°ˆ~*¤®§(*§ اسئله واستفسارات في الـ Photoshop §*)§®¤*~ˆ°

اقتباس:

---

المشاركة الأصلية كتبت بواسطة hisoka406

السلام عليكم

عندي مشكلة بالفتوشوب

الإصدار التاسع

المشكلة هي أن عندما أريد ان أكتب بالعربي على صور

تنكتب الكلمة بأحرف متفرقة وبالعكس

كلمة(( السلام))

شوفُ كيف ظاهرة
http://www.as-arab.com/up/uploads/33b35cf2e8.jpg
:hmmm3: شو الحل:hmmm3:

_-_-_-_-_-_-_-_-_

---

اخوي بالنسبة لمشكلتك هذه كنت اعاني منها قبل

ولكن لما حملت اصدار جديد ومعرب انحلت المشكلة

انا اعتقد انا الاصدار مالك موب معرب فحمل اصدار ثاني

وتأكد انه معرب وتلاحظ مكتوب كلمة me وهذا معناته انه يدعم اللغة العربية ..

وسلام،
محبة الربيع

اقتباس:

---

المشاركة الأصلية كتبت بواسطة مارسيل

سؤال

كيف نعمل إطارين نحاف للصورة ... و بلونين مختلفين

:smug2:

وشكرا

---

.

×

.

افتحي الصورة اللي تبين تسويين الإيطار عليهاا ..

" واناا استخدمت صورة ممثل و مغني ياباني "


و عقب افتحي لير يديد ..

http://xs311.xs.to/xs311/07040/0.png


و بعدهاا باستخدام هاي الأداة ..

http://xs311.xs.to/xs311/07040/22.jpg


حددي على الصورة ..

http://xs311.xs.to/xs311/07040/222.png

و روحي لـ edit >> stroke

http://xs511.xs.to/xs511/07040/3.png

و بيطلعلج مربع ..

http://xs511.xs.to/xs511/07040/4444.png

اختاري اللون و الطول ..

" ولازم يكون أطول من الإيطار اللي بيكون ع الحواف " ..

و بعدها افتحي لير يديد .. و حددي ..

و روحي لـ edit >> stroke

وبيطلعلج مربع .. اختاري اللون و الطول ..

" ولا زم يكون الطول اصغر من الأيطار الأول "

http://xs511.xs.to/xs511/07040/5.png


و جي بتكون النتيجة ..

http://xs411.xs.to/xs411/07040/swahlcom_df2c.jpg

بس انتي تقدرين تغيرين فـ المقاس و الألوان .. ^^


و إن شاء الله تكونين فهمتي .. " تراني ما اعرف اشرح " ..

sweet candy ..

.

×

.

تسلمين أختي سويت كاندي على الشرح ... واضح و أسهل مما توقعت ... :smug2:

و تسلمين أختي نونو ... ما تقصرين ... الله يعطيكم العافية

:yes2:

و سويت تطبيق بسرعة ... و الحمد لله كل شي تمام

http://moozah.com/uploads/87f22d1dcc.png


الله يوفقكم يارب ... :smile2:

السلام عليكم..

انا عندي صورة وابي اصغرها بحيث ان تكون ابعاها 100X100 ويكون حجمها اقل عن 19 KB بحطها صورة شخصية ^____^

بس المشكلة اني غيرت ابعادها بس الحجم طلع 37 KB !!! اقدر اغير في الحجم ولا لا؟؟ واذا اقدر كيف؟؟

اقتباس:

---

المشاركة الأصلية كتبت بواسطة NoONoO

haibara ai

بخصوص الإطار العادي
بعد ماتنتهين من التصميم
اضغطي بالكيبورد على Ctrl+A
بتلاحظين ان اطراف العمل تحددت بنقط متحركة
بعدها روحي لـ Edit و اختاري stroke
بيطلعلج مربع تحطين فيه رقم سمك الإطار >>> العادي يكون 1 يعني مثل اللي بتوقيعي ^_^
وفيه خيار يقولج اختاري لون الإطار :yes3:

بعد ماتخلصين اضغطي اوكي
وعشان نشيل الحدود نضغط على Ctrl+D

على فكرة يوم بتختارين 1 ما بيكون واضح بالعمل لكنه بيكون واضح بالموقع ^_^

أما الإطار المسطح فما فهمت كيف يعني
^_^

---

مشكووووووووووووووووووووور ه حبيبتي على الشرح

ايطار مسطح (( على ما اعتقد هذا اسمه ههههه ))

نفسه هذا

http://www.up3rb.net/uploads/239ecf8937.gif

وشكرااااااااااا

اقتباس:

---

المشاركة الأصلية كتبت بواسطة kazomi

السلام عليكم..

انا عندي صورة وابي اصغرها بحيث ان تكون ابعاها 100X100 ويكون حجمها اقل عن 19 KB بحطها صورة شخصية ^____^

بس المشكلة اني غيرت ابعادها بس الحجم طلع 37 KB !!! اقدر اغير في الحجم ولا لا؟؟ واذا اقدر كيف؟؟

---

السلام عليكم،
اختي كازومي شوفي سوي رايت كليك عل ى الصورة نفسها وبظهر لش خيارات اختاري خيار image size اوكي وبعد ما تختارينه بيظهر لش بوكس مكتوب في اول واحد مقاس العرض والثاني الطول فانتي اكتبي فيهم الابعاد الي تبينها يعني اكتبي فيهم كلهم الطول والعرض 100 اوكي وبس واذا ما صار الي تبينه تأكدي اولا انش تشيلين العلامة من خيار اسمه constrain proportions عشان تقدرين تتحكمين في مقاسات الصورة :yes3: ..

واذا ما نفع معاش قولي لي ..

وسلام،
محبة الربيع

ممكن هذا السؤال عشانه مهم مهم مهم مرررررره بالنسبه لي وهو :
هل ممكن استخدم الفرشاء بالعكس ,,, يعني مثلا عندي فرشاه على شكل ورده تنظر لليمين وانا ابغا استخدمها وهي تنظر لليسار او العكس ولوكان ممكن فكيف ؟؟
وان شاء الله اكون عرفت اوضح سؤالي عشاني ما اعرف اشرح زيين :hmmm3:


ومشكووورين مقدما :yes2: ..
اختكم .. كايتو - كيتـــــو

اختي كازومي حجم الصوره لو كانت jpg غيريها الى JIF لكن الجوده بتنقص والحجم ينقص

سلام

اقتباس:

---

المشاركة الأصلية كتبت بواسطة kai2 - ki2

ممكن هذا السؤال عشانه مهم مهم مهم مرررررره بالنسبه لي وهو :
هل ممكن استخدم الفرشاء بالعكس ,,, يعني مثلا عندي فرشاه على شكل ورده تنظر لليمين وانا ابغا استخدمها وهي تنظر لليسار او العكس ولوكان ممكن فكيف ؟؟
وان شاء الله اكون عرفت اوضح سؤالي عشاني ما اعرف اشرح زيين :hmmm3:


ومشكووورين مقدما :yes2: ..
اختكم .. كايتو - كيتـــــو

---

أكيد أختي :yes2:
بعد ما تطبعين الفرشة على لير بروحه
ظللي طبقة هاللير ثم اذهبي لــ
Edit >> Transform >> Flip Horizontal
وبتلاحظين تغير اتجاه الصورة ^_^


وجربي الخيارات الثانية الموجودة في
Transform
بعضها يقلب الصورة عمودي أو 90ْ
وغيره ^_^

اقتباس:

---

المشاركة الأصلية كتبت بواسطة NoONoO

أكيد أختي :yes2:
بعد ما تطبعين الفرشة على لير بروحه
ظللي طبقة هاللير ثم اذهبي لــ
Edit >> Transform >> Flip Horizontal
وبتلاحظين تغير اتجاه الصورة ^_^

وجربي الخيارات الثانية الموجودة في
Transform
بعضها يقلب الصورة عمودي أو 90ْ
وغيره ^_^

---

تسلمييييييييييييييييييييي ين اختى نوونوو على هالطريقه الجمييييييييله والسههههههله ..
مشكوووووووووووره مشكوووووووووووووووووره وجزاك الله خير ..
ماقصـــــــــــرتِ ..

