مرحبا ...
يبت لكم الجزء الرااابع ...
اممم احب اقول قبل لا احطه ..اني بتأخر في وضع الجزء الياااي
لأسباب دراسيه ..><
استاانسوا انا سميت ها الجزء
الفيلم الهندي
حب بدون عنوان الجزء الرااابع ...
مرت ليلة الجمعة ع هادي وكانت ليله غريبه لأول مره في حياته يحس إنه انلود فيها من جديد ...
أما حميد ...كانت النار تتولع فيه ...بات هاييج الليله في السيااارة ...
....في بيت يدت محمد ....
نش محمد ع الظهــر ...ظهر برا وهو لابس وزار وفانيله ...( خخخخ) ...أول ما شافته يدوووت محمد ...
محمد وهو مسطل: اشحاالج يا الوالده ..؟؟
يدت محمد: اي وااالده ...وين تبغي انت انا يدتك يالخااايس ...
محمد:تعرفين يدووه ما اجووفج عدل ..
يدت م : ليش ..؟؟ شو سالفتك ...
محمد: والله عندي صداع في بطني ...
يدت م : صداااع في بطنك ... - ويلست تفكر بها من الخاطر يعني كيف جي - انا اللي سمعته صداع في الراااس
بووويا هب في البطن ...
محمد: ما اعرف يدووه احس اني تعبان واايد من ها الصداع ..
يدت م : انزين سير ييب نظارتي ..وتعال انا بدااويك ...بووويا سير ...
سار محمد ييب نظااارة يدوته ...وسار يلس حذالها ...
مني يدت محمد جي نشت وعدلت يلسها ...
يدت م : يالله والســـتر ....تعال بوويا اقرب اقرب
محمد : ان شاء الله ..امااايا
ويلس حذال يدته ..مني يدته شلت العصاااااا ولعنت ...خامس خامس خامس والديييه
( طراااااااااااااااااااخ طرررررررررررررررريييييييي يييييييييييييييييييييخ طروووووووووووخ طرخ رخ ))
محمد وهو زعلان: شوووفيج ...ليش تضربيني ...بعصااج ...آآآخ
×_×
يدت م : عيل اانت ويا سواد ويهك تقص علي ...صداع في بطنك...لا وصلاة الظهر ماااشي ولا الصبح ماالت عليكم يا
شبااب اليوم ...**
محمد T_T: ليش يا ربي انا شو مسوي في دنيااي جي اتجازا ...حرام عليج ..
يدت م : نش يالله نش ...سير ما ابغي اجوف رقعت ويهك ..
محمد: ان شاااءا الله - وشوي بيصيح ...
في بيت بو عبدالله ...تغدوا الجماعه هااذاااكي الهامور ..اللي صج يخلي الواحد يرتاح ...
يلسن البنات كلهن في دار نورة ...ويلسوا يسولفون ويحشوووب طبعا ...^^
نورة: هيه وبعدين شو صااار ...
سارة: اقوول مهاااري وقفت يلست تطااالع المس ...وهي جي معصبه ...يعني فعلا كانت تحفففه تخيلي ترد عليها
بكل بروود والمس شوي وتطر هدوومها ^^
عبير ضحكت ع السااالفه وع حركات ساره ...
وأمل جي اونها ملانه غياااظ بس في ساااره لأنها يالسه تسووولف ...
نورة: وانزين هاي المس ..ما سوت لها اي شي ..؟؟يعني تمت جي سااكته ...:rolleyes5cz:
ساره: شو ترووم تسوي يدام مهووور...تعرفين منو هااي مهوور ...:O_o3:
نورة: وخير يا طير يعني ..!! ...:frown3qg:
سارة: الكل يخااف منها ..وحده صج تخوف عادي تظربج ..تعرفين
نورة: تخسي وتهبي ...ما تروم ...:embarrassed3:
أمل: عاااشووو عااااشو ...اصلا لو جربت بس ...بالنعال ع راااسها ^^ ...
عبيــر: امممم بنات تعرفون هاي سيارة منو هاي المرسيدس..؟؟
الكل التفت صوب عبيــر ...
عبير اشرت صوب الدريشه ...
أمل: لا والله تعالي هذه السياارة تعرفون من أمس اانا جايفتنها ...مكانها احس غلط ...
سارة: انا بعد لاحظتها ...
نورة: ياااربي ياااربي ...شو ها اللقافه اللي فيكم ...يمكن وااحد ياي يزووور اهله ...
عبير: هيه صح ممكن ...^^
سااره داااشه طايرر عرض : المهم انزيييين وعقبها ... - ويلست ترمس وترمس وترمس ...
هادي: انتيييييييييييييي ما تتعبين اففففففففففففف جب ....( في بيتهم )
مضاااوي: يااا ربي ..عاده انا لو رمست شوي وياااه ما يسمع لي بس تعالوا عند ربعه ...مالت عليك انزين
هادي: اوكي قلنا سوولفي بس لا تلوعي جبدي جي ...كلها سوالف بنات ..!!
مضاااوي: عن شو تباني اسوولف لك ها ها !! عيـــل
..
هادي: يعني اي شي ما تعرفين شي عن الكووره عن السيااايير عن الشلات ..اي شي ...
مضاوي: تعال ع طاااري السياااير شو بلاها سيااارتك خخخخخخخ نقعت عليها ضحك أمس يوم شفتها ><
هادي: اسكتـــي عني ..والله احينه بعصب ...هذا محمدووه دعم بها ...
مضاوي: اممم محمد اول مره اعرفه هذا منو ربيع يديد لكـ ..
هادي: لا ويين هذا ويانا في الجامعه ....المهم ...ابغي اصلحــها ...
مضاوي: ليش ...سير اشتري فراري يديده وعطني هاااي ^^ ...
