مدرس اللغة الإنجليزية (ظلمنــــــي)!!!

السلام عليكم

كيف الحــــال أعضائي ؟ <<<< إن شاء الله بخير :smile2:

حبيت اكتب هذا الموضوع بعد الظلم اللي صار لي

ايش صار بالضبط؟ انا اقول

قبل نهاية الدوام في المدرسه وصل الوكيل ومعاه تقارير الطلاب

انا قلت الله يستر شكلنا مفحطيـــــــن :cool21:

طبعاً طالب ثانويه علمي آخر سنه لازم يجتهد :yes3:

وصلني التقرير وطالعت فيه قلت ما شاء الله نقصت مني اربع درجات بس

في ذاك الوقت نسيـــــــت اني شاطر ^^:cool3:

وعدت الكلام وقلت اربع درجـــــات (ونص)؟!! :oo7dt:

في اللغه الإنجليزيه نقصت نص درجه وهذا اللي ما كنت متوقعه :no6xn:

انا في اللغه الإنجليزيه ما عمري نقصت درجاتي فيه

رحت عند المدرس (مصري الجنسيه) وقلت له إستاذ تعال ابغاك في شي ضروري

قال خير يابني في ايه ؟

استاذ ايش النص هذا اللي انت حاطه لي في التقرير؟

قال دي درجتك في الإختبار نقصت فيها نص درجه

استاذ كم أخذت في الإختبار الأول ؟

أخذت 10 من 10

طيب حلوه منك ، وفي الإختبار الثاني كم اخذت ؟

قال أخذت 28 من 30

طيب يا استاذ بأرجعلك بعد شوي

رحت الفصل وشفت تقرير صديقي ومعطيه الإستاذ درجه كامله

يا ولد كيف عطاك درجه كامله ؟

قال صديقي ما أدري

قلت له كم أخذت في الإختبار الأول؟

قال 9 من 10

طيب وفي الإختبار الثاني ؟

26 من 30

نعم يا سلام طلع الاستاذ فلـــــــه !!! (بطريقه عصبيه)

قلت لصديقي تعال معي

قال وين ؟ قلت له ما عليك تعال بس

رحنا عند المدرس وقلت له يا استاذ شوف درجات صديقي وشوف درجاتي

قال ليه ؟ قلت عشان تشوف الحق من الباطل

وبعد ما شاف الدرجات قال عشان بس درجتين تجي هنا

قلت له اي تنقص علي نص درجه وتعطيه درجه كامله يااستاذ

قال صديقي انا برى السالفه لا تورطني

قلت لحظه!!! وقف

يااستاذ هو شي من اثنين

يا تزيدني النص الدرجه وتصير كامله أو تخصم على صديقي درجه

قال ما أقدر اسوي ولا واحد

وبعد الكلام والفلسفه المصدعه للراس ما استفدت شي من اللي صار

وظلت درجتي على ما هي نا قصه نص درجه بس نـــــــص

وهذا اللي صار لي يا أعضائي في الدوام

ولما خلص الدوام جا صديقي يبغى يوصلني

انا طنشته (خليته) ورحت لأنه بدال ما يساعدني قال انا بره السالفه

ورحت البيت وكنت معطي الاستاذ ابتسامه قبل لا اروح كلها حقد وكراهيه وحزن

كيف موقفكم من اللي صار لي ؟

وطبعاً طلاب علمي آخر سنه يسوون اللي ما يتسوى عشان نص درجه حتى

واظن في بعضكم عارف شعوري ويدرس معاي في نفس السنه

لأنه يسوي مستقبله بدرجته اللي أخذها بس ما يصير ياخذها بظلم من احد او مظلوم

وحبيت بس اشكي حالتي لكم واسمع آرائكم

وان شاء الله تردون علي

كان معاكم محتــــــــــــــــرف

ســــــــــــــــــــــــ ـــــــــــــلام

بسم الله الرحمن الرحيم

أنا بعد إنظلمت لكن في مادة ثانية وأنا أعرف شعورك والآ، أنا غاضب جداً أتذكر ظلم أحد الأشاتذة لدي ....

تخيل .... يقول فهموا الدرس ولا تحفظوه ,,, (( نصيحة إعجبتني ))
أنا أحب اللي يكتب من فهمه في الدرس ... (( الإختبار ))

وعندما تختبر ...

أكتب من فهمي وصح ولا تعارض أبداَ أبداً ... النص الموجود في الكتاب ,,,,

ولكن عندما أتى الإختبار ................... قالي الدرجة ........... (( وانا فرحان جداً ))

وآخر شئ .................................................. ......................

