السلام عليكم
بصراحة هاد الموضوع جرئ وأنا بأيدك فيه حبيبتي محبة الربيع
خصوصي بموضوع الإسترجال
وخصوصي برضه بجامعة قطر
يعني أنا مرة رحت جامعة قطر مع أختي واستغربت من المناظر اللي شفتها
لدرجة اني استحيت أشيل الحجاب فقط عن راسي بمبنى النشاط يعني أشكال غريبة وملابس غريبة وحركات مو معقولة
وأنا مع كوين مون في بعض اجاباتها على أسئلتك بس حابة أضيف عليها...
1- ماهي الاسباب التي تجعل الفتاة تكذب على امها ولاتصارحها؟؟
غير الإجابة اللي جاوبتها كوين مون , ممكن يكون في فرق كبير بالعمر بين البنت وامها لدرجة أنه طريقة التفكير تتغير , وممكن الأم ما تفهم وجهة نظر البنت في كثير أمور . يعني مثلاً أنا بيني وبين أمي 36 سنة فكيف ممكن أتفاهم معها وبصراحة أنا بصارح صديقاتي وأختي اللي أكبر مني على طول فقط , وممكن نحكي انا وامي بس مو بمواضيع جدية .
2- لماذا تسترجل الفتاة ؟؟؟
أنا بنظري أنه هاي مشكلة نفسية انتشرت بين دول الخليج , وأتوقع أنه بدأ بسبب التشدد الكبير بدول الخليج , يعني مثلاً في أغلب العائلات ممنوع البنت تشوف أقاربها من الأولاد ويمكن لو شافتهم بالسوق ما تعرفهم وهذا بنظري خطأ كبيير لأنه البنت لازم يكون عندها خبرة ولو قليلة وهي ما رح تعمل شي غير انه تجلس وتشوف وتتعلم طرق التعامل وهذا ممكن يحسسها انها انثى بطريقة ما , بس لأنه أغلب البنات ما عندهم علاقة مع اقاربهم فشاعت عادة الإسترجال يمكن عشان يعوضوا هيك شي ( وانا لا أقصد بعلاقتها مع الأقارب غير تسمع آراء الرجال وتفهم تفكيرهم ولابد بشكل ما يحسسوها انها أنثى وأحسن من المنتشر الحين لأنه يا البنت بتطلع مع شباب من وراء أهلها , أو بتسترجل وهذا ما آل اله الأمر ).
- وهل للظروف العائلية علاقة باسترجال الفتاة؟؟
سبق وجاوبت على هاد السؤال من السؤال الأول , بس في ممكن تكون حالة ثانية وهي انه يكون الأهل ما عندهم ولد فيقرروا انهم يربوا بنت على طريقة الأولاد مثلاً تصير تطلع مع ابوها كل مكان وتروح تشتري أغراض للبيت كل ما احتاجوا ويلبسوها ملابس أولاد وتلعب لعب أولاد مع انه الأهل ممكن ما يكون قصدهم بس لأنهم بحاجة لولد ممكن يحسوا انه هي في بنت من بناتهم ممكن تعوضهم عن الولد .
4- لماذا نلاحظ على معظم الشباب انهم يعاكسون الفتيات الا يخافون على اهلهم ...فكما تدين تدان؟؟
أما هاد السؤال فهو في محله لأنه جداً مهم وصعب تلاقي الشب اللي بفكر بهذا الأسلوب , ولكن أنا لا أنفي انه هناك بعض البنات هم اللي يغروا الرجل وبعضهم يستاهل المضايقة من الشباب , يعني أنا مرة كنت بمجمع الستي سنتر وشفت اربع بنات لوحدهم ولابسين عبايات ضيقة ومطرزة باللون الأحمر كأنها فستان سهرة وما أحكي على المكياج , ولما لحقوهم مجموعة شباب تضايقوا وصاروا يبهدلوا ونادوا السكيوريتي بس أنا كان بنظري شو اربع بنات جايين يعملوا لحالهم من غير محرم ولابسين متل هيك ملابس , يعني اللي بده يستر ويحافظ على نفسه لازم يبدأ بنفسه مو أعمل والبس بلاوي بعدين أتضايق .
طولت عليكم أكيد:rolleyes2:
ويسلمو أختي على هيك موضوع :yes2:
آسفة اذا دايقت حد بطريقة حكيي:oo7dt:
أختك بيرين :)
