الغياب المتكرر ....... موضوع مهم للنقاش
السلام عليكم ورحمة الله
كيف الحال
اليوم حبيت اطرح _ تطرحين ولا تجمعين _ خخخخخخخخخخخخخخخخ
نترك الفلسفة على جنب
اليوم حبيت اطرح موضوع متعلق بالمدرسة
الا وهو
.,.,.,.,.,.,.,., الغياب المتكرر .,.,.,.,.,.,.,.,.
مااسبابه
وما علاجه
و ................ الخ
بالنسبة لي - انا اليوم غايبة عن المدرسة لظرف صحي
وهذي المره الاولى منذ اكثر من 9 سنوات - هذي التسع سنوات ماغبت فيها الا 7 او 6 ايام فقط
بصراحه امي كلمة غياب عندها احذفيها من قائمة الذاكرة
لايمكن تغيبين
والحمدلله انا ماحب اغيب
بس الاحض بعض الطلاب والطالبات يغيبون كذا بدون اي سبب
فحبيت اطرح الموضوع واشارككم الاراء
انتظر الاراء بفارغ الصبر
@ جاماتا @
رد: الغياب المتكرر ....... موضوع مهم للنقاش
رد: الغياب المتكرر ....... موضوع مهم للنقاش
مااا شاااااء الله عليج يا روح الأنمي
مستحيييل ,... أنا ما اغيب وايد ... يعني هالترم غبت ثلاث أيام أو أربعة ,... كلهم بعذر ما عدا واحد ^^
أول مرة أغيب هالكثر فترم واحد !
مشكلة الغياب .. انك يوم تغيب تراكم عليك كلللللل شي !! .. نقصت في الانجليزي اربع درجات لأني ما حضرت وحدة من الاختبارات !! (كنت غايبة !!)... وان شاء الله باكر باختبره ...
ولا عمري نقصت في الانجليزي .. درجة بالكثييير ,, ... انقص 4 درجات بسبب الغيااااب !!!
ومن هذا المنطلق عرفت مساوئ الغياااب >> محاااضرة ..خخخخ ...
والسنة الياية ما بغيب ولا يوم ان شاء الله ..
تسلمين روح الأنمي على الموضوع الحلو .. غريبة ما شي تفاعل من الأعضاء !!
^_^
Demor
رد: الغياب المتكرر ....... موضوع مهم للنقاش
أولا شكرا على الموضوع
أما بالنسبة للغياب فعلى حسب مزاج الطلاب
يعني بالنسبة لي بعض الأحيان تجيلي أيام ما أطيق ريحتها
يا دوب نروح نصلي الفجر
رد: الغياب المتكرر ....... موضوع مهم للنقاش
والله الحمد لله أنا لاأغيب كثيراً ولكن المشكلة واحدة من أعز أعز صديقاتي
أصابتني بالملل من كثر غيابها مستحيل يمر اسبوع إلا وتغيب فيه على الأقل يومين
انا صراحة طفشت يعني هي تقريباً الصديقة الوحيدة اللي اندمج معاها في الأنمي وحكاوي الأنمي
وتقهرني بغيابها الكثير ..
بالنسبة لعلاج هذه المشكلة هو العقوبة من ادارة المدرسة أو كتابة تعهد لمنع كثرة الغياب
وشكراً لطرح الموضوع
رد: الغياب المتكرر ....... موضوع مهم للنقاش
هااايااات ..روح الأنمي ..غايبة هه ..
وأنا مثلك غايبة اليوم ...تعرفي ليش ..
لأني مليت من الدراسة ومن ثالثة ثانوي ..طفشتني...بس يالله ماعليه ..
أنا نسبتي في الترم الاول (100 %) شكلها صدفة وماراح تتكرر ..ومو تفاخر
مني والله.. بس متضايقة مرة وكل يوم أبكي من هذا الكرب والضيق..
بس خايفة موت أحس ان هذي السنة غير ولاسيما ان فيها اختبار
قدرات...ياويلي..
خايفة موووووووت...شكلي يجيب 90% في ذا الترم..thumbdown
ماصرت أنام وعشان كذا غبت اليوم... تصدقين نفسي أبطل دراسة..وأهلي مو راضين ..
تصدقين لما أجي أذاكر جسمي كله ينتفض..
مشكلة هه..
يالله ما أطول عليكِ ..
وعلى فكرة شفت ردك في منتدى البرامج ..
وقلت في نفسي ..غريبة ..والله ..شكلهم عطلو ..حظها..
icon31
اقتباس:
بالنسبة لي - انا اليوم غايبة عن المدرسة لظرف صحي
سلامتك ماتشوفي شر خيتو..
