رساله مني الى فتيات في الامارات

السلام عليكم ورحمة الله وبركاته

شخباركم عساكم بخير؟؟

لي اسبوع تقريبا وانا اتردد في فتح هالموضوع؟؟ لانه بالفعل فيه شيئ من الواقع
ولكن اليوم .. دفعني اني اكتب هالموضوع

طبعا اكيد اللي شاف مسلسلات الاماراتيه بيشوف الممثلات اللي يلبسن العبايه المطرزه من والى .. ولا المكياج الصارخ .. ولا الكعب اللي وصلها سابع سما .. ولا القدله تقول طرف سجاده .. وغير الشباصات والملابس الفاضحه ودلع على اصوله قدام الريايل

وللأسف الشديد في شي يأيدهن "فعليا" في حياتنا الواقعه ..
مب كلهن .. ولكن 80% منهن .. واللي هن "حاملات جواز الاماراتي" ...

بمعنا .. ان البنت تزوجت اماراتي واخذت الجواز .. واما صارت طليقه او ارمله

انا شفت كثير من بنات الجامعه .. "وبنات الجامعه بيعرفن شو قصدي"
شو هاللبس والدلع؟؟؟ .. يعني انتي شو بتجنين من هذا كله؟؟
انا ما اتكلم عن المواطنات فقط .. انا اتكلم بشكل عام

شو بتجني البنت من موديلات العبايه .. ولا المكياج .. ولا الدلع؟؟
شو بتنتهي قصتج ؟؟؟كله هذا بينتهي في القبر وبياكله الدود ....

انا والله انقرت من "هنديه" دكتوره في الجامعه في قسم "الاداره والاقتصاد" تقول لي
"ليش ما تلبسين اماراتي؟"
.. شوف السؤال .. مستحيل يكون هالسؤال غبي
لانها ما تعرف شو الاماراتيه وعادتها وتقاليدها .... ولبس التقليدي الاماراتي .. ولبس الاسلامي

واتوقعوا شو كانت تقصد "بالبس الامارتي"؟؟؟
هيه صح .. اللبس اللي يطلعن في التلفوزيون .. على بالي اني البس لبس اسلامي وهذاك لبس اماراتي

يوم فهتها السالفه ... على طول اعتذرت ..

اصبحت الفتاة اللي تبلس" العباة المفتوحه على مصرعيه .. الصدر طالع .. والاكسسوارات اللي طايحه لين الركب .. والعبايه المزخرفه من والى ... غير المكياج اللي"بيخوفوا بيها العيال على قولة أخواناالمصاروه" والشعر طالع وقبة الصخره اللي فوق الراس"

هل البنت اللي تلبس هالبس؟؟ صارت رمز للفتاة المواطنه؟؟؟

انا ارفض هالشي .. وارفض من اللي يفكر هالشي ..واقول لها .. وما يهمني شي "حتى لو طردوني من المنتدى"

اي بنت تلبس هاللبس .. استحي ترى الحياء من الدين .. واحترمي الوطن الامارتي >>> البنت تبا تضارب icon994

والسلام عليكم ورحمة الله وبركاته

وعليكم السلام والرحمه..

أهلييين زعفراانه أنا تمااام الحمدالله أخبارك أنتي؟؟ ^_^

سوري داخله عرض انا مب اماراتية لكن صراحه كل ماشفت المسلسلات الإماراتيه
كنت أظن ان اللبس هذا عادي عندكم >_<
بالنسبة لي ماقد زرت الإمارات وماعرف عنها الا اللي اشوفه بالتلفزيون ..

لكن انتي وضحتي أكثر بموضوعك هذا..
ع العموم كل بنت تلبس اللبس هذا يدل على تربية أهلها ومدى تمسكها بدينها..

والكلام هذا مب بس للإماارتية أو السعوديه لكــل بنت مسلمـة لأن هذا شرع اللهـ !

اقتباس:

---

---

اقتباس:

---

اي بنت تلبس هاللبس .. استحي ترى الحياء من الدين .. واحترمي الوطن الامارتي >>> البنت تبا تضارب icon994

---

ههههههههههه
هدي زعفرانه_تشان أخاف يستوي فيج شيء وبعدين منو اللي بيحلل لنا مانجا ناروتو؟!
<<<هذي اللي بتضربها صدق خخخخ

في أمان اللهـ . . .

