفيدُ شيئاً , فقط يُبحُ صوتُك و يذهبْ هباءً ..!
و رغمَ هذا أعتبرُ تلكَ الشركة شركةُ العروض رغمَ مساوئها فتلكَ العُروضُ لا أراها في موبايلي إلا فيما ندر وفوقَ هذا الرسالة النصية الدولية لدينا بخمسينَ هللة بعكسِ STC , فكما لديها مساويء حاول دوماً تذكُر محاسِنها و حوقِل و حسبِل عليهم بدلاً من سبِهم و اعطائهم من حسناتِك ^^
دُم موفقاً بإذنِ الله
فيـ أمانِ الله
رد: قصتي مع الــSTC هوشه اجمل ^^
رد: قصتي مع الــSTC هوشه اجمل ^^
خدمه الاتصالات جدا سيئه والله زين سويت ما يمشون الا بالعين الحمرا >_<
الموضوع جميل تسلم اخوي على الموضوع ومن قال لك ان موضوعك مو منسق بالعكس <<تنسيق موضوعك ارحم من مواضيعي <<قلت تنسيق لا تفكر المواضيع لان مافيها كلام مواضيعي احلاXDD
رد: قصتي مع الــSTC هوشه اجمل ^^
وعليكم السلام ورحمه الله وبركاته
فعلا خدمه سيئه جدااا...
اقتباس:
طف المودم وشغله بعد 10 دقايق واذا ما اشتغل اتصل علينا واذا اتصلت مره ثانيه ابنتظر نص ساعه تردون
تمارين كل شوي طف المودم واتصل!! الله يعييييييينكم..
الافضل موبايلي.. الحين برودباند موبايلي رووعه ولامره علق علي ومره خدومين واحلى شي في فرع نسائي اروح واسال ع كيف كيفي من الموظفه ومافي زحمه يعني وحده او ثنتين بس ...
كان الله في عونك ع الانتظار تصيب الواحد بشده اعصاب ...
بانتظار جديدك لكن بدون هواش ^^..
ويعطيك العافيه...
عزوز.,
رد: قصتي مع الــSTC هوشه اجمل ^^
اقتباس:
أُسلوبك عصبي للغاية , تحكم بأعصابِكَ في الحديثِ مع الموظفينَ خاصة , ففي النهاية صُراخُك , هُدؤكَ لا يُفيدُ شيئاً , فقط يُبحُ صوتُك و يذهبْ هباءً ..!
هع هع
وللمره الاولى في حياتي انفجر عليهم ^^
اكثر من مره اتصل واصبر بس امس كانت انقهرت لأنه يستهبل علي ><
اقتباس:
رغمَ هذا أعتبرُ تلكَ الشركة شركةُ العروض رغمَ مساوئها
صحيح ولذلك قلت اني لن اخرج عن اطار الاس تي سي ^^
ما عندي ديناميت ^^
اقتباس:
خدمه الاتصالات جدا سيئه والله زين سويت ما يمشون الا بالعين الحمرا >_<
طيب انا عيني سودا شلون ؟؟؟ XDD
اقتباس:
تمارين كل شوي طف المودم واتصل!!
XDDDDDDDDDDDDDDDDDDDDDDDDDDDDDDDDDDDDDDDDDDDD
اقتباس:
كان الله في عونك ع الانتظار تصيب الواحد بشده اعصاب ...
آمين ^^
---------------
شكرا لكل من مر ولكل من رد ولكل من قرأ ولكل شخص ^^
رد: قصتي مع الــSTC هوشه اجمل ^^
وعليكم السلام..
ههههه والله هالشركة ترفع ضغط اللي مآيرتفع ضغطه !
وخآصة كلمتهم طف المودم وإذآ مآنفع يجيكم الفني بكرا , وننتظر لبكرا والله لانشوف لافني ولاهم يحزنون ههه
وأخوي طفح الكيل منهم اتصل عليهم وقدم بلآغ ومآجآء الفني غير بعد 4 أيااااام وهذآ هو مقدم بلاااااغ xD
بس تظل الـ STC حيآة أسهل بالنسبة لنـآ ..
شكرآ ع الموضوع ^_^
