السلام عليكم ورحمة الله وبركاته
طبعاً نص الشعب بيكره ينزل حاجة بالتورينت وخصوصا لو كان عنده خط 256 والترانسفير ريت بتاعه ع التحميل المباشر بيجيب 27 بالعافية
طبعا التورنت لازم يبقى ميت عنده وكبيره اوى مش هيعدى الـ9 كيلوبايت/ثانية
احب اخيب املكوا واقولكوا ان التورنت دا مش فاشل ولا حاجة داحاجة جامدة جدا والدليل اهو صورة من جهازى :
هتقولولى ازاى ياعم انت ؟
هقولكوا براحة وواحدة واحدة معايا ..
نبدا باسم الله
== الخطوة الاولى :
تمكين خاصية UPNP
1-start
2-control panel
3-add or remove programs
4-add or remove windows component
5-تعلم صح على Networking Services ثم تضغط على Details لها
6-هتظهر لك قايمة جديدة تعلم صح فيها على Upnp User InterFace
7-ok ثم Next وبعدين تعمل ريستارت للجهاز وهتلاقى الخاصية اتعرفت عندك عالرواتر
== الخطوة الثانية :
باتش رفع عدد الآيبيهات المشاركة ..
الويندوز XP SP2 نظامه انه يعمل اتصال مع 10 ايبيهات للحد من الفيروسات
وده طبعا بيقلل سرعة التنزيل فى برامج مشاركة الملفات مثل التورنت
ولكن فيه باتش بيخليك تزود عدد الآيبيهات الى 200 أو زى منتا عاوز ..
-= الباتش ف المرفقات =-
1-بعد تحميل الباتش هتضغط عليه
2-هتظهر لك شاشة دوس اضغط على حرف C لتحديد عدد الآيبيهات الجديدة
3-بعد ما تضغط على حرف C هتدخل الرقم اللى انت عاوزه 200 مثلا
4-بعدين هتظهر لك رسالة تأكيد اضغط على حرف Y
5-وبعد ما تدوس Y هيقعد يعد لك من 15 لحد صفر
6-هيطلع لك فى نصف وقت العد ده رسالة بتطالبك بادخال اسطوانة الوندوز
دوس Cancel وبعدين هتظهر لك رسالة جديدة دوس Yes
وبعدين دوس اى زرار علشان شاشة الدوس تقفل
== الطريقة الثالثة :
التراكرز
من أحد عوامل تسريع التورنت أيضا هو التراكرز الذى تستخدمه
عادة كل ما تيجى تحمل فيلم تورنت أو لعبة بيكون فيه تراكر واحد بتحمل منه
ولكن هنا فى المرفقات ملف تكست يحتوى الكثير من التراكرز السريعين جدا
طريقة اضافة التراكرز فى البت كوميت :
1-افتح البت كوميت وعلم مثلا على الفيلم اللى انت بتحمله ودوس كليك يمين
2-اختار Proberities وبعدين اختار متقدم
3-انسخ التراكرز اللى فى الملف اللى فى المرفقات كلهم واعمل لهم لصق فى
Trackers List اللى قدامك
== الطريقة الرابعة :
ضبط اعدادات البت كوميت لأنه من رايى المتواضع أقوى واحد
BitComet 0.90
1-افتح البت كوميت وعلم على الفيلم اللى انت بتحمله وبعدين فى اعلى البرنامج
هتلاقى كلمة التفضيلات او preferences اضغط عليها
2-خلى نسبة التحميل العالمية 1000 ونسبة الارسال 3 ودى خطوة مهمة جدا جدا جدا
علشان لما الارسال بيزيد عن 3 الدون لود عندك بيقل فبنخلى الارسال اقل حاجة وهو 3
3- Max simultaneous download tasks
خليها مثلا 600 واللى بعدها سيبها زى ما هى
4-قائمة المنفذ خليها 62626 او اختار واحد عشوائى
== الخطوة الخامسة :
البرنامج يعتمد على زيادة ال peers المتصلين بك ويفصل ال invalid connections
الكراك ف المرفقات
هتثبت البرنامج على جهازك وبعدين هتفتحه
1-هتغير ال Net Connection Type وتختار المناسب ليك
2-هتغير ال CPU Improbriate وتخليها high
بعدين تعمل Save set up
وبعدين تعمل run
وملحوظة انك كل ما تيجى تحمل فيلم او اى حاجة بالبت كوميت لازم تفتح البرنامج وتعمله run
يعنى البرنامج مش بيشتغل لوحده من نفسه لازم انت تفتحه وتعمل له run والتراكرز
كمان لازم لاى ملف بتحمله تنسخ وتلصق التراكرز فيه
== الخطوة السادسة :
البحث عن وصلة تورنت صاروخية :
اهم حاجة تكون وصلة التورنت اللى بتحمل منها تكون قوية والhealth بتاعتها لونها اخضر
والseed وال peer عددهم كبير
يهيالى ان دا الانضف من ناحية الاعلانات (IMG:style_emoticons/default/wink.gif)
== الخطوة السابعة :
الوصول لاقصى معدل تحميل باستخدام خط DSL :
1- من قائمة Start اختار امر RUN واكتب فيه gpedit.msc
2-computer configuration
3-administrative templates
network-4
QoS Packet Scheduler-5
6-فى القائمة التى على اليمين settings
limit reservable bandwidth-7
8-علم على كلمة enabled
9- هتلاقى كلمة bandwidth غيرها الى رقم صفر
== الخطوة التامنة :
برنامج BitComet Acceleration Patch
البرنامج دا جامد جدا جدا ف تسريع البت كوميت ..
كل اللى عليك هتستبه وتشغله وتدوس Accelerate وبعدين تدوس Minimize to system tray
وبيشتغل مع البت كوميت والبى تى انجين جنبا الى جنب .. زى الصورة اللى انا حاططها ف الاول خالص اللى من جهازى ..
اعتقد انى كدا خلصت اللى عندى !!
ا
واللى عنده حاجة يقولها ياريت ميبخلش علينا بيها