مشكووورة على طرحك الموضوع ..حسيت براحة ..icon5501
رد: الغياب المتكرر ....... موضوع مهم للنقاش
اقتباس:
مااا شاااااء الله عليج يا روح الأنمي
مستحيييل ,... أنا ما اغيب وايد ... يعني هالترم غبت ثلاث أيام أو أربعة ,... كلهم بعذر ما عدا واحد ^^
أول مرة أغيب هالكثر فترم واحد !
مشكلة الغياب .. انك يوم تغيب تراكم عليك كلللللل شي !! .. نقصت في الانجليزي اربع درجات لأني ما حضرت وحدة من الاختبارات !! (كنت غايبة !!)... وان شاء الله باكر باختبره ...
ولا عمري نقصت في الانجليزي .. درجة بالكثييير ,, ... انقص 4 درجات بسبب الغيااااب !!!
ومن هذا المنطلق عرفت مساوئ الغياااب >> محاااضرة ..خخخخ ...
والسنة الياية ما بغيب ولا يوم ان شاء الله ..
تسلمين روح الأنمي على الموضوع الحلو .. غريبة ما شي تفاعل من الأعضاء !!
^_^
Demor
ماشاء الله عليك
والله اللي غايب عشان ظرف ضروري ماعليه شي
اما والله الواحد غايب عشانه طفش من الدراسة
هذا وش نسوي له
مشكووورة خيتو على المرور الرائع
اقتباس:
أولا شكرا على الموضوع
أما بالنسبة للغياب فعلى حسب مزاج الطلاب
يعني بالنسبة لي بعض الأحيان تجيلي أيام ما أطيق ريحتها
يا دوب نروح نصلي الفجر وشكرا
يووووووووو عاد انتم يالعيال شعاركم هو _ خالف تعرف _ المعذرة لكل ولد هنا
مشكووور على المرور
اقتباس:
والله الحمد لله أنا لاأغيب كثيراً ولكن المشكلة واحدة من أعز أعز صديقاتي
أصابتني بالملل من كثر غيابها مستحيل يمر اسبوع إلا وتغيب فيه على الأقل يومين
انا صراحة طفشت يعني هي تقريباً الصديقة الوحيدة اللي اندمج معاها في الأنمي وحكاوي الأنمي
وتقهرني بغيابها الكثير ..
بالنسبة لعلاج هذه المشكلة هو العقوبة من ادارة المدرسة أو كتابة تعهد لمنع كثرة الغياب
وشكراً لطرح الموضوع
انا مثلك بصراحه اذا غابت صديقتي اللي تحب الانمي طبعا اجلس طفشانه
اليوم يوم غبت اشتاقت لي هي تقووول والله المدرسة طفش تقول ابغا واحد يتهاوش معي مثلك عن الانمي
لو تشوفونا صوتنا واصل للادارة
مشكووووووورة على المرور خيتو
اقتباس:
السلام عليكم
الصراحه .. انا من هواه الغياب :d
الغياب شي عادي جدا .. الناس يغيبون عشان مالهم خلق المدرسة [ اللي يقدرون طبعا icon994 ]
مثلا في الفصل :
يووووه بكرا علينا المادة ---
- وععععععع اصلا بكرا بغيب .. وكذا يعني عادي مافيها شي :d
والسموحه بس هذا رايي بصراحه Icon498
سلام icon31
يووو ذكرتيني بصديقتي والله تغيب بالاسابيع في السنه تغيب 18 يوم كذا والله
مجنووووووووووونه احنا نقولها بس _ لاحياة لمن تنادي _
مشكووووووووووورة على المرور
اقتباس:
هااايااات ..روح الأنمي ..غايبة هه ..
وأنا مثلك غايبة اليوم ...تعرفي ليش ..
لأني مليت من الدراسة ومن ثالثة ثانوي ..طفشتني...بس يالله ماعليه ..
أنا نسبتي في الترم الاول (100 %) شكلها صدفة وماراح تتكرر ..ومو تفاخر
مني والله.. بس متضايقة مرة وكل يوم أبكي من هذا الكرب والضيق..
بس خايفة موت أحس ان هذي السنة غير ولاسيما ان فيها اختبار
قدرات...ياويلي..
خايفة موووووووت...شكلي يجيب 90% في ذا الترم..thumbdown
ماصرت أنام وعشان كذا غبت اليوم... تصدقين نفسي أبطل دراسة..وأهلي مو راضين ..
تصدقين لما أجي أذاكر جسمي كله ينتفض..
مشكلة هه..
يالله ما أطول عليكِ ..