اختك .. كايتو - كيتــو

حبايبي جزاكم الله خير اللي عنده اي استفسار ياليت اول شي يراجع المشاركه الاولى لاني قمت ببعض التعديلات ....واللي ماحصل سؤاله حاضرين احنا يتفضل ويكتبه بس اول شي يتاكد ان السؤال مب متكرر ..

يعطيكم العافية ... ^.^

السلام عليكم،
مشكور اخوي The heartعلى الجهد الي سويته ..

وانا عندي سؤال انا محملة كثير اكشنات وما اعرف كيف اضيفهم للفتوشوب فممكن ارشادي لو سمحت

واسفة على الازعاج >_<

اختك،
محبة الربيع

اهلا اختي محبه الربيع...

تذكرت اني لم ادرج طريقة شرح حفظ التصميم بصيغه gif ><" اذا مازلتي تعانين من المشكله الى الان سوف ادرج الشرح بالصور .. عذرا لاني نسيت ^^!

طيب بالنسبه لسؤالك ..

طريقة سهله جدااا مثل ماتضيفي الفرشه والباترن وغيره .

تفضلي الشرح ...

http://www.m5zn.com/uploads/4a8a9c0455.jpg


تضغطين على السهم الصغير عشان تطلع القائمه وااختاري كما هو موضح ^^ ..

السلام عليكم،

ارجااااتو غوسايمس http://www.sweetim.com/simiebar/cont...s/000200BF.gif اخوي على الطريقة والحمدلله نفقعت معاي وبالنسبة لطريقة تخزين الجيف الحمدلله الاخت العزيزة جنو ما قصرت معاي علمتني طريقة سهلة ونفقعت معاي ومشكور على الاهمتام والمساعدة ..

اختك،
محبة الربيع

السلام عليكم ..

انا عندي مشكلة بسيطة .. كيف اركب الباترن في الفوتوشوب ؟؟ << لانه صورة الشرح مو راضية تطلع ..

وشكرا .. وشكر خاص ل The Heart عالموضوع المفيد واااااااااايد ..

بصراحة انا استفدت واااااااااااااايد من هالدروس .. شكرا

وعليكم السلام ^^


اختي السؤال موجود في الصفحه الاولى

:: ماهو الباترن؟ وطريقة تركيبة ::

وهذه الصوره اذا لم تظهر لك ..

http://www.l5s.net/uploads/cb958e0baf.gif

السلام عليكم ورحمة الله وبركاته

- ممكن اعرف ايش هو الاكشن ؟؟
- وايش يسوي ؟؟
- وكيف استخدمه ؟؟

اسئلتي طوييله بس لوسمحتوا جاوبوني لاني ما أعرفه ودائما اسمع عنه
ومشكووووووووورين مقدما ..

اختكم .. كايتو - كيـــتو

الاكشن بكل بساطه يسجل مجموعه من العمليات الي تقوم بها بالترتيب (باستخدام ازرار http://www.comteche.com/data/tutoria...LES/record.gif و http://www.comteche.com/data/tutoria...FILES/stop.gif ) بحيث يمكنك عملها مره ثانيه بنفس الطريقه و يعطيك نفس النتيجه و لو على اشكال مختلفه

و ملفات الاكشن الموجوده في الانترنت كثيره و كل ملف ببساطه هو تسجيل لعمليات فنيه معينه (احيانا معقده ) قام بها مصمم و اراد نشرها بدال (الدروس) و يمكن لاي احد يطبقها بمجرد اختيارها و الضغط على زر التشغيل http://www.comteche.com/data/tutoria...FILES/play.gif

وتجدين مجموعه كبيره من الاكشن متوفره في النت حمليها واحضريها للفوتوشوب ولتركيبها على التصميم اضغطي زر التشغيل ..

