الجزء المتواضع الخااامس من قصة (( حب بدون عنوان))

بسمه أبتدي ...

هلا اشحااالكم ..اخواني وخواتي ...

اشحااالكم ...احب اعتذر والله لأني ما كتبت وااايد ...

بسبب الدراااسه ...^^ لا تزعلون مني ...^^

اخليكم مع الجزء ...



الجزء الخامس من حب بلا عنوان ...

عبير وهي واقفه يدام الباب الخلفي ....كانت حااالتها حاله ..ما تعرف كيف ولا اشلون تدش البيت ....

عبير فخطارها : اعرف لو دشيت احينه الكل راح يعلق ليش ويهي أحمر جي ....>< ....ما اعرف والله شسوي ..الله يسامحك يا هادي ليش جي سويت ...

وقفت جم دقيقه يدام الباب ثمن دشت ...يوم انها شويه هدت ..من الحاله اللي كانت فيها ...

عند الشباب ...رد هادي ..وحاول قد ما يروم يكون كول وعاااادي ...بس عقله وفكره كله عند عبير ...

عبدالله: شبااب ويت ويت شيلوا وياكم ها ....صبر بسير اييبه ...

مني هادي انرفع ضغطه: ليكون السويت ...اللي عبير يابته ..!! ابييييييه ليكون بيشك من البصمات ...- نفسه ردت عليه - انت يا الغبي ...عن بوه مب عبدالله ها ...كونان ...كيف بيجوف البصمات ...ها ها ...افففف من نفسي هاي ومن تفكيري ...

سار عبدالله صوب المطبخ مالهم ...جاف صحن السويت في الأرض ...

عبدالله: هذاا هو صحن السويت ...

ورد مره ثانيه صوب الشباب ...: اندوكم بدوور ..إكلوه حرام ...سوووه حقكم ...

بدر: شكــرا عبدالله ...والسموحه منكم ....والله ثقلنا عليكم ...

عبدالله: لا ثقلتوا ولا شي والله استانسا بزيارتكم ...^^

بدر: تسلم يا الغالي ...يالله عيل ...بوادعة الله ..

عبدالله وسلمان : ربي يحفظكم ..^^

هادي: مع السلامه ..

توايهوا ...الشباب ...وروحوا ...صوب دبي ..دار الحي ...^^

بدر: شو رايك ...والله ناس طيبين ...

هادي وهو سرحااااااااااان ولا داااري بالدنيا اللي حووله ابد ...

بدر: طااااع ....هدووووش ....وين وين سرحت انت وها الراس ..؟؟

هادي: انا ما بغسل ايديه أبدن خلااااص ...

بدر: أعييييييه ...عليك ...يا الخااايس اشلون ما بتغسل ايديك ..>< ....

هادي: كيفي بكون وسخ انت ليش راز بويهك ....بدر ...فديتك انا احبكــ...- وصرخ بصووت عالي - انا أحبكــ...

بدر منه يلس نااقع من الضحك: شووووبلاك يا الغبي ...اشلون تحبني ...حب أمك انت ويا ها الويه ...عيب منقوود ..
شو تحبني ما ابغاك تحبني ..>< ..

هادي سكت ..وبطل ع الريديو ...وطول الدرب يسمع لعبد الحليم ..ولا ام كلثوم ...

وبدر مستغرب ها الخبل شو بلاه ..؟؟!!


سالم من أكثر عن عشر مرات يتصل بحميد ...وهو ما يرد ...

سالم: ها شو بلاه ليكون مستوي شي فيه ...يا ربي ولا يرد ع الموووبايل ...
هذا وينه ..!!!

مني رد عليه حمييييييييد بصووت صج يخوف: ألـو ...

سالم: حميد ..!!! ليش جي حسك ..شو بلاك ...وانا اخوك ..مستوي شي تعبان ..؟؟

حميد: لا لا ...- كح كح - ..ما بلاي شي ...الحمد لله

سالم: عيل شو بلاه صوتك..!!

حميد ..سكت ما عرف بشو يرد ع سااالم ...بس لأنه سالم ربيعه ...وشرات اخوووه خبره ما رام يتحمل زياده..

حميد: رمستها ...رمسسسسسسستها يا سااالم ...!!

سالم ع طول فهم شو السالفه ..لنه يعرف عن موضوع نورة ..

سالم: يا حميد الله يهديك بس ...استعيلت جي واايد ...

حميد: سالم ..شو اسوي والله ..والله ما رمت اتحمل ...خلااااص ما اروم جي اعيش ...ما اروم اجذب ع نفسي زياده
كل يوم اقول بنساها ...واقول هي اكيد .راح تنساني ...بس لا يا سااالم جفت حبها لي في عيونها ..والله ..يا ساالم ..

