رد: مسابقة التصوير [2] الجولة الثانية من الدور الأول! , ونستمر بقوة!! ~
هههههههههههه
طلعت من الدور الأول ^^
في البداية اشكر كل المتسابقين اللي دخلوا المسابقة وخاصة اللي كانوا معي بالجولة على صورهم الرائعة
اشكر أختي جآن على المسابقة وعلى جهودها الله يعطيها العافية ويوفقها لكل خير ..
الصراحة ورغم اني ما توقعت اخرج لكن بفضل الله ثم المسابقة حدثت لي احداث كثيرة وحلوة ولو راحت المسابقة وما بقي منها الا الذكريات والفوائد اللي استفدتها فهذا يكفي ويوفي
في البداية انا ما عندي كاميرا ولا حتى ديجيتال فيوم دخلت المسابقة دقيت على واحد من اصدقائي اللي اعزهم وطلبت منه كاميرته وقالي الكاميرا حقه العدسة حقها اعطاها لواحد من اصدقائه وصاحبي جزاه الله خير عطاني الكاميرا حقت اخوه الكبير بس جات مشكلة انه الكاميرا احترافية وهذا اولا وثانيا خوفي على الكاميرا لانه قيمتها بالآلاف والعدسة اللي مركبة عليها بكم ألف كمان وحقت اخوه بعد مو حقته لكن اخوه ما قصر وسمح لي استخدمها
وقعدت يومين كامله اجرب عليها واجرب خصائصها واتعلم عليها وبعد يومين قررت اصور وجاتني فكرة المسجد اللي على كورنيش جدة*
كلمت صاحبي وقلت له اني جاهز للتصوير وخلنا نطلع للبحر
وفي يومي الثلاثاء والأربعاء طلعنا مبكر بعد الفجر مباشرة للبحر والطلاب في آخر أيام اختباراتهم ^^ وكنت اصور المسجد هذا في عز الرطوبة والله ما كنت اشوف قزاز السيارة من الرطوبة خاصة في يوم الثلاثاء حتى والله عدسة الكاميرا ندت ( تجمع عليها الندى ) الموهيم صورت رغم انه الظروف مو مناسبة لانه كان المفروض اطلع مبكر قبل هذا الوقت يعني تكون الشمس اخف شوي وكنت انتظر يكون البحر صافي من الامواج ولو شوي عشان استخدم التثبيت فيبان البحر وكانه مثبت ( حريري )
في يوم الاربعاء حصلت صدفة اشكر المسابقة اللي جمعتني بها قابلت واحد هناك في البحر من الاصدقاء ما شفته من ايام ثاني ثانوي هو سافر امريكا مع اهله لانه ابوه اشتغل بالسفارة هناك ودرس *هناك وكله وطبعا صديقنا عزمته بعدين على سندوتش كبدة واستناسنا بالكلام معاه
الموهيم والاهم استفدت من المسابقة اشياء كثيرة منها اليومين اللي تعلمت فيها على الكاميرا كنت ابحث في النت وكل شوي اجرب بالكاميرا صورت اكثر من 100 صورة تجربة لخصائص الكاميرا ^^ وقابلت صديق عزيز لي عنه مدة وكله من طلعة البحر مع الفجرية ...
ولا انسى الفائدة الأهم تعلمت كيف اسوي اطار ^^ وشفت دروس كثير في الفوتو هذي الكم يوم ^^
يس يس والحين طلعت لكن الحمد لله على كل حال بالنسبة لنفسي راضي عن صورتي والملاحظات اللي ذكرت كلها في محلها ان شاء اللله ناخذ بها في المرات الجاية اعترف انه الوقت كان مو مناسب وانه السما طالعة زيادة وكان المفروض اقرب اكثر شوي لكن حصل خير وايضا الاطار ما اعرف اسوي الا هو وتوني متعلمه كمان* والله والخط اللي استخدمته احسه بيخ الصورة ^^
وبالنسبة اللي قالوا انه الصورة مهي واضحة المشكلة في مركز الرفع اللي رفعت عليه اظن والله اعلم انه بيخ الصورة ولا لصورة واضحة جدا جدا جدا والكاميرا اللي استخدمتها كاميرا احترافية وليست ديجيتال والأخت جآن عندها الأصل ...