حبيبتي أنا وياش في كل إلي قلتيه
أنا بعد رافضه هذا الشي والظاهر إن البنات صاروا ينسون عمرهم لما يشوفون الأجانب ويحاولون تقليدهم وعذرهم يكون أقبح من ذنبهم .. والله هذي الموضة..

لي عوووووووووووووووووووووودة

^^

وعليكم السلام ورحمه الله وبركاته

أهلاً عزيزتي زعفرانه ^^

...

أولاً تمنيت عدم خص الموضوع بدولة مُعينة لأن هذا الشي أنتشر في كثير من الدول
لذا ليست الأمارات هيَ التي تُعاني من " التبرج " ^^

لكن أنتي وضعتي الموضوع مما تُشاهدينه كل يوم في بيئتكِ ^^
لذا جُزيتِ خيرا على حرصكِ

المهم

صحيح ، العباءة الأن أصبحت لاتُشرف ولاتستر ^^"
سابقاً كانت التي تلبس لبس عادي وحجاب مُلفتة لنظر لكن الأن التي تلبس العباءة هيَ
المُلفتة أكثر من التي لاتلبس >_>
....

السبب هو الجهل و كذلك التسويف و التربية وتكثر الأسباب و أنتي ربما تعرفينها أكثر مني

لــكــن

لاتظني أن أغلب الفتيات اللاتي يلبسن تلك العباءة هن فتيات سيئات بل الكثيرات وللأسف لديهم جهل كبير من ناحية ماهو اللبس الشرعي للمرأه ،
و أيضاً الصُحبة لها تأثير كبير

...

اقتباس:

---

المسلسلات الاماراتيه

---

برأيي أن المُسلسلات تقدم داائماً صورة مغايرة عما يحدث في البلدان
مثلما أنتي ذكرتي من تشويه لفتيات الأمارات ،وكذلك بقية الدول المسلمة تعاني من الصورة
السخيفة التي تنشرها المسلسلات عن أهل تلك البلدان
...

الخلاصة ..الله يقينا شر الفتن ماظهر منها و ما بطن

ولكِ كل ودي أختي زعفرانه Icon-flowers0

اقتباس:

---

مب كلهن .. ولكن 80% منهن .. واللي هن "حاملات جواز الاماراتي" ...

بمعنا .. ان البنت تزوجت اماراتي واخذت الجواز .. واما صارت طليقه او ارمله

---

لا تعليق !!!

وكأن الـ20 بالمئة الباقية هي الشريحة الشريفة المتعففة وهي الإماراتية الأصل فقط !!!!!

اشكر لك غيرتك
الله يثبتك
الغرب الان يسعون لستر نسائهم واستقرارهم في البيوت
واحنا العكس
الله يصلح احوالنا

تقبلي مروري

اقتباس:

---

المشاركة الأصلية كتبت بواسطة Tema

وعليكم السلام والرحمه..

أهلييين زعفراانه أنا تمااام الحمدالله أخبارك أنتي؟؟ ^_^

---

تمام الله يخليج حبوبه ..

اقتباس:

---

سوري داخله عرض انا مب اماراتية لكن صراحه كل ماشفت المسلسلات الإماراتيه
كنت أظن ان اللبس هذا عادي عندكم >_<
بالنسبة لي ماقد زرت الإمارات وماعرف عنها الا اللي اشوفه بالتلفزيون ..

---

افا عليج يا الغاليه .. يا مرحبا بج عرض ولا طول ..
الموضوع للكل .. وارحب رايج
بس شفتي!! .. ترا هذا قصدي ..
بس انتي اخذتي فكره غلط عن الامارتيات بمجرد شفتي مسلسل
وانا بصراحه ما الومج ابدا icon987
انا الوم المخرج "الباكا" واللي بالمناسبه مب خليجي ابدا وماله خص بالخليج ... ويطلع هذيلا الممثلات اللي ما همهن شي غير التلفزيون والشهره >> على بالهن شكيرا ونحن ما نعرف

بس الحمد الله اني عدلت الصوره
وبالعكس .. نحن هالشي عندنا مب عادي .. وهالشي عندنا منقود .. بس للأسف الشديد
في بعض الاهالي .. يقولون الدين في القلب مب في اللبس .. وعادي خليكم "فري" >> الله يفر راسكم بحصا

اقتباس:

---

لكن انتي وضحتي أكثر بموضوعك هذا..
ع العموم كل بنت تلبس اللبس هذا يدل على تربية أهلها ومدى تمسكها بدينها..