سالم : حميد وانا اخوك ..جي انت بطلت ع عمرك باب يمكن ما يتسكر ...ويا حميد انت احينه تقول جي لأنه جي تحس بس يمكن هي ما تحس بنفس الشي ..يا حميد ..لا تكون واثق عقب راح تتحطم يوم بيكون ردها إنه لا ..

حميد : انا اعرف يا سالم ومن حقها ها الشي ..بس انا بعد من حقي إنه تكون لي فرصة ثانيه ..صح ولا ..

نورة في سيااارتها ..:طبعا لااااااااااااااا ...مستحيل ارد لك يا حميد ...- دموعها تنزل - عقب كل شي سويته لي ...مستحييييييييييييل ...ليش ارد لك عسب اتعذب زياده ...عسب اعيش نفس العذاب ...يوم كنت وياك ما سويت جي احينه بترد عسب تعوضني ...تعوض شنو ...سنوات ضاعت يا حميد سنوات لا هي بيوم ولا هي بيومين ...غير السمعة ونظرات الناس لي ...كله تحملته عسبك انت ...حتى اني ما سرت وطلبت الطلاق ...من زود حبي لك كنت اترياك كل ليلة تسمح دمعتي ..وتتأسف لي...بس وين ...لا حياة لمن تنادي ...

مسحت دمعتها وكملت دربها صوب بيتهم ...

سالم: يا حميد انزين الليله وين بتكون ...عسب اتطمن عليك..

حميد: خذت لي سويت في فندق جريب من بيتها ...ابغي اكون او احس اني جريب منها ...

سالم: عييييب اللي انت يالس تسويه يا حميد ...لو صج انك ويه مسؤولية ...تسير تخطبها ..يا حميد ..

حميد: والله لو توافق احيييييينه بسير ...احيييييينه مره ...بس للأسف ...ما اعرف شو بتكون ردت فعلها ...

سالم تنهد: والله ما اعرف شو ارد عليــك ..


مضاوي في بيتهم ...مبطل اكبر استيريو في بيتهم ...ويالسه ع النت ...

مضاوي: ...اخييييييييييييييييييييي� �را عندي ايميلها ...^^ ...والله انها عجيبه ها العضوه ..دمها خفيف ...خخخ

ويلست تسولف مع العضوه اللي من زمان تبغي تتعرف عليها ...

مضاوي: ...اممم شو ارد كم عمري ...اجذب عليج ولا اكون صريحه ...امممم يالله برد عليج بكل صراحه ...

ويلست تكتب كم عمرها ..وطرشته حق العضوة ...

مضاوي: انزيييييييين هي عرفت كم عمري خل أسألها عن عمرها ...- تكتب في الكيبورد - انزين انتي كم عمرج ..؟

ردت عليها العضوه وظهر صوت الماسنجر ..

مضاوي: حليييييييييييييييييلها ...كبري ...^^ ...تعالوا ليكون تجذب عليه ..>< ..والله ويلها ...خل أسألها .. - كتبت لها -
انتي من صجج ولا تجذبين عليه ..؟؟


وجي سوالف ...وحشره مع عضوتها اليديه اللي تبغي تتعرف عليها ...

في بيت بو عبدالله ...

شوق: أموووله تعالي منه شوي ..

أمل: ما اروم ما تجوفين مشغووله ع النت ..ها ..!!

سارة: هيه مشغوووله وااايد يالسه تسولف ع الماسنجر ...صبوعها من زود ما تكتب تشابكن ..

أمل: جب جب انزين مالت عليج سيري ساعدي بنت عمج يالله ...

سارة: صندل وحده ...

عبير يالسه الروحها تفكر باللي استوي ...واللي يجوفها من بعيد يقول اللنج مالها غرقان ..>< ...

يلت لها موزه ..

موزه: شو بلاج عبير ..؟؟

عبير: هاه ...لا ولاشي ..فديتج ...^^ ...

موزه: عيل ليش جي يعني يالسه الروحج ...قلنا انطوائيه..عاده مب بعد ع بنات عمج ..

عبير:..ههههه لا افا ...انا آسفه ...يالله خلنا نش نيلس رباعه ...شو راايج جي نطقم باجر في الكلية انا وانتي ..

موزه: والله فكره مش بطااله ...نشي يالله نقرر شو بنلبس ...^^...

عبير بغت تنش منه دخل سلمان وعبدالله ...

عبدالله: بنات تعشييتوا ..ولا ..؟؟

ساااره: لااااااااااااااااااا انا ما تعشيت وبموووت يووع احينه ...

شووق: ياااربي ع الخريط ...كلنا ما كلينا إلا هي تعشت الرووحها ...

ساره طالعت شوق: مالت شو استفدي احينه يوم خربتي عليه ...ها ها ...شو كسبتي غير الإثم ..

شوق: انتي اللي كسبتي الاثم ع جذبج ...مالت عليج ...