هادي: سيري لا ...شو ماااشي شغـــل ...اشتري لي وحده يديده ..
دشت منه ام هااادي: السلااااا ... - حتى ما كملت رمستها
نط هادي صوووبها ..: اخيييييييييييييييييرا تعالي امااايا انقذيني منها ومن سوااالفها ...
مضاوي: مااالت عليك انا اللي ما عندي سالفه يايه اوني ابغي اسووولف وياك ...>< ...
ام هادي: حرام عليك يا هادي شو هاي الرمسه ...لا تقول جي عن اختك ...فديتها جووف اش وينها ..تقول عرووس
هني يلست مضاوي جي تسوي حركات تدلع اونها ^^
هادي : تقول بقره هب مغسله عيووونها إلا
...اففففف مليت ..منها ..ابغي اخت يديده أمي ..يالله ..
ام هادي : حو حو جيه شو الساالفه يعني ...محل ...تبغي تغيــر انت ...
مضاوي: هيه والله خاااطريه جي بياهل يملي بيتنا حب وحنان ...
هادي: احم احم ما يكفيج انا ...
مضاوي: جحشششش اش كبرك ..وتقول عن نفسك ياااهل >< ..
ويسلوا يتضاربون وام هادي حدها مستانسه ...لأن عيالها ويااها في البيت ...
...في سيارة حميد ...
نش حميد ع صوت موبايله يرن ...
حميد بصوت جنه محيد: ألو ...
سالم: مرحبا ميحد ...اشحااالك
حميد: الحمد لله انا بخير ,,انت اشحااالكــ؟
سالم: الحمدلله ..ها وين بت ؟:rolleyes3: ..
حميد يتله ضحكه ..: في فندق 7 نجووم ..؟؟
سالم : وين برج العرب ..؟؟
حميد: لا أحلى عن برج العرب نفسه ..
سالم : امممممممم ما اعرف والله عنه ...بنوه يديد ..
حميد: خخخ لا بت في سيارتي ^^...
سالم: كييييييييف ...!! ليش جي يعني ...في واايد فنادق في الدوله ...
حميد: ما اعرف ..:err2:
سالم: انزين ليش ما ييت باتيت عندي انا ,,,أفأأأ والله زعلتني ...><
حميد: لا افا حبيبي ...لا تزعل ...تاج راسي انت ..افااا
سالم: عيل يالله تعال عندي عازمنك ع العشى ...
حميد: لا لا سلوم هب احينه سير انت ايلس ويا اهلك..اعرف انت جي تسوي عسب اني ما ايلس الروحي ..
بس انا عندي وايد أشياء لازم أخلصــها . - وجاف فوق - ولازم اخلصها بسرعه ...
سالم: خلاص ..برايك ...اتريااك بس انا ..لو حسيت بأي شي ..اتصل والله حلفت عليك ...
حميد : ان شاااء الله ...اخويا ياالله برايك ..
وسكروا الفون ...
حميد رد راسه ع كرسي سيارته ...اخذ نفس عميق ...وحرك سيااارته صوب الفنادق ...
في عائلة بو ذياب ...في العين ....في الصاروج...
موزة: شوووووووووووق تعالي شوووفيه ها المزيووون ...فديهم والله يويلتنا ...
شووق من المطبخ : يااايه يااايه ...ويت ويت ها لا تطووفينه ...الفيلم ...
موزه : اوكيكــ يالله بسرعه بس
سلمان دش من الباب الرئييسي ...: السلام عليكم ...
موزه: هلا والله بيوووولنا الوسيــم ...
سلمان: اهلين ..تعالي هذا شريط عرس فطوووم ...
موزه: هيه هو ...
سلمااان : يا ربي ...ها من زمان ...ليش يعني اليوم تجوفينه ..؟؟
موزه: بس جي يالسه اتعبث بأغراااضنا مالت زمان ...
هني يا سعيد ...أخوهم الصغيروون ...^^ ..
سعيـــد: ...مووزاني ..انا تأبااان ...
موزه: يا يا عيووون موزاني انت ...شو بلاك حياتي شو فيك ..؟؟
سعيد: ...بطتني يعولني ...واااايد ...
موزه: شو بلاه بطــنك ...
ونشت موزه سارت ....سلمان كان يطالع التي في ...عقب حولوا الكاميرا صوب البنات هاييج اللحظه ..
سلمان جاف بنات عمه بنات بو عبدالله ...واخواته ..وربيعاتهن واقفات ...
سلمان عطوول بغى يصد الجهة الثانيه وما يطااالع ...لكــن جمال وحده شده لهــا
يوم جافها ابتسم ونزل راااسه ...مني يا اخوه العود ذياب ..
سلمان صد صوبه رمسه: اشحااالك ..ابويا يسأل عنك من أمسات ..؟؟
ذياب: افففففففف انت وويهك ...شو يبغي ها الشيبه مني ..بعد فاايج انا فااايج ..؟؟
سلمان: احترم نفسك ولا تقول جي عن ابوووك ...
ذياب: جب انت جب ..انزين ..يا عنتر زمانك ... - وجاف التي في ...- طع نفسك شو تسوي تناظر غير محارمك ..مالت عليك ..تنصح غيرك جوف نفسك ...
سلمان مني نزل راسه ما عرف اشلون يبرر موقفه ..وويه كان قافطـ ..
دشت عزيزه حرمت ذياب ووراها ولدها صقـر اللي بعمر سعيد ...
عزيزه: السلام عليكم ...
سلمان: هلا وعليكم السلام ..
ذياب: دشي دشي بسرعه لا بركتن فيــج ...
عزيزه ويها قفط من الخااطر ...
سلمان: صقر ..حبوووبي انا تعال منه ...تعال عند عمي..
