طبعا كلنا عارفين الاغراق "مش اسمه كده برده"ماعلينا وهو غزو السلع الصينية السوق المصرية مع سعر اقل وجودة افضل .... لا اعتقد ان احدا يعارضني في هذا
المهم قريت قصة ظريفة شوية عن الموضوع ده حبيت اقولها ليكم بس طبعا مش من تأليفي ... احم نخلي الشخصيات كايتو والشخص الثاني ابو طويلة
كايتو:يعترف ان السلع الصينية جودتها افضل واقل سعرا واكثر جودة من السلع الصينية
ابو طويلة :يري ان السلع الصينية مصيبة علينا ويكرهها جدا ويقول ان المصري احسن تعالو نشوف الحوار احسن بينهم كان عامل ازاي بأختصار وبعض التعديلات
كايتو هو وابو طويلة قاعدين علي القهوة
ابو طويلة:شفت ياعم الصين عاملة سجاجيد صلاة ببوصلة .
كايتو:اه شفت يارب يخليلنا الصين
ابو طويلة:ايه؟انت مش وطني ولا ايه؟
كايتو:ايه علاقة الوطنية بالموضوع
ابو طويلة:المفروض انك تشجع صناعة بلدك
كايتو:طب ازاي اذا كانت السجادة المصرية اغلي مرتين ومن غير بوصلة
ابو طويلة:لا ياحبيبي فيها بوصلة برده صحيح مش شغالة بس مش مهم بعدين تشتغل
كايتو:نعم ياحبيبي ليه ان شاء الله
ابو طويلة:مش احسن ماتشتغل غلط وبدل ماتوجهك لمكة توجهك لمارينا وتبقي خدت ذنب الصلاة
كايتو:بس البوصلة مفيدة لو انا في مكان غريب
ابو طويلة: بوصلة ايه بس ياعم هتعمل فيها كولومبوس ولا عشان الصين عملتها يبقي خلاص
كايتو:طيب بذمتك من غير الصين كنا هنشتري السوني والباناسونيك منين والنايك كمان والاديداس
ابو طويلة :اشتري المصري برده
كايتو:طيب المصري بيحتاج الصيني يكمله يعني مثلا الولاعة المصري يلزمها كبريت عشان تشتغل وطبعا لو الكبريت مصري يلزمك واحد جنبك معاه ولاعة صيني عشان تولع السيجارة
ابو طويلة:وطبعا انت فاكر ده عيب صناعة
كايتو:طيب عيب ايه؟
ابو طويلة:دي عشان الحد من التدخين.. عشان الصين لا يهمها اولاد بلدك فيصدرولينا الكبريت المغشوش الي بيولع عشان يضرونا بالسجاير
كايتو:هو الكبريت المغشوش هو الي بيولع
ابو طويلة :اه انت شكلك فاهم الكبريت غلط
كايتو:طيب والاكل اطبخ ازاي
ابو طويلة :جيب بوتجاز اشعال ذاتي
كايتو:اصل هو صيني والمصري وحش بيولع ويحرق الاكل ويبوظه
ابو طويلة :وقصدك الصيني بيظبطه ويطبخه حلو ويبقي رهيب مش قصدك كده؟
كايتو:ايوة برافو عليك
ابو طويلة:وده معناه ان يجيلك تخمة من الاكل وتموت
كايتو:وهو كل الي بياكلو بيموتو
ابو طويلة :لا طبعا الاعمار بيد الله بس خد بالاسباب واشتري المصري
كايتو:اوففففففف
ابو طويلة :انت ليه مش قادر تفهم ان ده احتلال اقتصادي
كايتو:طيب نعمل ايه عشان نقضي علي الاحتلال
ابو طويلة:نشتري المصري
كايتو:ياعم فلقتني قول الخطة
ابو طويلة:زي ماهم بيصدرو لينا احنا كمان نصدر ليهم
كايتو:ازاي ياباشا؟
ابو طويلة:نصدر لهم العصيان الي بياكلو بيها ونعمل فيها تطوير تخليها تضرب انذار لو الاكل ناقص ملح
كايتو:وممكن نحط موتور لو الاكل سخن اوي يوقعه العصاية عشان ميتلسعش
ابو طويلة:وبعد كده نصدر لهم الفيران والصراصير وكل الحشرات بتاعتنا ياكلوها
كايتو:اه اه عندك حق طيب ليه معرضتش افكارك علي المسئولين
ابو طويلة:ياعم المسؤلين مو فاضيين
كايتو:عندك حق ده الفرق بيننا وبين الصين الصين بتحب الشغل موت انا افكر نجيب مدرب صيني يمكننوصل كاس العالم وبالمرة ارخص
ابو طويلة:وبالمرة نجيب وزراء صينين ورئيس وزراء ورئيس جم....
كايتو:بس بس متنفعلش اوي وتعلي صوتك احسن تودينا في داهية امشي جنب الحيط واشتري المصري
وسؤال الي متي ستظل السوق المصرية تحت سيطرة السلع المصرية
كان معكم كايتو كيد في .............................تك تك
والان هل تؤيد رأي كايتو ام رأي ابو طويلة