عبدالله: خخخ خلاااص انتي هب يايه ويانا ...

موزه: وين بنسير ..؟؟

سلمان: بنوديكم نعشيكم ...^^ ...

أمل: صجج والله !!

عبدالله: عاااافي ربي قلت لك سلمون مب جايفين خيــر

أمل: ..احم احم ...لا هذا من الفرحه ...^^

سلمان: انزين يالله تزهبوا عسب نتعشى ونرد ..عسب باجر دوامات ..

الكل: ان شااء االله ..

وسارن البنات يتزهبن ...

مني ام عبدالله يت من برا: السلام عليكم ...ياهلا والله اشحاالك ولدي سلمان ..

سلمان: الحمد لله أمي انتي اشحالج ...

ام عبدالله:الحمد لله والله بخير ..انت اشحالك ..وينهم خواتك ..!! يبتهم ..وياك ولا ياي الروحك ..

سلمان: لا لا خااالوا منه خواتي ...

ام عبدالله: يالله عيل بسير اجووفهن ..

وصعدت ام عبدالله ...اول ما البنات جاافوا ام عبدالله ...استااانسوا حدهم ..لنه يعتبروونها شرات امهم لنه هي اللي ربيتهم ...يوم امهم توفت ..

موزه: هلا اماايا - ولت عليها - ...اشحااالج انتي وينج ..؟؟

ام عبدالله: انا سرت بيت جارتنا ..حليلهم عندهم عزا ...سرت اعزيهم ..انتوا وين بتسيرون .؟؟

شوق: بنسير نتعشى ..ع حساب الشباب ^^

ام عبدالله ضحكت: عيل ما اوصيكم فقروهم عدل ها ...

موزه : لا توصين امايا ^^

عبدالله: يالله يالله بسكن هذربه تعااالوا صج بنات - خخخ- ^^

ونزلوا البنات ...قسموهم نصين ..وكل وحده سارت ويا اللي وايد كلوز ويااها ...

أمل وشوق وساره ..في سيارة عبدالله ..

وعبير وموزه وصقر وسيف في سيارة سلمان ...

انا عزيزه يلست مع ام عبدالله ..تسولف وياها وتشكلي لها الحال ...

في سيارة عبدالله ...

أمل: يالله عبوود اسبق سلمون يالله ...

عبدالله حمق ع اخته : شوو هاي بعد سلمون يلعب ويااج هو ..عيب يا بنت ولد عمج ها ..منقووود لا تقوولين جذه

شوق: عيل سلمون ...خخخخ عادي انا اخته ..

عبدالله: وانا ولد عمج غريب لازم ما اسمع حسج ...جب يالله كلكم ...^^

سكتن البنات ...

عبدالله: خخخخ نذل لا ..خخخخ

في سيارة سلمان ...صقر وسعود حشره من الخااطر ..

صقر: عمي عمي ...قحص عثااني ...

سعود: لا لا لا خليه يثوس وييييل عوود كبير ...يالله ثلموون يالله ..

مني سلمان سكت وصد صوب سعيد : عيييييييييب يا ولد ....عيب قلنا اخوك بس هب جذه يعني ...

طالع صوب المراية الأمامية ...اللي كان حاطنها عسب يجوف عبير ..عدل ...

عبير كانت سارحة الفكــر طبعا ..الليله محد يرمسها ...

سلمان: جوفيج عبير ..؟؟

عبير..مني خافت ..واستحت ...لنها وايد تستحي من سلمان ...

عبير نزلت راسها ...وكان بادي الحيا عويهها ...

سلمان فخطاره : فديت الحيا ...عليج والله تخبلين ...يا بنت العم ...

هيه سلمان يحب عبيــــر !!! ...

انقلب صج الموضوع قصة هنديه ...لا ^^...المهم ...

موزه تناظر سلمان ..اللي يجوفها بنظرات كلها هيام ...

موزه: احم احم ...انزيييييييييييين وشو بعد ...

سلمان ابتسم ..وشل عينه من المراية ...

عبير صد صوب موزه: هيه ...يالله ما قلنا شو بنلبس حق باجر ...

موزه: هيه صح والله ... - ويلسوا يهذربون عن هذا الموضوع ....

هادي وبدر ...وصلوا الجامعة ...ونزلوا عسب يرتبون اغراضهم ..

وهادي طول الوقت يفكــر بالخطوه اليايه ...عسب عبير ...وكيف ممكن يتقرب منها ...ومن اهلها ...

بدر يبغي يعرف شو بلاه هادي اللي فجأه جذه تغير 180 درجه ...

عبدالله : يالله وصلنا انزلوا ..

ساره: هيه هيه بيتزا والله خاطري فيه من زمان ...

أمل: يالله شوق شو تتريين ..؟؟

شوق ابتسم انها يالله احينه بتنزل ....