صقر: عمي ثلماان ...اشحااالك عمي ...
سلمان نزل وشل صقر..: بخير حبيبي انت اشحاالك .؟
صقر: الحمد لله انا بخير ..
ويلس سلمان يلعب بشعر صقوور يشده ويلعوزه ...
عقب دقايق يت موزه وويااها سعيد ...سعيد اول ما جاف صقر نش جنه حصااان ...
سعيد: صديقي صقر ..كيف حااالك ...
انجلبوا لغة عربية فصحه ...
صقر: انا بخير ..ربي يعافيك ..ويسلمك يا ريااال ....خشمك ...
سعيد: هلا هلا اقرب اقرب ..
موزه فطست ضحك عليهم : مااشااءالله تقول ريااايل كبــار ...
سلمان سكت ولا رد ...يلس يطالعهم ..
ذياب: انتي اشحالج ...جي ما تسلمين عليه .؟؟
موزه طالعت ذياااب اللي ويه من كثر الذنووب ما يتشاهد ...
موزه بابتساامه طااالعه بالقو: هلا السموحه ارتبشت ويا الياهل ...اشحالك أخويا ..عساك بخيــر
ذياب بلا اي اهتمام: بخيــر بخيــر ...المهم وين ابووكم ها ...تعبني ..ها الشيبه ..!!
موزه عصبت منه ظهرت من الصاله ...سلمان روح وياها ..جنه يقول لها لا تخليني وياا هذا اللي ما ينطاق ...
عزيزه سارت عند شوق ..
شوق: يا مرحبا والله بعزيزه ..وينه وينه حبيبي صقوور تولهت عليه ...
عزيزه: اتوقع عند موزه ...
موزه من دشت ..وهي معصبه
شوق: شو بلاج ...ابيييييييييه ليكون كلتي الولد ...
موزه: لا لا ما بلاني شي اخووج ها المليق ذيابوه والله انه ...
مني عزيزه نزلت راسها ...وموزه عقب استوعبت انها موجوده وانه مهما يكون هو ريلها ...
عزيزه: انا أكثــر انسااان تعاني منه ...ادعوا له ...عسى يتغير ..
شوق تنهد : يالله يا رب الله يهديه ويهدينا وياه ..
عزيزه: أخبااارها فطيم ..ما اتصلت ...
شوق: حليلها فطامي ...متغربه هي وريلها ...من بلاد لبلاد ...
عزيزه: هيه حليلها شو تسوي جي طبيعة شغل ريلها ...
موزه رن تلفونها ...
شووق: تعالي مووزاااني فوونج يرن ...
مووزه يت تربع ...: اوكيكـــ
يوم جافت الرقم كان رقم أمل هاااي أموووله
شوق:خليني ارد عليها بليز ..والله تولهت عليها ..ابغي اخووفها ..من يوم الخميس هب شايفتنها خخخخ
موزه: اوكيك ..
عطت الفون حق شوق ..
شوق: ألو ..
أمل: يا حيهم بنت العم ...اشحالج ؟
شوق: انا شووق ترانيه مب موووزاني ...
أمل: يااا حيهم والله شوووقي انا والله تعالي انتي وينج ...اطرش لج ما تردين عليه ...
شوق: فووني ساحبينه عني ...
أمل: خخخخخخخخخخخ صحيح نسيت اخوج المليق سلمان ...اففففف
شوق: لا انا استااهل ما درست حق الامتحان ...خخخخخ
أمل: انزين تعالوا اليوم بيتنا ....
شوق: ليش شي عزيمه أكل شي
أمل : وانتي ما يهمج سوا بطنج ويا ها الويه ..؟؟
شوق: لا انا اسووولف ..مالت ...انزين برمس سلمان لو يروم ييبنا ..^^ ..
أمل: وخله هو ما يي لو سمحتوا ...
شوق: انتي شو سالفتج وياه ها ...
أمل : ياخي أكره جي من الله شو اسوي ..؟؟
شوق: انزين انزي علج فدااياا ^^ يالله انا بسكر احينه بيلس واااي عزوز ...
أمل: اوكيكه سلمي عليها كثير ...صحيح ييبوا صقور وسعود ..
شوق: اوكيك...يالله حياتي باي
أمل: باي
أمل صدت صوب أخواتها : بييييييون بيرمسون سلمان ..وبيووون ...
نورة: شخبارها عزوز ..
سارة: افففففففف كررررررريه ...يعني كيف بتكون بخير وريلها هذا ذياب ..مليق وربي حده كله ملاقه ...
عبير: الله يهديه والله وااايد غامضتني عزوز اشكثر تتحمل ولا تتشكى لحد ولا ترمس ..
نورة: هيه والله حليلهــا ...
رن تلفون نوره رنه مســج ...
نوره قامت تجوف المسج ...ويلسوا البنات يتحرشون ببعض طبعا أمل قكعت ساره ما خلت فيها شي إلا وعلقت عليه
نوره اول ما جافت المسج وقف قلبها ...وانصدمت من الخااااااااااطر ما عرفت شو تسوي...حاولت انها تيود عمرها
وتخلي عمرها اونه كووول ...يدام خواتها ...
نوره فخاطرهـا: ليش ...يا ربي ليش كل هذا قاعد يستوي ويااي...
وفرت التلفووون ....
وردت اونها تسووولف وياها خواتها ...وهي بداخلها ..تسوناميات تستوي ..!!^^
شوق سارت عند سلمان ..
شوق: نبغي نسير بيت عمي عبدالله ...^^ احينه
سلمان كان نايم ع شبريته ...ويالس يشل ...صوته حلو وعذاب ...
شوق: يا اخي سمعت انا شو قلت ...