وعلى فكرة شفت ردك في منتدى البرامج ..
وقلت في نفسي ..غريبة ..والله ..شكلهم عطلو ..حظها..
icon31
سلامتك ماتشوفي شر خيتو..
مشكووورة على طرحك الموضوع ..حسيت براحة ..icon5501
ماشاء الله عليك
ايو والله اليوم غبت عشان ظرف صحي
مشكووووووووووووووووورة الله يعطيك الف عافيه
مشكورة على قلقك علي
@ جاماتا @
رد: الغياب المتكرر ....... موضوع مهم للنقاش
خخخخخخخخخخخخخ
اختي روح الأنيمي ماشاء الله عليكي أفضل شيئ يعينوكي مراقب او مرشد طلابي icon199
والله الموضوع رغم انه مضحك لكن يستحق النقاش ^^
انا شخصيا ما كنت أغيب ايام كنت في المدرسة، وما اظن اني غبت الا أيام ما كنت امرض بس وأظنها ايام تعد على الأصابع
حقيقة أرى ان ايام المدرسة كانت ايام ممتعة جدا وانا دائما ما اتذكرها واشعر بالحنين اليها
والحمد لله كنت متفوق ^^ ماهو غرور لكن للتشجيع خخخخخخخخخخخخخ
أذكر اني جبت في الثانوي نسبة 96 %، زينة والحمد لله
لكن ماشاء الله اختي كايند هارت جبتي نسبة 100% الله اكبر عيوني باردة عليكي O_O
خخخخخخخخخخخخخ
أمزح معك
الله يوفقك وتجيب الترم الثاني نسبة 200% بعد xD وتصيري الدكتورة كايند هارت وانتي بعد اختي روح الأنيمي
تصيري عالمة زي هايبرا
خخخخخخخخخخ
وتسلمي على الموضوع أختي
وسلامتك أختي والله يقومك بالسلامة
رد: الغياب المتكرر ....... موضوع مهم للنقاش
السلام عليكم .. ^^
كيـــف حالك روح الانمي .. ؟
اممم الغياب ومشاكل الغياب ..
الصراحة انا من اكرهه الاشياء بحياتي الغياب .. ><
ومع ذلك داما اغيب >>> احيانا لضروف صحية .. ^^
مو تحسبوني شاطر بالدراسة نسبتي الفصل الاول 64% خخخخخ شوفو الاجتهاد بس
ومن جد الواحد لو غاب يجي بكرا وكل شئ ناقصه يروح ويكمل كل شئ ممكن بالكتاب الفلاني
كاتبين اسالة يروح ينقل ... الخ >>> يعني فيها غثا ..
وان شاء الله ماتشوفين شر .. ^^
وتقبلي مروري اخوكـ نيجي ..
رد: الغياب المتكرر ....... موضوع مهم للنقاش
كيفك ياروح الأنمي سلامات
وااااااي الغياب بموت فيه
أتذكر أول مادخلت المتوسط أعطوني إنذار بالفصل ثلاثة أيام بسبب غيابي بس كان سبب غيابي انو الشله تفرقت فما حبيت المدرسه لحدماكونت شله رائعه خف الغياب
وفي الثانوي قل غيابي أما الكليه اللي أدبتني بجد يعني ثلاثة غيابات حرمان فتبت
لكن بجد ماتحسي بقهر من غيابك إلا بعد ماتتخرجي لأنك ماجلست مع زميلاتك وقت أكثر
سلااااااااااااام
رد: الغياب المتكرر ....... موضوع مهم للنقاش
اقتباس:
أذكر اني جبت في الثانوي نسبة 96 %، زينة والحمد لله
لكن ماشاء الله اختي كايند هارت جبتي نسبة 100% الله اكبر عيوني باردة عليكي O_O
خخخخخخخخخخخخخ
ونسبتك حلوة بعد هههههه .
الله اكبر عيوني باردة عليك O_O
هههه
.ولاتنسى لساتني في الترم الأول ..
اقتباس:
الله يوفقك وتجيب الترم الثاني نسبة 200% بعد xD وتصيري الدكتورة كايند هارت
تسلم خيو ..ويوفقك كمان .. ان شاء الله دكتوراه في الحاسب..يارب..
رد: الغياب المتكرر ....... موضوع مهم للنقاش
الله يرحم ايام زمان<<<عجوزة
انا ما كنت اغيب كثير
لكن في الكلية كنت اغيب<< لكن في الكلية
هههههههههه
الله يوفقكم
لا تغيبوا
كذا ما راح تفهموا المواد اللي غبتوا فيها
رد: الغياب المتكرر ....... موضوع مهم للنقاش
ااااااااااااااااااااااااا اااااااااااااااااخ.. الغياب ما احلى الغياب Icon498 !