سلمان في سيارته: يالله شباب يالله بنات ...وصلنا ..

سعود: بيزا بيزا ...عاااشو عاااشو

صقر: يالله يالله خل ننزل ...قبلهم ..^^

سعود: ثح ثح يالله ...

سلمان صد صوب البنات: وانتن يالله ..^^

موزه وعبير: ان شاء الله ...

ونزلوا الشباب وساروا يطلبون لهم ..والبنات يلسوا في طاولة ..

كانت اليلسه وايد حلوه ...والكل كان مستانس ...من الخاطر ...وسوالف وضحك ..مصخره ...واللي يطنز ع الثاني ...وجي ...

عقب ساعه ونص ...

ردوا الشباب ...بيتهم ...

وعند الباب ...سلمان وخواته وعزيزه ردوا بيتهم في الصاروج ...وودعوا عيال عمهم ...

والكل سار نام لنه باجر عندهم دوامات ...

عبير دشت الحجره جافت نورة رااااقده عفراشها ...فدشت شوي شوي ...عسب ما تقوم نوره ..بس عقب دقيقه سمعت صوت شهقه من نوره...جان تصد صوبها ..

ويلست تسمع صوت انين وصياح ...

عبير: نوره ...نوره ..حبيبتي ...شو بلاج ...شو فيج ليش تصيحين ...

نورة ما كانت تبغي ترمس ...بس...عبير إهي اقرب وحده من خواتها لها ...

نورة: جفته يا عبيــر جفته ..؟؟

عبير وهي متفاجئة: جفتي منو ..؟؟؟!!!

نورة...والكلمة ما كانت تبغي تطلع من حلجها : جفت حم....يد ...يا عبير ..

عبير يلست مصدومه من خاطرها...لنها من زمان ما سمعت ها الإسم ع لسان نوره ...وانها فقدت الامل إنه نوره راح تجوف ها المخلوق مره ثانيه ....

عبير: وين جفتيه يا نوره .,..وليش .!!

مني نوره تغير ويها ...ويلست تفكر تقول حق عبير ..ولا لأ !! ...واصلا هي كانت مستحيه تقول حق لها انها نزلت نفسها له مره ثانيه بعد كل اللي سواه لها ...

بس آخر شي قررت انها تقول: تعرفين المسج .... - وقالت لها كل السالفه . - ...

عبير: والله العظيم اني حسيت انه بلاج شي يوم وصلج ها المسج ...كنت هب طبيعية عقبه ...بس طنشت ...فديتج حبيبتي والله ...!! ....واحينه شو يا نوره ...شو بتسوين ...

نورة: والله مااعرف احس اني غلطت لني سرت له ...ماعرف ...

عبير: فديتج ...حياتي والله ....وما تبغين تقول لي بعد !! ارحمي قلبج الصغيرون كيف يوم يتحمل كل ها وحده ...

نورة سكتت ..ويلست تبكي زياده ...

عبير: لا فديتج لا تصيحين ...خلاااص بسج صياح ...احينه انتي نامي ..وان شاء الله باجر يصير خير...

نوره:...عبير أنا آسفه ...

عبير: يش تتأسفين ..!!

نوره: .ما اعرف احس خذلتكم ...

عبير: فديييتج نواري لا تقولين جي...والله لا ...أي بنت في حالتج هاي ..كيف بتقاوم ...حب حياتها ...وانتي رفضتي ..الكل عسبه ...حتى ولد عم ذياب ...رفضتيه عسب حميد ...لا تقولين جي والله ...

نوره سكتت وما ردت ع رمست عبير...حطت راااسها ...واحس انها فعلا هدت يوم فظفظت حق اختها ..عبير

عبير بعد حطت راسها ...ويلست شوي تفكر باللي استوى حق نوره ...وباللي استوى لها ...لين ما ياها رقاد..



اليوم الثاني ...الفير الساعه 4 ونص....

عبدالله وابوه سايرين المسيد ...عسب صلاة الفير ...

ام عبدالله ...تقوم ...البنات عسب الصلاه ....

نشوا البنات ...صلن ...عقب اللي ردت ترقد واللي قعدت تقرا قرأن ,,وتزهب الفطور ...في المطبخ ...

وجي مر الوقت لي الساعه 6 ونص ....

ساروا أمل وساره المدرسه ...عبير سارت الكليه ...

اما نوره قررت انها تسير الدوام ...مع انه عندنا اجازه ...قررت انها تقطعها ...

عبدالله مع سار الجامعه ...

في بيت بو هادي ...

بو هادي كان عنده ها اليوم اجازه ....من جذه محد كان ناش الصبخ إلا مضاوي ..

مضاوي : اففففففف قايمه اجابل منو ...الخدم مثلا ...!!

وقامت تتزهب وهي تتحرطم: والله ما تقول جامعة دوام مدااارس ...جو من 8 لين 5 ...لا مدرسة +حصص تقويه ...اففففف شو ها ...والله مصاااخ من الخاطر ...

وجي الحاله لين ما ظهرت من البيت وسارت صوب الجامعة ...

في جامعة الأمريكية ...

هادي وهو يربع صوب قاعة المحاضرة: بدر خليك ...خليك ...ارقد ما انت ما اعليك..محاضرة ...يالله يالله باي ...

بدر: اوكيه ثانكس انا بحل الواجب ...^^

هادي: انتحر بعد اانا وش لي يالله مع السلامه ...

بدر وهو يضحك : اوكيه يالله باي ...

وسكر هادي ودش القاعه ...

وجي ..مر اليوم ع الكل ...والكل اللي يدرس واللي يشتغل ....

في مدرسة ساره ...ع آخر الدوام ...

يت لها بنت اسمها منى ...

شوق: ساره هاي شو تبغي منج ...افففف خايسه لا حد يدانيها ...ليش انتي اصلا مرابعتنها ...

ساره: صبر صبر خل اجووف شو تبغي عقب برد عليج ..

مني يت منى .: هاااي اشحالج ...ساره ...ممكن شوي ...

شوق وهي تناظر منى بنظرات كلها حقد واشمئزاز : هيه عادي ..

منى سحبت ساره ...ويلست ترمسها ....

شوق بخاطرها تعرف شو تبغي منى من ساره ...

عقب شوي هدتها منى ..وساااره نزلت راسها بالأرض ..وجنه هموم الدنيا ع راسها ...

شوق: شو تبغي منج هادي مسودة الويه ..؟؟

ساره: هاااه ؟! لا لا ولا شي ما تبغي شي تسوولف بس ...

شوق: آهاااه تسوولف ...متأكده ...سااروه ...

ساره: هيه ....متأكده يالله ما بنسير الباص تأخرنا - وتصنعت جي ابتسامه - يالله البنات بياكلون اليوم ...

شوق: هيه صدقج والله عاده هايول ما يصدقون ...

وسارن صوب الباصات ...

ساره ردت البيت ...وكانوا حاطين الغدا ...

ساره: السلام عليكم...

ام عبدالله: هلا والله ببنتي ...^^ اشحااالج اليوم سويت لج الأكلة اللي تحبينها ...تعالي بدلي عقب إكلي ...يالله

ساره بصوت حزين: امايا ما لي خاطر والله ...

وصعدت دارها ...

ام عبدالله استغربت لنه مو من عوايد ساره انها ما تآكل الغدا ...,وياهم ....


اممممم شو سالفتها ساااره ...؟؟؟

مني يخلص الجزء الخاامس المتواضع والسموحه منكم ...يا جمااعه ..والله ضغطت الدراااسه

بعد القرااءة والاستمتاااع,,صج جزء حلووووو ولا زم كل نهايــة تكون فيها جـاذبية واثــارة :)

هلا والله بكــاتبنــا و شــاعرنــا ^^,,

والله هالجزء خبــاااااااااال ,,حــلــووووووووووووووو ,,^^,,

وعــاد عبير منو قدها اثنين يحبونها ^^لووول^^,,يحليله صج سلموون يكسر الخاطر ,,

خاطري اشووف هاي عبيرووه محبووبة الجمااهير ^^"<<واايد متأثرة في القصة خخ,,

اممممممم,,نورة تكسر خاطري وحميــد اكثر والله يغمض ,,يالله الله معااه ^^",,

وعــاد انت في هذا الجزء كسرت القااااعدة المهمة والاساسية ,,ســــــــــاروووه تتضاايج ><"

وانا قاعدة اقرى واقرى عسبة اشووف بلااها ,,وآآخر شي ننتظر جزء ساادس ><",,

والله مستعيلة ابي اشووف الجزء اليديد ,,احس بيكوون رهيب داام السالفة عن سااروه لوول^^,,

والله خااطري ابي اعرف بلااها ,,:oo7dt: :dull8ay: يسلمووووووووووووو على الجزء الرووووووعه ^^.,,,

دااااااااااااايما تعودنا منك هالابدااااااااااااااااااا ااااااااااااااااع العجيــب والمميز ,,و لاتحرمنا منه,,

وربي يوفقك في درااستك ,, ونحن نتريا الجزء اليديد ولكن لا تستعيل ترى نحن صابرين وعادي وعلى
مهلك خخ,,:yes2: ,,

اختــكـ:تف تف

الســــــــــلام عليـــــكم..
أنـــــا الحمــــــــدالله والشكــــــــرداشــــــــــه سيـــــــــده عرض
عـــــلى الجـــــــــزء الخامــــــــــس ... اول واحــــــــد أرد في لأني يــــت شــــــوي متـــأخــــره +سوري+
بـــس الصــــــراحــــــه وايـــــــــد عجبنــــــــي تسلـــــــــم أخـــــوي
يعطيـــــــــك العافيـــــــــه أسلوبـــــك رائـــــــــــع
وكــــل الأجزاء الي قبــــــل حلــــــــوه

السلام على كاتبنا المبدع وخذ راحتك بالكتابه اهم شي الدراسه والقصه كل الكمعتاد روعه بس يعني لازم تعقد السالفه على عبير وتخلي اثنين يحبونها والله اني حزينه على سلمان شنو بصير فيه :( وننتظر التكمله :)

محجوووووووووووووز



ممممممممممم القصة روعة يا اخوي العود و يا حظهم اكليتهم بيزا نحن نبا بعد ممممم مادري شو اقول ماعندي اي تعليق يعني كلو اوكي في اوكي وتسلم

خخخخخخخخ بس سلمانو شو بيصير معاه و عبير مسكينة بس مب تخلي واحد ثالث يحبها بس مسكينة^_^

و بس سؤال القصة كم جزء الله يهديك خليتها طويلة وايد^_^ بس ما علي اذا تبا تحطي 20 جزء عادي عندنا بقراهم كلهم

اقتباس:

---

المشاركة الأصلية كتبت بواسطة تفوحة

محجوووووووووووووووووووووو ووووووووووووووووووووووووو وووز

^^,,واخيــرا الجزء الخامس ترى ما فيني صبر احم احم ,,

وخذ رااحتك اخووي ,,كل ما كان في تأني اكيــد بيطلع الناتج عجيــب ورهيــب ان شالله,,

ولا تعتذر,,مسموووووووووح بالحل اخووي ^^"

لي عودة ان شالله ,,

---

Iam waiting for ma sis:yes3:

اقتباس:

---

المشاركة الأصلية كتبت بواسطة Buffy

الســــــــــلام عليـــــكم..
أنـــــا الحمــــــــدالله والشكــــــــرداشــــــــ ــه سيـــــــــده عرض
عـــــلى الجـــــــــزء الخامــــــــــس ... اول واحــــــــد أرد في لأني يــــت شــــــوي متـــأخــــره +سوري+
بـــس الصــــــراحــــــه وايـــــــــد عجبنــــــــي تسلـــــــــم أخـــــوي
يعطيـــــــــك العافيـــــــــه أسلوبـــــك رائـــــــــــع
وكــــل الأجزاء الي قبــــــل حلــــــــوه

---

thx iam really happy that u like ma story ....:rolleyes5cz:

:wink2: thx ...really iam really happy

اقتباس:

---

المشاركة الأصلية كتبت بواسطة meaad

السلام على كاتبنا المبدع وخذ راحتك بالكتابه اهم شي الدراسه والقصه كل الكمعتاد روعه بس يعني لازم تعقد السالفه على عبير وتخلي اثنين يحبونها والله اني حزينه على سلمان شنو بصير فيه :( وننتظر التكمله :)

---

e5555555 thats better too make the story more intersting u know..:rolleyes5cz:


emmmm

اقتباس:

---

المشاركة الأصلية كتبت بواسطة sorrow

محجوووووووووووووز

---

waiting 4 u ma little bro ^^ :wink2: :wink2:

مراااااااااااااااااااااااااااااااااحب
و أخيرا وصل الجزء
صح ان ما يشبعني بس احسن من لا شي
و انا اقول شو فيه الأخ ذياب مستجلب, اتاري من الرفض.......
يحليلها نورة و الله ما تستاهل الي يصير لها......ابي اذبح هالحميد

أخوي الصغيروني أيامي يما ترى القصة وااااااااااااااايد حلوة.
يلا تحمل على روحك و شد حيلك بالدراسة نبي النسبة الحلوة.
سلااااااااااااااااااااام

بعد القرااءة والاستمتاااع,,صج جزء حلووووو ولا زم كل نهايــة تكون فيها جـاذبية واثــارة :)

خخخ ما استوى جزء ...فستان عرس خخخخخ:wink2:

هلا والله بكــاتبنــا و شــاعرنــا ^^,, هلا والله بختيه الصغيرونه

والله هالجزء خبــاااااااااال ,,حــلــووووووووووووووو ,,^^,,اهم شي الخبااال ..احم احم

وعــاد عبير منو قدها اثنين يحبونها ^^لووول^^,,يحليله صج سلموون يكسر الخاطر ,,

خخخ هيه لا ..>< ...استوت الأحداث من الخاااطر ...يعني

احس بتكون ...جي آكشن ...^^ :rolleyes5cz:

خاطري اشووف هاي عبيرووه محبووبة الجمااهير ^^"<<واايد متأثرة في القصة خخ,,خخخخخ:biggrin9gp:

اممممممم,,نورة تكسر خاطري وحميــد اكثر والله يغمض ,,يالله الله معااه ^^",,:nerd3:

وعــاد انت في هذا الجزء كسرت القااااعدة المهمة والاساسية ,,ســــــــــاروووه تتضاايج ><":sad9cd:

وانا قاعدة اقرى واقرى عسبة اشووف بلااها ,,وآآخر شي ننتظر جزء ساادس ><",,:rolleyes5cz: نذل خخخخ

والله مستعيلة ابي اشووف الجزء اليديد ,,احس بيكوون رهيب داام السالفة عن سااروه لوول^^,,

ان شاااء الله ما تترين وااايد خخخخ

والله خااطري ابي اعرف بلااها ,,:oo7dt: :dull8ay: يسلمووووووووووووو على الجزء الرووووووعه ^^.,,,

شكرا ع مرووورج الكريم ختيه ^^

دااااااااااااايما تعودنا منك هالابدااااااااااااااااااا ااااااااااااااااع العجيــب والمميز ,,و لاتحرمنا منه,,

شكرا شكرا ولا تحروومني من ردوودكم الأكثر من رااائعه ^^

وربي يوفقك في درااستك ,, ونحن نتريا الجزء اليديد ولكن لا تستعيل ترى نحن صابرين وعادي وعلى
مهلك خخ,,:yes2: ,,

خخخخ ان شاء كلنا يا رب ...

ان شاااء الله انتوا تآمرون أمرررررررر :wink2:

اقتباس:

---

المشاركة الأصلية كتبت بواسطة حور العين

مرااااااااااااااااااااااا ااااااااااحب
و أخيرا وصل الجزء
صح ان ما يشبعني بس احسن من لا شي
و انا اقول شو فيه الأخ ذياب مستجلب, اتاري من الرفض.......
يحليلها نورة و الله ما تستاهل الي يصير لها......ابي اذبح هالحميد

أخوي الصغيروني أيامي يما ترى القصة وااااااااااااااايد حلوة.
يلا تحمل على روحك و شد حيلك بالدراسة نبي النسبة الحلوة.
سلااااااااااااااااااااام

---

خخخ هيه واخير وصل ...والسموحه والله منكم ما رمت اكتب وااايد :wink2:

ذياااب خخخخ خلووه بتعرفوون شو سالفته عقب ...

نوره حليلها ..يالله :wink2:

تم تم ...أمايا العوووده ان شاااء الله ...:nerd6bs:


انتي بعد تحملي عرووحج ...ان شاء الله كلنا ..^^ :wink2:

و أخيرا قرييييته ،،
صدق صدق فلممممم هندي خخخخخخ ....
عاد مشكله سعوود و هاادي ع وحده ......
و هذي منى شو قالت لـ سااره !! ، فالجزء الياي بنعرف .......
يزااااااااااااااااااااااك الله خيييييييير أيووومي ...

اقتباس:

---

المشاركة الأصلية كتبت بواسطة بسـ ألم ـمة

و أخيرا قرييييته ،،
صدق صدق فلممممم هندي خخخخخخ ....
عاد مشكله سعوود و هاادي ع وحده ......
و هذي منى شو قالت لـ سااره !! ، فالجزء الياي بنعرف .......
يزااااااااااااااااااااااك الله خيييييييير أيووومي ...

---

احم احم ...ختيه ...هيه اخييييييييييييييرا وصل ردج ..><

اممم ...هو مب سعود ...سلمان ...جكيييتج ما قريتها من خاطرج ...:wink2:

اسووولف ..

هيه بتعرفون كل شي ان شاااء الله >< ...

يزاج الله خير ع مرووورج ..الكريم ...ختيه ...:biggrin9gp:

اقتباس:

---

المشاركة الأصلية كتبت بواسطة ayami

احم احم ...ختيه ...هيه اخييييييييييييييرا وصل ردج ..><

اممم ...هو مب سعود ...سلمان ...جكيييتج ما قريتها من خاطرج ...:wink2:

اسووولف ..

هيه بتعرفون كل شي ان شاااء الله >< ...

يزاج الله خير ع مرووورج ..الكريم ...ختيه ...:biggrin9gp:

---

خخخخخخخخخخخ والله حرااام قريته من الخااطر ...
بس لأني قايمه من الساعه 5 اليووم و ما رقدت الظهر فخرفت ...

اقتباس:

---

المشاركة الأصلية كتبت بواسطة بسـ ألم ـمة

خخخخخخخخخخخ والله حرااام قريته من الخااطر ...
بس لأني قايمه من الساعه 5 اليووم و ما رقدت الظهر فخرفت ...

---

:rolleyes3: :rolleyes3: :rolleyes3:

اههها ...انزين سيري ارقدي احينه ..>< ...

شكرا ع تواصلج ^^ :rolleyes5cz:

اقتباس:

---

المشاركة الأصلية كتبت بواسطة ayami

خخخ هيه واخير وصل ...والسموحه والله منكم ما رمت اكتب وااايد :wink2:

ذياااب خخخخ خلووه بتعرفوون شو سالفته عقب ...

نوره حليلها ..يالله :wink2:

تم تم ...أمايا العوووده ان شاااء الله ...:nerd6bs:

انتي بعد تحملي عرووحج ...ان شاء الله كلنا ..^^ :wink2:

---

أيااااااااااااااااااااامي ايااااااااااااااااااااااا ااااا............الشيطان

شو هاي بعد امايا العودة...... انا هب عيوز :angry3:
و الله حرام ..... انا قلت الكل يناديك اخوي العود....قلت بندلعك و بناديك اخوي الصغير
ترى انا الا اكبر عنك بكم سنة..... نادي اختيه العودة فاهم :hissyfit3: ..... يوم لقيتي احد يدلعج و يقولج اختيه الصغيرونة... ليش تتحرطمين و تقولين انا اكبر :hmmm3: سكتي احسن لج

ههههههههههههههههههه
بس حلوة كلمة امايا
مشكور ايامي اذا انت تعدني جي
يلا عيل اسمع كلام امك و روح ادرس و تعشى و بعدين سيييييييييييدة على السرير......ما صدقت الإخت يالسه تتامر :yes2:
ههههههههههههههههههههه
اخاف امك تسمعني و تي تكفخني :cool3:
سلااااااااااااااااااااااا ااااام

اقتباس:

---

المشاركة الأصلية كتبت بواسطة حور العين

أيااااااااااااااااااااامي ايااااااااااااااااااااااا ااااا............الشيطان

شو هاي بعد امايا العودة...... انا هب عيوز :angry3:
و الله حرام ..... انا قلت الكل يناديك اخوي العود....قلت بندلعك و بناديك اخوي الصغير
ترى انا الا اكبر عنك بكم سنة..... نادي اختيه العودة فاهم :hissyfit3: ..... يوم لقيتي احد يدلعج و يقولج اختيه الصغيرونة... ليش تتحرطمين و تقولين انا اكبر :hmmm3: سكتي احسن لج

ههههههههههههههههههه
بس حلوة كلمة امايا
مشكور ايامي اذا انت تعدني جي
يلا عيل اسمع كلام امك و روح ادرس و تعشى و بعدين سيييييييييييدة على السرير......ما صدقت الإخت يالسه تتامر :yes2:
ههههههههههههههههههههه
اخاف امك تسمعني و تي تكفخني :cool3:
سلااااااااااااااااااااااا ااااام

---

خخخخخخخخخخخخخخخخخخخخخخخخخ خخخخخخخخخخخخخخخخخخخخخخخ ...

انا اسووولف يا الواااالده ..ههههههههههههههههه


احم احم لا لا ...انتي اخت عزيزه وغاااليه ...


وانا اخووكم العووووووود اللي كله يشتغل ويحميكم والذياب ...خخخخ<<< ليش خرفان هم

ههههههههههههههههههههههههه هههههههه

اسووولف ...

وانا عمري 19 ...وجريب ان شاااء الله بدش العشرييييييييييين ^^

يعني انا اكبر عنج :rolleyes5cz:

اقتباس:

---

المشاركة الأصلية كتبت بواسطة ayami

خخخخخخخخخخخخخخخخخخخخخخخخخ خخخخخخخخخخخخخخخخخخخخخخخ ...

انا اسووولف يا الواااالده ..ههههههههههههههههه


احم احم لا لا ...انتي اخت عزيزه وغاااليه ...


وانا اخووكم العووووووود اللي كله يشتغل ويحميكم والذياب ...خخخخ<<< ليش خرفان هم

ههههههههههههههههههههههههه هههههههه

اسووولف ...

وانا عمري 19 ...وجريب ان شاااء الله بدش العشرييييييييييين ^^

يعني انا اكبر عنج :rolleyes5cz:

---

مرااااااااااااااااااااحب
تسلملي و الله
و العمر كله ان شاء الله
بس بعد انا اكبر و جريب ادش 22
بس عادي عندي خلاص انت الاكبر انت الأكبر ما بقول شي و لااااااااااااااااااااا تزعل :yes2:
سلاااااااااااام

اقتباس:

---

المشاركة الأصلية كتبت بواسطة حور العين

مرااااااااااااااااااااحب
تسلملي و الله
و العمر كله ان شاء الله
بس بعد انا اكبر و جريب ادش 22
بس عادي عندي خلاص انت الاكبر انت الأكبر ما بقول شي و لااااااااااااااااااااا تزعل :yes2:
سلاااااااااااام

---

:rolleyes5cz: Ameeen to all at this VB

emmm welcome ^^ ma:wink2: sis