---

والله والنعم فيج على هالكلمه هاي .. "كل بنت تلبس اللبس يدل على التربية اهلها ومدى تمسكها بدينها"
والله والنعم فيج واحييج على هالكلمه الرائعه smii20

اقتباس:

---

والكلام هذا مب بس للإماارتية أو السعوديه لكــل بنت مسلمـة لأن هذا شرع اللهـ !

---

هيه صدقج اختي ..بس انا ما اشوف شي في مسلسلات السعودي بنات مثل مسلسلات الاماراتي
علشان جيه انا اخذت فكره ان بنات السعوديات ملتزمات اكثر من الاماراتيات
يمكن مب كلهن .. بس الصوره بشكل عام تقول جيه Icon08
ولا تفكرين هالشي يزعل ولا شي يحز بالخاطر ..
بس مثل ما تقولين "غبطه" .. ابا الامارتيات ملتزمات مثل السعوديات

اقتباس:

---

ههههههههههه
هدي زعفرانه_تشان أخاف يستوي فيج شيء وبعدين منو اللي بيحلل لنا مانجا ناروتو؟!
<<<هذي اللي بتضربها صدق خخخخ

---

ياي .. اخجلتي تواضعي >> قلبت البنت icon152
انتي اتابعين تحليلي في مانجا ناروتو .. ياي .. صدق فرحتيني ... Icon-flowers0

يا مرحبا بج والله .. افا عليج .. ان شاء الله تحليلاتي ما تنقطع Icon030

اقتباس:

---

في أمان اللهـ . . .

---

في حفظ الرحمن يا الغاليه
ويزاج الله خير على الطله الحلوه Icon030

اقتباس:

---

المشاركة الأصلية كتبت بواسطة cecilia

حبيبتي أنا وياش في كل إلي قلتيه

أنا بعد رافضه هذا الشي والظاهر إن البنات صاروا ينسون عمرهم لما يشوفون الأجانب ويحاولون تقليدهم وعذرهم يكون أقبح من ذنبهم .. والله هذي الموضة..

---

ويا هلا ويا مرحبا بج ببنت البلاد .. خشششششششششمج >>> الاخت نست الموضوع
والله والنعم فيج

تصدقين .. انتي فتحتي مجال ثاني .. الاسباب اللي يخلن البنات يسون جيه
من الاجانب "خسم الله" اللي يتناثرون علينا من كل جهه

دبي ما نطبها من كثر ما صارت زحمة اجانب .. خصوصا الهنود
احس اذا شفت وحده او واحد "من سكان دبي" شي غريب عجيب
شوي ونصور عدالهم >> هذا اللي ناقص بعد Icon20
وعلى بالهن جيه بيكونن احسن شي لصورة الاماراتيه

ما اقول غير حسبيه الله ونعم الوكيل

اقتباس:

---

المشاركة الأصلية كتبت بواسطة @QUEEN_MOON@

لي عوووووووووووووووووووووودة

^^

---

يا مرحبا بج اختي كوين .. وانتظر ردج بفارغ الصبر

اقتباس:

---

المشاركة الأصلية كتبت بواسطة ! YuZu !

وعليكم السلام ورحمه الله وبركاته

أهلاً عزيزتي زعفرانه ^^

...

---

اقتباس:

---

المشاركة الأصلية كتبت بواسطة ! YuZu !

---

يا مرحبا بج اختي

اقتباس:

---

أولاً تمنيت عدم خص الموضوع بدولة مُعينة لأن هذا الشي أنتشر في كثير من الدول
لذا ليست الأمارات هيَ التي تُعاني من " التبرج " ^^

---

صح كلامج .. 100% .. بس انا ما بتكلم عن شي انا ما شفته
ولا تبيني اقول كلام وبس

انا شفت الامارتيات .. في الجامعه .. في نطاق العمل "سواء مستشفيات، شرطه، البلدية، بنوك .. الخ"
ما بقول كلهن .. ولا معظم .. بس اشوف عينات .. واغلب هالعينات ..
وهالعينات .. مثل ما تقولين .. يعانين من مرض التبرج

التبرج صار مرض من كثر ما انتشر

اقتباس:

---

لكن أنتي وضعتي الموضوع مما تُشاهدينه كل يوم في بيئتكِ ^^

---

اقتباس:

---

لذا جُزيتِ خيرا على حرصكِ

---

والله يا الغاليه انا عادي اكتب .. واللي في خاطري بطلعه

بس يا الغاليه انا ما سرت عمان، ولا الكويت، ولا قطر ولا البحرين .. سرت 3 مرات السعوديه
وما قد شفت مثل "هالبنات" في السعوديه غير النادر والقليل
وكنت اقول "يارب .. ارحمنا وارزقنا بهيئة الامر بالعروف والنهي عن المنكر"

احسها رحمه ورزق من رب العالمين

اقتباس:

---

المهم

صحيح ، العباءة الأن أصبحت لاتُشرف ولاتستر ^^"
سابقاً كانت التي تلبس لبس عادي وحجاب مُلفتة لنظر لكن الأن التي تلبس العباءة هيَ
المُلفتة أكثر من التي لاتلبس >_>
....

السبب هو الجهل و كذلك التسويف و التربية وتكثر الأسباب و أنتي ربما تعرفينها أكثر مني

لــكــن

لاتظني أن أغلب الفتيات اللاتي يلبسن تلك العباءة هن فتيات سيئات بل الكثيرات وللأسف لديهم جهل كبير من ناحية ماهو اللبس الشرعي للمرأه ،
و أيضاً الصُحبة لها تأثير كبير

---

فديت روحج يا الغاليه .. لا تفهميني غلط
انا ما اقول انهن سيئات .. انا اقول البنت اللي مطلعه 90% من زينتهن للماشي واليالس
اكيد بيطلع عليها كلام .. وهي يمكن "جاهله" مثل ما تقولين وعلى "جهلها" ولانها تحب الموضه
والعالم تحش فيها .. وهي يا غافلكم الله

بس

في شي ثاني ..
في بنات "من هذيلا" ياخذن ويعطهن مع الشباب "لا حيا ولا نصه".. ولو تشوفينهن وتسمعين كلامهن .. تقولين هاي مواطنه
ولا هي مب مواطنه .. ما ادري من وين طلعت
على بالها هالشي اللي تسوي شي زين ورزه وكول

ياريتج لو تشوفين اللي شفته في البلديه بالصدفه ..
حتى اني استحي اقوله....
والمشكله .. الكل يفكرها مواطنه .. ولا مسلمه حتى

...

اقتباس:

---

برأيي أن المُسلسلات تقدم داائماً صورة مغايرة عما يحدث في البلدان
مثلما أنتي ذكرتي من تشويه لفتيات الأمارات ،وكذلك بقية الدول المسلمة تعاني من الصورة
السخيفة التي تنشرها المسلسلات عن أهل تلك البلدان
...

الخلاصة ..الله يقينا شر الفتن ماظهر منها و ما بطن

ولكِ كل ودي أختي زعفرانه Icon-flowers0

---

تعرفين شو اللي يبط جبدج يا الغاليه
اولا: الاعلان العربي يحطون لنا مخرج مب خليجي .. وبعض الاحيان ما يكون عربي
ثانيا: ماشي رقابه في الاعلان .. مافي حد يعق الشريط في ويه المخرج ويقول له "شل شريط وعقه في درام البلديه"

نحن ينقصنا مخرج اماراتي يدرس حالة المجتمع ويطلع عيوبنا بطريقه محترمه، وبطريقه صحيحه
ونحتاج الى مراقب الاعلان الاماراتي "او شو ما كان" علشان يوقف المهزله اللي تطلع في التلفزيون

اشكرج يا الغاليه على الرد الرائع .. بالفعل اسعدني جدا .. واحس من كلامج في الصحه

اقتباس:

---

المشاركة الأصلية كتبت بواسطة HISOKA'sSLAVE

لا تعليق !!!