الشرح مبسط بس ان شاء الله اني قدرت اوصل المعلومه الصحيحه لك .. ^^

اقتباس:

---

المشاركة الأصلية كتبت بواسطة haibara ai

مشكووووووووووووووووووووور ه حبيبتي على الشرح

---

اقتباس:

---

المشاركة الأصلية كتبت بواسطة haibara ai

ايطار مسطح (( على ما اعتقد هذا اسمه ههههه ))

نفسه هذا

http://www.up3rb.net/uploads/239ecf8937.gif

وشكرااااااااااا

---

مادري إذا هذا اسمه والله خخخ >>> أصمم بدون ماعرف المفردات لووول

طبعاً هالطريقة تعتمد إذا كنتي مخلصة تصميم التوقيع ولا لا

أنا بشرح على أساس إنج ماصممتي التوقيع

يعني من البداية
:yes2:

نفتح عمل جديد وليكن بمقاس
380×180 بكسل
ولا ننسى نخلي الخلفية شفافة

http://www.arfa3.com/up/uploads/cdd6296da5.jpg

بعدها نرسم مستطيل بالأداة الموضحة بالصورة
http://www.arfa3.com/up/uploads/7065a98967.jpg

الحين نروح لـ
...Select >> Modify >> Smooth
بتطلعلنا نافذة نحط القيمة 8
ممكن نغير القيمة .. جربي مابتخسرين شي ^_^
http://www.arfa3.com/up/uploads/dada1c9271.jpg

بتلاحظين الأطراف تحدبت <<< هالمطلوب :D
لالا مانشيل التحديد ألحين
نروح لـ
Edit >> Stroke
نختار لون الإطار وسمكه
في الدرس اخترت 1 واللون الأسود << أحلى شي ^_^
طبعاً مابنلاحظ تغير شي لأن التحديد مغطي عالإطار
نكمل ولا نحاتي لوول

نعمل لير يديد مثل الصورة
http://www.arfa3.com/up/uploads/55a13bf509.jpg

بأداة الصبغ نلون المستطيل بأي لون نبي (خلفية التوقيع)
اخترت اللون الأبيض مثل ما هو موضح
http://www.arfa3.com/up/uploads/c75bbbc66c.jpg

وفي فايدة ثانية من المستطيل >>> شو هي؟ لوول
ممكن بالغلط نشيل التحديد بس هل هذي نهاية شغلنا؟ لا طبعاً لوول
نروم نرده بالضغط على Ctrl من لوحة المفاتيح وبنفس الوقت نضغط بالماوس على
طبقة الخلفية اللي لوناها

بعد ما لونا الخلفية نزينها بالفرش
والصور ^_^

وفي النهاية نشيل التحديد من الشغل بالضغط على لوحة المفاتيح
Ctrl + D

وممكن من الفوتوشوب نفسه بـ
Select >> Deselect

ولا تنسين ترفعين طبقة الإطار للأعلى
لأننا حددناه أول شيء
( يعني layer1 خليه فوق في بوكس الليرات)

ونحفظ العمل عادي
لكن نحول الصيغة لـ Gif
http://www.arfa3.com/up/uploads/c4a8c19313.jpg

النتيجة هدية لج ^_^

http://www.arfa3.com/up/uploads/e442656356.gif

http://www.arfa3.com/up/uploads/17f77436f9.gif

وإن شاءالله فهمتي الشرح :yes2:

وإذا الصورة مب طالعة خبريني
عشان أحملها على موقع ثاني

ههههههههههه

مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووووره على الشرح الرااااااااااااااااااااااااااااااااااااااااااااااا ااااااااااااااااااااااائع

وشكرا على التصميييييييييييييييييييم الكووووووووووووووووووووووووووووول الرووووووووووووووووووووووووووووووووووووووووووووووو وووووووووووووووووووووووووووووعه

عجبني وااااااااااااااااااااااااااااااااااااااااااااااااا ااااااااااااااااااايد لدرجه اني راح احطه توقيع :yes2:

هههههههههههههههههههههههه

شكرا والشكر مو كافي :hissyfit3: