ツ سلسلة °⊰حكي نسوان⊱°{1}

http://images.msoms-anime.net/images...1556608354.gif

http://images.msoms-anime.net/images...4674841129.png


كونيتشيوا مينا سان :opr0E3VP:

مرحباً بالجميع هنا
همممممم، ألا يكفي العنوان لشرح الموضوع، بلا مقدمات، اترككم لتستمتعوا بالحديث في صبحيتنا المميزة XD
كلنا نعرف الصبحيات و ما أدراكم ما الصبحيات، قهوة و سولفة و تحشيشات ض1
و ما تتداوله النساء في هذه الجلسات ال... << اكملوا الفراغ بالكلمة المناسبة :icon100: (و إذا اكتشفتوا الكلمة المناسبة يطلعلكم فرصة المشاركة في صبحيتنا القادمة ^__^ )
في هذه السلسلة، ستكون جلساتنا نقاشاً يدور بين جارتين حول إحدى المواضيع، و احذركم بأنه سيكون باللغة العامية اللبنانية ال"مشبرحة" XD فجهزوا القواميس لفهم طلاسم ما أشْكَلَ عليكم وقد أعذر من أنذر ^^"


http://images.msoms-anime.net/images...5271197213.png


في أحد الأحياء الشّعبيّة اللّبنانيّة، و كما كلّ صباح مشرق، ارتدت "أم حسن" ملابسها "الشّعبيّة" استعداداً للذّهاب إلى منزل جارتها "أم علي" لمشاركتها "صبحيّتها" المعتادة على شرفة المنزل، متبادلتين أطراف الحديث و مرتشفتين لفناجين القهوة اللّبنانيّة "المرّة" ...
"أم علي" و "أم حسن" والدتان في منتصف العمر. هما جارتان "عتيقتان"، ممّا ربط قلبيهما بصداقة متينة لا تقطعها السنين الطّوال و كثرة الأحداث و الأهوال ...


http://images.msoms-anime.net/images...5271197213.png

-إم علي: و لك يا أهلا و سهلا ... نوّر هالصّبح بوجّك يا إم حسن ^__^

-إم حسن: أهليييين بإم علي شرفتينا ^_^
ولي وين هالغيبة كلا؟
كيف إيامك؟ ان شاء الله العيلة بخير؟

-و الله وين بدّك يياني كون ؟ يا إمّا قاعدة فوق راس إبني علي حتّى يدرسلو شي كلمتين ... يا إمّا دايرة بالحيّ حتّى شوف أحوال و أخبار جيراننا ..

-هيدا إبنك بدو فركة أذن متل ابني بالضبط .. شو هالجيل المنزوع ! عإيامنا كنا نقتل حالنا لنتعلم هلأ شوفي،شوفي ملا جيل... كل همّن اللعب عالكمبيوتر و المضروب عقلبو الانترنت

-لك الله لا يوفقوا اللي عمل هالمنحوس "الإتنرتت"

-اي والله!
و شو بتخبرينا عن هالجيران؟ شو في ما في؟

-و الله ما سمعتي ؟ إم عادل جابت بنت هيديك اليوم !

-ييييي يا حرااام.. صارو 3 بنات، الله يعينو أبو عادل، شايف عادل و ما مصدق.
رحتي باركتيلها ولا إسّا؟ بركي منتفق نحنا و نسوان الحارة منعملّا شي زيارة عن قريب. عيب لازم نقوم بالواجب.

-لك أي زيارة ؟ المسكينة ما لحّقت ولّدت هالبنت حتّى يومين زمان و دخّلتها عالمستشفى !!

-يا ربي دخلك!! ليش شو فيا البنت؟ صابا شي؟

-و الله ما بعرف شو بها ... حتّى الدكاترة ما عرفوا شو صابها ! عم تضل تبكي هالبنت و ما حدا عم يدرى شو السّبب ! بس بعتقد أنا عرفت شو القصّة ...

-ولك خبريني شو عرفتي؟

-سمعت من كام جارة إنّو يوم ما رجعت إم عادل مع بنتها عالبيت، زارتهن بهيجة ، مرتو لفؤاد اللّحام ، و قالولي إنّو البنت أكلت عين من وراها !

-لا حول الله من أمر الله... العمى ع هالمرا شو نسّة ! ما عادت تبطل هالشغلة؟

-ليش سامعة عنها شي من قبل ؟؟

-ما تقوليلي ما دريتي؟

-لا و الله ! ما قبل شوي إلتلك كنت مشغولة بهالمقصوف الرّقبة اللي ما عم يدرس >__<

-نسيتي السمّان أبو فيصل لما كان إبنو حيروح فيها؟ وقتا ما نزلت حرارتو عن الـ40 كل الليل، بالآخر أخدو عالمستشفى و ما طلع في شي

-لا تقوليلي ! بهيجة كانت السبب ؟!

-اييه كانت صيبة عين، و كانت بهيجة زايرتن بنفس اليوم

-يا ساتر يا رب ! يا رب لا تبلينا بحسد العالم يا رب !

-لك هيدي ما بيتأمنلا... وحدة مشرانية الله يجيرنا من شر الناس !

-هلّأ شيلينا من سيرتها ... أعوذ بالله من شرها و شر عباده الحاسدين ... طمنيني على أبو حسن ، صرلي فترة ما شفته بالحي

-أبو حسن... اتركيه لابو حسن بهمّو، ما عاد اشتغل متل الخلق

-يا ساتر ! شو اللي صار ؟ ليكون صرلو شي ؟؟؟

-لك راح من كم يوم يتاجر بالجنوب قال هونيك الشغل أحسن، ما إلو يومين راجع و خسران كتير، ما مشي حالو و البضاعة ما انباعت و ضلّت متل ما هي.. يا ديعان التعب و مشوار الطريق

-لا حول و لا قوّة إلّا بالله ...
الله بيعوّض ... الله كريم ...
بس على علمي أبو حسن شاطر بالتّجارة و ولا مرّة خسر بوحدة ؟!

-و نعم بالله، شايفة! لك أنا بعرف ليش حتى صار معو هيك؟ كل عمرو شغلو ماشي تمام و حظو بيفلق الصخر ! صايرة نفسيتو تعبانة، مقهور على التعب يلي تعبو عالفاضي، خاصة انو كان متأمل بهالتجارة كتير، إلو على هالحالة يومين ما عاد عرف اشتغل ولا نزل عالمحل. شو بعمل بحالي أنا؟!

-ما تعملي بحالك شي ...
أنا شايفيتلك إنو أبو حسن أكلها عين من هيدول التجّار الثانيين اللي ما بيخافوا الله !

-مممم قولك هيك يا ام علي؟

-أكيد ! ما في إلها تفسير ثاني ! أبو حسن شاطر و ما بيغلط بالعادة ...
هولي باقي التجّار بس شافوه جايي على الشّغل و ضارب إجرو بالارض قاموا خافوا منّه و حسدوه على اللي الله أنعم عليه من عقل و ذكا و شطارة ! شو لكن ؟ الله لا يوفّق اللي كان السّبب ...

-آآآمين يا رب الله يسمع منك، أنا شايفتلك هيك كمين.. ما في غيرن هالتجار، كل واحد همو مصلحتو و بس، ما بيتركوا الناس اللي على أد حالها تسترزق ...

-اي لكن ... الله يأبر عدوّينك يا أبو حسن ...
ييييييي !! أخدنا الحديث و القهوة بردت ! يلّا حتّى أعمل ركوة ثانية ^^"

http://images.msoms-anime.net/images...5271197213.png

العنوان واضح، و موضوع الحوار واضح، و المشكلة معروفة لدى الجميع ...
هو الحسد أو ما يعرف بـ"صيبة العين". مرض مستشرٍ في مجتمعاتنا، لا يميّز بين صغير و كبير، امرأة و رجل ... الجميع قد يقع فيه، و الجميع أيضاً قد يكون ضحيّته، و صاحبه قد يرتدّ عليه أيضاً ! أصحاب النّفوس الضّعيفة، و المصابون بعقدة النّقص و الصّغر هم أبرز المعرّضون للإصابة بهذا المرض أبعدنا الله عنه ...
لكن من جهة أخرى، نجد أيضاً أنّ بعض من "يفشل" في ارتقاء سلّم النّجاح، لا ينظر إلى أخطائه الشّخصيّة و يحاسب نفسه على التّقصير و الإستهتار الذين كانا السّبب في فشله ! بل يرى الحسد سبباً لفشله،و يعتبر أنّه على سكّة الصّواب و النّجاح إلّا أنّ حسد الآخرين هو ما أخّره، و لعلّ هذا أبرز أسباب بقائه في صفّ المتأخّرين ...

http://images.msoms-anime.net/images...5271197213.png


و هلأ اسمحولي احكي لبناني معرّب حتى تفهمو ^^"
صبحية كغيرها من الصبحيات، إلا أنها تختلف بأنها تريد مناقشتكم و مشاركة آرائكم مع هؤلاء النسوة، أي تجربة او قصة شائقة تودون مناقشتها فهنا مكانها و هنا يشرفني أن أستضيفها في هذا الحي، هذا الشارع، هذه الشرفة ^_^ ، هذا البيت ، هؤلاء النّسوة، مع هذه القهوة، وهذا الفنجان، و كيس بن "بون برازيل" بسعر 4500 ليرة مع هال و 3750 ليرة بدون هال << دعاية مجانيّة ض1

بعد ما قرأتو الحوار، طبعاً بيهمنا... قصدي بيهمني XD (بعدين بقول ليش، بس ليش ؟؟ :icon100: ) استقبل اقتراحاتكم و انتقاداتكم على الخاص عندي، و أرحب بأي اقتراح لفكرة الصبحية القادمة من سلسلة حكي نسوان ، علّ صاحب الفكرة يأتي المرّة القادمة ليجد فكرته محوراً لصبحيّة جديدة ... و على أمل تكونو تسليتو ^^"

طبعاً لا أنسى صاحبة البال الطويل المصممة المبدعة ღ ليـــان ღ لتصميمها الفواصل الرائعة، أرجو تقييمها لمن أراد هنا

شكراً لكم، عشتم و عاش لبنانeh_s7 << عم تعيش اللحظة بتفاصيلها :icon100:


http://images.msoms-anime.net/images...9168914295.png

بدي أحجز هلّا لأ أراء حكي النسوان هيدا

وبرجع دغري أكتب الرد >:icon100:

ياسلام ياسلام شو هالصبحية الحلوة

عنجد صبحية نسوان اكثر شي قهرني في الحوار

-ييييي يا حرااام.. صارو 3 بنات

ياختي البنات بركة الله اعلم ليه هالنسوان مابيعجبهم>>> متعصبه للبنات>_<

بالنسبه لمحور الحديث

عنجد الحسد منتشر هالأيام قصص بتقشعر البدن والله

الله يكفينا شره وشر الحساد يارب آمين

ربي يسعدك يا امورة فرفشتيني انتي واللهجه اللبنانيه

تبعك في انتظار الجلسة الثانيه بفارغ الصبر

حلوه الفكرة ،
جذبني العنوان بقووووه ،

شكرا للجهود المبذولة ، وعذراً ~

فعلاً قد يزل اللسان ، ولكن المعذرة ،

إلى الأمام ، فمواضيعكم رآئعه سواء بالكلمات أو التنسيق
ورقي المنتدى بكم دائما وأبداً =)

يا عيني عن جد فكرة حلوة
اللهجة اللبنانية مفهومة
ييييي يا حرااام.. صارو 3 بنات، الله يعينو أبو عادل، شايف عادل و ما مصدق
أبو البنات أجره كبير عند الله
ولا تنسي أنو الرسول عليه الصلاة وسلام كان والد بنات

لنعد لموضوعنا صدقتي الحسد جدا متشر ذي الأيام وإذا تبغي
تعالي السعودية أساتذة بذا الموضوع إسئل مجرب
بس الله يبعدنا عن الحساد وينقي قلوب جميع الناس


ولكن تمنيتها سواليف سعوديات ، أحسهم يحششوون أكثر منكم ^^"

مو الكل وكمان النساء هن النساء ولو كنا من كوكب آخر
الواحدة فيهن لسانها متبري منها
ولا ننسى أن ليس الكل ينطبق عليه هذا

hakrory: أنتظرك أوعا تهربي ض1

هيبوره: هههه أنا فقط كنت أنقل ما تقوله النساء عادة طبعاً أنا ما أزعل لو 50 بنت ض1
تسلمي حبيبتي تعالي كل يوم أفرفشك ض1 .. منورة :)

|Nice|: شكراً لك على المرور :)

الأميرة شيهو: صح حبوبة أعرف أنا :) بتقوليلي على البنات ض1
آمين يا رب شرفني مرورك :)

وعليكم السلام ورحمة الله وبركاته

ههههههههههههههههههههههه يقطع شرك يا افنان بجد ضحكتيني XD

خليني اعلق ع موضوعك بقصة حكّتها خالتي النا

هلأ ضرتها لخالتي .. الها بنوتة عسولة وصغيرة .. جارتها لضرة خالتي بتحبها كتير للبنت لمجرد كونها طفلة لزيزة xD

وكل ما تيجي هالجارة ع دارهم البنت سبحان الله يصير الها شي .. يا تندب وتنجرح .. يا تمرض .. xD

فالان تونونت و حكت مابدي هالمرة تشوف بنتي ابداً .. فمرة سبحان ا لله كانت جاية تزورها وبطلت ..

في نفس اليوم البنت وقعت و جرحت حالها .. خالتي بتقلها لو زمانها فلانة اجت عندك كان قلتِي بسببها

XD ..

الله يحمينا يارب من العين ومن اهلها .. و يشفي كل معيون ..

صح العين حق .. بس مو كل شاردة و واردة تتعلق بالعين XD

مشكورة ع الموضوع الخفيف اللطيف ..

اذكري الله وصلي ع الحبيب

بأمان الله

رجعت لموضوعتس ^^

اصبح الناس يخافون من الحسد وبكثره ..لنتشاره بسب قلّه ذكر الله

والعين الحق ..كما جاء في أحاديث الرسول صلى الله عليه وسلم

.....أعجبني الحوار كثير ^^
وشكرا لتس أفنان

الحسد موجود والعين موجودة ولكن الناس يبالغون
كثيرا في الموضوع كل ما يحدث لهم صاروا يرمونه للحسد
الكل خايف من الحسد والمشكلة إنو العين جايله جايله

يازين جلسة الصبح والقرق والقريق

اي والله ظاهرة الحسد ظاهرة قبيحه والاشد من الحسد ايش

مثال وحده تشوف بنت وحدة عااادي يجي البنت شي يظلمون الي شافتها >ــ< يااحراام

صارو مايفرقون بين الحسود والي مظلوم انه حسود

موضوعك سوقوي

smile_s: هههههه يا حراام المسكينة :)
شرفني مرورك حبوبة <3

hakrory: صح لكثرة ما نرى و نسمع من قصص تشيب الراس :s
نورتي بعودتك ^^

الأميرة شيهو: بالضبط هذا هو الهدف من الحوار كله ^^ .. شكراً لمرورك

كونانية: تانكس حبوبة ^^ ما بقول الا الله لا يبلينا و يعافينا

أذكار الصباح و ما أدراكم ما أذكار الصبح !

عليكم بها و من أصابته العين فلا يلومن إلا نفسَه ^__^"" و بعد اللوم فليرقي نفسه ^_^"

والرقية حقًا لها أثر مُعجز قوي

موضوع خفيف و ظريف يحكي واقعًا فيه نعيش

وفقك الله و أدام قلمك يتناول مشكلات مجتمعنا و ظواهرها و جعله سيالًا في الحق قولي آمين

بالتوفيق أفنان 3>

صدقتِ حبيبة ذكر الله يطرد كل هذه الأشياء بإذن الله
اللهم آآمين :) تسلمي على المرور

XD .. شووو هااااد حكي لبناااااني لااازم اكووون هووووووون بس احجز وارجع خخخ XDDD ..
>> انفع في اللبنانية صوووووح XDDDDDD

السّلام عليكم و رحمة الله و بركاته

موضوع لبنانيّ بامتياز ينشر في المنتدى
من عضو لبنانيّ بامتياز أيضاً ...
تحيّاتي إليكِ يا نائب رئيس الرّابطة اللّبنانيّة - المسومسيّة على ما قدّمتِ في هذا الموضوع ^__^

طالما أنّ الموضوع "لبنانيّ بالكامل" فلا مانع أن أكتب الرّد بالعاميّة ^__^

أوّل شي الموضوع كتير WoooW يعني c'est très magnifique :icon100: :icon100:
لا تصدقوا إنّو هيدا حكي لبناني ^^"
المهمّ هلّأ: موضوع لبناني بامتياز
الصبحيّة موجودة، القهوة موجودة، بن "بون برازيل" موجود :icon100: ، و الأهمّ النّسوان موجودين :icon100:
أصلاً لولاهن ما كان صارت الصّبحيّة ^^"

موضوع الحوار كمان يعتبر من المواضيع اللي بتشغل بال أبناء المجتمع
الحسد و ما أدراكم ما الحسد ...
عنجد في ناس ما بتملى بعينها النّعمة ، دايماً شغلتها حسد الثانيين على اللي الله أنعم عليهم
و ما بيتطلّعوا على حالهن شو الله أنعم عليهم حتّى يشكروه
لدرجة صار الحسد نوع من الكفران بالنّعمة و العياذ بالله
أبعدنا الله عن الحسد ...

و كمان بوافقك الرّاي من ناحية ثانية
مو كل "مطبّ" بالحياة سببه حسد الآخرين لإلنا
لأنو قبل ما نقوم بهيدا الإتهام لازم نفكّر "شو اللي ممكن الآخرين يحسدوه فينا"
و في كثير أحيان ممكن ما نلاقي شي حتّى ننحسد عليه !
بس هو كبرياء الإنسان بيمنعو عادة إنّو يعترف بفشله ...

في الختام أعود للكلام الفصيح :icon100:
و أحييكِ أختي أفنانـْ على ما قدّمت في هذه الصّبحيّة الشّعبيّة السّعيدة
و أشجّعك على الإستمرار في تقديم هذه الصّبحيّات اللّطيفة
و بانتظار قادم إبداعاتك
مع تحيّات رئيس الرّابطة اللّبنانيّة :icon100:

تحياتي إلك يا أخت أفنان ،،

شو هالإبداع كلو وين كنتي مخبيتو ..؟؟

icon30icon30icon30

أولا :وعليكم السلام ورحمة الله وبركاته

ثانيا : أردت الرد على موضوعك منذ أن نزل ،، ولكن لظروف خارجة عن ارادتي Icon083

تم الرد اليوم وأخيرا بسلام :olala:

ثالثا : أختي افنان ،، أبدعت أيما إبداع بكتابتك لهذا الموضوع بحق ..!

ما شاء الله تبارك الله ،، كانت لديك فكرة ،، فوضعتها بأسلوب شيق جدا وجميل

مختصر ومفيد ،،

أحببت قراءة كل كلمة من كلمات موضوعك ،، وتشوقت لقراءة المزيد والمزيد من هذه الصبحيات الجميلة

حقيقة في البداية ،، توقعتها قصة ،، وأردت التعقيب على أمر إكثارك لنسب كل شيء للعين

لأني اعرف أنه منتشر وبشدة ،، (اعني أني اعتقدتك من هذا النوع من الناس)

وسعدت جدا لأنك لم تكوني الا حاكية لواقع يدور حولنا ،، ومشكلة نريد لها فعلا حل !!

وفعلا ،، كثير من الناس ينسب كل شيء ويقول عنه عين

صحيح أن الرسول عليه السلام قَالَ إِذَا رَأَى أَحَدُكُمْ مِنْ أَخِيهِ أَوْ مِنْ نَفْسِهِ أَوْ مِنْ مَالِهِ مَا يُعْجِبُهُ فَلْيُبَرِّكْهُ فَإِنَّ الْعَيْنَ حَقٌّ .

ولكن هناك ما يسمى أيضا بـ قضاء الله وقدره

والإيمان بـ القضاء والقدر واجب ،، بل ركن من أركان الإيمان الستة !!

فإذا ما قصر الانسان أو تناسى وتخاذل وبدلا من أن يعترف بخطئة ،، يرمي بخطئه على العين !!

وقد كان لدي زميلة من هذا النوع ،، وبصراحة ،، كرهت كل مرة تقول فيها عين !!

ولكني لم ألمها ،، فقد أصيبت بعين وأعتقد أنها - تعقدت من الموضوع - فأصبح كل شيء في حياتها عين

والحمد لله على النعمة ،، وعلى العلم والفهم ،،

------------------

فعلا صبحيات جميلة ،، بل رائعة ،، وأكثر من ذلك ،،

فعلا أتمنى قراءة المزيد والمزيد من هذه الصباحيات و (حكي النسوان )

عرضك رائع ،، تسلسل للأحداث بطريقة جميلة فكاهية مفيدة يستفيد منها الجميع بإذن الله :)

استمري ارجوك ،، ولا تقطعي عنا ابداعك وقلمك ..

شاكرة لك..

ولَك شو هااد ؟
فكرة بطيّر العئييل 33>
بإلك، أنا ما بعرف إحكي لبناني،
بس السوري بيزبط ما هيك XD
<< ترباية باب الحارآآ ،

،،

الحسد، أمرٌ قد تفشى بشكل مخيف في مجتمعاتنا..
وتبعاً له، تفشى الخوف المُفرط منه..

أسبابهما :

السبب الأول والأخير ضـعـف الإيمـآن..
لو كنا نعتقد ونؤمن بأن الله قد كتب لنا رزقنا،
وبأنه سبحانه لا يريدُ بنا الشر مطلقاً،
حتى لو كنّا نراهُ شراً، ولكن بعدَ أمد بعيد يتضح أن ماخلف الشر..
خيرٌ عظيييم لو علمنا به لتقبلنا ما نظنه شراً بكل أريحية وسعادة !

الهم " لا أقول موت أو حادث أو إفلاس "
مجرد هم، ما هو إلا تكفير لخطايانا =)
فالخير لا يجب أن يكون مادياً دائماً .

[ لنؤمن بأن الله لا يريدُ بعباده شراً محضاً، فلندع الخوفَ جانباً، لنؤمن بملئ قلوبنا ]

،،

XD

ما أستغربه، الآن عندما يحسد الشخص الآخر..
يسبب له "بإذن الله " سرطان، مرض نفسي !!
الرحمة !
حسد خارق لا حول ولا قوة إلا بالله !!
والأدهى والأمر على أمور أتفه من التافهه !

" بني آدم ما يملى عينه غير التراب "
<< صدقتَ والله T_T

في حفظ الباري ~

آنسة هاجر: ههه أنتظرك لا تهربي XD

guzo: يا مرحباً بريس الرابطة اللبنانية حللتم أهلاً و وطئتم سهلاً :)
هههه شو قصتك مع بن بون برازيل ض1
صحيح، دايمأً عينا برزقك غيرا سبحان الله!!
لا عنجد بتوافقني الرأي؟! ض1 ض1 << استرجي أصلاً ض1

كوكتيل: ههههه كان في صندوق مغبر مرت عليه السنون ض1
شكراً لكِ على المرور الحلو ^^ ا
العقدة قد تكون فعلاً سبباً للتصديق بهذه الأشياء و الهلوسة بها!
باذن الله سنستمر بتقديمها الى أن يشاء الله.

سحابة: هههه اي بيمشي كلو بيمشي ولو.. جيراننا ض1
اي والله صدقت كله خير.. الحمد لله يا رب عافينا، سررت بمرورك حبوبة :)