سلمان: انتوا مب ويه تدرين ...ما تخلين الواحد يستانس ع صوته شوي ...
شوق: سمعتني ..؟؟
سلمان: هيه سمعتج ...وبوديكم يالله نشن تزهبن وبنسير ...
شوق: ترانا بنتعشى هناكي ...
سلمان: احسن بعد ما فيه ادفع حق المطعم ^^
شوق: اشحفااااااان من الخاااطر ...
سلمان: اخبي الدرهم لليوم الأسود ...
شوق: المهم يالله نش بنسيــر ...
سلمان نش من الشبرية وسار (كرمتوا) عسب يسبح ...
شوق رمست موزه انهم بيسرون صوب بيت عمهم ...
وعزيزه نزلت ...ترمس ريلها الكررررررررريه الملييييييييييييق اللي انا اكره وما اعرف ليش حطيته في القصه المهم ...
عزيزه: بو صقـر ...
ذياب: وجع....
ايامي: يوجع قلبك يا الخااايس ...<<<داااش عرض الأخ
احم احم
عزيزه: انا بسيير بيت عمي عبدالله ...
ذياب: من متى هذا عمج ..!! ومع منوه بتسيرين ...
موزه: بتي وياانا ..نحن ..^^
ذياب طالع موزه بنظره ...عقب هز راسه يعني خلاص سيري ...
مني يا بو ذياب ..
عزيزه: هلا عمي اشحااالك عساك ...بخيـــر ...؟؟
بوذياب: اهلين بنتي الحمد لله بخيــر نشكر الله ع كل حال ...انتي اشحالج واشحال صقور ..
عزيزه: الحمد لله عمي ...كلنا بخير ..
صد بو ذياب جهة ذياب ..
بوذياب: انت اشحالك ...
ذياب من ورا خاطره: الحمد لله ...
بوذياب: انت وينك ..؟؟ انا من يومين انشد عنك ...
ذياب: انا موجود منه وين بكون يعني ...!!
بوذياب: ذياااب انت تعرف انه الشركة خسرااانه خسرااانه في سوق الأسهــم ...غير انه استوت لها سرقة ...
وخسرنا مبلغ مب شويه ..
ذياب: شو قصدط تقووول لي ها الرمسه ...ها ..يعني انا اللي بقت البيزات ...؟؟
بوذياب: انا ما قلت جي ولا ترفع صووتك وااايد ..عليه ...انا اقول انك انت مساعدي اليمين شرات ما يقولون ...وانه انت
اللي لازم تعرف وين سارت البيزات ..؟؟
ذياب: انا ما يخصني والله لو انت موظف ناااس حراميه عندك صح!!! وانا ما يخصني ولو سمحت لا ترمسني عن هذا
الموضوع مره ثانيه ...
وصد صوب حرمته : وانتي هيه ما بتسيرين وياهم امشي يالله ...
عزيزه ...سارت ..
بو ذياب: اصلا من يومي اقول انه الرمسه ويااك ضايعه ....
ذياب: جوف قول اللي تبغي تقوووله انا قلت لك انه ما يخصـــني ...لو عندك موظفين حراميه ...
ونش ذياب ظهــر برا البيت ...
مني بو ذياب يلس ع الكرسي اللي يدامه ...ومن تعب ..بطل عقم كندورته ...
بوذياب: وينج ...وينج يا مريم ...جووفي ها الولد شو سوا فيني ...الله يرحمج ....
....
في بيت قوم هادي .....
مضاوي يالسه ع النت ...وتسووولف مع بنات المنتدى ...
مضاوي: أأأأم شو شو ....كيف كيف ...امممممم كيف ابدا ...احم احم خل اطرش لها ...السلام عليكم ..والله اني
ارتحت لج ...ارتحت لج ولا حبيتج ...اممممم والله ما اعرف ...
وجي ع هذه الحاله تبغي تطرش رساله حق العضوه اللي مواضيعها وااايد حلوه تبغي تتعرف عليها ...
وهي يالسه جي تسوي ..وصلتها رساله ...من هااييج العضوه اللي تبغي تطرش لها ...
مضاااوي: يا سبحان الله ...والله توني بطرش لها ...بس سبقتني ...خل اعرف شو تبغي ...
اهااا تبغي تتعرف عليه ...
امل في بيت بوعبدالله : طرش لها ...^^ رساااله يا ساااره ...
ساره: منوو هاييجي ما غيرها العضوه العجيبه ..؟؟
أمل: هيه ...
ساره: يالله ردت ولا ؟
أمل: لا بعدها ...!!
مضاوي: ...ما اعرف بشو ارد عليها ...اهي تبغي تتعرف عليه ..اوكيك بعطيها ايميلي ...
ويلست تكتب ...
منه مر هادي ....
هادي: مي مي ...جووفي ها الاستااايل ...عجيب ع شعري ولا ..؟؟
ومضاااوي ولا ع بااالها ....
هادي مني بغى يخوفها راح قربت راسه من اذووونها وهي ولا حاااسه ...
هادي بكل موجة صوت عنده:
مضااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااويييي يييييييييي
ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييييييييييييي
مني مضاااوي..كل شياطين الدنيا ركبتها ...صرخخخخخخخخخخخت صرييييييييييييييييييخ اليهد ...
مضاااوي: يالسخييف يا المليييق يا الدب ...يا بو كشه ...يا الباكستاااني يا الفقمه يا الحمار الوحشي يا حديقة
حيوانات كلها يا الحيوانات الداجنه والغير داجنه ...يا كل شي مو حلو في الدنيا ..مااااااااااااالت عليك انزين
هادي اونه بريء: كـــل هذا أنا ...افااا
مضاااوي ما ردت عليه ...
هادي: مي مي ...
