يسسسعد مساء الغالين
اخباركم
icon5501سويت الطريقه وكانت جدددا لذيذه وسهله
وقالت لي انها من منتدى ثاني بس ماسالتها مين ...
وبصراحه الله يجزا اللي سوته الف خير
انا اعتمدته في العزايم لانه سهل ولذيذ
هو ( تشيز كيك الجالكسي )
*
ايش رايكم فيه
والطعم رهيييب
المقادير
الطبقه الاولى
كيكة الشوكولاته الجاهزه (بيتي كروكر)
الطبقه الثانيه
2 ضرف دريم ويب
علبة فيلادلفيا او 12 حبة كيري
نص علبة حليب نستله
علبة قشطه
الطبقه الثالثه
3 حبات جالكسي
علبة قشطه.... بحمام مائي
نخلط الكيك زي الطريقه المكتوبه بالضبط
وهنا راح نحتاج ثلث الكميه او بالكثير نصها ....نبي الطبقه تكون خفيفه
الباقي سوي فيه كب كيك
صورت خلط الكيك ....ترا مو عشان اوريكم خلاطي
وندخله الفرن لحد ما يستوي
على بال ما يبرد
نخلط الطبقه الثانيه
نحط كل المقادير ...ونضربها ضربا مبرحا
بعد ما نخلط ....نحطها على طبقة الكيك ....ودايركت على الثلاجه
لحد ما تجمد
والافضل اذا بتسوينها....تكون قبل بيوم عشان تتماسك مضبووووط
....لما تجمد الطبقه الثانيه
نسوي الجالكسي بحمام مائي مع القشطه
والله مصورتها ...
مدري وين راحت الصوره
(اكيد حمتو مسحها من كثر ما يلعب بالكام )
ونصبها على الوجه ...ونجملها بجالكسي مبشور
وهذا شكلها النهائي
زوووم من فوق ....
وهذي القطعتين لاول ردين
وصحتين على قلبكم