نعلق على الصور بسرعة
الصورة الأولى
الصراحة الصورة روعة وجميلة والديكور روعة ما شاء الله من ستائر وكراسي وكلش ( حتى الوالد اعجبته الصورة ) لكن تفتقد الصورة للاحترافية لانه الصورة كانت مجرد تصوير لمكان حلو ورائع*
شكرا لــصاحبــ/ـة الصورة الرائعة والجميلة
الصورة الثانية
صورتي أنا ^^ انتم اللي تحكمون عليها*
بخصوص سؤال الأخت 2ad*
اقتباس:
-منظر راائع وجميل جدا .وتصوير مميز.>- اتمنى ان اعرف أين ؟
الصورة ملتقطة من كورنيش جدة وهذا المسجد على البحر الأحمر عندنا <<< هو عندكم بحر غيره ؟؟ ^..
الأخ ksa 22 *
اقتباس:
طبعا المسجد هذا مو غريب علي كأني شايفو قبل كذا
يس يس يا مان هو نفسه اللي انت تعرفه ^^ هههههههه
الصورة الثالثة*
أعجبتني الصورة وواضح الاحساس فيها والتأثير عليها كان رائع جدا ولو كنت اقدر اصوت كان صوت لها صراحة ...
الصورة الرابعة*
صورة ايمانية جميلة حقيقة وحسيت بالخشوع معها لكن احس شئ ناقصة رغم اني مو عارف اش هو لكن في الحقيقة جميلة جدا
الصورة الخامسة
العزل جميل والصورة روعة واتمنى اعرف وش هذي النبتة ؟؟ لكن مو هي ورود في الاصل ؟؟ لو كانت متفتحة لكانت احلى ... عموما وجهة نظر من شخص مو مصور حتى ^^
الصورة السادسة*
الفكرة حلوة وطريقة الكتابة حلوة ايضا لكن يعيبها الغبار الكثير وضوء الفلاش الساطع كانت ستكون اجمل اكثر من كذا ^^ لكن الصراحة الصورة سيئة من عدة نواحي ... لكن هذا لا يعني انها سيئة لانه فيه ناس كثير صوتوا لها ممكن شافوا شئ انا ما شفته ^^
الصورة السابعة*
استخدام الميكرو والصورة حلوة والاطار مناسب ما شاء الله تبارك الله لكن احس الصورة عادية قليلا ..
عموما هذي وجهة نظر من شخص مو مصور حتى ^^ لكن اتمنى تكون الصورة اللي صورتها عجبتكم وشكرياتي لمن صوت لي وان شاء الله في المسابقات الجاية نكون احسن من كذا
اخيرا ارتحت والله كنت متحمس ومشدود من المسابقة دعواتكم لي في الصيفي بعد الرسوب الكبير وبعد ما حولت من كليتي قررت آخذ صيفي مواد سهلة ارفع فيها المعدل دعواتكم
في النهاية اشكر كل المتسابقين اللي كانوا معاي في الجولة صور رائعة واثبتت انه مسومس ما شاء الله يضم مجمع مواهب من كل مكان
شكرا لكِ أختي جآن للمرة - ما ادري كم - على المسابقة والله يقويكِ ويعطيكي العافية وآسف على الازعاج اللي سببته
تمنيت شئ واحد انه تكون هناك لجنة تقييم بحيث انه يتم تحديد الفائز من خلال التصويت ومن خلال لجنة التقييم لانه التصويت يعيبه اشياء مثل المجاملات وكل انسان يصوت لصديقه ومن يعز عليه وغيرها لكن التقييم لو كان فيه ناس محترفين وقيموا الصور راح - نقطع الشك باليقين - *وتكون المسابقة حماس أكثر
شكرا لكم جميعا وآسف على الاطالة والسلام مسك الختام
في النهاية اهديكم صورة صورتها في نفس اليوم لمسجد التجار بجدة ^^ اتمنى تعجبكم
http://images.msoms-anime.net/images...1532376817.jpg
صاحبي يقول لو شاركت فيها كان فزت ^^ وش رايكم بالله ؟؟
رد: مسابقة التصوير [2] الجولة الثانية من الدور الأول! , ونستمر بقوة!! ~
الصورة حلوة كثير بس انت ما ضبط الكاميرا..؟!
يعني لو المسجد بس من غير حرف ذاك البناء كان بتطلع احلى
ويمضيك تفوز...!
هذا رأيي ؟!
تحياتي!
رد: مسابقة التصوير [2] الجولة الثانية من الدور الأول! , ونستمر بقوة!! ~