مضاوي: شوو شوو شوو شوو تبغي خلاااص لوعت بجبدي ...
هادي بكل برود: شو رااايج ...جي اسوي شعري ولا الاستااايل المعتاد احلى ...
مضاوي: جوووف في كلا الحالتين تبقى هندي في عيني ...شو فااكر نفسك يعني سلمان خان ..؟؟
هادي: لا فديتني احلى عنه ...
مضاوي: اذلف عني والله مشغووله ...
هادي: نعم اذلف ... - يود جتلتها -شوو ما اسمع كيف ..؟؟
مضاااوي: آآآخ ... - دموعها فعيونها- خلااص والله تعبت ...لا تسوي ...بليز سلمان بلا ملاقه هب وقتك والله
عندي شغل مهم ...
هادي: شو شغلج ..منتدى محمد شريف للأنمي ..- يلس يطالع المنتدى - ..اممم شو ها الموضوع ..حب بلا عنوان
..؟؟
مضاااوي: قصه عجيييييييييييييبه ...^^ انصحك تقراااها ...
<<< دعااايه حقي ...كيفي قصتي كيفي ^^"
مضاوي كملت: المهم يالله سير احينه ..والله مشغووله يالله سير بتتأخر عن الموعد ...يالله ...
هادي: اي موعد !!
مضاوي: موعدك انت وبدر ..^^ ...
مضاوي: وانت كيف تعرفين انه عندي موعد مع بدر ...
مضاااوي: اعرف لنه اليوم سبت ...خخخخخخ
هادي: اش دخخخله المهم يالله انا بسير ...وما برد ترانيه من هناكي بسير الجامعه ...
مضاوي: ياالله الله يحفظك ...
هادي: قوومي حبيني ع راااسي ..مالت عليج ..ما بجوفج اسبووعين ..
مضاوي نشت وحبت اخووها وردت يلست : الله يحفظك ...
هادي: يالله مع السلامه ....
ظهر هادي ورد الباب وراه ...مني مضاوي ..ارتاااحت من الخاطر
مضاوي: اخيرا والله ...فكه ...pain in the nick
ما كلمت رمستها ...
هادي بطل الباب ...: اقووولج ...
مني مضااوي شوي وبتصييييييييييييح ...: ها ها قووول قووول
هادي وبكل برود: بشتااااق لج ..^^"
مضاوي : كلك نظـــر فديتك ...يالله مع السلامه ...
مني هادي طلع ..خلاص حس انه واايد لعوز اخته ...سار سلم ع امه ...اللي كانت تسقي الورود في الجنينه <<
انقلب فيلم سوري ...
وعقب توكل صوب العيــن ...
هادي وهو مسرع في الدرب ....فراااري منو قده لازم ^^ ...
بدر اتصل به ...
هادي: يا مرحبا والله ببدر ...انت وييييييييينك ..؟؟
بدر: انا منه ...- وهو جي متفاجئ ..- هادي شو بلاك ..!!
هادي : لا ولا شي انا يااينك ها ..
بدر: غرييييييييييييييييييييييي ييبه شو السااالفه ..وتو الناس ترا ...بعده العصر ...في العاده تذلني لين ما تي ...عندي لا
ونص الدرب تخليني اركب ها الباااص ويا الهنود اللي ذبحووني مع ريحة زيتهم >< ...
هادي: لا حبيبي هذه الأيااام خلااااص ولت بلايا اي رجعه ..^^ انا من اليوم وساااير اييب واودييك ...^^ وكلي فخر ..
بدر: حو حو وين تبغي كلك فخر ساااير تحي العلم انت ...
هادي : ههههههههههههههههه والله انك مضحك ...المهم يالله خمس دقااايق انا عندك ...
بدر: هااااااااا 5 دقااايق هو قلنا رااعي فزعه ونشمي ...بس هب جذه يعني ...^^"
هادي : انت ما يخصك انزين ...خلاص يالله باي خليني اركز ...
بدر: يالله انزين شوي شوي في الدرب هااديووو ...ترا اعلم أمك ..^^
هادي: اوكيك اوكيك يالله مع السلامه ,,,
سكر هادي من بدر ...وهو طاااير ...صوب العين ...
في بيت بوعبدالله ...نوره كانت يالسه رواحها في الحجره ...وهي خايفه تبطل ...المسج اللي وصلها ..كانت تدور
وتلف وتسير يمين ويسار في الحجره ...ما تعرف شو تسوي ...تجوف المسج ولا لأ ...
وبعد تفكيييير طويل طويل طويل ...تشجعت ...
وسارت صوب الفون يودته ويدينها ترقل << عن بوه سياره ..^^ خخخخ
ترتجفــ ...بطلت اللوك كود ...يديدها من زود التوتر ..شوي وتتشابك ببعض ..اش دخخخله لا ..
احم احم ...لا صج البنت شوي وبتموت ...
المهم ...بطلت فونها وصوب المسجات ...وجافت الرقم ..(( حـــبيبي )) ....
نوره ف خاطرها: لليوم اقووولك حبيبي ...
جافت المسج ...
السلام عليكم ...تعرفين اني انا موجود ف البلاد ...ابغي اجوفج ...ابا ارمسج ...
اذا تبغين ...انا بكون اليوم في اول مكان جفتج فيه ...
السمووحه ...منج...
نوره مني دموووعها نزلت قبل حتى لا تآخذ نفس ...
نوره ف خاطرها : ياااا بروووودك ....ياااا برووودك .....بتجوووفني ...تبغي تجووفني ...؟؟!!
نوره ما رامت تيود عمرها ويلس تصييح ...ما لقت غير دموعها تواسيها ...