انا بصراحة عكسج اختي انا احب الغياب اكثر من روحي :d
لو اقولكم ماتصدقون الفصل الأول لهل سنة غبت اكثر من 15 يوم ! وكلها بدون عذر icon5501
وهل فصل 11 يوم بس 5 منها بعذر يعني 6 ايام بدون عذر وانا مقهور لأني ماحطمت الرقم القياسي للفصل الأول طبعا بيي في بالكم اني مينون خخخ .. لكن لا السبب ان المدرسة تلوع الجبد وتييب اليهد وتخلي الحياة مقرفة بالذات مدرستي الحالية ×_× .. ولأسباب قوية
يعني السنوات الي قبل ماكنت اغيب وايد بالنسبة حق الحين يعني بالكثير 7 ايام في الفصل وكان وايد بس هل سنة !
حطمت الرقم القياسي وبصراحة ماننلام لوعة وجبد وفينه رقاد يعني معقولة معقولة ناس عمرهم اقل من 18 سنة يقومون الساعة 6 ونص ولا بعضهم 5 او 5 ونص شدعوة حيوانات احنه ؟!؟
واحد بيي ويقول ارقد منوكت باقوله عني ساعى جم ارقد 8 شي صعب 9 شي صعب صعب بتقولون 10 او 11 بس معناته موب شبعانين نووم بتقولون وليش ما اترقدون 8 او 9 الجواب :
نرجع من امدرسةالساعة 2:00 يعني اذا بنرقد قولوا 9 يعني عندنا7 ساعات انقص منها ساعة للأكل نص ساعة استحمام او قولوا الإستحمام ربع ساعة وغير ان في ناس حتى لو هما قليلين ويعتبرون مختلفين بالنسبة لزمنه خخخ والي يذاكرون الي خذوه في المدرسة غير اشياء أخرى يعني الواحد مايحصل وقت يستانس ولا يرتاح !
وغير ان المدرسة لما تكونهناك تحس بشعور كريه بملل وضيقة نفس وزوع خخخ والخ..
آسف اني طولتها Icon083
الموضوع جميل جدا بل رائع اعجبتني الفكرة الف الف الف شكر لج اختي thumbsup-Icon
رد: الغياب المتكرر ....... موضوع مهم للنقاش
ماشاء الله تبارك الله لا قوة الا بالله
9 سنين ولا غياب
ماشاء الله تبارك الله
موضوع رهيب اختي روح الانيمي Icon498
والله اذكر ايام الابتدائية thumbdown
عشان اغيب icon799 احتاج امثل إني مريض قبلها بيومين كاملة
اليوم الاول مريض لكني بروح بكره
اليوم الثاني اشتد المرض icon799 ... بكره مااقدر اروح Icon083
وبالقوة عشان يصدقوا ويقبلوا بالغياب بعد وقت طويل من المحاولة والتمثيل Icon498
اما الان اسال عن اسباب الغياب .... حدث ولاحرج
ترد الوالدة ... اختك اليوم تقول ما عندها دروس مهمة ... قديمة العبوا غيرها thumbdown
لاتعليق ... اه ٍ منك َ يازمن !!
رد: الغياب المتكرر ....... موضوع مهم للنقاش
انا عن نفسي غاوية غياب..بس ماما بمبتسمحش اوي يعني
ومع ان المدرسة عندنا الساعة تلاتة الضهر ..الا اني ساعات امثل اني تعبانة وافضل راقدة في السرير لحد ما ماما تقتنع ان كتير عليا اروح المدرسة اليوم
وانا وفي هذا الوقت عندي ظرف صحي طويل شوية...ما رحت المدرسة بقالي اسبوع^^
واصلا الامتحانات قربت..يعني ضيعت اهم وقت..وقت تتمة المنهج^^
وعايشين والحمد لله..نفسي اغيب بقية عمري..خخخخخ
لا ما تفمه اني كسولة بالعكس..لكن مع ان درجاتي مقبولة والحمد لله..فضلت طول عمري اكره المدرسة^^
وشكرا على الموضوع الظريف
والسلام عليكم ورحمة الله وبركاته
رد: الغياب المتكرر ....... موضوع مهم للنقاش
وعليكم السلام ورحمة الله وبركاته
مشكورة اختي على الموضوع الجميل ..
بجد شدتني كلمة الغياب ما صدقت دخلت على طووول
اقتباس:
انا اليوم غايبة عن المدرسة لظرف صحي
وهذي المره الاولى منذ اكثر من 9 سنوات - والله العظيم
سلااااامات ما تشوفي شر ان شاء الله
ما شاء الله .. ما شاء الله ..