في ورقت الإختبار !!! .... الدرجة نازلة جداً جداً جداً ... وقلت ليه قال : - الإجابة لاتطابق الكتاب يجب أن يكون نفس اللي فيالكتاب نفس اللي في الورقة

غاضب غاضب ..... جداً


ولكن يصبر .... ما بعد يجي التفاهم العدل بعد إجازة الحج ..... عند المدير إدعوا لي بالتوفيق والنجاح ...

شج كلامك ..

كم أحس بعاناتك حقاَ ... أحسستها أكثر من مرات 10000 مره ..


أتمنى لك التوفيق والنجاح ...

.
.
اللهم صلٍِ وسلم على محمد وآل محمد

اقول خيي..

الله يعينك بس...

تحياااااااااااااااااااااااااتي....

:smile3: :cool21: :smile3:
عادي لان المرحدث معي عدة مرات

وخاصة في مادة الرياضيات

في الاكمالي الاستاذ كان دائما منقصلي نصف درجة

ولما اسئله يقولي اذا اعطيتك العلامة كاملة يصير ما في فرق بينك وبين الاستاذ


اما في الجامعة ( وهي الداهية .. عذر اقبح من ذنب )

استاذ مادة انصاف النواقل خصم مني 5 درجات
والسبب اني اتبعت الطريقة التحليلية في الحل
هو لم ينظر اليها اصلا لانه كان ينتظر في التريقة البيانية
لانه جهز المنحنى اليباني وحدد لنا المقياس الذي نستعمل ان استخدمنا هذه الطريقة
كي يسهل عليه التصحيح

ولماناقشت معه القضية اضاف لي 1 من 5

والسبب لعدم اضافة الاربع نقاط الباقة هو اني جعلته يتعب في قراءة الحل


========

طرفة تدخل التاريخ

السلامــــــــ

لحظة عندي سؤال انت اشلون ساكت ؟؟؟؟؟
والله انا لو منك جان سويــــت سالفه (مشكلة) .....

اففففف احنى انشد حيلنا بس محد اقدر :hissyfit3: واطلعون اعذار مالها وجود...

لاااااااا نص درجة ترى اتسوي اشياء واااايد....
اذااا سكت هذه المره راح إعييـــــده واكثر فروووووح و واااجه مرة ثانيه مع الناظر (المدير) ....عشااان يرد لك حقك....
واللـــــــــــه يعيييينك ....
تحياتي ....:)

الله يعيييييييييين !!!

شتسوي هذا حال المدرسين هالايام ما في عدل ابد !!!
ولا في خوف من الله !!


كلهم يسوون اللي براسهم !!!

ما عليك من اللي يقولك سو مشكلة ما ادري شنو بس كل اللي عليك تسويه انك تدعي ربك انه يعوضك خير باذنه


ان شاء الله تعوض هالنص بمادة ثانية انت تبدع فيها والله كريم بعباده المتقين



الله يعينك ويوفقك بدراستك ان شااء الله



سبحانك اللهم وبحمدك اشهد ان لا إله إلا انت استغفرك واتوب اليك

حسبي الله ونعم الوكيل ..

كنت اظن اني انا الوحيد اللي انظلمت:hmmm3: بس طلع ان في وايد مثل حالتي:(

لا تسكت عن حقك:angry3:

الساكت عن الحق شيطان اخرس

الله يعينك ويعين الجميع:hmmm3:

واخيرا...

ودي اقول شي حق هالمدرسين:
خافوا ربكم تخيلوا ان هالطالب واحد من عيالكم صدقوني انكم ما بترضون الظلم لعيالكم
اتقوا الله لان التدريس امانه موبس اقرا الكتاب واستلم معاشك :oo7dt:

لا حول ولا قوة الا بالله

لا حول ولا قوة الا بالله ...

اول شئ أقول هو لا تسكت عن اللي صار ... زي ماقالوا الاخوان ..
النص هادي حا تأثر في المعدل وانت آخر سنه وأكيد تحتاج للربع مو بس النص
ولو احتجت انك توصلها للمدير وصلها وأكيد حا إوقف معاك لأن هادا حقك0
ولا تنسى ان دعوة المظلوم مستجابه0

والله يعينك ويوفقك وجميع المسلمين...

أختك
سكاي غيرل

حتى أنا ظالميني في درجات التقويم

درجاتي في الإمتحان مرتفعة توقعت أييب نسبة مرتفعة

لما شفت الشهادة انصدمت وااااااااااااااايد نسبتي كانت نازلة

و للأسف ما اشتكيت و لا تكلمت لأني وحدة ما عندها لسان و تميت أصيح

والله أحس إن ما في أمل إني أعدل درجاتي في إمتحان نص السنة و إن الأبلوات بيظلموني

الله يعطينكـ، اخوي هذي اشياء ماينسكت عنها

لا تسكت عن حقكـ، تفاهم انت والمدير

واللهـ يعينكـ

وعليكم السلام ..