بغت تتصل فيه ...بغت تقوول كل اللي في خاااطرها ....بس ما رامت ...ويلست ع شبريتها ..ما تعرف شو تسوي ولا
تخبر منو ..؟؟
أما حميد ...فهيييج الحزه وصله التقرير انه الرساله وصلت ....
وهو كان يالس في حجرته اللي في الفندق ...توه ظاهر من الحمام (كرمتوا) ...سبح وخلص وتزهب ...وتحرك صوب
المكان اللي يتأمل إنه بيجوفها فيه ...
وتحرك ...ودقاق قلبه تزيد في الخفقان كل ما احس انه بيجرب من المكان ...
في سيارة المورانو ...سياارة سلمان ...
موزه مبطله ..اغنيه ...شكيــرا ...اليديده ..hips dont lies ومسويه حشره من الخااااطر ...
شوق: انتي ليش يعني جي حطي لنا عبدالمجيد ...امممم راااشد اي شي ...غيري ها المصاخ ..!!
عزيزه: استغفر الله ما ابغي اسمع اغاني انا...
صقووور: حطي ...محمد الكثيري يا حلات التلاااقي عثب انا وسعود نيووول ...
موزه: قول والله انت بس ...
مني ظهر صوت فاااصل يقول : هيه حطوا لنا هنـــــدي ..^^
الكل سكت حتى الياهلوا...والكل التفت صوب سلمان ...وهو جي ^^"
سلمان يبغي يظهر نفسه من هذا الموووقف: ...أ ...أسووولف ...^^ ...
شوق: صج انك سلمان خان يا ولد ...
موزه: اخيييرا وصلنا ....الله بجوف عمي اشتقت له والله
شوق: عمج ولا ....خخخخخخ
موزه: جب جب انزين ...مشكله اللي ما قلبه مب ابيض شراتي ماليني ..^^
سلمان: نزلن نزلن ....كله تتهاوشون انتوا...
عزيزه: يالله صقور حياتي يالله سعود ...
ونزلوا ساااروا صوب الحوي ...
أمل نزلت استقبلتهم: يا مرحبا والله ...
وتعرفوون عاده ...البنات حشره ...سلام وحشره ...نزل عبدالله ...وتواايه ويا سلمان ...
عبدالله: يا هلا والله سلووم ها مهندسنا ...اشحاالك ..؟؟
سلمان: الحمد لله انا بخــير ..انتم اشحالكم ...؟
عبدالله: انا بخيـــر ...ها باجر دوامات ..
سلمان: اسكت بس لااايعه جبدي ...
ساااره: صقووور سعووود حياتي انتم اشحاالكم ..؟؟
صقور : بخير..
سعود: انا بعد بخير ..
بو عبدالله : يا حيا الله مين يااانا ....قربوا قربوا ...
دشوا الصـــاله ..كلهم يلسوون ...بس البنات فصوب والريايل في صوب...
نزلت عبير ووياها نورة ...ونورة كانت لابسه عبايتها ...
نورة + عبير: السلام عليكم ..
الكل رد عليهن السلام ...
بوعبدالله: ع وين يا بنتي نوره ...
نورة: ابويا عندي شغله لازم اخلصها احينه ضروري ...بظهــر ..
بوعبدالله: ربي يحفظج ..بس لا تتأخرين فديتج ..
نورة: ان شاء الله بويا ..
وسارت نورة ...
عبير سارت يلست عند البنات ...
موزه تجوف سلمان وتغني بصوت واطي: اخييييييييييرا جيت واش حاالك حبيبي ..وش أخبااارك قلب وش علوومه ^^..
سلمان فخااطره: مالت عليج ...انزين يالطفسه ...
عبدالله يرمس سلمان: هيه وشخباااركم بعد ...اخباار اخوك ذياب ...
سلمان: خله خله ...ربي يهديه ...بس شاقول عنه ...
بوعبدالله: سلمان بويا ...وين ابوووك ما اجووفه ..ها اليومين ...وشخبار شركته ..؟؟
سلمان: تبغي الصدق عمــي ..والله مااعرف شو اقوول مستحي والله اقول انه اخويا هو سبب متاعب ابويا...
بوعبدالله: ذياااب ...ذياب هذا ما اعرف ع منو ظاهر جي ..؟؟!!
سلمان: يالله ادعوا له يا جماعه عله يتغير ...
الكل سكت في هااي اللحظه يلس يفكر ...ومتأثر يعني ...ليش جي ذياب ...
قطع صمتهم صوت الجرس يرن ...
عبدالله: بسير اجوف منوه ...
ونش الريااال ...
سار يجوف منوه بدر ...وهادي ...واقفين عند الباب ...
عبدالله: حيا الله بدر ....واممم ,,صبر صبر خل احيد اسمك ...
هادي: افا يا ولد العم ...نسيت اسميه ...افا زعلت خلاص راد بو ظبي انا ...
عبدالله: يا رياااااااال هدي شوي ...اقربي ..ليش واقفين برا ...
بدر: لا جفنا سياااايير وحشره ...جيه قلت سلمان منه فأبغي اسلم عليه ..
عبدالله: هيه سلماانو منه ...انزين اقربوا تعالوا ميلس الرياااييل ...
هادي: ماااافيه ازعاج ..
عبدالله: تراك إلا ازعجتنا وخلصت ...><
هادي: افااا ...انا اقوول اسير بوظبي ابرك ...
عبدالله: اسوولف وياااج ...هلا هلا اقربوا ...
دش بدر : هوود هووود ...
بوعبدالله: هدا هدا ...تعال حيك يا مرحب السااع ..^^ ..
دشوا الشباب ..ميلس الرياايل ...هادي عيوونه بتظهر بس يدور ع عليها ..بس للأسف كان باب الصاله مغلق ..!!
هادي في خاطره: انا اليوم ياي اجووفج يعني اجوووفج ...>< ...ان شاااء الله يا رب ..
