@@بعيد تاركني ادورلك اعذار@@
سلام عليكم والرحمة نبدأ نعرفكم بأشخاص القصة
بو مانع (هوسعيد)متزوج من بنت عمه
ام مانع(هيه منيرة)
عندهم عيال ووايد تحبهم الوالدة
مانع:عمره 18 ،حبوب ويشتغل ويا ابووه في الشركة بس مره مغروم(مينون)
محمد:عمره 18 مشاغب بالمره ويدرس في الخارج ووايد خقاق الله يعين
مايد:عمره 17 يحب ويعشق السيارات ويحب الفرفشه ويدرس ويا اخووه في الخارج
روضة:عمرها 16 طيوبه وتعشق تسمع الاغاني وتحب تكتب الخواطر وايد ومدمنة ع النت بشكل فضيع تدرس ثانوية عامة الله يوفجها
عائلة بومها
بومها(هو صالح أخو سعيد) متزوج من بنت عمه ام مها(شيخة)
عندهم عيال ووايد يحبونهم
مها:عمرها 18 ،حبوبه ومجتهده وجمال ما شاء الله عليها متخرجه من الكلية
مهاري:عمرها 18 شيطونه وايد وتحب تعتني بجمالها وتدرس في الكلية
الريم:عمرها 18 وايد هبله خخ بس تنحب وتدرس ويا اختها في الكلية
نهيان:عمره 16 بس ريال ماشاء الله عليه ثانوية عامة
وبعض من الشخصيات في القصة:
خالة أم سالم(اخت منيرة وشيخة)
سالم متزوج من مريم بنت خاله
ومريم عندها اخو اسمه احمد وهو يدرس في الخارج مع محمد ومايد
وعندها عيال اسمائهم
فاطمة:عمرها 19 تدرس ثانوية عامة
ووولدها الصغير:عبيد :عمره 13 سنة
وبعد ما عرفناكم ع الاشخاص اتمنى تستمتعون وياي في القصة:
في ابوظبي الساعه8:20
مانع:هلا امايه صباح الخير
ام مانع:حبتك العافية ياوليدي:صباح النور
بومانع:هلا مانع يلا بنتأخر ع الشركه
ام مانع:لا حول خلاه يتريق ع الاقل
مانع:لا امايه خلاص تريقت واحينه بروح الشغل
بومانع(يبتسم):والله مفتخر فيك يا وليدي
مانع:الحمدلله دامك راضي علي
ام مانع:الله يحفظكم بسلامة ترجعون يا ربيه
بو مانع:اميين
بعد ما راحووا يلست تجمل ريوقها
رواضي نزلت تحت
ام مانع:مرحب برواضي
رواضي:هلا امايه شو وين ابويه ومانع
ام مانع:ساروا الشغل فديتج
رواضي:اهاا امايه ترى يوعانه وايد
ام مانع:جلي ما عندج غير جيه متى بتتعلمين و تيوزين عن تصرفاتج
رواضي:خخخ فديتج امايه شو اسوي انتوا علمتوني ع الدلع وبعدين بعدنيه صغيره ع هالاشياء
ام مانع:جب قالت صغيره قالت والله انج بترفعين عليه الضغط سيري يلسي ع الكمبيوتر
رواضي:ههههههه فديتج الغالية قطعووه النت خخخ الله لا يسامحهم احينه ملانة
ام مانع:افففف احسن ،سيري جابلي كتبج فارتنهم هناك ولا زخيتي حايه من ييتي
رواضي:امايه انا ازخهم في الليل وبعدين ابا اسير بيت بنت عمتي فطامي فديتها
ام مانع:زين اليوم اجازة شله تروحين وياهم ترى بنروح بيت عمج وبنشوفهم هناك
رواضي:لا لا ابي اروح احين والله وعدتها اروح وياها اليوم
ام مانع: يا حبج للحواطة عنبوا ما تملين بس ما اقدر عليج بنتي الوحيده
رواضي:اموووووووواح الغالية احبج وشرايج تروحين ويايه
ام مانع:لا غناتيه بسوي الغدى هالمشكارات ما يعتمد عليهن يبالهن وجفه
رواضي:زين امايه تامريني بشي
ام مانع:سلمي ع فطامي وامها فديتها
رواضي:من عنوناتي الغالية
وشوي ادق عليها فطامي
رواضي:مراااحب ام كشه
فطامي:مرااحب ام الدويس خشمج
رواضي:مالت عليج،يلا طرشي الدريول ما فيني امشي شمس
فطامي:ويا راسج عاده الي يقول برنسس ع قولت اخوي نهيان
رواضي:جب لا جان تبيني ايييج ولا ماشي روحه
فطامي:زين يلا الدريول بيمر عليج
رواضي:خيبه زوين يلا بروح اتمكيج
فطامي:ويا ويهج بعدج مب متزهبه
رواضي:شو اسوي يالسه اقنع امايه ساعه لين وافجت
فطامي:فديتها عمووه سلمي عليها
رواضي:ان شاء الله يلا سكري خلصتي رصيدي
يتبع.........................