وكأن الـ20 بالمئة الباقية هي الشريحة الشريفة المتعففة وهي الإماراتية الأصل فقط !!!!!

---

اخوي .. اختي .. بصراحه ما اعرف شو قصدك .. او قصدج
بس موضوعي .. ما يتلعق بالشرف والعفه .. لاني انا ما احكم الناس مجرد اني شفت ملابسهم
ما ادري اذا كان عندك .. او عندج شي ثاني تقولينه
بس اتمنى ما يكون في نطاق الشرف .. لانه حرام نطعن بشرف الناس مجرد اللبس icon987

اقتباس:

---

المشاركة الأصلية كتبت بواسطة الاكليل

اشكر لك غيرتك
الله يثبتك
الغرب الان يسعون لستر نسائهم واستقرارهم في البيوت
واحنا العكس
الله يصلح احوالنا

تقبلي مروري

---

الله يسلمج حبيبتي
امين ان شاء الله .. اكون من البنات الصالحات ان شاء الله
والله "اشك" بسالفة الغرب .. بس نحن صح العكس

اللهم ثبتهم المسلمين اجمعين قلوبهم على ايمانك
يزاج الله خير على الطله الحلوه

اذا انتي متضايقة من اللي لابسين عباية
امال هتعملي ايه لما تشوفي ممثلات مصر وبلا فخر

غبي من يقيس الدول وشعُوبها بـ إعلامها , سواء ممثلينها وممثلاتها
سواء صُحفها او قناواتها

لا الإعلام المصري القديم ولا الجديد يُشرف مصر وأهلها
ولا الإعلام الخليجي والكويتي يُشرف أهل الخليج

ولا كل من تكلم بلهجة دولة هو من أهلها !

وولا كل ما يُقال في طاش ماطاش هو صحيح

اما فتيات الإمارات .. هداهن ربي وهدى باقي المسلمات

:., هـــــلا حبيبــــتي .. شحالج ؟؟ ^^

الصراحة كلامج صح و أنا مقهورة من ان الناس يجوفون بنات شرات ه البنات و يحكمون ع الباقيات بانهم نفس الشي .. و موضوعج شد انتباهي لأن ه السوالف وايد زادت الحين و مو مستحملتنها مووووول ><

وعليكم السلام ورحمه الله وبركاته .. ~
أهلا وسهلا اختي زعفرانـة ^^ وين الناااس ؟

انا بخير الحمد لله .. اخبارك انت .. ؟

اممم أعتقد كل ما تقصدينه هو التبرج ..

ولكنك خصصتي .. ولكن ما تقصدينه .. ليس فقط عندكم .. !!
والله يهـدي الجتميع ان شاء الله ..

وشكرا على كتابتك ..

وسلام عليكم .

اقتباس:

---

المشاركة الأصلية كتبت بواسطة rule of rose

اذا انتي متضايقة من اللي لابسين عباية
امال هتعملي ايه لما تشوفي ممثلات مصر وبلا فخر

---

والله اختي ... لا تعليق Icon03
بس ما اقول غير .. الله يهديهن ان شاء الله

اقتباس:

---

المشاركة الأصلية كتبت بواسطة قالت أحبك

غبي من يقيس الدول وشعُوبها بـ إعلامها , سواء ممثلينها وممثلاتها

سواء صُحفها او قناواتها

لا الإعلام المصري القديم ولا الجديد يُشرف مصر وأهلها
ولا الإعلام الخليجي والكويتي يُشرف أهل الخليج

ولا كل من تكلم بلهجة دولة هو من أهلها !

وولا كل ما يُقال في طاش ماطاش هو صحيح

اما فتيات الإمارات .. هداهن ربي وهدى باقي المسلمات

---

يزاك الله خير اخوي على ردك ..
وبالفعل كلامك 100% صح

وعن طاش ما طاش .. بصراحه كنت انا من متابعيه
ولكن كنت على يقين .. ان هالشي ما يمثل السعوديه ..
لانه شفت اعلان الاماراتي كيف مشوهين الصوره "بانهم فري زياده عن اللزوم"
فأتفهم الامور ...

ويزاك الله خير

اقتباس:

---

المشاركة الأصلية كتبت بواسطة as.asmo

وعليكم السلامااات

الأخت زعفرانة

ليس ما ينطبق علي الجزء ينطبق علي الكل..صح!

مثلاً لو وجدنا قبيلة ورجل منها سئ مثلاً يبقي نحكم علي القبيلة كلها بالسؤء..لا لا

باقي الشعب ايه ذنبهم!!!!

طالما الفتاة محترمة وملتزمة بسبل الشريعة في اللبس أو ماشابه..لافتن والله يبارك فيها..

نفس الشئ اللي في مصر..بلاوي..في الإعلام..
لكن لا ينطبق علي الكل..

بالظبط في كل البلدان..

نسأل الله ان يثبتنا علي الصراط المستقيم

في حفظ الله

---

مثل ما قلت مع الاخ "قالت احبك"
الافلام المصريه لا تمثل مصر بشكل كامل .. يمكن الجزء لكن مب الكل
بس اختي بزيد شي .. على الاقل مسلسل طاش ما طاش .. المخرج سعودي .. والافلام المصريه .. المخرج مالها مصريه ..
نحن مخرجينا مب اماراتيين .. على اي اساس يسوون افلام عنا .. وهم ما يعرفون اي فكره عن الدوله

هذا اللي يقهر بزيادة

اقتباس:

---

المشاركة الأصلية كتبت بواسطة }~ Cold.Te4r

:., هـــــلا حبيبــــتي .. شحالج ؟؟ ^^

الصراحة كلامج صح و أنا مقهورة من ان الناس يجوفون بنات شرات ه البنات و يحكمون ع الباقيات بانهم نفس الشي .. و موضوعج شد انتباهي لأن ه الساوالف وايد زادت الحين و مو مستحملتنها مووووول ><

---

هلا الغاليه .. بخير الله يسلمج Icon22

اشكرج اختي على الرد .. بس لازم واحد يتكلم .. ويوقف هالشي
على الاقل مثل ما سويت انا .. "تعديل صورة"
المهم .. الله يهدي كل مسلمه ومسلم .. واشكرج على الرد

اقتباس:

---

المشاركة الأصلية كتبت بواسطة N E J I

وعليكم السلام ورحمه الله وبركاته .. ~

أهلا وسهلا اختي زعفرانـة ^^ وين الناااس ؟

انا بخير الحمد لله .. اخبارك انت .. ؟

اممم أعتقد كل ما تقصدينه هو التبرج ..

ولكنك خصصتي .. ولكن ما تقصدينه .. ليس فقط عندكم .. !!
والله يهـدي الجتميع ان شاء الله ..

وشكرا على كتابتك ..

وسلام عليكم .

---

يا مرحبا الساع اخوي نيجي
شوف اخوي .. مثل ما قلت قبل
انا ما اروم اتكلم عن مجتمع انا ما شفته
ما احب اقول كلام ماله صله بالواقع

يعني يمكن افتح موضوع .. "هل رب العالمين موجود بس في البلاد؟؟"
بمعنى .. ان بعض البنات تشوفهن العبايات ولبس والستر .. واذا سافرت شفت السفور بشكل رهيب (من جميع الجنسيات)
هالشي انا اروم اتكلم فيه .. بس هالموضوع خارج عن موضوعي الاساسي


وبسسسسسسسسسس .. بالمختصر الشديد .. انا شفت مجتمع السعودي .. بس ما شفت اللي شفته في الامارات .. علشان جيه .. ما تكلمت .. يمكن مدتي في السعوديه ما خلتني اشوف الصوره بشكل واضح ..
ولاني في الامارات .. فأشوف بلاوي زرقه .. اللهم استر بس >>> هذا اختصار شديد الحين ..Icon243

و عليكم السلام و رحمة الله و بركاته

أهلين زعفرانووه ..

بس عاد منو تكلمين ؟ .. في هاي الدنيا لا عابر و لا معتبر .. >> حلوة هاي لا عابر أونه ..

الناس عايشه حياتها و اتمشيها عكيف كيفها ..

و ابصراحة أنا من إلي يستحون يشوفون هالأشكال في الإمارات ..

و ما شي حيا و مستحى ..

والله المستعان ..

مشكوور اختى و انا بعد مو من الامارات بس زي الاخت Tema
اتفرج مسلسلات خليجي الجينز بيصرخ و هو عليها مرة حااازق
بس اعتقد انو الناس يختلفوا من شخص لاخر لكن من كلامك اعتقد ان تقلي الممثيلات موضة
الله يعنيك الامارت مرة بلد حلوووووووة و عندها حاضرة جميل و كل الروع الى في الامارت قائمة في 37 سنة فقط
خاسرة بنات زي كذه يشوه صورة الامارات

نفس الموضوع حاصل لدولة العربي اما عن موضوع الاعلام
في الغالب اذا تبي تعرف بلدة تتفرج مسلسلاتها تشوف عادتها زي الدرامات الياباني نشوفها عشان نعرف اكثر عن اليابان
و اكيد اذا في احد يب يدري عن ثقافه (ما اتكلم عن العرب)
غير عن البرامج الواثقية
و أذكر انو قناة الcnn
الاخبارية جابت احد المسلسلات الخلجي (لن أذكر الاسم)
و انتو تعرفوا الدرامات هذي من ضرب و نياحي و الرجل و الله لاطلقت يعني مساؤ المجتمع و اكتهاض المراءة
المسلسات عادة تناقش قضايا المجتمع(يعني عادة يصور حلقة لظاهرة مجود في المجتمع نفسه)
صح انو الاعلام ما يمثل كل شئ بس يمثل النصف
لكن الملابس اللصقة هذي (في المسلسلات الخلجي و غرها ما لها داعي)
و مشكوور اختى على الموضوع و الله يثبتكي على طاعة

اقتباس:

---

وكنت اقول "يارب .. ارحمنا وارزقنا بهيئة الامر بالعروف والنهي عن المنكر"

احسها رحمه ورزق من رب العالمين

---

أمين الله يسمع منكِ أختي زعفرانه icon147

اقتباس:

---

فديت روحج يا الغاليه .. لا تفهميني غلط
انا ما اقول انهن سيئات .. انا اقول البنت اللي مطلعه 90% من زينتهن للماشي واليالس
اكيد بيطلع عليها كلام .. وهي يمكن "جاهله" مثل ما تقولين وعلى "جهلها" ولانها تحب الموضه
والعالم تحش فيها .. وهي يا غافلكم الله

---

أولاً عفواً إذا فهمتكِ غلط ..

لكن أنا كان قصدي إن الناس داائماً و أبداً تقول عنهُنَ أنهن سيئات !
ومن وضع نفسه في شبهه فليحتمل ما يأتيه من كلام الناس!

لكن كنت أوُضح أنهن لسن سيئات بل جاهلات

اقتباس:

---

بس

في شي ثاني ..
في بنات "من هذيلا" ياخذن ويعطهن مع الشباب "لا حيا ولا نصه".. ولو تشوفينهن وتسمعين كلامهن .. تقولين هاي مواطنه
ولا هي مب مواطنه .. ما ادري من وين طلعت
على بالها هالشي اللي تسوي شي زين ورزه وكول

---

تمنيت أن نخرج عن نطاق " مواطنة ولا مو مواطنة" الغلط غلط!
سواء كانت مواطنة و أم لا .
....
و أظن أني شاهدت من تلك الفئة التي تقصدينها !
و إذا على الاخذ و العطى مع الذكور فـحدث ولاحرج!
.
أيضاً أذكر نقطة وهيَ التحدث بـأريحية تامة مع البياعين ،
أستغرب كثيرا حينما تقول بعض النساء أن البائع "...." << تذكر جنسيته
وبعدها تقول عادي لدرجة أن البعض يكشفن أمام هؤلاء الرجال بحجة أنه "..." !!
و إذا شاهدت مواطن ... " عيب حرام مايجوز يشوفني " << تفكير جداً سخيف الله لايبلانا..

و أقول أنهن فئة قليلة اللاتي تحدثت عنهن : )

اقتباس:

---

ياريتج لو تشوفين اللي شفته في البلديه بالصدفه ..
حتى اني استحي اقوله....
والمشكله .. الكل يفكرها مواطنه .. ولا مسلمه حتى

---

الحمدلله لم اُشاهد مارأيتِ ^^"

...