وجي سوالف ..وتعرف بو عبدالله ع هادي ...بس هادي ما رمس واايد عن نفسه ..ولا خبره يعني انه هو ابن اكبر
شركات الدولة ...
في مطبخ البنات ...
أمل: اففففففففف هذا كل يوم اجوووفه انا ..ز
شوق: منو هذا .؟؟
أمل: صح انتي ما خبرتج ...هذا رااعي الفراااري ...
مني شووق شوي وبتطيــر من الفرحه: عنده فرااااااااااري ^^ ......
أمل: هيه عنده - وقلدتها اشلون قالت فراري - فراااااااااااري ...عن يطيح عصج بس ..
شوق: سخيفه ..هذا غني ...*_* . ما يجوف غير فلوووس $_$...
أمل: عفااني ربي اللي يسمعج احينه يقووول لا مووول طراااره عند مسيد ابوبكر الصديق ..>< ..ولا يقول هذه بنت
راعي افخم سيااارات العالم كلها ...المرسيدس ...
شوق: خمس وخميس في عيون العدو ^^ ...
أمل: افا استويت عدو احينه ...
شوق: المهم تعالي سوولفي عنه ...
أمل: ما اعرف فجأه جذه ظهـر لنا ما اعرف من وين ...ما احييد هو من طرف بدر اتوقع ...
ساره: لاااااااااا يا غبيه ...هو ربيع بدر...اصلا ...في الجامعه ..اتوقع ...في جامعة الأمريكية ...في السكـن ..رباعه ..
شوق: اهااا ...
منه عبير دشت عرض ...: احم ...مو جنه بسكم حش في الرياال احينه كله يعطــس ...
مووزه: إلا مااات عطيس ..
عبير طالعت موزه بنظره وفي خاطرها : بسم الله عليه ...>< ...
مني كملوا البنات سوالف ...
في المبزرة العين ...
كانت نووره تتمشى بالسيااارة وهي ضاايعه ما تعرف ..وين تسيـــر ..؟؟
نوره ف خاطرها : ...اسير ...ايي لك ... ما اعرف ...يا ربي ...
مني نوره ..قررت انها تسير لحمـــيد ...
وصعدت جبل حفيت .....
وطووول الدرب وهي تفكـــر انها ترد البيت وكأنه شي لم يكن ...
بس حنين قلبها لحميــد خلها تدوووس ع كل شي فيها ...وفي قلبها ...
اول ما وصلت قمة جبل حفيت ...
كان شي وااايد ناس ...وطبعا الهنود اللي مااالين الدوووله ...عافاني ربي في كل مكان حتى في واحة ادنوك ^^"
المهم ...وقفت سياارتها ...البي إم ...ونزلت ...منها ..
لفت صدت يمين ...ثمن صدت يسار ...
عقب نزلت راسه ..سمعت حسه ..
حميد: نورة ...
مني (بال slow motion ) نورة صدت صوب مصدر الصـوت ...
اول ما يت عينها بعيوونها ...انتفض قلبها ...
وحميد ..اول ما شافها ...وقف وحس انه تحطم ...خااصه يوم جااف دمعتها الحاااره تنزل من عيووونها ...
وحدث هذا الحوار الذهني ...في خواطر بعض ...
نوره: ما ابغي منك ولا شي ...ابا اعرف ليش !! ..
رووحي عطينك إياها ...عمري كله كان فداااك ..والله لو عشت معاك ع بساط كنت راضيه ...
ليش جي شوهت ...صوورتك عندي .؟؟؟ ليش ...تهجرني بلايا اسباااب ...شو هو ذنبي ...؟؟
لأني وبكل ما فيني حبيتكـ..؟؟..
حميد: مستحي انا منج ....حتى النظر لعيونج ..ما اروم لها ....ما اعرف ...كنت غبي ..ولازلت غبي ...
قلت بساافر يمكن انساااج وانسى سحر عيونج ...لكن ابتعادي عنج زود اشواااقي ...عرفت اني لو سافرت العالم كله
بظل غريب ....وطني ...حضنج ...
نورة: اسكـــت ...لا تسمعين كلام الحب ...وغيره ....لا تحاول تلين السلاسل اللي ربطت بها مشااعري وقلبي ...
انت فااقد الحب في حيااتك ...وفاقد الشي لا يعطيه ..
حميد: هيه فقدت الحب..وفقدت نفسي وفقدت كل شي فيني يومن اني فقدتج ......
مني حميد جرب من نوره ...وخلص كلام الخواطر...بصوت حميد ...
حميد: اشحاالج ..؟؟
نوره: .....ليش تهمك أحوالي ..؟؟
حميد: واحد في موقفي انا ما اروم اقول ولا شي ...لأني فعلا مب غلطان وبس ...اكــثر عن جي ...
انا ظلمت وياااج ...
نورة تمت ساكته ثمن قالت: حتى انك ما طلقتني ...ضعيت لي سنيني وسمعتي ...ليش جي سويت
نزلت دمعه من عيونها ..دمعه حرقت قلب حميد ...خلت جبااااااال الثلج اللي بدااخله تذوووب ...
مني يا ولد صغيروووني ....وقف حذال نوره ...
الولد المليق: انتي ليش تصيحين ..؟؟
وصد صوب حميد: ليش صيحت ...حرمتــك ..؟؟.....ماما قالت لي اذا اي حد يصيح يعني اللي صيحه ما يحبه ...
ليش ما تحب حرمتك ...ها ...هي تحبك ...لأنها تصيح عشاانك ...
مني زقرته امه ...صد صوب حميد: حبها ..ابويا يحب امي لي زعلت عليه ...
وسار الولد المليق من عندهم ...