المفروض يعطوك وسام الطالب المثالي .. الله يحفظك ويعطيك الف عافية
بالنسبة لي .. اعشق كلمة الغياب بشكل مو طبيعي
ايام كنا صغار كان الغياب من المحرمات بالنسبة لنا
يعني لو غبت بيوم من الايام حاول تختفي عن انظار الوالد قدر الامكان ..
طبعا هذا كان ايام كنا صغار
لكن من يوم دخلت الجامعة ... ياسلااااااااااااااام .. فلتها غياب
لدرجة وصلت غياباتي لمادة من المواد 16 غياب من بين 18-17 غياب مسموحة << يعني لو بيوم غبت لظرف طارئي حلال فيه الدكتور يعطيني حرمان بضمير مرتاح بقوة بعد
بس لاحد يحسب اني مو شاطرة
يمكن لانو نظام الجامعة غير يعني لو حضرت ولا ما حضرت - بالنسبة لي - ما فرقت
بالاخير افتح المحاضرة واعصر راسك عصر وفهم نفسك المسألة بقوة ولا بالطيب
لكن اكثر ما يتعبني في الغياب اني ارجع اكمل المحاضرات الناقصة
بالتاكيد الغياب فيه الكثير من السلبيات .. لكني لا اهتم
<< لاحد يسمعك بس ...
اسفيييين على الاطالة
مشكوررررررررررررررين على الموضوع
... سلامي...
رد: الغياب المتكرر ....... موضوع مهم للنقاش
وعليكم السلام و رحمة الله و بركاته
يوووووووه
هالموضوع شكله انكتب فيني هههههههه
انا مستحيييييييييل ما غيب
حتى امي فديتها يئست مني بهالسالفة
اظن السبب اغلبه من المزاج <-- هذا اكبر شي عندي >.<
وممكن لو تمشكلت بالدراسة ازيده بالغياب ! <-- مب مشاكل الفهم
في المدرسة كنت عادي اغيب شهر بالفصل الواحد بدون عذر والقى محاضرة محترمة من الابلوات
<--- مجربة ما ينقصون بالسلوك آخر سنة رغم التنبيهات XD
لكن المشكلة بالجامعة الغياب يسبب ازمات دراسية
خصوصاً مادة سجلت فيها وغبت يوم و لقيت عمري ضايعة T.T <-- سويتله drop على طول
طبعاً مب بكل المواد يسوي ازمات يعني عادي اغيب بالعربي و الثقافة و ما شابه icon110
بس وعدت عمري ماغيب وايد الكورس الياي XD
<-- هذا اللي يقول كلام الليل يمحيه النهار و خطط الاجازة تمحيها الدوامات
خخخخخخخ قمت أءلف بعد لوول
على فكرة تراني ماكنت اغيب لين الصف 2 اعدادي
حتى يوم يعطوني اجازة مرضية اداوم XD
بس البيئة تتغير و اجواء الصف تتغير >.<
يعطيج العااافية على الموضوع الكول اللي طلع شوي من اللي بخاطري
وسلامات ما تشوفين شر ^^
رد: الغياب المتكرر ....... موضوع مهم للنقاش
الله يعطيكم الف عافيه لكل من مر ودعا لي بالشفاء
ان الله يسعده في الدارين ويحقق له كل امانيه يـــــــــــــــــــارب
وعلى فكرة انا غلطت في غيابي في الـ10 سنوات هذي
غبت 6 او 7 - اسفه على هذا الخطا
وانا اليوم بعد غايبة - بحطم الرقم القياسي هذا الاسبوع
بصراحه مشكووووورين على تفاعلكم مع موضوعي
والله بصراحه فاجاتوني بردودكم المذهلة
مادري كيف اردلكم هذا الجميل
ماقصرتوا الله يعطيكم الف عافيه
@ جاماتا @
رد: الغياب المتكرر ....... موضوع مهم للنقاش
هاااي روح الانمي
مشكووورة على الموضوع
أذكر صفي كان فاضي من كثر الغياب من أول يوم كنت اداوم فيه
حتى في بنات في صفي عمري ماشفتهم
وانا ماكنت أحب أغيب >>أحب القعده مع صديقاتيicon679
كنت أغيب مع صديقاتي نفس اليوم اذا ملينهicon114
وامي كانت دايما أتقولي: اذا تبين اتغيبي غيبي حتى ولو الاسبوع كله>>بس من النادر اني اغيب
مشكورة مره ثانيه^_^