اقتباس:

---

تعرفين شو اللي يبط جبدج يا الغاليه
اولا: الاعلان العربي يحطون لنا مخرج مب خليجي .. وبعض الاحيان ما يكون عربي
ثانيا: ماشي رقابه في الاعلان .. مافي حد يعق الشريط في ويه المخرج ويقول له "شل شريط وعقه في درام البلديه"

نحن ينقصنا مخرج اماراتي يدرس حالة المجتمع ويطلع عيوبنا بطريقه محترمه، وبطريقه صحيحه
ونحتاج الى مراقب الاعلان الاماراتي "او شو ما كان" علشان يوقف المهزله اللي تطلع في التلفزيون

---

أولاً سواء كان المُخرج عربي إماراتي سعودي ..الخ.

المهم ماهيرؤيته + هدفه وتوجهه،
قد ترين مُخرج إماراتي يخرج مسلسلاً لكن هدفه إظهار الفتيات اللاتي يعشن في الامارات
بتلك الصورة التي أظهرها المخرج الغير إماراتي!

أيّ لايوجد فرق في الجنسية ، الأهم رؤية الشخص وتوجهه !

مثلاً
و أيضاً قد ترين مخرج فرنسي يخرج مسلسلاً يُظهر فيه الفتيات المسلمات
بصورة اللاتي هُنّ عليها حقاً ..

ماعلينا هذي نقطة خارجية بس لتوضيح أن الجنسية لاتصنع
الفرق عزيزتي>_>

أما على المراقبة فـ أتمنى ذلك بشدة ^^

....

أعتذر إذا خرجت عن صُلب الموضوع + لم أفهم الموضع كما أردتي ^^

بوركتِ Icon-flowers0

موشي موشي

ما شاء الله عليكِ يا اختي زعفرانة^^

موضوع رائع..!

آه آه..

الفتيات في ضياع الله اعلم فيها..

صدقتِ في اللي ذكرتيه..

وحتى هنا يوجد .. خاصة لو رحتي الى الملاهي يوم نساء.. رح تشوفين العجائب..!

رح تحسبين نفسك في احد الافلام الامريكية ×_×"!

الله ويهديهم..

---

في شي اعجب منه..

الحين بتلاقي اللي يردوا عليك معظمهم مؤيدين لكلامك..

طيب نفسي اعرف هذا النوع من الناس مثلا..ليش ما يردوا هنا..؟

يعني كل اللي يردوا يقولوا لك انتي صادقة ومدري..ليش مافي وحدة تيجي تقول اي انا البس كدا واسبابي كدا والخ..!

وجزاك الله خيرا على الموضوع..حتى انا نفسي كان اطرح موضوع كدا بس بشكل مغاير..

فضفضي فضفضي ^_^

وسلامـــــــــــو,,

وعليكم السلام والرحمة
مشكورة اختي على طرح هذا الموضوع

انا حبيت اقول ان ما خفي اعظم

مدام اللبس عادي عندهم هذا معناه ان فيه فلوس ورا هاللبس

اي وحده ماتلبس زين
مو دليل على الجهل


وبعدين انتي تقولين السعودية مافيها شي ومحافظين
انا معك في ان الكلام ينطبق على السعودية


بس في اماكن فيها منتهيه بالمره يعني تجمعات خاصة
وانا اعرف اماكنهم بعد عشان اثبت لك اختي

وفيها شارع معرووف جداً بالرياض كان دليل على تطور السعودية لكن بعدين صار دليل على دمار السعودية


إذا راح الواحد لذاك الشارع يحس نفسه بأمريكا
اركب دباب وارفع غزالة والباقي معرووف

وألا الحدائق اللي ماورها رقابة ولاشي وفي حي من احياء الرياض ايضا معرووف
الحدائق هناك عالم ثاني

طبعاً مابي اقول وش اسمائها


وانا اشوف ان السبب في هذه التجمعات الأجانب (امريكي* صيني* فلبيني)
يجيك الواحد معه شله بـ.....


تدرين اختي خليني ساكت احسن الكلام ذا ماوراه ألا عوار القلب والراس


بس الله لا يدلكم اياها ولايوريكم

سلاااااااااااااامي لكم