نوره سكتت ولا رمست ...ولا قالت اي شي ..
حميد: انا ابا اقووولج ...اني بعدني وربي الشاهد عليه ...اني احبج ...
وانا محتاجج في حياتي ...غلطت انا ما اقول اني ما غلطت ..وظلمت ...(نزلت دمووعه وارتجف صوته) ...
ظلمتج ...وظلمت روحي ...كله بسبب افكاااري الغبيه ...انا ..مب قد مسؤوليه ...بس عقب ...
عرفت اني بدوونج ..ما اروم احقق اي نجاااح ...واي نجااح مااله اي طعم ...
انتي حياتي وانتي بتكونين شغليه الشااغل ...وبسوي اللي تبينه بس دخييييلج ...عطيني فرصه ثانيه ...
عطيني فرصه اصلح غلطتي يا نوره ... - وسكت شوي - ....- نزل راااسه - ...ولو انتي رفضتيني ...ما بزعل ...بس
ممكن تعتبرين انه حميد مات ...
نورة : هو مات فعلا في حياتي ...من زمان ...مات حميد اللي انا كنت احبه وهو كان يحبني ...
حميد: كان ولا زال يحبج ...نوره انا احبج ...من جي رديت ...رديت بس لج ...رديت ...استرجع حياتي ..ابغي اعوضج
عن كل شي صاار ...
نورة رجعت ورا ...: انا بروح احينه ...
حميد: نووورة دخليييلج ...فكــري ...وعطيني الفرصه الأخيره ...بس هذا اللي اطلبه ..عقبها سوي اللي تبينه ...
نورة: مع السلامه ...
وبصوووت كله حزن ..ويقطع القلب ...ويذوب جليد القارتين القطبيه قالها حميد طلعت من قلبه كان يبغي يحبسها لكن
قلبه هو اللي كان مسيطر ...هب عقله ...: احـــبج ....يا نوره ...أحب...ج ..
مني جنه حد طعن نوره في صميم قلبها ...وقفت نزلت راااسها ...
كان المنظر من بعيد محزن ....(خلفيه اغنيه هنديه)
ركبت نورة سيارتها ...وحميد كان واقف ...
سارت نوره ..ودموعها تنسكب سكااابي ...
في بيت بو عبدالله ...ساروا الجماعة صلاة العشا ...وردوا منها ....
يلسوا في ميلس الرياااييل ...وسوالف وحشره والبنات ...مناكي مرتبشات ..وصقور وسعيد مسويين جو عجيب ..
وبوعبدالله طلب العشا من برا ...
ولين ما وصل العشا ولزموا انه سلمان وهادي وبدر يتعشوون وياهم ....وطبعا هادي مستانس ع القعده ...ويتريا
اللحظه اللي بيجوووف فيها عبير ...
خلصوا العشا الجماعة وخلاااص هادي وبدر بيروحووون ...وفي الحوي ...
الشبااب يرمسون ويا بعض ...وجي هادي ياااله تلفون ...جان يستأذن انه بيرد ...
في داخل البيت ...أمل تصارخ ..: عبير يالله بسرعه ودي السويت حق عبدالله يتريا ...الشباب بيروحون ...
عبيـــر : اوكيك ...يالله ساااييره ...
راحت عبير ...وكانت ظلمه واايد صوب المطبخ ...جافت حد توه مسكن من الفون حسبااالها اخوها ...
عبير: عبوودي تعال شيل السويت ...
وقربت من عبدالله ...وااايد ..وكان المكان واايد ظلمه يعني فعلا ما تجوف اللي يدامك ...
قربت ايديها من ييد عبدالله ...ولا مسته
مني عبدالله رمس : استوييي لج عبدالله ...انا ^^ ... - بصووت كله حنان وحب ...وطبعا مو عبدالله ..-
مني عبير وقفت ...رجف كل شي فيها ...وقف شعر ايديها ...حست بالخوف ...واايد لكنها تعرفت ع رااعي الصوت ..
طبعا كان .... احم احم .... (سلمان ) .....................
لا اسووولف خخخخخخخخخخخخخخخخخخخخخ ( ارفع الضغط لا )
احم اكيد وبلا اي شك ...كان هادي ...
ولأول مره يكون جي هادي جريب من عبير ...طاحت مني شيلة عبير.....ويت نسمة هوا داعبت شعرها ...
هادي مع انه المكان كان ظلمه ...بس كااان يجووف ويه عبير ...بكل تقاسيمه ...كان لابس نظاره ليزر ..خخخخخ
المهم يت جي خصل ع ويه عبير وتذكر اول مره جافها ...يوم كانت طايحه ...
هادي بلا وعي منه ...قال لعبيـــر من دون ما يحس - يا سبحان الله - : أحـــبج ...
وجي ضغط شوي ع اييد عبير ...
احم احم
مني عبير ما رامت تتحمل كل ...مااااااااااااتت من الحيااااا .....ودرت صحن السويت ...منه وربعت داخل البيت ...
ويهها صدق صدق محمر ...
دشت ربعت ...وقفت يدام باب الخلفي ...وهي تحاول تتنفس ..ما تروم قلبها ظهر من مكانه ...
انا هادي ...وقف بس يطااالع طيف عبير اللي وفي ايده الصحن ....عقب استوعب انه لازم يسير ...رد يبغي يسير
صوب الشباب وهو وياه الصحن
عقب استوعب ان شكله بيكون غلط من وين كان يايب ها الصحن ...وكيف ...وصل له ...
هادي: اممممممم لا زم احطه مني ..^^ ..
وحطه ..ومشى صوب باب الخروج ..وهو يطاااالع الدرب الللي مشت منه عبير وتفداها ...
نهاية الجزء ...الرااااااااااابع ..