أخوي المحترف صراحة لو كنت بمكانك كان اشتكيت على هذا المدرس عند اللي أكبر منه.
بس يمكن بصير نذل معك ويعدل النتيجة للأسوأ .. يعني يحسب العلامتين اللي نقصتهم بالامتحان الثاني.

بعدين مفروض يتساهلون معكم أكثر لأنكم ثانوية عامة .. الله يهديه بس.. حاول تكلمه مرة ثانية

سلام

حتى لو كانت ربع درجة ... تبقى من حقك

وهؤلاء الظلمة ... أين سيذهبون وبماذا سيجيبون ربهم ؟

حسبنا الله ونعم الوكيل ...

مشكـــــــــــورين كلكم صراحه على ردودكم وآرائكم
كنت بحاول اشتكي للإداره وهذا اول شي كنت افكر فيه
بس كنت افكر في نفس الوقت انه يمكن يخصم علي
زي ما قالت المشرفه Sosaa
ويعطيكم الـــــف عافيه

الله يعينك أخوي محترف ويعين الطلاب يارب

أنا أصلا ولا وحدة من المعلمات أيسرن بس يظلمني أجيلهن أبوي هههههههههههههههه

وبصراحه في المدرسة ما أستوت لي

بس في الكلية يوم أتكلم مع المعلمة وأجيبلها كلمات جديدة علينا تنازعني وتقولي أنتي لازم مب تتكلمين وتيبين هاي الكلمات

وطبعا كان ردي لها باللغة الأنجليزي وقلتها والله عيل ليش تبونا ندرس أنجليزي وقالت في بالها أنتي تقولين لي جي ورسبتني لا والكلية حبت تكرمني لأني طالبة مثالية بس المعلمة اللغة الانجليزية وعلى فكرة هيه أجنبية خلت الورقة عندها عشان ما أتكرم ويوم قالي الاستاذ ليش ما جيت الحفلة هم يكرمونك قتله ما أعرف وعرفتها هيه إلا طرت الورقة بس أنا براويها أن شاء الله

وسبحان الله كلنا مرينا بهاي المشكلة

والله معاك أخوي

أختك كوين مون

الله يعينا ويكام

حتى أنتم مضلومين

اللهـ يعينكـ

وحاول انكـ تزبدله بعد العيد ^^

لا حول ولا قوة إلا بالله
الناااااااااس مرة متساهلة في الظلم
ما يدرون إن دعوة المظلوم مستجابة ....بإذن الله
يا خوي لا تسكت عن حقك
تراك في مرحلة تستاهل إنك تدور الربع درجة كمان
الله لا يضيع لك تعب قووووووووول آآآآآآآمين
أختك/ جنى الورد

وعليكم السلام ورحمة الله وبركاته

أخي العزيز لا تغضب من شيء لا يستحق.. خصوصاً أن المدرّس مصري ومن المعروف أن المصري النصب يجري في عروقه ..

والله العظيم مهما كان المصري لا بد أن ينصب على أي أحد .. إلا القلّة القليله منهم .. والله العلي العظيم أني أحد المرات أحببت شخص يعمل في إحدى المحال التجاريه.. وكان يخفّض لي بالشعر خصوصاً اني أصبحت زبوناً دائماً عندهـ .. وفي إحدى المرات أخذت منه مجموعة من أشرطة السيدي الفارغه .. المهم وخلاصة ما حدث أنه رفض أن يعيد الأشرطه بعد أن قلت له أنها لا تعمل ومعظمها معطوبه .. وقالها وبكل سهوله قد تكون أنت من بدلها بغيرها..:angry3:
والله لولا الحيا لكنت أخذت قيمتها من جيبه.. لكني لم أرد أن أسبب مشكله بسبب خمسين ريال.. :no6xn:

خلاصة القول أخي العزيز.. أنت لا تعلم أين الخيرهـ قد تكون من الخير لك أن يضل أمرك هكذا ..

خصوصاً الان .. معظم الكليات يقبلون الطلاب بعد أن يختبروهم.. لأنهم لا يصدقون الشهادات.. المهم أخي العزيز أن تحاول تطوير ذاتك وتمضي قُدماً ولا تضيع وقتك في الندم والتفكير فيما فات ..

ولا تنسى أن دعوة المظلوم لا ترد..:) إن رأيت أنه لا يستحق أن تتعامل معه بأدب ..

وفي النهايه هذهـ كلمات من أخوك عاش مثل هذهـ التجربه المرّهـ ..

أرجو أن تقبلها وتعمل بها..:)

وإلى اللقاء:)